خواتین اور بچوں کی ترقیات کی وزارت
خواتین اور اطفال کی ترقی کی مرکزی وزیر نے خواتین کے لیے کام کی جگہوں کو محفوظ بنانے کے لیے نئے شی- باکس پورٹل کا آغاز کیا
پورٹل کا اجراء کام کی جگہ پر خواتین کی جنسی ہراسانی کو روکنے کے لیے ایک بڑا قدم ہے
خواتین و اطفال کی ترقی کی مرکزی وزیر نے وزارت کی نئی ویب سائٹ بھی لانچ کی
Posted On:
29 AUG 2024 4:24PM by PIB Delhi
مرکزی وزیر محترمہ ان پورنا دیوی کی قیادت میں خواتین و اطفال کی ترقی کی وزارت نے ایک نیا شی-باکس پورٹل شروع کیا ہے، جو کام کی جگہ پر خواتین کے ساتھ جنسی ہراسانی کی شکایات کے اندراج اور نگرانی کے لیے ایک مرکزی پلیٹ فارم ہے۔ لانچ کی تقریب آج نئی دہلی میں منعقد ہوئی۔ انہوں نے تقریب کے دوران وزارت کی نئی ویب سائٹ بھی لانچ کی۔ خواتین اور بچوں کی ترقی کی وزیر مملکت محترمہ ساوتری ٹھاکر اور سکریٹری برائے خواتین و اطفال ترقی جناب انل ملک کے ساتھ وزارت کے دیگر افسران بھی اس موقع پر موجود تھے۔
نیا شی-باکس پورٹل ملک بھر میں تشکیل دی گئی اندرونی کمیٹیوں(آئی سی) اور مقامی کمیٹیوں(ایل سی) سے متعلق معلومات کے مرکزی ذخیرے کے طور پر کام کرتا ہے، جس میں حکومت اور نجی دونوں شعبوں کو شامل کیا جاتا ہے۔ یہ شکایات درج کرنے، ان کی حیثیت کو ٹریک کرنے اورآئی سی کے ذریعہ شکایت کی وقتی کارروائی کو یقینی بنانے کے لیے ایک مشترکہ پلیٹ فارم بھی پیش کرتا ہے۔ یہ تمام اسٹیک ہولڈرز کے لیے شکایات کا یقینی ازالہ اور ہموار عمل فراہم کرتا ہے۔ ایک نامزد نوڈل افسر کے ذریعے پورٹل شکایات کی حقیقی وقت میں نگرانی کے قابل بنائے گا۔
جیسے جیسے ہندوستان اگلے 25 برسوں میں اپنی صد سالہ تکمیل کے قریب پہنچ رہا ہے، وزیر اعظم جناب نریندر مودی کی قیادت میں حکومت ہند 2047 تک ‘‘وکست بھارت’’ کے لیے پرعزم ہے۔ اسے حاصل کرنے کے لیے، حکومت نے پچھلی دہائی میں، جامع اقتصادی ترقی کو آگے بڑھانے میں خواتین کی قیادت کے اہم کردار کو تسلیم کرتے ہوئے،خواتین کی زیر قیادت ترقی پر خاص زور دیاہے۔
افرادی قوت میں خواتین کی شرکت کو بڑھانے کے لیے اس اقدام کا سنگ بنیاد اس بات کو یقینی بنانا ہے کہ کام کی جگہیں محفوظ اور مامون ہوں، جس سے خواتین کو ترقی اور کامیابی حاصل ہو سکے۔ کام کی جگہ پر خواتین کی جنسی ہراسانی (روک تھام، ممانعت، اور ازالہ) ایکٹ، 2013، خواتین کو کام کی جگہ پر جنسی ہراساں کرنے سے بچانے اور ان کی شکایات کو دور کرنے کے لیے کام کرتا ہے۔ اس عزم کے مطابق، نیاشی-باکس پورٹل کام کی جگہ پر جنسی طور پر ہراساں کیے جانے کی شکایات کو دور کرنے اور ان کا انتظام کرنے میں ایک اہم قدم کی نمائندگی کرتا ہے۔
شی -باکس پورٹل کے علاوہ، وزارت نے حکومت ہند کی ضروریات کو پورا کرنے کے لیے ایک نئی تیار کردہ ویب سائٹ بھی شروع کی۔ اس ویب سائٹ کا مقصد ڈیجیٹل پلیٹ فارمز پر ایک مربوط بصری شناخت قائم کرنا ہے، جس سے قومی اور عالمی سامعین کے ساتھ حکومت کی مصروفیت کو بڑھانا ہے۔ چونکہ ڈیجیٹل پلیٹ فارم شہریوں کے لیے رابطے کا بنیادی نقطہ بن جاتا ہے، اس لیے مضبوط اور زبردست برانڈ کی موجودگی کو برقرار رکھنا ضروری ہے۔
تقریب سے خطاب کرتے ہوئے محترمہ اناپورنا دیوی نے کہاکہ ‘‘یہ اقدام کام کی جگہ سے متعلق جنسی ہراسانی کی شکایات کو حل کرنے کے لیے ایک زیادہ موثر اور محفوظ پلیٹ فارم فراہم کرنے کے لیے ایک اہم قدم ہے۔ یہ ہندوستان بھر میں خواتین کے لیے کام کرنے کا ایک محفوظ اور زیادہ جامع ماحول بنانے کے لیے حکومت کے عزم کو مزید تقویت دیتا ہے۔’’ انہوں نے اعتماد کا اظہار کیا کہ پورٹل اس بات کو یقینی بنائے گا کہ ذاتی معلومات عوامی طور پر قابل رسائی ہونے کے بغیر شکایات کو محفوظ طریقے سے رجسٹر کیا جا سکے۔
شی-باکس پورٹل اور وزارت کی نئی ویب سائٹ کو بالترتیب https://shebox.wcd.gov.in/ اور https://wcd.gov.in/ پر دیکھا جا سکتا ہے۔
********
ش ح۔ ج ق ۔ف ر
(U: 10314)
(Release ID: 2049809)
Visitor Counter : 21