নুপী অমদি অঙাংগী চাউখৎ থৌরাং মন্ত্রালয়না কেন্দ্রগী মন্ত্রী শ্রীমতী অন্নপুর্না দেভিগী লুচিং মখাদা থবক মফমদা নুপীশিংদা সেকচুএল হরাসমেন্তকী কমপ্লেন্তশিং রেজিস্তর তৌনবা অমসুং মোনিতর তৌনবা সেন্ত্রেলাইজ তৌরবা প্লেৎফোর্ম অমা ওইরিবা অনৌবা সী-বোক্স পোর্তেল হৌদোকখ্রে। হৌদোকপগী থৌরম অদু ঙসি নই দিল্লীদা পাংথোকখ্রে। থৌরম অদুদা মহাক্না মন্ত্রালয় অসিগী অনৌবা ৱেবসাইৎসু হৌদোকখি। থৌরম অদুদা নুপী অমদি অঙাংগী চাউখৎ-থৌরাংগী রাজ্য মন্ত্রী শ্রীমতি সাবিত্রি থাকুর অমসুং নুপী অমদি অঙাংগী চাউখৎ থৌরাংগী সেক্রেতরী শ্রী অনিল মালিক অমসুং মন্ত্রালয় অসিগী অতোপ্পা ওফিসিএলশিংসু শরুক য়াখি।

অনৌবা সী-বোক্স পোর্তেল অসিনা সরকার অমসুং প্রাইবেৎ সেক্তর অনিমক য়াওনা লৈবাক শিনবা থুংনা শেমখিবা ইন্তর্নেল কম্মিতীশিং (ICশিং) অমসুং লোকেল কম্মিতীশিং (LCশিং) গা মরী লৈনবা ইনফোর্মেসনগী সেন্ত্রেলাইজ তৌরবা রিপোজিসরী অমা ওইনা মথৌ তৌরি। মসিনা কমপ্লেন্তশিং ফাইল তৌনবা, মখোয়গী স্তেতস ত্রেক তৌনবা অমসুং ICশিংনা কমপ্লেন্তশিং মতম চানা প্রোসেস তৌনবা কম্মন প্লেৎফোর্ম অমা পীরি। মসিনা স্তেকহোল্দর পুম্নমক্কীদমক কমপ্লেন্তশিংগী এস্যুর্দ রিদ্রেসেল অমসুং স্ত্রীমলাইন তৌরবা প্রোসেস অমা পীরি। পোর্তেল অসিনা মশক খঙদোক্লবা নোদেল ওফিসর অমগী খুত্থাংদা কমপ্লেন্তশিং রিএল তাইমদা য়েংশিনবা ঙমহনগনি।

লাক্কদৌরিবা চহি 25 অসিদা ভারতনা মশাগী চহি 100 শুগদৌরিবা অসিদা, প্রধান মন্ত্রী শ্রী নরেন্দ্র মোদীনা লুচিংবা ভারত সরকারনা 2047 ফাওবদা 'ভিক্সিৎ ভারত'কী মায়কৈদা অচেৎপা ৱাফম থম্লি। মসি ফংনবগীদমক্তা, সরকারনা হৌখিবা চহি তরা অসিদা নুপীশিংনা লুচিংবা চাউখৎ থৌরাংদা মরুওইবা মীৎয়েং থম্লি। মসিনা নুপীশিংনা লুচিংদুনা ইনক্লুসিব ইকনোমিক গ্রোথ পুরকপদা মরুওইবা থৌদাং লৌরি।

নুপীশিংনা থবক শুবদা শরুক য়াবা হেনগৎহন্নবা খোঙথাং অসিগী য়ুম্ফম অমা হায়রগদি, থবক মফমশিং অসি নুপীশিংনা চাউখৎপা অমসুং মায়পাকপা ঙম্নবা, সেফ অমসুং সেক্যুর ওইহনবা হায়বসিনি। ৱার্কপ্লেসতা নুপীশিংবু সেকচুএল হরাসমেন্ত (প্রিভেন্সন, প্রোহিবিসন অমসুং রিদ্রেসেল) এক্ত, 2013না নুপীশিংবু থবক মফমদা সেকচুএল হরাসমেন্তদগী ঙাকথোক্নবা অমসুং মখোয়গী কমপ্লেন্তশিং কোকহন্নবা হোৎনরি। মসিগী অচেৎপা ফিরেপ অসিগী মতুং ইন্না, অনৌবা সী-বোক্স পোর্তেল অসিনা থবক মফমদা সেকচুএল হরাসমেন্তকী কমপ্লেন্তশিং য়েংশিন্নবা অমসুং মেনেজ তৌবদা মরুওইবা খোঙথাং অমা উৎলি।

সী-বোক্স পোর্তেলগী মথক্তা, মন্ত্রালয়না ভারত সরকারগী মথৌ তাবশিং ফংহন্নবা শেমগৎলবা অনৌবা ৱেবসাইৎ অমসু হৌদোকখ্রে। মসিগী ৱেবসাইৎ অসিনা দিজিতেল প্লেৎফোর্মশিংগী মরক্তা অপুনবা ভিজুএল আইদেন্তিতী অমা শেমগৎনবা পান্দম থম্লি। মসিনা নেস্নেল অমসুং গ্লোবেল ওদিয়ন্সশিংগা লৈঙাক্না ৱারী শানবগী থৌওং হেনগৎহনগনি। দিজিতেল প্লেৎফোর্মশিং অসি নাগরিকশিংগী মরুওইবা কন্তেক্ত পোইন্ত ওইরকপগা লোয়ননা, মপাঙ্গল লৈরবা অমসুং পুক্নিং চিংশিনবা ঙম্বা ব্রান্দ অমা লৈহনবা অসি তঙাইফদে।

থৌরম অদুদা ৱা ঙাংলদুনা শ্রীমতি অন্নপুর্না দেবীনা হায়খি, "মসিগী খোঙথাং অসি থবক মফমগা মরী লৈনবা সেকচুএল হরাসমেন্তকী কমপ্লেন্তশিং য়েংশিন্নবা হেন্না ইফিসিএন্ত ওইবা অমসুং সেক্যুর ওইবা প্লেৎফোর্ম অমা পীনবগী মায়কৈদা মরুওইবা খোঙথাং অমনি। মসিনা ভারত শিনবা থুংনা নুপীশিংগীদমক হেন্না সেফ অমসুং ইনক্লুসিব ওইবা থবক শুবগী ফিভম অমা শেমগৎনবা সরকারনা লৌরিবা ফিরেপ অদু মখা তানা চেৎশিলহল্লি। মহাক্না থাজবা থমখি মদুদি পোর্তেল অসিনা লন্নাইগী ই-পাউ মীয়ামদা খঙহনবা তৌদনা কমপ্লেন্তশিং অসি সেফ ওইনা রেজিস্তর তৌবা ঙমহনগনি।

সী-বোক্স পোর্তেল অমসুং মন্ত্রালয়গী অনৌবা ৱেবসাইৎ অসি মথং শিৎনা পীরিবা অসিদা ফংগনি https://shebox.wcd.gov.in/ অমসুং https://wcd.gov.in/।

****