Ka Tnat Kam Pohiing jong ka Sorkar Pdeng
Ai jingkren u Myntri Kam Pohiing bad Cooperation, Amit Shah ha ki jingrakhe ia ka sngi seng ba nyngkong ia ka I4C kum u Kongsan ha Vigyan Bhavan ha New Delhi, la plie paidbah ia ki sienjam ba kongsan ban iada na ka cyber crime
La plie paidbah ia ka sienjam jong u Myntri Rangbah duh Narendra Modi hapoh ka campaign Secured Cyber Space ka I4C ka la long u rishot ba khlain jong ka jingshngain ki kam internet ha ka ri mynta
Ki saw tylli ki sienjam ba kongsan jong ka ‘I4C’ ba la plie mynta ka sngi kin nohsynniang shikatdei ha ka jingiakhun pyrshah ia ki kam beain lyngba ka bor internet kiba kham khlain, kham biang bad kaba jop
Ka jingshngain ha ki kam internet kam kut tang ha ki kam digital hynrei kalong ka bynta ba kongsan jong ka jingshngain ka ri
Ym don kawei ka kynhun ba lah ban ban pynshngain ia ki kam cyber, baroh kiba don bynta ha ka kam ki donkam ban iatreilang ha kawei ka rynsan bad iatreilang na ka bynta kane
Ka jingsdang ia ka Suspect Registry ha ka ri bad pyniasoh ia ka ri bad ka kan iarap ban iada na ka cyber crime
Yn pynkhreh kumba 5 hajar ki Cyber Commando ha ki 5 snem
La pynkhreh baroh ki kam ain ban pynlong ia ka ri kaba shngain ha ki kam internet ha ki lai tylli ki ain ba thymm
Posted On:
10 SEP 2024 3:50PM by PIB Shillong
U Myntri Kam Pohiing bad Cooperation jong ka sorkar pdeng, Amit Shah u la ai jingkren ha ka jingrakhe ia sngi seng ba nyngkong ia ka Indian Cyber Crime Coordination Centre (I4C) kum u Kongsan ha Vigyan Bhavan ha New Delhi mynta ka sngi bad plie paidbah ia ki sienjam ba kongsan ban iada ia ki kam cyber crime. U Myntri Kam Pohiing u la aiti ia ka Cyber Fraud Mitigation Centre (CFMC) sha ka ri bad plie ia ka rynsan Samanvay (Joint Cyber Crime Investigation Facility System). U Amit Shah u la plie paidbah ruh ia ka prokram 'Cyber Commandos' bad Suspect Registry. U Myntri Kam Pohiingu la pyllait ruh ia ka logo ba thymmai, ka thong jong ka I4C. U Myntri Khynnah jong ka sorkar pdeng ba dei khmih ia ka Tnat Kam Pohiing, Bandi Sanjay Kumar, Union Home Secretary Govind Mohan, Director IB, Special Secretary (Internal Security), ki Chief Secretary bad ki Director General of Police/ki heh pulit jong ki Jylla /Union Territory, ki ophisar na ki kynhun sorkar bapher bapher, ki ophisar na ki bank bapher bapher/ ki financial intermediary, FinTech, Media, ki Cyber Commando, ki dkhot ka NCC bad NSS ki la iadonlang ha kane ka jingialang.
![Description: Description: https://static.pib.gov.in/WriteReadData/userfiles/image/image001BCSB.jpg](file:///C:\Users\ASUS\AppData\Local\Temp\msohtmlclip1\01\clip_image001.jpg)
Ha ka jingai jingkren, u Amit Shah u la ong ba la seng ia ka I4C ha u snem 2015 hapoh ka campaign ‘Safe Cyber Space’ ha ka sienjam jong u Myntri Rangbah duh Narendra Modi, naduh katei ka por ka la iaid shaphrang ban long u rishot ba khlain jong ka jingshngain ki kam internet ha ka ri. U la bynrap ba ha ki 9 snem ka jingiaid lynti naduh u 2015 haduh 2024, kane ka jing thmu ka la kylla sha ka sienjam bad hadien sha ka jingtreikam bad mynta ka iaid shaphrang ban long u rishot ba khraw ha ka jingshngain ki kam internet ha ka ri.
