ৱাহৌদোক.

সেপ্তেম্বর 12, 2019দা প্রধান মন্ত্রী কিসান মানধন য়োজনা (PM-KMY) অসিনা লৈবাক শিনবা থুংবদা লৈরিবা লেন্দ-হোল্দিং স্মোল এন্দ মর্জিনেল ফার্মর (SMF) পুম্নমক্তা সোসিএল সেক্যুরিতী পীনবা হৌদোকখি।

ওল্দ এজ পেন্সন স্কিম অসি ভোলুন্তরি অমসুং কন্ত্রিব্যুস্নরি পেন্সন স্কিম অমনি। খোঙথাং অসিগী মখাদা, ইলিজিবল ওইবা স্মোল এন্দ মর্জিনেল ফার্মরশিংদা চহি তরামাথোই শুরবা মতুংদা থা খুদিংগী লুপা 3,000গী ফিক্স ওইবা পেন্সন পীরি। ক্বালিফাই তৌনবগীদমক্তা, লৌমীশিংনা কেন্দ্র সরকারদগী মান্নবা কন্ত্রিব্যুসনশিংগা লোয়ননা মখোয়গী থবক শুরিঙৈগী চহিশিংদা থা খুদিংগী পেন্সন ফন্দদা কন্ত্রিব্যুৎ তৌই।

লৌমীশিংদা মখোয়গী চহি য়াম্লবা মতমদা সেফতী নেৎ অমা পীনবগীদমক পুৱারী ওইরবা স্কিম অসিনা চহি মঙা মপুং ফারক্লে।

PM-KMY মায়পাক্না ইমপ্লিমেন্ত তৌবা

প্রধান মন্ত্রী কিসান মানধন য়োজনা (PM-KMY) গী মখাদা, স্মোল এন্দ মর্জিনেল ফার্মরশিংনা থাগী ওইনা পেন্সন ফন্দদা সবস্ক্রাইব তৌদুনা এনরোল তৌবা য়াগনি। চহি 18 অমসুং 40গী মরক্তা লৈবা লৌমীশিংনা মখোয়না চহি 60 শুরকপা ফাওবদা থা খুদিংগী লুপা 55দগী লুপা 200গী মরক্তা কন্ত্রিব্যুসন তৌবা মথৌ তাই।

মখোয়না চহি 60 হেক শুরবা মতুংদা, এনরোল তৌরবা লৌমীশিংনা স্কিম অসিগী এক্সক্লুজন ক্রাইতেরিয়া মপুং ফারবদি থা খুদিংগী লুপা 3,000গী পেন্সন ফংগনি। লাইফ ইন্সুরেন্স কোর্পোরেসন (LIC) না পেন্সন ফন্দ অসি মেনেজ তৌই অমসুং কম্মন সর্ভিস সেন্তরশিং (CSC) অমসুং রাজ্য সরকারশিংগী খুত্থাংদা বেনিফিসরী রেজিস্ত্রেসনগী থবকশিং পাংথোক্লি

ওগস্ত 1, 2019 ফাওবদা রাজ্য/য়ু.তি.শিংগী লমগী রেকোর্দশিংদা য়াওরিবা হেক্তর 2 ফাওবগী লৌউ-শিংউগী লম লৈবা লৌমী পুম্নমক স্কিম অসিগী মখাদা কান্নবা ফংনবগীদমক ইলিজিবল ওইগনি। 2024গী ওগস্ত 6 ফাওবদা, লৌমী লাখ 23.38না স্কিম অসিদা য়াওখ্রে[1]

স্কিম অসিগী মখাদা বিহারনা রেজিস্ত্রেসন লাখ 3.4 হেন্না তৌদুনা মকোক থোংরি অদুগা ঝারখন্দনা রেজিস্ত্রেসন লাখ 2.5 হেন্না তৌদুনা অনিশুবদা লৈরি।

মখা তানা, উত্তর প্রদেশ, ছত্তিসগর অমসুং ওরিশাদা মথংশিৎনা লৌমী রেজিস্ত্রেসন লাখ 2.5, লাখ 2 অমসুং লাখ 1.5 হেন্না লৈরি। মশিং য়াম্লবা রেজিস্ত্রেসন অসিনা রাজ্যশিং অসিদা মপাঙ্গল কন্না শীজিন্নবগী মওং উৎলি। মসিনা লৌমীশিংদা সোসিএল সেক্যুরিতী ফংহনবদা স্কিম অসিগী পাকথোক চাউথোকপা অমসুং শাফু অদু উৎলি। পাক-শন্না শরুক য়াবা অসিনা স্মোল এন্দ মর্জিনেল ফার্মরশিংগী মরক্তা PM-KMYগী খোঙথাং অসি এৱের্নেস অমসুং লৌখৎপা হেনগৎলক্লিবা অদু উৎলি।

