প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা পাংথোকখিবা কেন্দ্রগী কেবিনেতনা আয়ুশমান ভারতপ প্রধান মন্ত্রী জন আরোগ্যা য়োজনা (AB PM-JAY)গী ফ্লেগশিপ স্কীম অসিগী মখাদা লৈরিবা ইনকম অদুগা মরি লৈনদনা  চহি ৭০ অমসুং অদুগী মথক্তা লৈবা সেনিয়র সিতিজনশিং পুম্নমক্তা হেল্থ কোভরেজ পীনবগী অয়াবা পীখ্রে।

মসিনা সেনিয়র সিতিজন করোর তরুক (৬)কী ইমুং চাউরাক্না করোর ৪.৫দা ইমুংগী ওইনা লুপা লাখ ৫গী হেল্থ ইন্সুরেন্স কোভর লেম্না ফংহন্নবগী পান্দম থম্লি।

পীরিবা অয়াবা অসিনা চহি ৭০ অমসুং মথক্কী সেনিয়র সিতিজনশিংনা মখোয়গী সোসিয়ো-ইকোনোমিক স্তেতস অদুগা মরি শুক্লৈ-লৈনদনা AB PM-JAYগী কান্নবা অসি লৌনবগীদমক্তা এলিজিবল ওইগনি। এলিজিবল ওইরবা সেনিয়র সিতিজনশিং অদুবু AB PM-JAYগী মখাদা অনৌবা অখন্নবা কার্দ অমা পীরগনি। AB PM-JAYগী মখাদা হান্নদগী কোভর তৌরবা ইমুংশিংগী চহি ৭০ শুরবা অমসুং হেল্লবা সেনিয়র সিতিজনশিংনা মশাগীদমক্তা চহ অমদা লুপা লাখ ৫ ফাওবগী অহেনবা তোপ-অপ কোভর ফংগনি (হায়রিবা অসি মখোয়না মখোয়গী ইমুংগী চহি ৭০ শুদ্রিবা অতোপ্পা মেম্বরশিং শিয়র তৌরোইদবনি)। চহি ৭০ শুরবা অমসুং হেল্লবা সেনিয়র সিতিজন পুম্নমক্না ইমুংগী ওইনা চহি অমগী লুপা লাখ ৫ ফাওবগী কোভর ফংগনি। অতোপ্পা পব্লিক হেল্থ ইন্সুরেন্স স্কীমশিং খুদম ওইনা সেন্ত্রেল গোবর্নমেন্ত হেল্থ স্কীম (CGHS), এক্স-সর্বিসমেন কন্ত্রিব্যুতরী হেল্থ স্কীম (ECHS), আয়ুশমান সেন্ত্রেল আর্মদ পুলিস ফোর্স (CAPF)কী খুদোংচাবশীং হান্নদগী ফংলিবা চহি ৭০ শুরবা অমসুং হেল্লবা সেনিয়র সিতিজনশিংনা মখোয়গী লৈরিবা স্কীম অদু খনবা নত্রগা AB PMJAYগীদমক্তা খনবা য়াই। প্রাইভেত হেল্থ ইন্সুরেন্স পোলিসীশিং নত্রগা এমপ্লোয়ীস স্তেত ইন্সুরেন্স স্কীমগী মখাদা লৈবা চহি ৭০ শুরবা অমসুং হেল্লবা সেনিয়র সিতিজনশিংনা AB PMJAYগী মখাদা খুদোংচবশিং লৌবা য়াগনি হায়না খঙহনখ্রে।

AB PM-JAY অসি মালেম অসিগী খ্বাইদগী চাউবা সরকারনা পুথোকপা হেল্থ ইন্সুরেন্স স্কীম্নি, মসিনা মীওই করোর ৫৫গী ইমুং করোর ১২.৩৪দা সেকেন্দরী অমসুং তরসরী কিয়র হোসপিতেলাইজেশনগীদমক্তা চহি অমগী ইমুং অমদা লুপা লাখ ৫গী হেল্থ কোভর পীরি। মসিগী খুদোংচাবা লৌবা য়ারবা ইমুংশিংনা মশাগী চহিগা মরি লৈনদনা স্কীম অসিগী মখাদা কোভর তৌই। স্কীম অসিনা নুপী বেনিফসরী চাদা ৪৯ য়াওনা হোসপিতাল এদমিসন করোর ৭.৩৭ কোভর তৌই। প্রজা মীয়াম্না স্কীম অসিগী মখাদা লুপা করোর লাখ ১গী মতক্তা কান্নখ্রে।

চহি ৭০ শুরবআ অমসুং হেল্লবা সেনিয়র সিতিজনশিংদা কোভর পীবা অসি মমাংদা ইকাইখুম্নরবা প্রধান মন্ত্রী, শ্রী নরেন্দ্র মোদীনা ২০২৪গী এপ্রিলদা লাউথোকখ্রে।

AB PM-JAY স্কীম অসিনা বেনিফিসরী বেজতা লেপ্তনা চাউথোরকখি। অহৌবদা, ভারতকী মীশিংগী খ্বাইদগী মখাদা লৈবা ৪০%না মপুং ওইবা লাইরবা অমসুং খ্বাইদগী শোত্থরবা ইমুং করোর ১০.৭৪বু স্কীম অসিগী মখাদা কোভর তৌখি। মতুংদা, ২০১১গী মীশিংগী মতুং ইন্না ভারতকী দেকেদ অমদা ১১.৭%গী চাংদা হেনগৎলক্লিবা মীশিং অদু য়েংলগা ভারত সরকারনা ২০২২গী জনুৱারীদা AB PM-JAYগী মখাদা লৈবা বেনিফিসরী বেজ অদু রিভাইস তৌরদুনা ইমুং করোর ১০.৭৪দগী ইমুং করোর ১২দা হেনগৎলকখি। স্কীম অসি লৈবাক অসিদা শিনথুংনা থবক তৌরিবা ASHA/AWW/AWH লাখ ৩৭ অমসুং মখোয়গী ইমুং-মনুংশিংদা লেম্না পীবা হেল্থকিয়র অসিগী কান্নবা ফংহন্নবা স্কীম অসি মখাতানা চাউথোরকখি। মিসন অসিবু খুমাং চাউশিনহন্দুনা, AB PM-JAYনা হৌজিক্তি লৈবাক শিনথুংনা চহি কাংলুপ ৭০ শুরবা অমসুং হেল্লবা সিতিজন খুদিংমক্তা লুপা লাখ ৫গী হেল্থকিয়র কোভরেজ লেম্না পীরগনি।

*****