U Myntri Kam Pohiing u la ong ba ka roi ka par jong kano kano ka ri kam lah ban long khlem ka jingshngain ki kam internet. U la ong ba ka teknoloji ka pyni ba kalong ka jingkyrkhu ia ka jingim jong ki briew bad mynta la pyndonkam ia ka teknoloji ha baroh ki sienjam ba thymmai. U la ong ba ka jingkiew ka jingpyndonkam ia ka teknoloji ka pynmih ruh bun ki jingma bad dei namar kata ka jingshngain ha ki kam internet kam long shuh kaba kut tang ha ka kam digital hynrei ka la long ruh ka bynta ba kongsan jong ka jingshngain ha ka ri. U Shah u la ong ba ki rynsan kum ka I4C ki lah ban nohsynniang shikatdei ban tehlakam ia kum kine ki jingma. U la kyntu ia ka I4C ban bteng ka jingai jinghikai, ka jingiatreilang bad ki sienjam bad kito kiba don bynta ha kane ka kam. U Myntri Kam Pohiing u la ong ba kam don kano kano ka kynhun ba lah ban pynthikna marwei ia ka jingshngain ha ki kam cyber. Kane ka lah ban long tang haba kito kiba don bynta ha kane ka kam ki iawanlang ha kawei ka rynsan bad iaid shaphrang ha kajuh ka rukom bad ka lynti.
![Description: Description: https://static.pib.gov.in/WriteReadData/userfiles/image/image002CTLQ.jpg](file:///C:\Users\ASUS\AppData\Local\Temp\msohtmlclip1\01\clip_image002.jpg)
U Amit Shah u la ong ba la plie paidbah saw tylli ki rynsan internet jong ka I4C mynta ka sngi. U la ong ba ka Cyber Fraud Mitigation Centre (CFMC) kadei ka thong jong u Myntri rangbah duh Narendra Modi, ba la plie paidbah mynta ka sngi. U la ong lem bad kane, la plie paidbah ruh ia ka Cyber Commando, rynsan Samanvay bad ka Suspect Registry mynta ka sngi.
U Myntri Kam Pohiing u la ong ba ka ri kaba iar kum ka India, ban don la ka jong ka Cyber Suspect Registry na ka bynta man ka jylla kan nym long kaba biang namar ki jylla ki don la u jong u pud u sam hynrei ki runar kim don pud don sam. U la ong ba kalong kaba donkam ban sdang ia ka Suspect Registry ha ka ri bad pyniasoh ia ki jylla bad ka ban wanrah ia kawei ka rynsan ban iakhun ia ki kam cyber crime. U Shah u la bynrap ba kane ka sienjam kan iarap shibun ia ngi ban iada na ki kam cyber crime ha ki sngi ban wan.
U Amit Shah u la ong naduh mynta ka sngi, ka I4C ka la sdang ia ka jingai jinghikai ia ki paidbah. U la ong ba yn shim ia ki sienjam ban pynsted ia kane ka campaign lyngba palat 72 tylli ki TV channel, 190 tylli ki Radio FM channel, ki cinema hall bad kiwei kiwei ki rynsan ha ka ri. U la ong ba kane ka campaign kan nym lah ban long kaba jop tang lada ki lanot ki tip kumno ban kiar na ki kam beain lyngba ka bor internet. U Shah u la ong ba ka jingai jingtip shaphang ka cyber crime helpline 1930 bad kiwei kiwei ki rynsan jong ka I4C kin kyntiew ka jingpyndonkam ia ka bad iarap ia ngi ban lait na ki kam beain lyngba ka bor internet. U Myntri Kam Pohiing u la kyrpad ia baroh ki sorkar jylla ban iasnohkti bad kane ka campaign bad pynsaphriang jingtip ha ki shnong bad ki nongbah.
![Description: Description: https://static.pib.gov.in/WriteReadData/userfiles/image/image003SE5H.jpg](file:///C:\Users\ASUS\AppData\Local\Temp\msohtmlclip1\01\clip_image003.jpg)
U Myntri Kam Pohiing bad Cooperation jong ka sorkar pdeng u la ong ba la plie ia ka CFMC da ka jing thmu ban wanrah ia ki bank, ki jaka ba treikam ha ki kam pisa, ki kompani telecom, ki nongai jingshakri internet bad ki pulit ha kawei ka rynsan bad kane kan long ka rynsan kaba kongsan ban iada ia ki kam cyber crime ha ki sngi ban wan. U la ong ba ka CFMC kadei ban trei ban ithuh ia ki rukom treikam jong kito kiba leh ia ki kam cyber ba beain da kaba pyndonkam ia ka data ban tehlakam ia kane. U Shah u la ong ba hapoh ka prokram Cyber Commando, la buh thong ban pynkhreh kumba 5 hajar ki cyber commando ha ki 5 snem.