PM-KMYগী মখাদা ফংলিবা মরু ওইবা  কান্নবশিং

• মিনিমম এস্যুর্দ পেন্সন: স্কিম অসিগী সবস্ক্রাইবর খুদিংমক্না চহি 60 শুরবা মতুংদা থা অমদা লুপা 3000গী মিনিমম পেন্সন ফংলগনি।
• ফেমিলী পেন্সন: করিগুম্বা সবস্ক্রাইবর অমনা মহাক্কী পেন্সন লৌরিঙৈদা লৈখিদ্রবদি, মহাক্কী লোয়নবী/ মপুরোইবা অদুনা সবস্ক্রাইবর অদুনা লৌরিবা শেনফম অদুগী চাদা 50গা মান্নবা ফেমিলী পেন্সন লৌবগী হক লৈগনি। ফেমিলি পেন্সন ওইনা থা অমদা লুপা 1500 পীগনি। মসি করিগুম্বা লোয়নবী অদু স্কিম অসিগী বেনিফিসরি অমা ওইদ্রবদা খক্তদা চৎনবা য়াগনি। ইমুংগী পেন্সনগী বেনিফিসরি অসি লোয়নবী/ মপুরোইবা অমখক্তনা ফংগনি।
• PM-KISANগী কান্নবা: SMF শিংনা স্কিম অসিদা ভোলুন্তরি কন্ত্রিব্যুসনশিং পীনবা মখোয়গী PM-KISANগী কান্নবশিং লৌবা য়াগনি। মসিগীদমক্তা, ইলিজিবল ওইরবা SMFশিংনা এনরোলমেন্ত-কুম-ওতো-দেবিত-মেন্দেত ফোর্ম অমা সাইন তৌগদবনি অমসুং সবমিৎ তৌগদবনি। মসিনা মখোয়গী PM-KISAN কান্নবশিং ক্রেদিৎ তৌরিবা বেঙ্ক একাউন্তদগী মখোয়গী কন্ত্রিব্যুসনশিং ওতোমেতিক দেবিৎ তৌবগী অয়াবা পীগনি।
• সরকারনা চপ মান্নবা কন্ত্রিব্যুসন তৌবা: কেন্দ্র সরকারনা, এগ্রিকলচর কোওপরেসন অমসুং ফার্মরস ৱেলফেয়র দিপার্তমেন্তকী খুত্থাংদা, ইলিজিবল ওইবা সবস্ক্রাইবরনা পেনসন ফন্দদা কন্ত্রিব্যুসন তৌবগী চপ মান্নবা শেনফম অমা কন্ত্রিব্যুসন তৌই।
• থাগী কন্ত্রিব্যুসন: কন্ত্রিব্যুসন চার্তকী মতুং ইন্না স্কিম অসিদা এন্ত্রি তৌবগী মতমদা লৌমীগী চহিদা য়ুম্ফম ওইদুনা থাগী কন্ত্রিব্যুসন অসি লুপা 55দগী লুপা 200 ফাওবা ওইগনি।

Entry Age-Specific Monthly Contribution Chart

এনরোলমেন্ত তৌবগী থৌওং

স্কিম অসিদা এনরোল তৌনবগীদমক, ইলিজিবল ওইবা লৌমীশিংনা খ্বাইদগী নকপা কম্মন সর্বিস সেন্তর (CSC) দা চৎকদবনি নৎত্রগা রাজ্য নৎত্রগা য়ু.তি.না এপোইন্ত তৌববা নোদেল ওফিসর(PM-KISAN)দা পাউ ফাওবীগদবনি। রেজিস্ত্রেসন অসি স্কিম অসিগী ওফিসিএল ৱেব পোর্তেল www.pmkmy.gov.inদা তৌদুনা মপুং ফাহনবসু য়াগনি।

বেনিফিসরি অদুনা রেজিস্ত্রেসন তৌবা মতমদা মখাগী ইনফোর্মেসন অসি পীগনি:

● লৌমীগী/লোইনবী/মপুরোইবগী মমিং অমসুং পোকপগী তাং

● বেঙ্ক একাউন্ত নম্বর

● IFSC/ MICR কোদ

● মোবাইল নম্বর

● আধার নম্বর

পেন্সন স্কিম তোকপা

ৱারোইশিন

চহি মঙাগী মনুংদা PM-KMY না ভারত শিনবা থুংনা লৈরিবা স্মোল এন্দ মর্জিনেল ফার্মরশিং (SMF) চাউনা শক্তি পীখি। PM-KMYগী মরুওইবা মায়পাকপশিংগী মরক্তগী অমা হায়রগদি লৌমীশিংদা ফাইনান্সিএল স্তেবিলিতী পীবদা মাগী থৌদাং অদুনি। লৌউ-শিংউগী মতমগী মতুং ইন্না অমসুং ইনকম হোংলকপনা মরম ওইদুনা মখোয়গী মরক্তা অয়াম্বনা তুংলমচৎকী মতাংদা থোইদোক্না তম্বা ঙমদবা ফীভম অমা লৈ।

মখোয়গী রিতায়রমেন্ত চহিশিংগীদমক পেন্সন অমা ফংহন্দুনা, স্কিম অসিনা খুঙ্গংগী মীয়ামগীদমক্তা সোসিএল সেক্যুরিতীগী মতাংদা অচৌবা অহোবা অমা কোকহল্লে। হৌখিবা চহি মঙা অসিদা মসিগী মায় পাকপা অসিনা লৈবাক অসিগী "অন্নদাতা"গী পুন্সি মহিং হেনগৎহনবদা মসিগী মরুওইবা থৌদাং অদু ময়েক শেংনা তাক্লি।

রিফরেন্সশিং

https://sansad.in/getFile/loksabhaquestions/annex/182/AU2460_7AgQm0.pdf?source=pqals
https://pmkmy.gov.in/scheme/pmkmy
https://cish.icar.gov.in/hindi/event_page.php?a=Launch
https://pmkmy.gov.in/
https://pmkisan.gov.in/Documents/PM-KMY%20-%20Salient%20Features.pdf
https://static.pib.gov.in/WriteReadData/specificdocs/documents/2022/jan/doc20221185101.pdf
https://maandhan.in/maandhan/summary
https://pmkisan.gov.in/Documents/PM-KMY%20-%20Operational%20Guidelines.pdf

PDF য়েংনবা মসিদা নম্বীয়ু।

*****