য়ুমলৈ-কৈরৈ মন্ত্রালয়
কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা নই দিল্লীগী বিজ্ঞান ভবনদা অথোইবা মীথুংলেন ওইদুনা I4C গী অহানবা ফাউন্দেসন দেগী থৌরমদা ৱা ঙাংখ্রে, সাইবর ক্রাইম থিংনবা মরু ওইবা থৌশিলশিং হৌদোকখ্রে
সেক্যুর ওইবা সাইবর স্পেস কেম্পেন I4Cগী মখাদা প্রধান মন্ত্রী শ্রী নরেন্দ্র মোদীগী থৌশিল হৌদোকপা অসিনা ঙসি লৈবাক্কী সাইবর সেক্যুরিতীগী শক্তি লৈরবা য়ুম্বী অমা ওইখি
ঙসি হৌদোকখিবা ‘I4C’গী মরু ওইবা থৌশিল মরি অসিনা সাইবর ক্রাইমগী মায়োক্তা থেংনবদা হেন্না মপাঙ্গল কনবা, কান্নবা অমসুং মায়পাকপা ওইহনবদা চাউনা শরুক তমগনি
সাইবর সেক্যুরিতী অসি দিজিতেল ৱর্ল্দদা খক্তা নত্তে মসি নেস্নেল সেক্যুরিতীগী মরু ওইবা হীরম অমসুনি
ওর্গনাইজেসন নত্ত্রগা ইন্সতিত্যুসন অমত্তনা সাইবর স্পেস সেক্যুর তৌবা ঙমলোই, স্তেকহোল্দর পুম্নমক্না প্লেৎফোর্ম অমদা অমত্তা ওইনা পুনশিনবা অমসুং হীরম অসিগীদমক পুন্না থবক তৌবা মথৌ তাই
জাতিগী থাক্তা সস্পেক্ত রেজিস্ত্রী অমা শেম্বা অমসুং রাজ্যশিংবু মসিগা কন্নেক্ত তৌবনা সাইবর ক্রাইম থিংবদা মতেং পাংগনি
চহি 5 অসিদা সাইবর কম্মান্দো লিশিং 5 রোম শেম শাগনি
অনৌবা ক্রিমিনেল লো অহুমদা লৈবাক অসিদা সাইবর সেক্যুর ওইহন্নবা আইনগী ওইবা থৌরাং পুম্নমক পায়খৎলি
কেন্দ্রগী গৃহ মন্ত্রীনা সাইবর ফ্রোদ মিতিগেসন সেন্তর (CFMC) খুৎশিন্নখ্রে, সমন্যায় প্লেৎফোর্ম (জোইন্ত সাইবর ক্রাইম ইনভেস্তিগেসন ফেসিলিতেসন সিস্তেম), ‘সাইবর কম্মান্দোস’ প্রোগ্রাম অমসুং সস্পেক্ত রেজিস্ত্রী লোঞ্চ তৌখ্রে
Posted On:
10 SEP 2024 3:50PM by PIB Imphal
কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা ঙসি নই দিল্লীগী বিজ্ঞান ভবনদা ইন্দিয়ন সাইবর ক্রাইম কোওর্দিনেসন সেন্তর (I4C) গী অহানবা ফাউন্দেসন দে প্রোগ্রামদা অথোইবা মীথুংলেন ওইনা ৱা ঙাংখি অমসুং সাইবর ক্রাইম থিংনবা মরুওইবা থৌশিলশিং হৌদোকখি। গৃহ মন্ত্রীনা সাইবর ফ্রোদ মিতিগেসন সেন্তর (CFMC) লৈবাক মীয়ামদা কত্থোকখি অমসুং সমন্যায় প্লেৎফোর্ম (জোইন্ত সাইবর ক্রাইম ইনভেস্তিগেসন ফেসিলিতী