প্রধানমন্ত্রীগী লোইশঙ
দিস্ত্রিক্ত জুদিসিয়রীগী জাতিগী থাক্কী মীফমদা থমখিবা পি.এম.গী ৱারোল
Posted On:
31 AUG 2024 1:41PM by PIB Imphal
থৌরম অদুদা ভারতকী চীফ জস্তিস দি.ৱাই. চন্দ্রচুদ জী, জস্তিস শ্রী সঞ্জীব খান্না জী, জস্তিস বি.আর. গবই জী, লৈবাক অসিগী লো মন্ত্রী অর্জুন রাম মেঘৱাল জী, এতর্নি জেনরেল আর. কপিল সিবলজী, বার কাউন্সিল ওফ ইন্দিয়াগী চেয়রমেন ব্রাদার মানন কুমার মিশ্রজী, সুপ্রিম কোর্তকী জজশিং, হাই কোর্তকী চীফ জস্তিশিং, দিস্ত্রিক্ত জজশিং, অতৈ মকোক থোংবশিং, নুপীমচাশিং অমসুং নুপাশিং!
অদোমগী মীশিং অসি য়াম্না মরুওই, মরম অদুনা থৌরম অসিসু য়াম্না মরুওই হায়না ঐনা ফাওই। নুমিৎ খরনিগী মমাংদা, ঐহাক রাজস্থান হাই কোর্তকী প্লাতিনম জুবিলী থৌরমদা চৎখি। ঙসিসু সুপ্রিম কোর্তকী চহি ৭৫ মপুং ফারকপদা দিস্ত্রিক্ত জুদিসিয়রীশিংগী নেস্নেল কনফরেন্স অমা পাংথোক্লি। সুপ্রিম কোর্তকী চহি ৭৫ অসি ইন্সতিত্যুসন অমগী খোঙচৎ নত্তে। মসি ভারতকী সংবিধান অমসুং সংবিধানগী ভেল্যুশিংগী খোঙচৎনি! মসি ভারতনা দেমোক্রেসী অমা ওইনা হেন্না মপুং ফাহনবা খোঙচৎনি! অমসুং মসিগী খোঙচৎ অসিদা, ঐখোয়গী সংবিধান শেম্লিবশিং, জুদিসিয়রীগী শক্নাইরবা মীওই কয়াগী থৌদাং অসি য়াম্না মরু ওই। মসিদা, মীরোল অমগী মথং অমনা, লৈয়াক অসিগী মীওই করোর কয়াগী থৌদাংসু য়াওরি। ভারতকী মীয়াম্না সুপ্রিম কোর্ত, ঐখোয়গী জুদিসিয়রীদা থাজবা মাংবা য়াওখিদে। মরম অদুনা, সুপ্রিম কোর্তকী চহি ৭৫ অসিনা ভারতপু দেমোক্রেসীগী মমানা ওইবগী ইকাই খুম্নবা অদু মখা তানা হেনগৎহল্লি। মখোয়না ঐখোয়গী কলচরেল প্রোক্লেমেসন অসিবু মপাঙ্গল কনখৎহল্লি, মসিনা হায়রি - 'সত্যমেব জয়তে, ননরিতম'। হৌজিক লৈবাক অসিনা মনিংতম্বা চহি ৭৫ মপুং ফারক্লবা মতুংদা সংবিধানগী ৭৫শুবা চহিগী থৌরম পাংথোক্কদৌরি। মরম অদুনা, থৌরম অসিদা চাউথোকচবা, ইকাই খুম্নবা অমসুং ইথিল পীবা লৈ। ঐহাক্না অদোম পুম্নমকপু, আইনগী মীওইশিং অমসুং লৈবাক অসিগী মীওই পুম্নমকপু থৌরম অসিদা নুংঙাইবা ফোংদোকচরি। মসিগী থৌরম অসিদা নেশনেল দিস্ত্রিক্ত জুদিসিয়রী কনফরেন্সকী মরুওইবা থৌরম অসিগা মরী লৈননা ঐহাক্না পুম্নমকপু য়াইফ-পাউজেল পীজরি।
