প্রধানমন্ত্রীগী লোইশঙ
প্রধান মন্ত্রীনা মহাক্কী ব্রুনাই দারুস্সলাম অমসুং সিঙ্গাপুর খোঙচৎকী ( সেপ্তেম্বর 03-05, 2024) মাংওইননা থমখিবা ৱারোল
Posted On:
03 SEP 2024 7:32AM by PIB Imphal
ঙসি ঐহাক্না ব্রুনাই দারুস্সলামদা ইহান হানবা বাইলেতরেলগী ওইবা খোঙচৎ অমা চৎলি। ঐখোয়না ঐখোয়গী দিপ্লোমেতিক মরিগী চহি 40 মপুং ফারকপদা, ঐহাক্না হিজ মেজেস্তী সুলতান হাজি হাস্সানল বোলকিয়া অমসুং নিংথৌগী ইমুংগী অতোপ্পা ইকাই খুম্নরবা মেম্বরশিংগা উন্নদুনা ঐখোয়গী পুৱারী ওইরবা মরী অসি অনৌবা পনখৈ অমদা পুখৎনবা আশা তৌরি।
ব্রুনাইদগী ঐহাক্না সেপ্তেম্বর 4দা সিঙ্গাপুরদা চৎকনি। ঐহাক্না রাস্ত্রপতি থর্মন শানমুগরতনম, প্রধান মন্ত্রী লোরেন্স ৱোং, সেনিয়র মিনিস্তর লি হসিয়ান লোং অমসুং ইমেরিতস সেনিয়র মিনিস্তর গোহ চোক তোংগা উনবগী খুদোংচাবা ফংলগনি হায়না থাজবা থম্লি। ঐহাক্না সিঙ্গাপুরগী অচৌবা বিজিনেস কম্ম্যুনিতীগী লুচিংবশিংগসু উনগনি।
অৱাংবা থাক্কী মেনুফেকচরিং, দিজিতেলাইজেসন অমসুং সস্তেনেবল দিবেলপমেন্তকী অনৌবা অমসুং হৌরক্লিবা লমশিংদা সিঙ্গাপুরগা লোয়ননা ঐখোয়গী স্ত্রেতেজিক পার্তনরশিপ হেন্না চেৎশিলহন্নবা ঐহাক্না খন্ন-নৈনবা পাম্মি।
লৈবাক অনিমক অসি ঐখোয়গী এক্ত ইস্ত পোলিসী অমসুং ইন্দো-পেসিফিক ভিজনগী মরুওইবা পার্তনরশিংনি। ঐহাক্না থাজবা থম্লি মদুদি ঐহাক্কী খোঙচৎ অসিনা ব্রুনাই, সিঙ্গাপুর অমসুং অচৌবা ASEAN লমদমগা লোয়ননা ঐখোয়গী পার্তনরশিপ অসি হেন্না মপাঙ্গল কনখৎহল্লগনি।
***
(Release ID: 2051129)
Visitor Counter : 56
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam