হকশেল অমসুং য়াইফ-য়ুম্বাল মন্ত্রালয়
হকশেল মন্ত্রালয়না “হেল্থ দাইনামিক্স ওফ ইন্দিয়া (ইনফ্রাস্ত্রকচর এন্দ হ্যুমেন রিসোর্সেস) ২০২২-২৩” ফোঙখ্রে
চহিগী চেফোঙ অসি NHM মনুংগী মেনপৱার অমসুং ইনফ্রাস্ত্রকচরগী য়াম্নমক মথৌ তাবা ইনফোর্মেসন পীরিবা, খুজিল থৌরাং য়াৎপদা, থৌওংশিংগী ফীভম ফগৎহন্বদা অমসুং পরৈ চেন্বা ৱাফমশিং ৱাখৈবদা মতেঙ য়াম্না ওইবা মমল নাইদ্রবা দোকুমেন্ত অমনি: কেন্দ্রগী হকশেল সেক্রেতরী
“হেল্থ ফংস্নরীশিংগী থবক্কী পোৎলুম হন্থহন্নবা অমসুং দেতাশিং মতম চানা অপলোদ তৌনবা অমসুং চেকশিন্না নৈননবা HMIS পোর্তেলবু RCH অমসুং মন্ত্রালয়গী অতৈ পোর্তেলশিংগা পুনশিন্নবা মথৌ তাই”
Posted On:
09 SEP 2024 12:38PM by PIB Imphal
কেন্দ্রগী হকশেল সেক্রেতরী, শ্রী অপুর্ব চন্দ্রনা ঙসি মফমসিদা হান্না “রুরেল হেল্থ স্তেতিস্তিক্স হায়না খঙনরম্বা চহিগী চেফোঙ “হেল্থ দাইনামিক্স ওফ ইন্দিয়া (ইনফ্রাস্ত্রকচর এন্দ হ্যুমেন রিসোর্সেস) ২০২২-২৩: ফোঙখ্রে। দোকুমেন্ত অসি ১৯৯২দগী হৌনা ফোঙদুনা লাকপনি।
![](https://static.pib.gov.in/WriteReadData/userfiles/image/image001BL0M.jpg)
দোকুমেন্ত অসিবু নেস্নেল হেল্থ মিসন (NHM)গী তোঙান তোঙানবা মায়ওনশিংগী থাজনিংঙাই ওইবা অমসুং অচুম্বা ইনফোর্মেসন লৌফম অমনি হায়রদুনা, “চহিগী চেফোঙ অসি NHM মনুংগী মেনপৱার অমসুং ইনফ্রাস্ত্রকচরগী য়াম্নমক মথৌ তাবা ইনফোর্মেসন পীরিবা, খুজিল থৌরাং য়াৎপদা, থৌওংশিংগী ফীভম ফগৎহন্বদা অমসুং পরৈ চেন্বা ৱাফমশিং ৱাখৈবদা মতেঙ য়াম্না ওইবা মমল নাইদ্রবা দোকুমেন্ত অমনি” হায়না শ্রী অপুর্ব চন্দ্রনা ফোঙদোকখি। দোকুমেন্ত অসিনা স্তেত শিন্বা থুংনা লৈরিবা মেনপৱার অমসুং ইনফ্রাস্ত্রকচর অমসুং অৱাৎপশিংগী ক্রোস এনালাইসিস অমা পীরি হায়না মহাক্না মখা তাখি। দেতা অসি স্তেতশিংগী মথৌ তাবশিং, মখোয়গী প্রাইওরিতী এরিয়া খঙদোকপদা অমসুং খুজিল থৌরাং য়াৎপা অমসুং তার্গেতেদ কেম্পেনশিং পাঙথোকপদা চাউনা মতেঙ ওইরি হায়না মহাক্না হায়খি। হেল্থ স্তেতিস্তিক্স অসিনা তোঙান তোঙানবা পেরামিতরশিংদা স্তেতশিংগী পর্ফোর্মেন্সশিং চাংদম্নবদসু মতেঙ ওইরি হায়বা ৱাফমসু মহাক্না থমখি।
![](https://static.pib.gov.in/WriteReadData/userfiles/image/image00235CP.jpg)
কেন্দ্রগী হকশেল সেক্রেতরীনা “হেল্থ ফংস্নরীশিংগী থবক্কী পোৎলুম হন্থহন্নবা অমসুং দেতাশিং মতম চানা অপলোদ তৌনবা অমসুং চেকশিন্না নৈননবা হেল্থ মেনেজমেন্ত ইনফোর্মেসন সিস্তেম HMIS পোর্তেলবু রিপ্রদক্তিব এন্দ চাইল্দ হেল্থ (RCH) অমসুং মন্ত্রালয়গী অতৈ পোর্তেলশিংগা পুনশিন্নবা মথৌ তাবা: ৱাফমসু পুথোক্তুনা থমখি।