সিস্তেম) হৌদোকখি। শ্রী অমিত শাহনা 'সাইবর কম্মান্দোস' প্রোগ্রাম অমসুং সস্পেক্ত রেজিস্ত্রীসু হৌদোকখি। কেন্দ্রগী গৃহ মন্ত্রীনা I4Cগী অনৌবা লোগো, ভিজন অমসুং মিসনসু লোঞ্চ তৌখি। থৌরম অদুদা কেন্দ্রগী গৃহ মন্ত্রালয়গী রাজ্য মন্ত্রী শ্রী বন্দি সঞ্জয় কুমার, কেন্দ্রগী হোম সেক্রেতরী শ্রী গোবিন্দ মোহন, দাইরেক্তর আই.বি., স্পেসিএল সেক্রেতরী (ইন্তর্নেল সেক্যুরিতী), তোঙান তোঙানবা রাজ্যশিং/য়ুনিয়ন তেরিতোরীশিংগী চীফ সেক্রেতরীশিং অমসুং পুলিসকী দিরেক্তর জেনরেলশিং/সেনিয়র পুলিস ওফিসরশিং, তোঙান তোঙানবা সরকারগী ওর্গনাইজেসনশিংগী ওফিসিএলশিং, তোঙান তোঙানবা বেঙ্কশিং/ফাইনান্সিএল ইন্তরমিদিয়রীশিংগী সেনিয়র ওফিসিএলশিং, ফিনতেক, মীদিয়া, সাইবর কমান্দোশিং, NCC অমসুং NSS কেদেৎশিংসু শরুক য়াখি।
![](https://static.pib.gov.in/WriteReadData/userfiles/image/image001BCSB.jpg)
মহাক্কী ৱারোলদা শ্রী অমিত শাহনা হায়খি মদুদি প্রধান মন্ত্রী শ্রী নরেন্দ্র মোদীগী থৌরাং মখাদা "সেফ সাইবর স্পেস" কেম্পেনগী মখাদা 2015দা I4C হৌদোকখি। মহাক্না মখা তাখি মদুদি 2015দগী 2024 ফাওবগী চহি 9গী খোঙচৎ অসিদা, ৱাখল্লোন অসি ইনিসিয়েতিব অমা ওইরকখি অমসুং মতুংদা ইন্সতিত্যুসন অমা ওইরকখি অমসুং হৌজিক্তি সাইবর সেক্যুর ইন্দিয়াগী অচৌবা য়ুম্বী অমা ওইনবগী মায়কৈদা চংশিল্লি।
কেন্দ্রগী গৃহ মন্ত্রীনা হায়খি সাইবর সেক্যুরিতী য়াওদনা লৈবাক অমা হেক্তগী চাউখৎপা ঙম্লোই। তেক্নোলোজীনা মীওইবগী পুন্সিদা নুংঙাইবা পোকহল্লি হায়না মহাক্না হায়খি অমসুং ঙসিদি অনৌবা থৌরাং পুম্নমক্তা তেক্নোলোজী অসি পাক-শন্না শীজিন্নরি। তেক্নোলোজী শীজিন্নবা হেনগৎলকপনা খুদোংথীবা কয়া অমসু থোকহল্লি অমসুং মসিনা মরম ওইদুনা সাইবর সেক্যুরিতী অসি দিজিতেলগী মালেম খক্তদা য়ুম্ফম ওইদ্রে, অদুবু মসিনা নেস্নেল সেক্যুরিতীগী মরুওইবা শরুক অমা ওইরক্লি হায়না মহাক্না হায়খি। শ্রী শাহনা হায়খি I4Cগুম্বা প্লেৎফোর্মশিংনা অসিগুম্বা খুদোংচাদবশিং অসি থেংনবদা অচৌবা থৌদাং লৌবা ঙম্মি। মহাক্না I4Cদা মরী লৈনবা স্তেকহোল্দরশিংগা লোয়ননা এৱেরনেস, কোওর্দিনেসন