য়ুথ এফিয়র্স অমসুং স্পোর্তস অমসুং লেবর অমসুং ইমপ্লোইমেন্তকী কেন্দ্রগী মন্ত্রী, দা. মনসুখ মান্দাবিয়ানা ঙসি নই দিল্লীদা নুমিৎ নিনিগী ওইবা দিস্ত্রিক্ত য়ুথ ওফিসরশিংগী নেস্নেল কনভেন্সন হৌদোকখ্রে। 2047 ফাওবদা 'ভিকসিৎ ভারত'কীদমক প্রধান মন্ত্রী শ্রী নরেন্দ্র মোদীগী মঙলানবু মঙফাওনহনবদা নহারোলশিংগী মরু ওইবা থৌদাং অদুগী মতাংদা খন্ন-নৈনবা থৌরম অসিনা পান্দম থম্লি।

মহাক্কী হৌদোকপগী ৱারোলদা কেন্দ্রগী মন্ত্রীনা ভারতকী তুংলমচৎ শেমগৎপদা য়ুবা শক্তিগী পোতেন্সিএল শীজিন্নবগী মরুওইবা অদু পনখি। মহাক্না দিস্ত্রিক্ত য়ুথ ওফিসরশিংদা লৈবাক শীনবা থুংনা লৈরিবা নহাশিংবু ইথিল পীনবা, শক্তি পীনবা অমসুং মগুন লৈনা লৈবাক শেমগৎপদা শরুক য়ানবা থৌদাং লৌনবা হায়খি।

"ভারতকী নহারোলশিং অসি ঐখোয়গী খ্বাইদগী চাউবা শক্তিনি, অমসুং মখোয়গী ইনর্জী অসি চাউখৎপা অমসুং চাউখৎপা লৈবাক অমা শেমগৎপদা শিজিন্নগদবনি," হায়না মন্দাবিয়ানা ফোংদোকখি। 2047দা ঐখোয়না নীংতম্বা চহি 100 মপুং ফারকপদা প্রধান মন্ত্রী নরেন্দ্র মোদীগী 'ভিকসিৎ ভারত'কী মঙলান অদু মংফাওনহন্নবা ঐখোয়না ঐখোয়গী নহাশিংগী শক্তি শীজিন্নবা মথৌ তাই।"

মীফম অদুদা ৱা ঙাংলদুনা, দোক্তর মান্দাবিয়ানা হন্দক্তা হৌদোকখিবা মাই ভারত প্লেৎফোর্মগী পোতেন্সিএল অদুসু পনখি। মহাক্না অকনবা ৱাফম থমখি মদুদি প্লেতফোর্ম অসিনা হৌজিক্তি CV বিল্দিং অমসুং এক্সপরিয়েন্সেল লর্নিংগুম্বা মখল কয়াগী ফিচরশিং পীরি অমসুং তুংলমচৎতা, মসিনা নহাশিংদা স্কিলিং অমসুং থবক্কী খুদোংচাবশিং ফংহন্নবা অহেনবা লম্বীশিং ফংহন্নবা পান্দম থম্লি। মাই ভারত প্লেৎফোর্মনা ঐখোয়গী নহারোলশিংগীদমক ৱান স্তোপ সোলুসন অমা ওইনা থবক তৌগনি হায়না মহাক্না মখা তাখি। মহাক্না চাউথোকচবা ফোংদোকখি মদুদি নহা ওইরিবা ভোলুন্তিয়র করোর 1.5 হেন্না প্লেৎফোর্ম অসিদা রেজিস্তার তৌখ্রে অমসুং 2024গী দিসেম্বর লোইশিল্লকপদা মশিং অসি করোর 3দা হেনগৎহন্নবা পান্দম থম্লি।

প্রধান মন্ত্রী শ্রী নরেন্দ্র মোদীনা ফোংদোকখিবা অমৃত কালগী "পঞ্চ প্রন"গী মতাংদসু কেন্দ্রগী মন্ত্রীনা পনখি। মহাক্না নহারোলশিংদা হায়রিবা ৱাখল্লোনশিং অসিদগী ইথিল লৌনবা অমসুং লৈবাক অসিবু হেন্না ফগৎহন্নবা হোৎননবা হায়খি। মহাক্না নহা ওইরিবা জেনরেসনশিংদা তুংগী চহি 25 অসিদা লৈবাক অসিবু চাউখৎহন্নবা অমসুং মপাঙ্গল কনখৎহন্নবা হোৎনবদা থৱায় য়াওনবা হায়খি। তুংগী মতমদা মখোয়না হোৎনরিবশিং অদুগী কান্নবা ফংলগনি হায়বা ৱাখল্লোনগা লোয়ননা মহাক্না হায়খি।

কেন্দ্রগী মন্ত্রীনা লৈবাক শীনবা থুংনা লৈরিবা য়ুথ এফিয়র্স অমসুং মাই ভারতকী ওফিসিএলশিংগা ৱারী শানদুনা ভিকসিৎ ভারত 2047, সেবা সে সিখেন, মীয়ামগী পুন্সিদা নহারোলশিং, ফিৎ ইন্দিয়া ক্লবশিং অমসুং স্বচ্ছ ভারত মিসন - নয়া সঙ্কলপ অসিনচিংবা মরুওইবা হীরম কয়াদা ৱারী শানখি।

য়ুথ এফিয়র্স অমসুং স্পোর্তস মন্ত্রালয়গী দিপার্তমেন্ত ওফ য়ুথ এফিয়র্স অমসুং স্পোর্তসনা নেস্নেল কনভেন্সন অসি 2024গী সেপ্তেম্বর 4 অমসুং 5দা ন্যু দিল্লীগী জৱাহর লাল নেহরু স্তেদিয়মদা পাংথোক্কনি। লৈবাক শিনবা থুংদগী য়ুথ ওফিসরশিংনা কনভেন্সন অসিদা শরুক য়াদুনা হকশেল, অর্বান গবর্নান্স, সাইবর সেক্যুরিতী, ওন্তপ্রিনোরশিপ, য়ুথ এক্সচেঞ্জ অমসুং সাইন্স মেলা য়াওনা হীরম কয়াদা ৱাখল্লোনশিং ফোংদোক্নরি।

ৱারী শানবদা নহারোলশিংগী এচিবমেন্ত অমসুং থৌদাং হেনগৎহন্নবা মাই ভারত তেক্নোলোজী প্লেৎফোর্ম শীজিন্নবদা মীৎয়েং থমগনি। ব্রেইন স্তোর্মিং সেসনশিংদা নেস্নেল য়ুথ ফেস্তিবেল অমসুং সাইন্স মেলাগুম্বা মরু ওইবা হীরমশিং খন্নগনি। মসিগী মথক্তা, দাক চৌপাল, সাইবর সেক্যুরিতী অমসুং সাইবর ক্রাইমগী মতাংদা এৱারনেস অমসুং য়ুথ ওন্তপ্রিনোরশিপকী মতাংদা প্রজেন্তেসনশিং পীগনি।

নেস্নেল কনভেন্সন্না লমদম অসিগী ওর্গনাইজেসনশিংদা লৈরিবা ওফিসিএলশিংবু মখোয়গী খ্বাইদগী ৱাংবা পোতেন্সিএল ফংনবগী খুদোংচাবা পীদুনা নহাশিংবু লুচিংবা অমসুং পুক্নিং থৌগৎপদা মরুওইবা থৌদাং লৌগনি হায়না পানরি।

*******