রাস্ত্রপতিগী লোইশঙ
ওজাগী নুমিৎ লাকপদা ভারতকী রাস্ত্রপতিনা য়াইফ-পাউজেল পীরক্লি
Posted On:
04 SEP 2024 6:19PM by PIB Imphal
ওজাগী নুমিৎ লাকপদা ভারতকী রাস্ত্রপতি শ্রীমতি দ্রৌপতি মুর্মুনা লৈবাক শীনবা থুংনা লৈরিবা ওজাশিংদা য়াইফ-পাউজেল পীখ্রে।
পাউজেল অমদা, রাস্ত্রপতিনা হায়খি, “ওজাগী নুমিৎ লাকপদা, ঐখোয়গী লৈবাক্কী ওজাশিংদা ঐনা ঐগী য়াইফ-পাউজেল পীজরি। লৈবাক শীনবা থুংনা অকনবা ইথিল অমা পীখিবা শক্নাইরবা ইজুকেসন্নিস্ত, ফিলোসোফর অমসুং ভারতকী হান্নগী রাস্ত্রপতি দোক্তর সর্ভেপাল্লি রাধাকৃষ্ণনগী মপোক কুমওন থৌরমদা নুমিৎ অসি পাংথোক্লি। থৌরম অসিদা ঐনা মহাক্কী মফমদা ঐগী চম্লবা ইকায়খুম্নবা উৎচরি।
অঙাংশিং লৈবাক অসিগী তুংগী য়ুম্বীনি। মহৈরোয়শিং ওইনা মখোয়না পুন্সিদা চঙদ্রবা য়াদ্রবা লৌশিং অমসুং গুনশিং তম্লি। ওজাশিংনা লমজিং-লমতাকপা অমা ওইনা ঐখোয়গী লৈবাক্কী মরাইবক লেপ্নবা তুংগী লুচিংবশিং শেমগনি।
তুংগী মীরোলশিংগী ৱাখল্লোন শেমগৎনবা, অফবা থবকশিংদা মখোয় লমজিংনবা মরুওইবা থবক অমা ওজাশিংনা পাংথোক্লি। মহৈরোয়শিংদা অফবা গুনশিং, ৱাখল খনবা ঙম্বগী শক্তি হেনগৎহন্নবা অমসুং খুন্নাইগী থবকশিং দাইত্ব লৌবা ঙম্বগী গুনশিং তম্বীনবা ওজাশিংনা থৌদাং অমা লৌরি। অনৌবা মতমগী লাইরিক তাকপী-তম্বীবা অমসুং তেক্নোলোজি শীজিন্নদুনা অমসুং নেসনেল ইজুকেসন পোলিসি ২০২০গী পান্দমশিংগা লোয়ননা, ওজাশিংনা মহৈরোয়শিং মহৈচাবা পুন্সি অমা ওইহনবা অমসুং চাউখৎলবা লৈবাক অমা শেমগৎপা ঙমগনি।
ঐনা অমুক হন্না ওজা খুন্নাইদা ঐগী য়াইফ-পাউজেল পীজরি অমসুং ভারত অৱাংবা থাকশিংদা পুখৎকদৌরিবা অফবা মহৈরোয়শিং শেমগৎপদা মাইপাক্নবা মখোয়গী মফমদা য়াইফ-পাউজেল পীজরি”।
****
(Release ID: 2051946)
Visitor Counter : 43
Read this release in:
Khasi
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Tamil
,
Telugu
,
Kannada