মরুপশিং,
ঐখোয়গী দেমোক্রেসীদা, জুদিসিয়রী অসি সংবিধানগী ঙাক্লৌনি হায়না লৌই। মসি মশামক্না অচৌবা থৌদাং অমনি। সুপ্রিম কোর্ত, ঐখোয়গী জুদিসিয়রীনা মসিগী থৌদাং অসি য়াম্না ফজনা পাংথোক্নবা হোৎনখ্রে হায়না ঐখোয়না অপেনবা পোকপগা লোয়ননা হায়জবা য়াই। নীংতম্বগী মতুংদা, জুদিসিয়রীনা অচুম্বা ৱায়েলগী ৱাখল্লোনবু ঙাকখি, ইমর্জেন্সীগুম্বা অৱাবা মতম অমা লাকখি। মতম অদুদা কন্সতিত্যুসন ঙাকপদা জুদিসিয়রীনা মরু ওইবা থৌদাং অমা লৌখি। ফন্দামেন্তেল রাইতশিং লান্দারকপা মতমদা সুপ্রিম কোর্তনা মখোয়বু ঙাকখি। অমসুং মসি খক্তা নত্তে, মতম খুদিংদা নেস্নেল সেক্যুরিতীদা শীংনরকপা মতমদা, জুদিসিয়রীনা নেস্নেল ইন্তরেস্তপু খ্বাইদগী মরুওইনা থমদুনা ভারতকী অপুনবা ঙাক-শেনখি। মসিগী মাইপাকপশিং অসিগী মরক্তা, ঐহাক্না ইকায় খুম্ননিংঙাই ওইরবা চহি ৭৫ মপুং ফারকপদা স্কোলর পুম্নমকপু থাগৎচরি।
মরুপশিং,
হৌখিবা চহি ১০ অসিদা লৈবাক অসিনা জস্তিস ফংহন্নবা হোৎনখি। কোর্তশিং মোদর্নাইজ তৌনবা মিসনগী থাক্তা থবক পায়খৎলি। সুপ্রিম কোর্ত অমসুং জুদিসিয়রীগী মতেং পাংনবা অসিনা মসিদা অচৌবা থৌদাং অমা লৌরি। ঙসিদি, দিস্ত্রিক্ত জুদিসিয়রীগী প্রোগ্রাম অসি মসিগী অতোপ্পা খুদম অমনি। মমাংদা, মফম অসিদা মীওই খরনা হায়খি মদুদি সুপ্রিম কোর্ত অমসুং গুজরাত হায় কোর্তনা পুন্না "ওল ইন্দিয়া দিস্ত্রিক্ত কোর্ত জজ কনফরেন্স" পাংথোকখ্রে। অসিগুম্বা থৌরমশিং অসি অচুম্বা ৱায়েলগীদমক য়াম্না মরু ওই। লাক্কদৌরিবা নুমিৎ নিনি অসিদা মরু ওইবা হীরম কয়া অমা খন্ন-নৈনগনি হায়না ঐহাক্না খঙহনখ্রে। পন্দুনা লৈরিবা কেসশিংগী মেনেজমেন্ত, হ্যুমেন রিসোর্সশিং অমসুং লিগেল ফ্রেত্রোনিতী ফগৎহনবা। খন্ন-নৈনবগীদমক মরুওইবা হীরম পুম্নমক অদোম্না লেপখ্রে। মসি পুম্নমক্কা লোয়ননা, লাক্কদৌরিবা নুমিৎ নিনি অসিদা জুদিসিএল ৱেলনেসকী সেসন অমা পাংথোকপদা ঐহাক নুংঙাইবা ফাওই। লন্নাইগী য়াইফ-থৌরাং... খুন্নাইগী য়াইফ-থৌরাং অসি খ্বাইদগী মরুওইবা মথৌ তাই। মসিনা ঐখোয়গী থবক শুফমগী চৎনবীদা হকশেলবু মরুওইনা লৌবদা মতেং পাংগনি।
মরুপশিং,
