تعارف:

12 ستمبر، 2019 کو شروع کی گئی، پردھان منتری کسان ماندھن یوجنا (پی ایم-کے ایم وائی)  ملک بھر میں تمام زمیندار چھوٹے اور معمولی کسانوں (ایس ایم ایف ایس) کو سماجی تحفظ فراہم کر رہی ہے۔

یہ بڑھاپے کی پنشن اسکیم ایک رضاکارانہ اور معاون پنشن اسکیم ہے۔ اس پہل کے تحت، اہل چھوٹے اور معمولی کسانوں کو ساٹھ سال کی عمر کو پہنچنے کے بعد 3,000روپے کی مقررہ ماہانہ پنشن دی جاتی ہے۔  اہل ہونے کے لیے، کسان اپنے کام کے سالوں کے دوران پنشن فنڈ میں مرکزی حکومت کی طرف سے مماثل شراکت کے ساتھ ماہانہ حصہ ڈالتے ہیں۔

کسانوں کو ان کے بڑھاپے میں حفاظتی جال فراہم کرنے کی اس تاریخی اسکیم نے اپنے نفاذ کے پانچ سال مکمل کر لیے ہیں۔

پی ایم-کے ایم وائی  کا کامیاب نفاذ

پردھان منتری کسان ماندھن یوجنا (پی ایم-کے ایم وائی) کے تحت، چھوٹے اور معمولی کسان پنشن فنڈ میں ماہانہ رکنیت ادا کر کے اندراج کر سکتے ہیں۔ 18 سے 40 سال کی عمر کے کسانوں کو جب تک وہ 60 سال کے نہ ہو جائیں، ماہانہ 55 سے 200  روپے فی مہینہ حصہ ڈالنے کی ضرورت ہے۔

ایک بار جب وہ 60 سال کی عمر تک پہنچ جاتے ہیں، رجسٹرڈ کسانوں کو  3,000روپے ماہانہ پنشن ملتی ہے ، بشرطیکہ وہ اسکیم کے اخراج کے معیار پر پورا اتریں۔ لائف انشورنس کارپوریشن(ایل آئی سی) پنشن فنڈ کا انتظام کرتی ہے، اور  مشترکہ خدمات مراکز (سی ایس سیز) اور ریاستی حکومتوں کے ذریعے فائدہ اٹھانے والوں کے رجسٹریشن کی سہولت فراہم کی جاتی ہے۔

2 ہیکٹر تک قابل کاشت اراضی رکھنے والے اور یکم اگست 2019 تک ریاستی/مرکز کے زیر انتظام علاقوں کو  زمینی ریکارڈ میں درج تمام کسان اس اسکیم کے تحت فوائد کے اہل ہیں۔ 6 اگست 2024 تک، کل 23.38 لاکھ کسان اس اسکیم میں شامل ہوئے ہیں۔

اسکیم کے تحت، بہار 3.4 لاکھ سے زیادہ اندراج کے ساتھ سب سے آگے ہے جبکہ جھارکھنڈ 2.5 لاکھ سے زیادہ اندراج کے ساتھ دوسرے مقام  پر ہے۔

اس کے علاوہ، اتر پردیش، چھتیس گڑھ اور اڈیشہ میں بالترتیب 2.5 لاکھ، 2 لاکھ، اور 1.5 لاکھ کسانوں کے رجسٹریشن ہیں۔ بڑی تعداد میں اندراج کا یہ عمل  ان ریاستوں میں مضبوط جذبے کی عکاسی کرتا ہے اور کسانوں کو سماجی تحفظ فراہم کرنے میں اسکیم کی رسائی اور اثر کو نمایاں کرتا ہے۔ وسیع پیمانے پر شرکت چھوٹے اور پسماندہ کسانوں میں پی ایم-کے ایم وائی پہل کی بڑھتی ہوئی بیداری اور اپنانے کی بھی نشاندہی کرتی ہے۔

پی ایم-کے ایم وائی کے تحت کلیدی فوائد

کم از کم یقینی پنشن: اسکیم کے ہر صارف کو 60 سال کی عمر کو پہنچنے پر کم از کم پنشن 3000 روپے ماہانہ کی ضمانت دی جاتی ہے۔