অমসুং জোইন্ত ইন্সত্রক্সনশিং মখা তানা তৌনবা হায়খি। গৃহ মন্ত্রীনা হায়খি মদুদি ইন্সতিত্যুসন অমত্তনা সাইবর স্পেসপু মশা মথন্তা ঙাকথোকপা ঙম্লোই। স্তেকহোল্দর কয়ানা মান্নবা প্লেৎফোর্ম অমদা লাকপা অমসুং মান্নবা থৌওং অমসুং লম্বীদা চংশিল্লকপা মতমদা খক্তনা মসি ওইথোকপা ঙমগনি।
![](https://static.pib.gov.in/WriteReadData/userfiles/image/image002CTLQ.jpg)
শ্রী অমিৎ শাহনা হায়খি মদুদি I4Cগী মরুওইবা সাইবর প্লেৎফোর্ম মরিসু ঙসি হৌদোকখ্রে। মহাক্না হায়খি সাইবর ফ্রোদ মিতিগেসন সেন্তর (CFMC) অসি প্রধান মন্ত্রী শ্রী নরেন্দ্র মোদীগী মীৎয়েং অমনি, মসি ঙসি হৌদোকখ্রে। মসিগা লোয়ননা, সাইবর কম্মান্দো, সমন্যায় প্লেৎফোর্ম অমসুং সস্পেক্ত রেজিস্ত্রীসু ঙসি হৌদোকখ্রে হায়না মহাক্না হায়খি।
কেন্দ্রগী গৃহ মন্ত্রীনা হায়খি মদুদি ভারত অসিগুম্লবা অচৌবা লৈবাক অসিদা রাজ্য খুদিংমক্তা তোঙানবা সাইবর সস্পেক্ত রেজিস্ত্রী অমা লৈবনা করিসু কান্নরোই মরমদি রাজ্যশিংগী মশাগী ঙমখৈ লৈরি অদুবু সাইবর ক্রিমিনেলশিংগীদি ঙমখৈ লৈতে। মহাক্না হায়খি মদুদি সাইবর ক্রাইম থেংননবা কমন প্লেৎফোর্ম অমা শেম্নবগীদমক্তা নেস্নেল লেভেলদা সস্পেক্ত রেজিস্ত্রী অমা শেম্বা অমসুং রাজ্যশিংগা শম্নহনবা অসি মতম অসিগী তঙাইফদবা অমনি। শ্রী শাহনা মখা তাখি মদুদি থৌরাং অসিনা লাক্কদৌরিবা নুমিৎশিংদা সাইবর ক্রাইমশিং থিংবদা ঐখোয়দা য়াম্না মতেং পাংগনি।
শ্রী অমিত শাহনা হায়খি ঙসিদগী I4Cনা মীয়ামদা খঙহন্নবা কেম্পেন অমা হৌরে। মহাক্না হায়খি মদুদি লৈবাক অসিদা TV চেনেল 72, রেদিও FM চেনেল 190, সিনেমা হোলশিং অমসুং অতোপ্পা প্লেৎফোর্ম কয়াগী খুত্থাংদা কেম্পেন অসি খুমাং চাওশিলহন্নবা হোৎনগনি। মহাক্না হায়খি মদুদি ভিক্তিম অদুনা সাইবর ক্রাইমদগী করম্না লাপথোক্কদগে হায়বা খঙদ্রবদি কেম্পেন অসি মায় পাকপা ঙম্লোই। শ্রী শাহনা হায়খি সাইবর ক্রাইম হেল্পলাইন 1930 অমসুং I4Cগী অতোপ্পা প্লেৎফোর্মশিংগী মতাংদা এৱেরনেস শেমগৎপনা মসিগী কান্নবা হেনগৎহনগনি অমসুং সাইবর ক্রাইমশিং থিংবদা মতেং পাংগনি। গৃহ মন্ত্রীনা রাজ্য সরকার পুম্নমকপু কেম্পেন অসিদা য়াওনবা অমসুং খুঙ্গং অমসুং সহরশিংদা এৱেরনেস শন্দোক্নবা হায়খি।