ঐখোয়না পুম্নমক্না খঙই মদুদি ঙসিদি, নীংতম্বাগী অমৃত কলদা, লৈবাক অসিগী মীওই করোর ১৪০গী অপাম্বা অমখক্তনি - দিবেলপ ইন্দিয়া, ন্যু ইন্দিয়া! অনৌবা ভারতকী ৱাহন্থোক্তি - ৱাখল খনবা অমসুং ৱারেপ লৌবা মোদর্ন ভারত অমা! ঐখোয়গী জুদিসিয়রী অসি ভিজন অসিগী মপাঙ্গল কনবা য়ুম্বী অমনি। মরু ওইনা ঐখোয়গী দিস্ত্রিক্ত জুদিসিয়রী। দিস্ত্রিক্ত জুদিসিয়রী অসি ভারতকী জুদিসিএল সিস্তেমগী য়ুম্ফম অমনি। লৈবাক অসিগী মীচম প্রজাশিংনা অচুম্বা ৱায়েল ফংনবগীদমক্তা অহানবদা ৱায়েলগীদমক অদোমগী য়ুমগী থোং থিনখি। মরম অদুনা, মসি অচুম্বা ৱায়েলগী অহানবা কেন্দ্রনি, মসি অহানবা খোঙথাংনি। মওং খুদিংমক্তা মতিক চাবা অমসুং মোদর্ন ওইবসি লৈবাক অসিগী প্রাইওরিতিনি। ঐহাক্না থাজবা থম্লি মদুদি নেস্নেল কনফরেন্স অসিনা, মসিদা পাংথোকপা খন্ন-নৈনবশিংনা লৈবাক অসিগী অপাম্বশিং অদু মপুং ফাহনবদা মতেং পাংগনি।
মরুপশিং,
লৈবাক অমা হেক্তদা চাউখৎপগী খ্বাইদগী মরু ওইবা পেরামিতর অমা লৈরবদি, মসিদি মীচম প্রজা অমগী হিংবগী থাক্নি! মীচম প্রজা অমগী পুন্সি মহিং অসি মহাক্কী পুন্সিদা নুংঙাইবা ফংবদগী লেপকনি। অমসুং, অচম্বা অমসুং অরায়বা জস্তিস অসি ইজ ওফ লিবিংগী তঙাইফদবা অমনি। মসি ঐখোয়গী দিস্ত্রিক্ত কোর্তশিং অসি মোদর্ন ইনফ্রাস্ত্রকচর অমসুং তেক্নোলোজীগা লোয়ননা খুৎশিন্নরবা মতমদা খক্তদা ওইথোকপা ঙমগনি। ঙসিদি দিস্ত্রিক্ত কোর্তশিংদা কেস কতোত ৪.৫ রোম লেপ্লি হায়বসি ঐখোয় পুম্নমক্না খঙই। ৱায়েল পীবদা থিন্থবা অসি মুত্থৎনবা, হৌখিবা চহি তরা অসিদা থাক কয়া অমদা থবক পায়খৎলে। হৌখিবা চহি ১০ অসিদা লৈবাক অসিনা জুদিসিএল ইনফ্রাস্ত্রকচর চাউখৎনবা লুপা করোর লিশিং ৮ চাদিং তৌখ্রে। অদোম্না অতোপ্পা ৱাফম অমা খঙবদা নুংঙাইবা পোক্কনি... হৌখিবা চহি ২৫দা জুদিসিএল ইনফ্রাস্ত্রকচরদা থাদখিবা শেনফমগী চাদা ৭৫দি হৌখিবা চহি ১০ অসিদা থাদখি। চহি ১০ অসিদা, কোর্ত হোল লিশিং ৭.৫ হেন্না অমসুং দিস্ত্রিক্ত জুদিসিয়রীগীদমক রেসিদেন্সিএল য়ুনিত লিশিং ১১ হেন্না শেমগৎখ্রে।
মরুপশিং,