![](https://static.pib.gov.in/WriteReadData/userfiles/image/image00347B2.jpg)
বেকগ্রাউন্দ:
১৯৯২দগী হৌরগা, চেফোঙ অসিনা, চহি খুদিংগী মার্চ ৩ ফাওবগী অপদেত তৌবগা লোয়ননা, হেল্থ ইনফ্রাস্ত্রকচর অমসুং হ্যুমেন রিসোর্সকী মচা খায়বা চহিগী দেতা ফংহন্দুনা লাক্লি। দেতা অসিনা মতিং লৈন থৌরাং য়াৎপদা, য়েংশিন্বদা অমসুং লৈবাক শিন্বা থুংনা লৈরিবা হেল্থ ইনফ্রাস্ত্রকচর মেনেজ তৌবদা, হেল্থ সেক্তরদা লৈরিবা স্তেকহোল্দরশিংদা য়াম্না মরু ওইরি। হেল্থকেয়র ইনফ্রাস্ত্রকচর অমসুং হ্যুমেন রিসোর্সসকী হৌজিক ওইরিবা ফীভমগী তশেং তশেংবা মশক অমা পীদুনা, চেফোঙ অসিনা খুঙ্গং, ময়োল্লম, অমসুং ত্রাইবেলগী মফমশিং য়াওনা তোঙান তোঙানবা মফমশিংদা লৈরিবা অৱাৎ-অপাশিং খঙদোক্নবা অমসুং মথৌ তাবশিং ফংহন্নবা কান্নরবা খুৎলায় অমসু ওইরি।
মসি শরুক অনি থোক্না খায়দোক্তুনা শেম্মি:
১বা শরুক্না নাখৈ শেংনবগীদমক মেপ অমসুং চার্তনচিংবা ভিজুএল এদশিং শীজিন্নদুনা স্তেত অমসুং য়ুনিয়ন তেরিতরীগী প্রোফাইলশিংগা লোয়ননা ভারতকী হেল্থকেয়র সিস্তেমগী মপুং ওইবা শক্তম পীরি।
২শুবা শরুক্না পন্দুপ মাপন থোক্না খায়দোক্তুনা, হেল্থ ফেসিলিতীশিং, মেনপৱার, অমসুং দিমোগ্রাফিক ইন্দিকেতরশিংগী মনুং হুৎপা দেতা পীরি।
চেফোঙ অসিদা য়াওরিবা ইনফোর্মেসন অসিনা পোলিসীমেকরশিং, হেল্থ এদমিনিস্ত্রেতরশিং, অমসুং প্লান্নরশিংবু হেল্থকেয়র ফেসিলিতীশিং অমসুং হ্যুমেন রিসোর্সশিং শন্দোক্লিবা অমসুং মরাঙ কায়না লৈবগী ফীভম নৈনবা ঙমহল্লি। মসিনা হেল্থ সর্ভিস দেলিভরী মওং মরিল নাইহন্বগী অমসুং রিসোর্সশিং মতিক চানা য়েন্থোক্নবগী পান্দম নাইবা লাল্লোং য়াত্থোকপদা মতেঙ পাংই। মসিগী মথক্তা, দেতা অসিনা তোঙান তোঙানবা মফমশিংগী মথৌ তাবশিং খঙদোক্নবগী, হেল্থ সর্ভিসশিং হেন্না চাং মান্ননা চাইথোকপদা মতেঙ পাংনবা ভিজন দোকুমেন্ত অমসু ওইরি।
মপুং ওইনা য়েংবদা, চেফোঙ অসি হেল্থ ইনফ্রাস্ত্রকচর শেমগৎপগী থৌওংশিং মীওই কাঙলুপ পুম্নমক্কী মথৌ তাবশিংগা পরিংদা পায়খৎহন্দুনা লৈবাক শিন্বা থুংনা হেন্না তুং কোইবা অমসুং রেস্পোন্সিব ওইবা হেল্থকেয়র সিস্তেম পুরক্নবগী তঙায় ফদ্রবা রিসোর্স মেতরিএল অমনি।
মার্চ ৩১, ২০২৩ ফাওবদা, লৈবাক অসিদা পুন্না সব-সেন্তর (SCs) ১,৬৯,৬১৫, প্রাইমারী হেল্থ সেন্তর (PHCs) ৩১,৮৮২, কম্ম্যুনিতী হেল্থ সেন্তর (CHCs) ৬,৩৫৯, সব-দিভিজ্নেল/দিস্ত্রিক্ত হোস্পিতাল (SDHs) ১,৩৪০, দিস্ত্রিক্ত হোস্পিতাল (DHs) ৭১৪, অমসুং মেদিকেল কলেজ (MCs) ৩৬২ লৈদুনা খুঙ্গং অমসুং ময়োল্লম অনিমক্তা সর্ভিস পীরি।
হায়রিবা হেল্থকেয়র ইনফ্রাস্ত্রকচরশিং অসিগী মনুংদা SC শিংদা হেল্থ ৱর্কর (নুপা + নুপী) ২,৩৯,৯১১, PHC শিংদা দোক্তর/মেদিকেল ওফিসর ৪০,৫৮৩, CHC শিংদা স্পিসিএলিস্ত অমসুং মেদিকেল ওফিসর ২৬,২৮০, অমসুং SDH অমদি DH শিংদা দোক্তর অমসুং স্পিসিএলিস্ত ৪৫,০২৭না থবক তৌরি। মসিগী মথক্তা PHC শিংদা স্তাফ নর্স ৪৭,৯৩২, CHC শিংদা নর্সিং স্তাফ ৫১,০৫৯, অমসুং SDH অমদি DH শিংদা পেরামেদিকেল স্তাফ ১,৩৫,৭৯৩না লৈবাক শিন্বা থুংনা মথৌ তৌরি।
“হেল্থ দাইনামিক্স ওফ ইন্দিয়া (ইনফ্রাস্ত্রকচর এন্দ হ্যুমেন রিসোর্সেস) ২০২২-২৩” হায়রিবা চেফোঙ অসি হকশেল অমসুং য়াইফ-য়ুম্বাল মন্ত্রালয়গী ৱেবসাইতকী দোকুমেন্ত সেক্সন্দা https://mohfw.gov.in/ লিঙ্ক অসি শীজিন্নরগা য়েংবা য়াগনি।
চেফোঙ অসিগী মচং ওইবা ৱাফমশিংগী মনুংদা য়াওরিবশিংদি:
১. চাংদম্নদুনা নৈনবা: ২০০৫ অমসুং ২০২৩ অনিগী মরক্তা অমদি ২০২২ দগী ২০২৩ ফাওবগী হেল্থ ইনফ্রাস্ত্রকচর অমসুং মেনপৱারগী চাংদম্নবা শক্তম পীদুনা, খোঙজল অমসুং অৱাৎ অপাশিং উৎলি।
২. দিস্ত্রিক্ত-ৱাইজ দেতা: সব-সেন্তরশিং (SCs), প্রাইমারী হেল্থ সেন্তরশিং (PHCs), কম্ম্যুনিতী হেল্থ সেন্তরশিং (CHCs), সব-দিস্ত্রিক্ত হোস্পিতালশিং (SDHs), দিস্ত্রিক্ত হোস্পিতালশিং (DHs), অমসুং মেদিকেল কলেজশিং য়াওনা হেল্থ ফেসিলিতীশিংগী দিস্ত্রিক্ত থাক্কী মচা খায়বা ৱাফমশিং পীরি।
৩. খুঙ্গং, ময়োল্লম, অমসুং ত্রাইবেল ফোকস: খুঙ্গং, ময়োল্লম, অমসুং ত্রাইবেলগী মফমশিংদা লৈরিবা ইনফ্রাস্ত্রকচর অমসুং মেনপৱারগী মচা খায়বা ৱারোলশিংগা লোয়ননা খুজিল থৌরাং য়াৎনবগী পান্দম নাইবা মীৎয়েঙ পীরি।
৪. স্তেত/য়ু.তি.শিং খায়দোকপা: স্তেত অমসুং য়ুনিয়ন তেরিতরীশিং মরুওইবা হেল্থকেয়র পর্ফোর্মেন্স মেত্রিক্সতা য়ুম্ফম ওইরগা খায়দোক্তুনা, পান্দম নাইবা থৌরাং পায়খৎপদা মতেং পাংই।
৫. য়ুজর-ফ্রেন্দলী হায়লাইতশিং: মরুওইবা ৱাফমশিং হৌরকপদা চাউরাক্না খঙনবগগীদমক শম্লপ্না পীরি।
৬. স্তেকহোল্দরশিংগী লমজিং: ইনফ্রাস্ত্রকচর অমসুং হ্যুমেন রিসোর্সতা লৈরিবা খেন্নবা অমসুং অৱাৎ-অপাশিং খঙদোক্তুনা হেল্থকেয়র প্লান্নিং অমসুং মেনেজমেন্তকী মরুওইবা খুৎলায় অমা ওইরি।
শ্রীমতী অরাধনা পত্নাইক, এদিস্নেল সেক্রেতরী অমসুং মিসন দাইরেক্তর (NHM), হকশেল মন্ত্রালয় অমসুং কেন্দ্রগী হকশেল মন্ত্রালয়গী মকোক থোংবা ওফিসিএলশিংসু থৌরমদুদা শরুক য়াখি।
*****
(Release ID: 2053134)
Visitor Counter : 8