![](https://static.pib.gov.in/WriteReadData/userfiles/image/image003SE5H.jpg)
কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি CFMCসু বেঙ্কশিং, ফাইনান্সিএল ইন্সতিত্যুসনশিং, তেলিকোম কম্পনীশিং, ইন্তরনেত সর্বিস প্রোবাইদরশিং অমসুং পুলিসশিংবু প্লেৎফোর্ম অমখক্তদা পুরক্নবা ৱাখল্লোনগা লোয়ননা হৌদোকখ্রে। মসি লাক্কদৌরিবা নুমিৎশিংদা সাইবর ক্রাইম থিংনবা মরুওইবা প্লেৎফোর্ম অমা ওইরগনি। মহাক্না হায়খি CFMCনা তোঙান তোঙানবা দেতা শীজিন্নদুনা সাইবর ক্রাইমিনেলশিংগী মোদস ওপরেন্দী (MO) মশক খঙদোক্নবা অমসুং মসিবু থিংনবা থবক পায়খৎকদবনি। শ্রী শাহনা হায়খি সাইবর কম্মান্দো প্রোগ্রামগী মখাদা চহি 5দা সাইবর কম্মান্দো 5000 রোম শেমগৎনবা পান্দম থম্লে।
শ্রী অমিৎ শাহনা হায়খি মদুদি "তঙাইফদবা খঙবা"গী মহুত্তা "শিয়রিং তৌবগী দ্যুতী" অসি মতম অসিগী তঙাইফদবা অমনি অমসুং মসিগীদমক্তা সমন্যায় প্লেৎফোর্মদগী হেন্না ইফেক্তিব ওইবা অমত্তা লৈতে। মহাক্না মখা তাখি মদুদি সমন্যয় প্লেৎফোর্ম অসি দেতা-দ্রিভেন এপ্রোচ অমগা লোয়ননা মাংলোমদা চংশিল্লি অমসুং মসি লৈবাক অসিদা শরুক য়ামিন্নবা দেতা রিপোজিস্তরী অমা শেমগৎনবা অহানবা হোৎনবা অমনি। ঙসি হৌদোকখিবা খোঙথাং মরি অসি I4C অমসুং লৈবাক শিনবা থুংনা লৈরিবা পুলিসশিংনা পুন্না পায়খৎলি হায়না গৃহ মন্ত্রীনা হায়খি। মখোয়না সাইবর ক্রাইমগী মায়োক্তা লান্থেংনবদা য়াম্না চাউনা তেংবাংগনি।
কেন্দ্রগী গৃহ মন্ত্রীনা হায়খি মদুদি লৈবাক অসিদা ইন্তর্নেৎ শীজিন্নরিবশিংগী মশিং অসি 2014গী মার্চ 31দা করোর 25 ওইরম্মি, মসি 2024গী মার্চ 31দা করোর 95 ওইগনি। মহাক্না হায়খি মদুদি দাউনলোদিং স্পীদ হেনগৎলকপা অমসুং মমল হন্থরকপনা মরম ওইদুনা দেতা কঞ্জ্যুসনসু য়াম্না হেনগৎলে। মহাক্না হায়খি মদুদি মমাংদা চাংচত্তা শীজিন্নরম্বা অসি 0.26 গিগাবাইত ওইরম্মি, মসি ঙসিদি 20.27 গিগাবাইত ওইদুনা চাউরাক্না শরুক 78 হেনগৎখ্রে। শ্রী শাহনা হায়খি মদুদি দিজিতেল ইন্দিয়া ইনিসিয়েতিবকী