কেন্দ্রগী য়ুথ এফিয়র্স অমসুং স্পোর্তস অমসুং লেবরআ ঞসুং এমপ্লোইমেন্ত মন্ত্রী, দা. মন্সুখ মান্দৱিয়ানা ভারত শিনথুংনা লৈরিবা রিতায়র তৌরবা স্পোর্তসপর্সনশিংদা নৌনা হৌদোকপা “রেতায়র্দ স্পোর্তসপর্সন এমপাৱরমেন্ত ত্রেনিং” (RESET) প্রোগ্রামদা এপ্লাই তৌনবা অমসুং লৈবাক অসিগী স্পোর্তস ইকোসিস্তেমদা হকথেংননা শরুক য়াননবা হায়খ্রে। মসিগী অনৌবা থৌরাং অসি নেস্নেল স্পোর্তস দেগী থৌরমদা দা. মান্দৱিয়ানা হৌদোকখি।

সরকারনা লৌরিবা ফিরেপ অদুবু পল্লদুনা, দা. মান্দৱিয়ানা হায়খি, “RESET প্রোগ্রাম অসি মাইপাকপা কয়া অমা পুরক্তুনা লৈবাক অসিগী মিংচৎ পুরকখিবা অদুগুম্বা ঐখোয়গী রিতায়র তৌখ্রবা এথলেতশিংবু ইকাইখুম্নবীবা অমসুং পুক্নিং থৌগৎপীনবগী মাইকৈদা য়াম্না মরু ওইবা খোংথাং অমনি। ঐখোয়না রিতায়র তৌখ্রবা স্পোর্তসপর্সন পুম্নমক্তা অনৌবা স্কিলশিং দেবেলপ তৌনবা, স্পোর্তস কম্যুনিতীদা হকথেংননা শরুক য়াদুনা লৈনবা, অমসুং লৈবাক অসিগী স্পোর্তস লেগেসী লেপ্তনা শরুক য়ানবা মসিগী খুদোংচাবা অসি লৌনবা হায়রি।”

RESET প্রোগ্রাম অসি রিতায়র তৌখ্রবা এথলেতশিংবু মখোয়গী কেরিয়র শেমগৎপদা মতেং পাংনবা শেমখিবনি, মসিনা মীরোলশিংগী মরক্তা লৈরিবা গেপ অদুবু লৈহন্দনবা, রিতায়র তৌখ্রবা এথলেতশিংগী স্কিলশিং অমসুং এক্সপরিয়েন্স অদুনা নৌনা ইনখৎলক্লিবা স্পোর্তসতা থৱায় য়াওজবা নহাশিংদা কানহল্লগনি। দা. মান্দৱিয়ানা রিতায়র তৌখ্রবা এথলেতশিংবু  মতেং পাংনবা লৌরক্লিবা ফিরেপ অদুগী মতাংদা থাজবা পীরকখি, লোইননা মসিগীদমক্তা ওইবা অখন্নবা পোর্তল অদুগী খুত্থাংদা এপ্লাই তৌদুনা প্রোগ্রাম অসিগী প্রোগ্রাম অসিগী খুদোংচাবা লৌনবা হায়খি।

ইন্তর্নেস্নেল মেদলশিং লৌরকখ্রবা, ইন্তর্নেস্নেল ইভেন্তশিংদা শরুক য়ারকপা, নত্রগা নেস্নল নত্রগা স্তেতকী থাক্তা মশক খঙলবা চহি ২০-৫০ ফাওবগী মনুংদা লৈবা রিতায়র তৌখ্রবা এথলেতশিংগীদমক্তা খুদোংচাবা অসি পীরি, RESET প্রোগ্রাম অসি লক্সমিবাই নেস্নেল ইনস্তিত্যুত ওফ ফিজিকেল এজুকেশন (LNIPE)গা খুৎশম্নদুনা পাইখৎলগনি। মসিদা মশাগী মতুং ইন্না ওনলাইনগী খুত্থাংদা থমজবা, প্রক্তিকেল ত্রেনিং, অমসুং ইন্তর্নশিপ য়াওগনি, লোইন-লোইননা মসিবু মাইপাক্না লোইশিল্লবা মতুংদা প্লেসমেন্তকী মতেং পাংবা অমসুং এন্ত্রপ্রেনরগী মতাংদা লমজিং-লমতাকপীগনি।

RESET প্রোগ্রাম অসিগীদমক্তা এপ্লিকেশনশিং অদু https://lnipe.edu.in/resetprogram/ হায়রিবা ওর্তল অসিদা ফংবীগনি অমসুং নিংথিনা এভাল্যুৱেত তৌরবা মতুংদা কোর্স অদু হৌগনি।

মসিগী অনৌবা থৌরাং অসিনা রিতায়র তৌখ্রবা এথলেতশিংগী মপাল নাইদ্রবা এক্সপরিয়েন্স অদুগী কান্নবা লৌনবা অমসুং মসিগা লোইন-লোইননা তুংগী চেম্পিয়নশিংবু য়োকখৎপা অমসুং ভারত্তা স্পোর্তস চাউখৎহনবদা শরুক য়ানবগী পান্দম থম্লি।

অহেনবা ই-পাউগীদমক্তা: অসিদা ক্লিক তৌবীয়ু।

*****