केंद्रीय गृहमंत्री आणि सहकार मंत्री,अमित शहा यांनी म्हटले आहे की, पंतप्रधान  नरेंद्र मोदी यांच्या नेतृत्वाखाली सरकार शेतकऱ्यांना त्यांच्या पिकांना योग्य भाव मिळावा आणि त्यांना जास्तीत जास्त मूल्य मिळवता यावे यासाठी निर्यातीला चालना देत आहे.

‘एक्स’ या समाज माध्‍यमावरील एका पोस्टमध्ये अमित शहा यांनी नमूद केले की, शेतकऱ्यांचे कल्याण सर्वोपरी ठेवून मोदी सरकारने तीन महत्त्वाचे निर्णय घेतले आहेत:

1. मोदी सरकारने कांद्यावरील किमान निर्यात मूल्य (एमईपी) हटवण्याचा आणि निर्यात शुल्क 40% वरून 20% करण्याचा निर्णय घेतला आहे. यामुळे कांद्याची निर्यात वाढेल, परिणामी कांदा उत्पादक शेतकऱ्यांच्या उत्पन्नात वाढ होईल.

2. सरकारने बासमती तांदळावरील एमईपी काढून टाकण्याचा निर्णय घेतला आहे.  त्यामुळे बासमती तांदूळ उत्पादक शेतकरी निर्यात करू शकतील आणि जास्त नफा मिळवू शकतील.

3. याव्यतिरिक्त, मोदी सरकारने कच्चे पाम, सोयाबीन आणि सूर्यफूल तेलांच्या आयातीवरील शुल्क 12.5% वरून 32.5% आणि त्यांच्या शुद्ध तेलावरील शुल्क 13.75% वरून 35.75% पर्यंत वाढवण्याचा निर्णय घेतला आहे. यामुळे भारतीय सोयाबीन उत्पादक शेतकऱ्यांना त्यांच्या पिकांसाठी चांगला भाव मिळेल, यामुळे त्यांचे उत्पन्न वाढेल.

मोदी सरकार किसानों को उनकी फसल का उचित दाम दिलाने के लिए निर्यात को बढ़ा रही है, जिससे किसान अपनी फसल का अधिक से अधिक दाम प्राप्त कर पायें।

किसान हित सर्वोपरि रखते हुए मोदी सरकार ने तीन महत्वपूर्ण निर्णय लिए हैं:

1) मोदी सरकार ने प्याज पर न्यूनतम निर्यात मूल्य (MEP) हटाने और…

— Amit Shah (@AmitShah) September 14, 2024

***

N.Chitale/S.Bedekar/P.Kor

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com