প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী কেবিনেতনা নেক্স জেনরেশন সেতলাইত লোঞ্চ ভেহিকল (NGLV)গী দেবেলপমেন্তকী অয়াবা পীখ্রে, মসিনা ভার্তিয়া অন্তরিক্স স্তেসন থমম্নবগী অমসুং চলাইনবগী সরকারগী ভিজন অমসুং ২০৫০ ফাওবদা থাদা ভারতকী ক্রু লেন্দিং তৌবা ঙম্নবগী মতিক লৈহন্নবগী মাইকৈদা য়াম্না চাউবা খোংথাং অমা ওইগনি। NGLVনা হৌজিক লৈরিবা পেলোদ কেপেবিলিতীগী শরুক অহুম হেনগনি লোইননা LVM3গা চাংদম্নবদা শেল চংবগী চাং অদুশু শরুক ১.৫ হন্থগনি অমসুং অমুক হন্না শিজিন্নবা য়াগনি, মরম অসিনা শেল য়াম্না চংদনা স্পেসকী এক্সেস ফংলগনি অমসুং মসিদা মোদ্যুলর গ্রীন প্রোপলসন সিস্তেম য়াওগনি।

অমৃত কালদা ভারতকী স্পেস প্রোগ্রামগী পান্দম অসিদা পেলোদ ৱাংবা অমসুং অমুক হন্না শিজিন্নবা য়াবা মথংগী জেনরেশনগী হ্যুমেন রেতেদ লোঞ্চ ভেহিকলশিং মথৌ তাগনি। মরম অদুনা নেক্স জেনরেশন লোঞ্চ ভেহিকল (NGLV)গী দেবেলপমেন্ত অসি পাইখৎখিবনি, মসিদা লো অর্থ ওর্বিত্তা তন ৩০গী পেলোদ পুবগী মতিক লৈগনি অমসুং অমুক হন্না শিজিন্নবা য়াবা ফর্স স্তেজ লৈনবা মওংদা শারগনি। হৌজিক ভারতনা হৌজিক হৌজিক মথৌ তৌরিবা PSLV, GSLV, LVM3 অমসুং SSLV লোঞ্চ ভেহিকলশিংগী খুত্থাংদা লো অর্থ ওর্বিত (LEO)দা তন ১০ অমসুং জিও-সীন্ক্রোনস ত্রান্সফর ওর্বিত (GTO)দা তন ৪ ফাওবগী সেতলাইতশিং থাগৎনবা স্পেস ত্রান্সপোর্তেসন সিস্তেমশিংদা মীপাল তাংদনা ইরোমদোম থাগৎচবা ঙম্লে।

NGLV দেবেলপমেন্ত প্রোজেক্ত অসি ভারতকী ইন্দস্ত্রীনা নম্না শরুক য়াহনবগা লোইননা ইমপ্লিমেন্ত তৌরগনি, মখোয়না হৌদোরকপদা মেন্যুফেকচরিং কেপাসিতীদা ইনভেস্তশু তৌরগনি, মসিনা দেবেলপমেন্তকী মখা পোন্না ওপরেস্নেল ফেজদা অথিংবা-অপনবা লৈতনা ত্রাঞ্জিশন তৌবা ঙমহল্লগনি। NGLV অসি দেবেলপমেন্ত ফেজ লোইশিন্নবগীদমক্তা থা ৯৬ (চহি ৮)গী তার্গেতকা লোইননা দেবেলপমেন্ত ফ্লাইত অহুম (D1, D2 & D3)গা লোইননা দেমোন্সত্রেত তৌরগনি।

পুন্না লুপা করোর ৮২৪০.০০ অয়াবা পীখ্রে অমসুং মসিদা দেবেলপমেন্ত কোস্তশিং, দেবেলপমেন্ত ফ্লাই্ত অহুম, ধঙাইফদনা চংবা ফেসিলিতী থম্বা, প্রগ্রাম মেনেজমেন্ত অমসুং লোঞ্চ কেমপেন য়াওরি।

ভার্তিয়া অন্তরিক্স স্তেসনগী মাইকৈদা খোং থাংজিনবা

NGLVগী দেবেলপমেন্ত অসিনা ভার্তিয়া অন্তরিক্স স্তেসনদা হ্যুমেন স্পেসফ্লাইত মিসনশিং, লৈবাক অসিগী স্পেস ইকোসিস্তেম পুম্বদা কান্নগদবা লো অর্থ ওর্বিত্তা কম্যুনিকেশন অমসুং অর্থ ওবজার্ভেশন সেতলাইত কনস্তেলেশনশিংগা লোইননা লুনার/ইন্তর-প্লানেতরী এক্সপ্লোরেসন মিসনশিং লোঞ্চ তৌবা য়াওনা নেস্নেল অমসুং কমর্সিয়েল মিসনশিং য়াহল্লগনি। মসিগী প্রোজেক্ত অসিনা কেপেবিলিতী অমসুং কেপাসিতীগী মতাংদা ভারতকী স্পেস ইকোসিস্তেমদা য়াম্না চাউনা ঈনোৎ হাপ্লগনি।

*****