U Amit Shah u la ong ba ka ‘kamram ban iasam’ ha ka jaka ka ‘jingdonkam ban tip’ kalong kaba donkam bad na ka bynta kane ka rynsan Samanvay kalong kaba biang bha. U la bynrap ba ka rynsan Samanvay ka dei kaba la rah shakhmat da kaba treikam ha ka nongrim jong ka data bad kane ka dei ka jingpyrshang kaba nyngkong ha ka ri ban wanrah ia ka tyllong data ba lah ban iapyndonkam lang. U Myntri Kam Pohiing u la ong ba ki saw tylli ki sienjam ba la plie paidbah mynta ka sngi la shim lang da ka I4C bad ki pulit ha kylleng ka ri, kin nohsynniang shikatdei ban pynlong ia ka jingiakhun pyrshah ia ka cyber crime kaba kham khlain, kham biang bad kaba jop.
U Myntri Kam Pohiing u la ong ba ka jingdon kiba pyndonkam ia ka internet ha ka ri kalong 25 klur ha ka 31 tarik Lber 2014, kaba la kot 95 klur ha ka 31 tarik Lber 2024. U la ong ba namar ka jingkiew ka jingsted ban download bad ka jing duna dor, ka jingpyndonkam data ruh ka la kiew bha. U la ong ba mynshuwa ka jingpyndonkam ha ka average kalong 0.26 GB kaba la kiew da jan 78 sien sha ka 20.27 GB mynta. U Shah u la bynrap ba namar ka sienjam Digital India, bun ki kam ki la kylla online ha ka ri. U la ong ba 35 klur ki account Jan Dhan, 36 klur ki Rupay debit card, ki jingsiew jingdiah lyngba ki bor digital ki la kot T. 20 lak 64000 klur ha u 2024. U la ong ba 46% ki jingsiew jingdiah lyngba ki bor digital ha kylleng ka pyrthei ki dei kiba leh ha India mynta. U Myntri Kam Pohiing u la bynrap haba ki digital account bad ki jingsiew lyngba ki bor digital ki la kiew, ka jingdonkam ban iada na ki kam thok lyngba ki bor digital ruh ki la kiew bha.
U Amit Shah u la ong ba ha u 2014, tang 600 tylli ki panchayat ha ka ri ki la iasoh bad ka internet, katba mynta pat 2,13,000 tylli ki panchayat ki la iasoh bad ka internet. U la ong lyngba ka jingkiew ki jingsiew lyngba ki bor digital bad ka jingpyndonkam ia ka digital data, ka jingkitkhlieh ban iada na ki jingthok lyngba ki kam cyber ruh ka la kiew. U la ong ba ngi mad shibun ki jingeh kum ka jingdie ia ka data jong ki briew da kito kiba leh ia ki kam beain ha kam cyber, ka jingpyndik ia ki briew ha ka internet, ka jinglehbein ia ki longkmie bad ki khynnah, ki khubor thok bad ki tool kit, ki prokram pynsaphriang khubor thok bad wat mynta ruh, ngi hap ban leh shibun ki kam ban tehlakam ia kine.
U Myntri Kam pohiing u la ong ba ha ki lai tylli ki ain ba thymmai - Bharatiya Nyaya Sanhita (BNS), Bharatiya Nagrik Suraksha Sanhita (BNSS) bad Bharatiya Sakshya Adhiniyam (BSA) – la pynkhreh baroh ki kam ain ban pynlong ia ka ri jong ngi kaba shngain ha ki kam internet. U la ong ba lyngba ki sienjam ba bun ba iadei bad ka teknoloji, ki la kylla sha ki ain. U la ong ba la shim bun ki sienjam ban pynthikna ba ka jingtohkit kalong katkum ki jingstad science bad ban kyntiew ka jingle bha ia ki jingbuddien.
U Amit Shah u la ong ba ka I4C ka la leh ia ka kam kaba khraw ha ka jingiaid lynti jong ka kaba 9 snem ha ka por ba lyngkot hadien ba ka la long shi bynta jong ka Tnat Kam Pohiing jong ka sorkar pdeng . U la ong ba ka jingjop ba khraw jong ka I4C kadei ka national helpline number 1930 bad kadei ka jingkitkhlieh jong baroh ki sorkar jylla bad kito kiba don bynta ha ka kam ban kyntiew ia ka. U Myntri Kam Pohiing u la ai jingmut ban pynlong ia ki prokram ai jingtip ba ar taiew ban pynsaphriang ia u helpline 1930. U la ong ba baroh ki sorkar Jylla bad ka Tnat Kam Pohiing kidei ban shim ia ka sienjam bad pynlong ia ka prokram ai jingtip ba ar taiew hadien hynriew bnai. U Shah u la ong ba lada ka campaign ban pynsaphriang ia u helpline 1930 la pyniaid ha baroh ki rynsan, kumta ki lanot kin lait na ka jingshah thok bad kin long kiba shngain, kan pynsangeh mardor bad kan don ka jingsheptieng ha ki runar.
