جب وزیر اعظم نریندر مودی نے 2014 میں سوچھ بھارت مشن کا آغاز کیا تو بہت کم لوگ اس کے انقلابی  اثرات کی پیشین گوئی کر سکتے تھے۔ رویے میں تبدیلی کی کال کے طور پر جو چیز شروع ہوئی وہ ایک عالمی سطح پر تسلیم شدہ اقدام بن گئی ہے، جس سے بچوں کی اموات اور بیماریوں میں کمی آئی، لڑکیوں کے لیے اسکول میں حاضری میں اضافہ ہوا، خواتین کے خلاف جرائم میں کمی آئی، اور معاش کو بہتر بنایا گیا۔ جیسا کہ سوچھ بھارت مشن اپنی 10ویں سالگرہ منا رہا ہے، اس سال کی سوچھتا ہی سیوا (ایس ایچ ایس) 2024 مہم کا تھیم ’سوبھاو سوچھتا – سنسکار سوچھتا‘ ہے۔ جھنجھنو، راجستھان میں ایک میگا ایونٹ میں اس مہم کو قومی سطح پر شروع کیا گیا، جس میں مہمان خصوصی، نائب صدر جناب جگدیپ دھنکڑ، ہاؤسنگ اور شہری امور کے مرکزی وزیر، جناب ایم ایل کھٹر، راجستھان کے سماجی انصاف اور تفویض اختیارات کے وزیر  جناب اویناش گہلوت اور دیگر معززین موجود تھے۔

ایس ایچ ایس  2024 کے تین ستونوں کے تحت، ملک بھر میں 11 لاکھ سے زیادہ تقریبات کی منصوبہ بندی کی گئی ہے۔ تقریباً 5 لاکھ صفائی کے ہدف والے یونٹس-سوچھتا لکشیت ایکائی کی بڑے پیمانے پر صفائی مہم کے لیے شناخت کی گئی ہے۔ پندرہ دن کے دوران سوچھتا میں جن بھاگداری کے پروگراموں کی بھی منصوبہ بندی کی جارہی ہے۔ اب تک  ’’ایک پیڑ ماں کے نام ‘‘ کے تحت 36,000 درخت لگانے کی مہم کے پروگراموں کا منصوبہ بنایا گیا ہے۔ صفائی متر ملک بھر میں 70,000 سے زیادہ صفائی متر  سرکشا  شویروں میں حصہ لیں گے۔ شہری اس کو براہ راست ایس ایچ ایس پورٹل https://swachhatahiseva.gov.in/ پر ٹریک کر سکتے ہیں۔

پچھلی دہائی کے دوران، سوچھ بھارت مشن نے شہریوں، تنظیموں، ریاستی حکومتوں، مرکزی وزارتوں، غیر سرکاری تنظیموں، اور صنعتوں کی انتھک لگن کے ذریعے گاؤں اور شہروں کو تبدیل کیا ہے جس میں سبھی سوچھتا کے مشترکہ وژن کے ساتھ  متحد ہیں۔ ملک بھر میں، تقریباً 12 کروڑ خاندان جو پہلے محفوظ صفائی تک رسائی سے محروم تھے، اب انہیں بیت الخلاء فراہم کیے گئے ہیں۔

راجستھان کے جھنجھنو میں ایس ایچ ایس 2024 مہم کے آغاز کے ایک حصے کے طور پر، عزت مآب نائب صدر نے ملک بھر میں صفائی اور تبدیلی کے لیے 5 لاکھ سے زیادہ صفائی کے ہدف والے یونٹوں کی نشاندہی کی تعریف کی اور وسیع پیمانے پر شرکت کرنے   پر زور دیا۔ جناب  جگدیپ دھنکڑ نے موڈا پہاڑ میں 65 ٹی پی ڈی صلاحیت کے آر ڈی ایف اور کمپوسٹ پلانٹ کے مربوط پروجیکٹ کا سنگ بنیاد رکھا، جس کی مالیت 13.18 کروڑ روپے ہے،  سوچھ بھارت مشن – اربن کے تحت جھنجھنو کے لوگوں کے لیے وقف کیا ۔ باگڑ روڈ پر 500 کلو واٹ کے سولر پلانٹ کا بھی افتتاح کیا گیا۔

دن کا آغاز 200 سے زیادہ این سی سی کیڈٹس اور 100 میرا یووا (ایم وائی) بھارت کے رضاکاروں نے مرکزی وزیر ایم ایل کھٹر کے ساتھ جھنجھنو میں صفائی ٹارگٹ یونٹ (سی ٹی یو) سائٹ پر سوچھتا مہم میں شمولیت کے ساتھ کیا۔ اس کے بعد ’ایک پیڑ ما ں کے نام‘ مہم کے تحت درخت لگانے کی تقریب اور ایس ایچ ایس 2024 کے لیے لانچ ایونٹ کا انعقاد کیا گیا۔