মতুং ইন্না লৈবাক অসিদা ফেসিলিতী কয়া অমা ওনলাইন ওইরে। মহাক্না হায়খি মদুদি 2024 ফাওবদা জন ধন একাউন্ত করোর 35, রুপে দেবিৎ কার্দ করোর 36, লুপা করোর লাখ 20 অমসুং ত্রাঞ্জেক্সন করোর 64,000 দিজিতেলগী মওংদা পাংথোকখ্রে। ঙসিদি মালেমগী দিজিতেল ত্রাঞ্জেক্সন ভোল্যুমগী 46% ভারত্তা পাংথোক্লি হায়না মহাক্না হায়খি। দিজিতেল একাউন্তশিং অমসুং দিজিতেল ত্রাঞ্জেক্সনশিং হেনগৎলকপা মতমদা, দিজিতেল ফ্রেদতগী ঙাকথোক্নবগী তঙাইফদবা অদুসু হেনগৎলক্লি হায়না গৃহ মন্ত্রীনা মখা তাখি।শ্রী অমিৎ শাহনা হায়খি মদুদি 2014দা লৈবাক অসিগী পঞ্চায়ৎ 600 খক্তমক ইন্তর্নেৎকা শম্নরম্মি, অদুগা ঙসিদি পঞ্চায়ৎ 2,13,000 ইন্তর্নেৎকা শম্নরে। মহাক্না হায়খি মদুদি দিজিতেল ত্রাঞ্জেক্সন অমসুং দিজিতেল দেতা শীজিন্নবা হেনগৎলকপগা লোয়ননা সাইবর ফ্রোদতগী ঙাকথোক্নবা থৌদাংসু হেনগৎলক্লি। মহাক্না হায়খি মদুদি ঐখোয়না সাইবর ক্রাইমিনেলশিংনা মরুওইবা লন্নাইগী দেতাশিং য়োনবা, ওনলাইন হেরাসমেন্ত, নুপী অমসুং অঙাংশিংদা চৈথেং পীনবা, ফেক ন্যুজ অমসুং তুল কিৎশিং, অরানবা পাউ শন্দোকপগী কেম্পেনশিং অসিনচিংবা শীংনবশিংগী মায়োক্তা লেপ্লি অমসুং ঙসিসু ঐখোয়না মখোয়শিং অসি থেংননবা থবক কয়া পায়খৎপা মথৌ তাই।
কেন্দ্রগী গৃহ মন্ত্রীনা হায়খি মদুদি অনৌবা ক্রিমিনেল লো অহুম - ভারতীয় ন্যায় সনহিতা (BNS), ভারতীয় নাগরিক সুরক্ষা সনহিতা (BNSS) অমসুং ভারতীয় সক্ষ্যা আধানিয়াম (BSA) – অসিদা ঐখোয়গী লৈবাক অসি সাইবর সেক্যুর ওইহন্নবা আইনগী ওইবা থৌরাং পুম্নমক পায়খৎলে। তেক্নোলোজীনা লমজিংবা ইনিসিয়েতিব কয়াগী খুত্থাংদা, মখোয়বু লিগেল ফোর্ম অমা পীখ্রে হায়না মহাক্না হায়খি। মহাক্না হায়খি মদুদি থিজিন হুমজিনবগী থবকশিং অসি সাইন্তিফিক মেথদশিংদা য়ুম্ফম ওইহন্নবা অমসুং প্রোবগী ক্বালিতী হেনগৎহন্নবা হোৎনরি।