U Amit Shah u la ong ba haduh mynta ka I4C ka la pyllait palat 600 tylli ki jingbthah, ka la block bun ki website, ki social media page, ki mobile app bad ki account ba pyniaid da ki runar. U la ong ba la plie ia ka National Cyber Forensic Laboratory ha Delhi hapoh ka I4C. u Shah u la ong ba haduh mynta palat 1100 ngut ki ophisar ki la ioh jinghikai ha ki cyber forensic bad kane kalong ka prokram kaba kongsan tam jong ngi ban rah shakhmat ia ka campaign sha ki distrik bad ki tehsil.
![Description: Description: https://static.pib.gov.in/WriteReadData/userfiles/image/image004S3TE.jpg](file:///C:\Users\ASUS\AppData\Local\Temp\msohtmlclip1\01\clip_image004.jpg)
U Myntri Kam Pohiing u la ong da kaba buh jingmut ia ki jingujor ia ki kam beain lyngba ka bor internet, la thaw 7 tylli ki kynhun Joint Cyber Coordination ha Mewat, Jamtara, Ahmedabad, Hyderabad, Chandigarh, Visakhapatnam bad Guwahati bad ki la long kiba jop. U la ong ba ka I4C ka la sdang ia ka campaign ai jingtip ha ki social media bapher bapher hapoh ka Cyber Dost. U Shah u la ong lyngba kine ki sienjam baroh ngi la wanrah jingjop hynrei ki thong jong ngi ki dang jngai. U la ong ban kot sha ka thong, ngi hap ban pynkhreh kam kyrpang bad iaid shakhmat ha kane ka lynti.
Ka Cyber Fraud Mitigation Centre (CFMC): La sdang ia ka CFMC ha ka Indian cybercrime Coordination Centre (14C) ha New Delhi bad ki don ki dkhot na ki bank ba heh, ki Financial Intermediary, ki Payment Aggregator, ki nongai jingshakri telecom, ki IT Intermediariy bad ki kynhun pyntreikam ia ka ain na ki Jylla / UT. Kine kin iatreilang ban shim ia ki sienjam bad iatreilang ban tehlakam ia ki kam beain ba iadei bad ka pisa lyngba ka bor internet. Ka CFMC kan don kum ka nuksa jong ka ‘Jingiatreilang ka Sorkar Pdeng bad ki Sorkar Jylla’ ban pyntreikam ia ka ain.
Ka Rynsan Samanvay (Joint Cybercrime Investigation Facilitation System): Ka rynsan kadei ka module kaba don ha ka internet bad kan long kum ka One Stop Portal na ka bynta ka jingbuh ia ka data shaphang ka cyber crime, ka jingiasam ia ka data, ka jingpeit ia ki kam beain, ka jingpeit ia ka data, ka rynsan iatreilang na ka bynta ki kynhun ba pyntreikam ia ka ain na kylleng ka ri.
Ka Prokram 'Cyber Commandos': Hapoh kane ka prokram yn buh ia ka special wing jong ki 'Cyber Commandos' ba la ioh jinghikai pyntbit ha ki Jylla/UT bad ki Central Police Organization (CPO) ban iakhun ia ki jingma ha ki kam cyber ha ka ri. Ki Cyber Commando kiba la ioh jinghikai pyntbit kin iarap ia ki Jylla/UT bad ki Kynhun jong ka sorkar pdeng ban wanrah jingshngain ha ki kam digital.
Ka Suspect Registry: Kum shi bynta kane ka sienjam la shna ia ka Suspect Registry jong ki dak bapher bapher katkum ka National Cybercrime Reporting Portal (NCRP), ha ka jingiatreilang bad ki bank bad ki financial intermediary ban pynkhlain ia ka jinglah ban tehlakam ia ki kam thok pisa.
*****
(Release ID: 2053525)
Visitor Counter : 5
Read this release in:
English
,
Urdu
,
Nepali
,
Marathi
,
Manipuri
,
Assamese
,
Bengali-TR
,
Gujarati
,
Odia
,
Tamil
,
Kannada
,
Malayalam