فیملی پنشن: اگر کوئی صارف اپنی پنشن وصول کرتے ہوئے فوت ہو جاتا ہے، تو اس کی شریک حیات اس رقم کے 50فیصد کے برابر یعنی 1500 روپے ماہانہ فیملی پنشن کے طور پر فیملی پنشن کا حقدار ہو گی جو صارف وصول کر رہا تھا یہ صرف اس صورت میں لاگو ہوتا ہے جب شریک حیات پہلے سے ہی اسکیم کی مستفید نہ ہو۔ فیملی پنشن کا فائدہ صرف شریک حیات کے لیے ہے۔

پی ایم کسان کے فوائد:ایس ایم ایف ایس  اسکیم میں رضاکارانہ تعاون کرنے کے لیے اپنے پی ایم-کسان فوائد کو استعمال کرنے کا انتخاب کر سکتے ہیں۔ اس کے لیے، اہل ایس ایم ایف ایس  کو ایک اندراج-کم-آٹو-ڈیبٹ-مینڈیٹ فارم پر دستخط کرکے جمع کرانا ہوگا۔ یہ ان کے تعاون کے خودکار ڈیبٹ کی اجازت دے گا بینک اکاؤنٹ سے جہاں ان کے پی ایم-کسان فوائد جمع ہوتے ہیں۔

حکومت کی طرف سے مساوی شراکت: مرکزی حکومت، محکمہ زراعت اور کسانوں کی بہبود کے ذریعے، پنشن فنڈ میں بھی اہل سبسکرائبر کی طرف سے دی گئی رقم کے برابر حصہ ڈالتی ہے۔

اسکیم میں داخلے کے وقت کسان کی عمر کی بنیاد پر ماہانہ تعاون: ماہانہ تعاون 55 روپے سے  200  روپے کے درمیان ہے ۔  

داخلہ عمر کے ساتھ مخصوص ماہانہ تعاون کا چارٹ

اندراج کا عمل

اسکیم میں اندراج کرنے کے لیے، اہل کسانوں کو قریب ترین مشترکہ خدمات مرکز(سی ایس سی) کا دورہ کرنا ہوگا یا ریاست یا مرکز کے زیر انتظام علاقوں کی حکومتوں کے ذریعہ مقرر کردہ نوڈل آفیسر(پی ایم-کسان) سے رابطہ کرنا ہوگا۔ اسکیم کے لئے اندراج کا عمل  اسکیم کے آفیشل ویب پورٹل www.pmkmy.gov.in کے ذریعے بھی مکمل کیا جاسکتا ہے۔

 اسکیم سے فائدہ اٹھانے والا شخص اندراج  کے وقت درج ذیل معلومات فراہم کرے گا:

● کسان / شریک حیات کا نام اور تاریخ پیدائش

● بینک اکاؤنٹ نمبر

●  ایم آئی سی آر/آئی ایف ایس سی کوڈ

● موبائل نمبر

● آدھار نمبر

نتیجہ

نفاذ کے پانچ سالوں میں،اپی ایم-کے ایم وائی نے پورے ہندوستان میں چھوٹے اور حاشیے پر رہنے والے  کسانوں(ایس ایم ایف ایس) کو نمایاں طور پر بااختیار بنایا ہے۔ پی ایم-کے ایم وائی) کی ایک اہم کامیابی کسانوں کو مالی استحکام فراہم کرنے میں اس کا کردار ہے، جن میں سے اکثر کو زراعت کی موسمی نوعیت اور آمدنی میں اتار چڑھاؤ کی وجہ سے غیر یقینی مستقبل کا سامنا ہے۔

ان کی ریٹائرمنٹ کے سالوں کے لیے پنشن حاصل کرکے، اس اسکیم نے دیہی آبادی کے لیے سماجی تحفظ میں ایک اہم کمی  کو پورا کیا ہے۔ پچھلے پانچ سالوں میں اس کی کامیابی ملک کے 'انّ داتا' کے معیار زندگی کو بڑھانے میں اس کے اہم کردار کی نشاندہی کرتی ہے۔

حوالہ جات

https://sansad.in/getFile/loksabhaquestions/annex/182/AU2460_7AgQm0.pdf?source=pqals
https://pmkmy.gov.in/scheme/pmkmy
https://cish.icar.gov.in/hindi/event_page.php?a=Launch
https://pmkmy.gov.in/
https://pmkisan.gov.in/Documents/PM-KMY%20-%20Salient%20Features.pdf
https://static.pib.gov.in/WriteReadData/specificdocs/documents/2022/jan/doc20221185101.pdf
https://maandhan.in/maandhan/summary
https://pmkisan.gov.in/Documents/PM-KMY%20-%20Operational%20Guidelines.pdf

******

 ش ح ۔ م ع۔ ج

Uno-10697