লিগেল ফ্রেতর্নিতীগী মরক্তা লাকপা মতমদা, ই-কোর্তশিংগী ৱাফম লাকপা অসি য়াম্না মহৌশানা থোকই। তেক্নোলোজীগী ইন্তরভেন্সন/ইন্নোবেসন অসিনা ৱায়েল-পথাপকী থৌওংশিং খক্তদা খোঙজেল য়াংখৎহনখিদে... মসিনা উকিলশিংদগী হৌরগা কমপ্লেনেন্তশিংফাওবদা, মীপুম খুদিংমক্কী অৱাবা অসি তপ্না তপ্না হন্থরক্লি। ঙসিদি লৈবাক অসিদা কোর্টতশিং দিজিতেলাইজ তৌরি। অমসুং ঐনা হায়খিবগুম্না, মসিগী খোঙথাং পুম্নমক্তা সুপ্রিম কোর্তকী ই-কমিতিনা অচৌবা থৌদাং লৈরি।
মরুপশিং,
হৌখিবা চহিদা ই-কোর্তস প্রোজেক্তকী অহুমশুবা তাঙ্ককসু অয়াবা পীখি। ঐখোয়না য়ুনিফাইদ তেক্নোলোজী প্লেৎফোর্ম অমা শেমগৎনবা হোৎনরি। মসিগী মখাদা আর্তিফিসিএল ইন্তেলিজেন্স, ওপ্তিকল কেরেক্তর রিকোগনিসনগুম্বা অনৌবা তেক্নোলোজীশিং শিজিন্নগনি। ঐখোয়না হৌজিক চত্থরিবা কেসশিং নৈনবা ঙম্লগনি অমসুং তুংগী কেসশিংসু মাংজৌননা প্রিদিক্ত তৌবা ঙম্লগনি। পুলিস, ফোরেন্সিক, জেল অমসুং কোর্ত... তেক্নোলোজীনা মখোয়বু পুনশিনগনি অমসুং মখোয়গী থবকসু য়াঙখৎহল্লগনি। ঐখোয়না তুংলমচৎকীদমক্তা মপুং ফানা শেম-শারিবা জস্তিস সিস্তেম অমগী মায়কৈদা চংশিল্লি।
মরুপশিং,
অচৌবা অহোংবশিং অসিদা, ইনফ্রাস্ত্রকচর অমসুং তেক্নোলোজীগী মথক্তা, কাংলোনশিং, পোলিসীশিং অমসুং ইন্তেন্সনশিংসু থৌদাং অমা লৌরি হায়বসি অদোম্না খঙই। মরম অদুনা, নীংতম্বা ফংলবা মতুং চহি তরাগী মতুংদা, লৈবাক অসিনা অহানবা ওইনা ঐখোয়গী আইনগী কাংলোনদা অসিগুম্বা অচৌবা অমসুং মরুওইবা অহোংবা অমা পুরক্লি। ঐখোয়না ইন্দিয়ন জুদিসিএল কোদকী মওংদা অনৌবা ইন্দিয়ন জুদিসিএল লেজিসলেসন অমা ফংলে। হায়রিবা আইনশিং অসিগী ৱাখল্লোনদি 'সিতিজন অহানবা, দিগ্নিতি অহানবা অমসুং জস্তিস অহানবা' অসিনি। ঐখোয়গী ক্রিমিনেল লোশিং অসি লৈঙাকপা অমসুং মনাইগী কোলোনিএলগী ৱাখল্লোনদগী লাপথোক্লে। ইংলিশকী আইনশিং হায়বদি সেদিসন অসি লৌথোকখ্রে। জুদিসিএল কোদকী ৱাখল্লোন অসি নাগরিকশিংবু চৈরাক পীনবা খক্তা নত্তে। অদুবু মসিনা নাগরিকশিংদা সেক্যুরিতীসু পীগদবনি। মসিনা মরম ওইদুনা, নুপামচা অমসুং অঙাংশিংগী মায়োক্তা চত্থবা ক্রাইমশিংদা অকনবা আইনশিং শেমখ্রে... অদুগা অতোপ্পা নাকল অমদনা, অহানবা ওইনা, অপীকপা ক্রাইমশিংগী দন্দি ওইনা কম্ম্যুনিতী সর্বিসকী প্রোভিজন শেমখ্রে। ইলেক্ত্রোনিক অমসুং দিজিতেল রেকোর্দশিংসু ইন্দিয়ন ইভিদেন্স এক্তকী মখাদা প্রমান ওইনা শকখঙখ্রে। ইন্দিয়ন সিবিল সেক্যুরিতী কোদকী মখাদা, ইলেক্ত্রোনিক মোদতা সমন থানবা সিস্তেম অমা শেম্লে। মসিনা জুদিসিয়রীদা লেপ্পা কেসশিংগী বোদরসু হন্থহল্লগনি। ঐহাক্কী হায়জরিবদি...