শ্রী অমিত শাহনা হায়খি মদুদি I4Cনা চহি 9গী খোঙচৎতা অমসুং গৃহ মন্ত্রালয়গী ওফিসিএল ওইবা শরুক অমা ওইরবা মতুং চহি অমরোমগী মনুংদা অচৌবা থবক অমা পাংথোকখ্রে। মহাক্না হায়খি I4Cগী খ্বাইদগী চাউবা এচিবমেন্ত অসি নেস্নেল হেল্পলাইন নম্বর 1930নি অমসুং মসি মীয়ামদা খঙহনবা অসি রাজ্য সরকার অমসুং স্তেকহোল্দর পুম্নমক্কী থৌদাংনি। গৃহ মন্ত্রীনা 1930 হেল্পলাইন অসি মীয়ামদা খঙহন্নবা চয়োল অনিগী ওইবা এৱেরনেসকী থৌরম অমা পাংথোক্নবা ৱাফম থমখি। মহাক্না হায়খি মদুদি রাজ্য সরকার পুম্নমক অমসুং গৃহ মন্ত্রালয়না খোঙথাং লৌগদবনি অমসুং থা তরুক্কী মতুংদা চয়োল অনিগী ওইনা এৱেরনেস অমা পাংথোক্কদবনি। শ্রী শাহনা হায়খি মদুদি করিগুম্বা 1930বু মীয়ামদা খঙহন্নবা কেম্পেন অসি প্লেৎফোর্ম পুম্নমক্তা অমুক্তা চত্থরবদি, ফ্রোদকী ভিক্তিমশিংদি তশেংনা সেফ ওইগনি, মদু অথুবা মতমদা লেপকনি অমসুং ফ্রোদস্তরশিংগী ৱাখলদা অকিবা অমা লৈরগনি।
শ্রী অমিত শাহনা হায়খি মদুদি হৌজিক ফাওবদা I4Cনা এদভাইজরী 600 হেন্না থোকখ্রে, সাইবর ক্রিমিনেলশিংনা চলাইরিবা ৱেবসাইতশিং, সোসিএল মীদিয়া পেজশিং, মোবাইল এপশিং অমসুং একাউন্তশিং ব্লোক তৌখ্রে। মহাক্না হায়খি I4Cগী মখাদা দিল্লীদা নেস্নেল সাইবর ফোরেন্সিক লেবোরেতরী অমসু লিংখৎখ্রে। শ্রী শাহনা হায়খি মদুদি হৌজিক ফাওবদা ওফিসর 1100 হেনবনা সাইবর ফোরেন্সিক্কী মতাংদা ত্রেনিং ফংখ্রে অমসুং মসিগী কেম্পেন অসি জিলা অমসুং তেহসিলদা য়ৌহন্নবা হায়বা অসি ঐখোয়গী য়াম্না মরু ওইবা অমসুং অচৌবা থৌরাংনি।
![](https://static.pib.gov.in/WriteReadData/userfiles/image/image004S3TE.jpg)
কেন্দ্রগী গৃহ মন্ত্রীনা হায়খি সাইবর ক্রাইমগী কমপ্লেন্তশিং অসি য়েংলগা, মেৱাৎ, জমতারা, অহমেদাবাদ, হায়দরাবাদ, চন্দীগর, বিশাখাপত্নম অমসুং গুৱাহাতিদা জোইন্ত সাইবর কোওর্দিনেসন তীম 7 শেমখ্রে অমসুং মখোয়না অফবা মহৈশিং ফংলে। মহাক্না হায়খি মদুদি I4Cনা সাইবর দোস্তকী মখাদা তোঙান তোঙানবা সোসিএল মীদিয়া হেন্দলশিংদা ইফেক্তিব ওইবা এৱেরনেস কেম্পেন অমা হৌদোকখ্রে। শ্রী শাহনা হায়খি মদুদি হোৎনরিবশিং অসিগা লোনয়না ঐখোয়না তশেংনা পান্দম অমদা য়ৌরে অদুবু ঐখোয়গী পান্দম অসিদি হৌজিক ফাওবা য়াম্না লাপ্না লৈরি। মহাক্না হায়খি মদুদি পান্দম অসি ফংনবগীদমক ঐখোয়না অশেংবা স্ত্রেতেজী অমা শেমগদবনি অমসুং ঐখোয়না অমত্তা ওইনা চপ মান্নবা মাইকৈদা চংশিনগদবনি।