اس موقع پر بات کرتے ہوئے  انہوں نے کہا، "ہندوستان سوچھتا کے جذبے کی ایک عالمی مثال بن گیا ہے، جو سرمایہ کاری اور مواقع کے لیے ایک  شاندار پسندیدہ مقام ہے۔ گردشی معیشت   پر زور دیتے ہوئے انہوں نے کہا کہ پہلے ہم کچرے میں گھومتے تھے، اب فضلہ معیشت میں گردشی نظام کو تقویت دے رہا ہے اور  بنیادی ڈھانچے کے تیزی سے اضافے میں سوچھتا کا اہم کردار ہے۔ عزت مآب نائب صدر نے ایم وائی بھارت پہل کی تعریف کی، جہاں تقریباً 1.5 کروڑ نوجوان وکست بھارت کے ویژن میں شامل ہونے کے لیے آگے آئے ہیں، انہوں نے نوجوانوں کو سوچھ بھارت تحریک میں شامل ہونے کی ترغیب دی۔ انہوں نے تمام شہریوں سے اپیل کی  کہ وہ وکست بھارت کے اس ترقیاتی سفر میں حصہ ڈالیں، خاص طور پر سوچھتا کے ذریعے۔

اپنے خطاب کے دوران، ، ہاؤسنگ اور شہری امور کی وزارت اور بجلی کی وزارت کے مرکزی وزیر ، جناب ایم ایل  کھٹر نے اس بات پر روشنی ڈالی کہ اس سال کی مہم نے انفرادی ذمہ داری پر زور دیتے ہوئے 'صفائی بطور سوبھاو اور سنسکار' کا موضوع اپنایا ہے۔ انہوں نے اس بات پر زور دیا کہ کامیابیوں کے ایک عشرے کو مناتے ہوئے اس مہم کا مقصد عالمی مثال قائم کرنا اور سوچھ بھارت سے وابستگی کا اعادہ کرنا ہے۔ ایس ایچ ایس مہم کی اہمیت پر زور دیتے ہوئے، انہوں نے ذکر کیا کہ متنوع جغرافیائی مقامات سے  تعلق رکھنے والے لاکھوں شہری سوچھتا شرمدان کی کارروائی میں شامل ہوں گے کیونکہ ایس بی ایم اپنے اگلے سنگ میل پر نظر رکھتا ہے۔

راجستھان میں ایس ایچ ایس 2024 رول آؤٹ ایونٹ میں، صفائی متر ، ایم ایل ایز، میئرز، حزب اختلاف  کے لیڈروں، اور میونسپل کمشنروں نے معزز نائب صدر کے ساتھ آن لائن بات چیت میں حصہ لیا۔ ایس ایچ ایس رول آؤٹ ایونٹ کی ایک اہم خاص بات ہندوستان کے عزت مآب  نائب صدر اور راجستھان کے پرتاپ گڑھ سے تعلق رکھنے والے ایک صفائی دوست ترون داورے کے درمیان بات چیت تھی جس کے دوران انہوں نے داورے خاندان کو نئی دہلی میں ان سے ملنے کی دعوت دی اور ساتھ ہی   جناب  ترون داورے کی بیٹی اور ایس ٹی سی کی دوسرے سال کی طالبہ پوروا داورے کو ایک ہفتہ  طویل انٹرن شپ کے  موقع کی پیشکش کی ۔ اسی طرح کے خیر سگالی  میں، عزت مآب نائب صدر نے لامبی آہیر گاؤں کی سرپنچ محترمہ نیرو یادو کو بھی بطور  اپنے مہمان ہندوستانی پارلیمنٹ آنے کی دعوت دی۔

تقریب کا اختتام عزت مآب نائب صدر کی طرف سے نمستے اسکیم کے تحت صفائی متروں کو اعزاز  دینے اور پی ایم اے وائی  کے فوائد اور ذاتی تحفظ کے سازوسامان اور کٹس پیش کرنے کے ساتھ ہوا۔ عزت مآب نائب صدر نے اس بات پر بھی زور دیا کہ اس مشن کے ہر سال میں کیے گئے کام کی مقدار میں تیزی سے اضافہ ہونا چاہیے، جو اب تک ایک دہائی میں کیے گئے کام کے برابر ہے۔

جھنجھنو میں نیشنل رول آؤٹ کے ساتھ پروگرام کی شروعات ہو گئی ہے۔ آج، 19 وزرائے اعلیٰ، 9 گورنرز، اور 16 مرکزی وزراء ملک بھر میں سرگرمیوں کے آغاز میں شامل ہوئے ہیں۔

****

(ش ح ۔ا ک۔ر ب)

U.No.06