সুপ্রিম কোর্তকী লমজিং মখাদা অনৌবা সিস্তেম অসিদা দিস্ত্রিক্ত জুদিসিয়রীবু ত্রেনিং পীনবগীদমক অনৌবা থৌরাংশিং লৌখৎপা মথৌ তাই। ঐখোয়গী জজশিং অমসুং উকিলগী মরূপশিংসু কেম্পেন অসিগী শরুক অমা ওইরকপা য়াই। ঐখোয়গী আইনজীবশিং অমসুং বার এসোসিয়েসনশিংনা মীয়াম্বু অনৌবা সিস্তেম অসিগা লোয়নহনবদা মরু ওইবা থৌদাং অমা লৌরি।
মরুপশিং,
ঐহাক্না অদোমগী মমাংদা লৈবাক অসিগী অমসুং খুন্নাই অসিগী অতোপ্পা য়াম্না মরু ওইবা ৱাফম অমা পুখৎপা পাম্মি। ঙসিদি নুপীশিংগী মায়োক্তা চত্থরিবা অকিবা কয়া, অঙাংশিংগী সেক্যুরিতী অসি খুন্নাইগী অরুবা ৱাফম অমনি। লৈবাক অসিদা নুপীশিংগী সেফতীগীদমক অকনবা আইন কয়া শেমখ্রে। ২০১৯দা সরকারনা ফাস্ত ত্রেক স্পেসিএল কোর্তশিং লিংখৎনবা থৌরাং তৌখি। মসিগী মখাদা, মরুওইবা ৱাকৎশিংগীদমক্তা দিপোজিসন সেন্তরগী প্রোভিজন অমা লৈ। মসিদা দিস্ত্রিক্ত মোনিতরিং কম্মিতীশিংগী থৌদাং অসিসু মরু ওই। কম্মিতী অসিদা দিস্ত্রিক্ত জজ, দি.এম. অমসুং এস.পি.সু য়াওরি। মখোয়গী থৌদাং অসি ক্রিমিনেল জস্তিস সিস্তেমগী তোঙান-তোঙানবা হীরমশিংগী মরক্তা কোওর্দিনেসন শেমগৎপদা মরু ওই। ঐখোয়না কমিতীশিং অসিবু হেন্না এক্তিব ওইহনবা মথৌ তাই। নুপীশিংগী মায়োক্তা চত্থরিবা ফত্তবশিংগা মরী লৈনবা কেসশিংদা ৱারেপশিং থুনা লৌখৎলিবমখৈ, পোপ্যুলেসনগী শরুক অনিগীদমক সেক্যুরিতীগী থাজবা অদু হেন্না লৈগনি।
মরুপশিং,
ঐহাক্না থাজবা থম্লি মদুদি মফম অসিদা পাংথোক্কদৌরিবা খন্ন-নৈনবশিং অসিনা লৈবাক অসিগীদমক মমল য়াম্লবা সোলুসনশিং পুরক্কনি অমসুং 'জাস্তিস তু ওল'গী লম্বী অসি মপাঙ্গল কনখৎহল্লগনি। ঐহাক্না অমুক্কা হন্না পুম্নমকপু য়াইফ-পাউজেল পীজরি। মসিগী অশেংবা থৌরম, মীতিন অমসুং ৱাখল তামিন্নবগী থৌরম অসিনা অমৃত ফংহনগনি হায়না ঐহাক্না আশা তৌজরি।
হন্না-হন্না থাগৎচরি!
****
(Release ID: 2050426)
Visitor Counter : 34