প্রধানমন্ত্রীগী লোইশঙ
মহাক্কী য়ুনাইতেদ স্তেৎস ওফ অমেরিকা খোঙচৎ মাংওইন্না প্রধান মন্ত্রীনা ফোঙদোকখিবা ৱারোল
Posted On:
21 SEP 2024 6:12AM by PIB Imphal
রাস্ত্রপতি বাইদেন্না য়ুম্বু ওইদুনা মহাক্কী পোক্নফম সহর ৱিলমিংতন্দা পাংথোক্কদৌরিবা ক্বাদ সম্মিৎ শরুক য়ানবা অমসুং ন্যুয়োর্কতা য়ু.এন জেনেরেল এশেমব্লিদা সম্মিৎ ওফ ফ্যুচরদা ৱা ঙাংনবা নুমিৎ হুম্নি য়ুনাইতেদ স্তেৎস ওফ অমেরিকাদা চৎনবা ঙসি ঐ খোঙশাল্লে।
ক্বাদ সম্মিৎতা ঐগী মরুপশিং রাস্ত্রপতি বাইদেন, প্রধান মন্ত্রী অলবানিস অমসুং প্রধান মন্ত্রী কিসিদা উনগনি হায়বগী থাজবা ঐনা থম্লি। ইন্দো-পেসিফিক লমদমদা শান্তি, চাউখৎপা অমসুং নুংঙাই-য়াইফবা পুরক্নবগীদমক ফোরম অসি ৱাখল মান্নবা লৈবাকশিংগী মরুওইবা কাংবু অমা ওইরে।
ঐনা রাস্ত্রপতি বাইদেনগা উনগদৌরিবা অসিনা ঐখোয়গী মীয়াম অমসুং মালেমগী য়াইফনবা ইন্দিয়া-য়ু.এস কমপ্রেহেন্সিপ গ্লোবেল স্ত্রাতেজিক পার্তনরশিপ মখা তানা ফগৎহন্নবা হন্না য়েংশিন্নবা অমসুং অনৌবা লম্বীশিং মশক খঙদোক্নবা ঐখোয়দা অয়াবা পীগনি।
লৈবাক অদুদা লৈরিবা ভারতমচাশিং উন্নবা অমসুং মালেমদা খ্বাইদগী চাউবা অমসুং খ্বাইদগী লীরবা গনতন্ত্র চৎপা লৈবাকশিংগী মরক্তা লৈনরিবা অখন্নবা মরীদা ইনোৎ পীরিবা অমসুং মরুওইবা মরীলৈনবশিং ওইরিবা শক্নাইরবা অমেরিকাগী ললোন-ইতিক্কী লুচিংবশিংগা উন্নবা ঐ খৌরাংনা ঙাইরি।
সম্মিৎ ওফ ফ্যুচর অসি মীওইবা খুন্নাইগী হেন্না য়াইফনবা মাঙদা উরিবা লম্বী শেম্নবা মালেমগী লৈবাকশিংগী খুদোংচাবা অমনি। মখোয়গী শান্তি ওইবা অমসুং অশোই-অঙাম লৈতবা তুংলমচৎ অমগীদমক মালেমগী অপুনবা মীশিংগী শরুক তরুক থোকপগী শরুক অমগী ৱাখল্লোনশিং ঐনা ফোঙদোক্কনি।
*****
(Release ID: 2057337)
Visitor Counter : 97
Read this release in:
Odia
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam