وزیراعظم کا دفتر
وزیر اعظم نے ڈیلاویئر کے ولیمنگٹن میں امریکی صدر سے ملاقات کی
Posted On:
22 SEP 2024 2:02AM by PIB Delhi
وزیر اعظم جناب نریندر مودی نے آج ڈیلاویئر میں کواڈ سربراہ کانفرنس کے موقع پر امریکی صدر جناب جوزف بائیڈن سے ملاقات کی۔ ایک خصوصی خیرسگالی جذبہ کے تحت صدر بائیڈن نے ولیمنگٹن میں اپنے گھر پر میٹنگ کی میزبانی کی۔
وزیر اعظم نے بھارت-امریکہ شراکت داری کو تحریک دینے میں صدر بائیڈن کے بے مثال تعاون کے لیے ان کی تعریف کی۔ انہوں نے گرمجوشی سے جون 2023 میں اپنے سرکاری دورہ امریکہ اور صدر بائیڈن کے ستمبر 2023 میں جی-20 لیڈروں کے سربراہ اجلاس کے لیے بھارت کے دورے کو یاد کیا۔ وزیر اعظم نے کہا کہ ان دوروں نے بھارت-امریکہ کی شراکت داری کو زیادہ متحرک اور گہرائی فراہم کی ہے۔
وزیر اعظم نے زور دے کر کہا کہ بھارت اور امریکہ آج ایک جامع عالمی اسٹریٹجک شراکت داری سے لطف اندوز ہو رہے ہیں جو انسانی کوششوں کے تمام شعبوں مشترکہ جمہوری اقدار، باہمی مفادات اور عوام سے عوام کے متحرک تعلقات کا احاطہ کرتا ہے۔
دونوں رہنماؤں نے باہمی دلچسپی کے شعبوں میں دوطرفہ تعاون کو مزید بڑھانے کے طور طریقوں پر تبادلہ خیال کیا اور بھارت-بحرالکاہل خطے اور اس سے باہر سمیت عالمی اور علاقائی مسائل پر تبادلہ خیال کیا۔ انہوں نے تعلقات کی مضبوطی اور مسلسل استحکام پر اعتماد کا اظہار کیا اور دونوں ممالک کے درمیان انسانی کوششوں کے تمام شعبوں کے لیے اس کی اہمیت پر اعتماد ظاہر کیا۔
************
ش ح۔م ع۔ن ع
(U: 278)
(Release ID: 2057519)
Visitor Counter : 27
Read this release in:
Odia
,
English
,
Marathi
,
Hindi
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam