কেন্দ্রগী লেবর অমসুং এমপ্লোইমেন্ত মন্ত্রী অমসুং EPFকী সেন্ত্রেল বোর্দ ওফ ত্রস্তীজগী চিয়রপর্সননা এমপ্লোয়িজ পেন্সন স্কীম, ১৯৯৫কীদমক্তা সেন্ত্রেলাইজদ পেন্সন পেমেন্ত সিস্তেম (CPPS) অমগীদমক্তা থাংগৎলকপা প্রোপোজল অদু অয়াবা পীখ্রে। CPPSনা লৈবাক অসিগী থাক্তা লৈবা সেন্ত্রেলাইজ ওইবা সিস্তেম অমা লিংখত্তুনা য়াম্না চাউনা অহোংবা অমা পুরক্লে, মসিনা ভারত শিনথুংনা বেঙ্ক অমহেক্তা, ব্রাঞ্চ অমহেক্তগী খুত্থাংদা পেন্সনগী শেল লৌথোকপা য়াহল্লগনি।

অসিগুম্বা য়াম্না শিংথংনিংঙাই ওইবা অচৌবা ফিরেপ অসিগী মতাংদা ঙাংলদুনা, কেন্দ্রগী মন্ত্রী, দা. মন্সুখ মান্দৱিয়ানা হায়খি, “সেন্ত্রেলাইজদ পেন্সন পেমেন্ত সিস্তেম (CPPS)গী অয়াবা পীরকপা অসিনা EPFOগী মোদর্নাইজেশনদা য়াম্না মরু ওইবা অহোংবা অমা পুরক্লে। পেন্সনরশিংবু মখোয়গী পেন্সনশিং অদুবু বেঙ্ক অমহেক্তা, ব্রাঞ্চ অমহেক্তা, লৈবাক অসিগী মফম অহেক্তদা ফংবা য়াহনবা অসিগুম্বা অনৌবা থৌরাং অসিনা পেন্সনরশিংনা মতম কুইনদগী মায়োক্নরক্লিবা শিংনবশিং অদুবু কোকহল্লে অমসুং য়াম্না এফিসিয়েন্ত ওইবা দিসবর্সমেন্ত মেকানিজম অমা পীররে। মসি EPFOবু হেন্না রোবস্ত ওইবা, রেসপোন্সিব ওইবা অমসুং তেক্নোলোজী শিজিন্নবা, মখোয়গী মেম্বরশিং অমসুং পেন্সনরশিংগী তঙাইফদবশিং অদুবু হেন্না ফবা মওংদা সেবা তৌবদা কত্থোক্লবা অদুগুম্বা ওর্গনাইজেশনদা ওন্থোক্নবা ঐখোয়না হৌজিক হৌজিক হোৎনরিবশিং অদুগী য়াম্না মরু ওইবা খোংথাং অমনি।”

সেন্ত্রেলাইজ পেন্সন পেমেন্ত সিস্তেম অসিনা EPFOগী EPS পেন্সনর লাখ ৭৮ হেন্না কান্নহল্লগনি। এদভান্স ওইরবা IT অমসুং বেঙ্কিং তেক্নোলোজীশিং শিজিন্নদুনা, মসিনা পেন্সনরশিংগীদমক্তা হেন্না এফিসিয়েন্ত ওইবা, সীমলেস ওইবা অমসুং য়ুজর-ফ্রেনলী ওইবা এক্সপরিয়েন্স অমা পীরগনি।

CPPSনা পেন্সনরশিংবু মখোয়না মফম অমদগী অমদা চৎপা মতমদা নত্রগা মহাক্কী বেঙ্ক নত্রগা ব্রাঞ্চ হোংবা মতমদা ফাওবা পেন্সন পেমেন্ত ওর্দরশিং (PPO)বু ওফিস অমদগী অমদা ত্রান্সফর তৌবগী মথৌ তাদনা ভারত শিনবা থুংনা পেন্সন লৌথোকপা য়াহল্লগনি। মসিনা রিতায়রমেন্ত ফংলবা মতুংদা মখোয়গী পোক্নফম লমদম ময়ুমদা হনবা মতমদা পেন্সনরশিংদা য়াম্না কোমহল্লগনি।

ফেসিলিতী অসি ২০২৫কী জনুৱারী ১দগী EPFOগী হৌজিক হৌজিক চত্থরিবা IT মোদর্নাইজেশন প্রোজেক্ত, সেন্ত্রেলাইজদ IT ইনেবলদ সিস্তেম (CITES 2.01)গী শরুক অমা ওইনা হৌদোকখিবনি। মথংগী ফেজদা, CPPSনা আধার-বেজদ পেমেন্ত সিস্তেম (ABPS)তা য়াম্না কোম্না ওন্থোকপা য়াহল্লগনি।

CPPS অসি হৌজিক লৈরিবা দিসেন্ত্রেলাইজ ওইবা পেন্সন দিসবর্সমেন্ত সিস্তেমদগী হোংলকপা য়াম্না চাউবা অহোংবা অমনি, মসিদা EPFOগী জোনল/রিজনেল ওফিস খুদিংমক্না বেঙ্ক ৩-৪ খক্তমক ওইবা তোঙানবা এগ্রীমেন্তশিং মেন্তেন তৌই। পেন্সনরশিংনা পেন্সন হৌবা মতমদা ভেরিফিকেশন তৌনবগী ব্রাঞ্চ চৎপগী মথৌ তাররোই অমসুং পেন্সন অদু হেক থদোরকপগা খুদক্তা চংলক্কনি। মসিগী মথক্তা, EPFOনা অনৌবা সিস্তেমদা হোংলবা মতমদা পেন্সন থাদোকপা মতমদা চংবা শেল অদু য়াম্‌না হন্থগনি হায়না থাজৈ।

********