امور داخلہ اور تعاون کے مركزی وزیر جناب امت شاہ نے کہا ہے کہ اس بات کو یقینی بنانے کے لیے کہ کسانوں کو ان کی فصلوں کی مناسب قیمت ملے، جس سے وہ اپنی پیداوار کی زیادہ سے زیادہ قیمت حاصل کر سکیں، وزیر اعظم جناب نریندر مودی کی قیادت میں حکومت برآمدات کو بڑھا رہی ہے۔

'ایكس' پلیٹ فارم پر ایک پوسٹ میں جناب امت شاہ نے لكھا ہے کہ کسانوں کی فلاح و بہبود کو سب سے مقدم رکھتے ہوئے مودی حکومت نے تین اہم فیصلے کیے ہیں:

1۔مودی حکومت نے پیاز پر کم سے کم برآمداتی قیمت  کو ختم كرنے اور برآمداتی ڈیوٹی کو 40 فیصدسے کم کر کے 20 فی صد کرنے کا فیصلہ کیا ہے۔ اس سے پیاز کی برآمدات میں اضافہ ہوگا، جس کے نتیجے میں پیاز پیدا کرنے والے کسانوں کی آمدنی بڑھے گی۔

2۔حکومت نے باسمتی چاول پر بھی کم سے کم برآمداتی قیمت کو ہٹانے کا فیصلہ کیا ہے، جس سے باسمتی چاول پیدا کرنے والے کسانوں کو برآمد کرنے اور زیادہ منافع کمانے کے قابل بنایا جائے گا۔

3۔علاوہ ازیں مودی حکومت نے خام کھجور، سویابین اور سورج مکھی کے تیل کی درآمد پر ڈیوٹی 12.5 فیصد ​​سے بڑھا کر 32.5 فیصد اور ان کے ریفائنڈ تیل پر 13.75فی صد سے بڑھا کر 35.75 فیصڈ کرنے کا فیصلہ کیا ہے۔ یہ اس بات کو یقینی بنائے گا کہ ہندوستانی سویا بین كے کاشتکاروں کو ان کی فصلوں کی بہتر قیمتیں ملیں اور ان کی آمدنی میں اضافہ ہو۔

*****

ش ح۔ع س۔س ا

U.No:10942