সাইবর ফ্রোদ মিতিগেসন সেন্তর (CFMC): CFMC অসি ইন্দিয়ন সাইবর ক্রাইম কোওর্দিনেসন সেন্তর (14C) ন্যু দিল্লীদা মরুওইবা বেঙ্কশিং, ফাইনান্সিএল ইন্তরমিদিয়রীশিং, পেমেন্ত এগ্রিগেতরশিং, তেলিকোম সর্ভিস প্রোভাইদরশিং, আই.তি. ইন্তরমিদিয়রীশিং অমসুং রাজ্যশিং/য়ু.তি.শিংগী লো এনফোর্সমেন্ত এজেন্সীশিংগী মীহুৎশিংগা লোয়ননা লিংখৎখ্রে। মখোয়না ওনলাইন ফাইনান্সিএল ক্রাইম থেংননবা অথুবা মতমদা থবক পায়খৎনবা অমসুং পুন্না থবক তৌমিন্ননবা থবক পায়খৎকনি। CFMC না আইন চৎনহনবদা "কোওপরেতিব ফেদরেলিজম"গী খুদম অমা ওইগনি।
সমন্যায় প্লেৎফোর্ম (জোইন্ত সাইবর ক্রাইম ইনভেস্তিগেসন ফেসিলিতেসন সীস্তেম): প্লেৎফোর্ম অসি ৱেব-বেজ মোদ্যুল অমনি। মসিনা লৈবাক শিনবা থুংনা লো এনফোর্সমেন্ত এজেন্সীশিংগীদমক সাইবর ক্রাইম, দেতা শেয়রিং, ক্রাইম মেপ্পিং, দেতা এনালাইতিক্স, কোওপরেসন অমসুং কোওর্দিনেসন প্লেৎফোর্মগী দেতা রেপোজিস্তরীগীদমক ৱান স্তোপ পোর্তেল অমা ওইনা থবক তৌগনি।
'সাইবর কম্মান্দোস' প্রোগ্রাম: মসিগী প্রোগ্রাম অসিগী মখাদা লৈবাক অসিদা সাইবর সেক্যুরিতীগী থোংদা লাক্লিবা খুদোংচাদবশিং অসি থেংননবা রাজ্যশিং/য়ু.তি.শিং অমসুং সেন্ত্রেল পুলিস ওর্গনাইজেসনশিংদা ত্রেন তৌরবা 'সাইবর কম্মান্দোস'কী অখন্নবা ৱিং অমা লিংখৎকনি। ত্রেন তৌরবা সাইবর কম্মান্দোশিংনা দিজিতেল স্পেস অসি সেক্যুর তৌবদা রাজ্যশিং/য়ু.তি.শিং অমসুং সেন্ত্রেল এজেন্সীশিংদা মতেং পাংগনি।
সস্পেক্ত রেজিস্ত্রী: মসিগী খোঙথাং অসিগী শরুক অমা ওইনা, ফাইনান্সিএল ইকোসিস্তেমগী ফ্রোদ রিস্ক মেনেজমেন্ত কেপাসিতীশিং মপাঙ্গল কনখৎহন্নবা বেঙ্কশিং অমসুং ফাইনান্সিএল ইন্তরমিদিয়রীশিংগা খুৎশম্নদুনা নেস্নেল সাইবর ক্রাইম রিপোর্তিং পোর্তেল (NCRP) দা য়ুম্ফম ওইদুনা তোঙান তোঙানবা আইদেন্তিফায়রশিংগী সস্পেক্ত রেজিস্ত্রী অমা শেমগৎলি।
*****
(Release ID: 2053465)
Visitor Counter : 22
Read this release in:
Khasi
,
English
,
Urdu
,
Nepali
,
Marathi
,
Assamese
,
Bengali-TR
,
Gujarati
,
Odia
,
Tamil
,
Kannada
,
Malayalam