প্রধানমন্ত্রীগী লোইশঙ
২০২৩ বেতচগী আই.এফ.এস ওফিসার ত্রেনিশিংনা প্রধান মন্ত্রী উনখ্রে
Posted On:
29 AUG 2024 5:57PM by PIB Imphal
ঙসি ২০২৩ বেতচগী ইন্দিয়ান ফোরেন সর্বিস (আই এফ এস)গী ওফিসার ত্রেনিশিংনা ৭, লোক কলয়ান মার্গতা লৈবা প্রধান মন্ত্রী শ্রী নরেন্দ্র মোদীগী য়ুমদা মহাক্কা উনখ্রে। উনখিবা অদুদা তোঙান-তোঙানবা রাজ্য অমসুং য়ু.তি ১৫ দগী ২০২৩ বেতচগী আই.এফ.এস ওফিসার ত্রেনি ৩৬ শরুক য়াখি।
প্রধান মন্ত্রীগী লমজিং মখাদা মপান লৈবাক্কী থৌশিলশিং মাইপাকপদা ওফিসার ত্রেনিশিংনা থাগৎপা ফোঙদোকখি অমসুং মখোয়গী অনৌবা থবকশিংগীদমক মখোয়দা পাউতাক পীনবা অমসুং লমজিংনবা প্রধান মন্ত্রীদা হায়জখি। মখোয় মতম পুম্নমক্তা লৈবাক অসিগী চাউথোকচবা অমসুং ইকায়খুম্নবগী চৎনবীগা শাগোন্ননা হিংনবা অমসুং মখোয়না থবক তৌরুবা লৈবাকশিংদা মসি উৎনবা হোৎনগদবনি হায়না মহাক্না পাউতাক পীখি। ইশাগী লনাই ওইবা থবক য়াওনা পুন্সিগী হিরম খুদিংমক্তা লোয়লম লৈঙাক্কী ৱাখল্লোন থাদোক্নবা অমসুং মখোয় মশামক লৈবাক অসিগী মীহুৎ অমা ওইনা শক তাক্নবা মহাক্না তকশিনখি।
মালেমদা কমদৌনা লৈবাক অসিদা য়েংলিবা মীৎয়েংদা অহোংবা লাক্লবগে হায়বা মহাক্না ফোঙদোকখি। মহাক্না হায়খি হৌজিক ঐখোয়না মালেম অসিদা লৈবাক অমনা অমবু ইকায়খুম্নবা অমসুং চিংলেম্বগা লোয়ননা চপ মান্নবা ফিবম অমদা থেংনরি। মালেমগী অতোপ্পা লৈবাকশিংগা চাংদম্নবদা ভারতনা কমদৌনা কোবিদ লাইচৎ লাকশিনখিবগে হায়বা ঐখোয়না খঙলে। হৌজিক লৈবাক অসিদা মালেমদা অহুমশুবা খ্বাইদগী চাউবা ইকোনোমি অমা ওইনবা মাইকৈদা খোঙ থাংজিল্লি।
মখোয়না মপান লৈবাকশিংদা থবক তৌবা চৎপা মতমদা মফম অদুদা লৈরিবা ভারতমচাশিংগা মখোয়না লোয়ননা থবক তৌমিন্নবা হেনগৎহন্নবা ওফিসার ত্রেনিশিংদা প্রধান মন্ত্রীনা পাউতাক পীখি।
****
(Release ID: 2049917)
Visitor Counter : 37
Read this release in:
Odia
,
Tamil
,
Kannada
,
Malayalam
,
Bengali
,
Assamese
,
English
,
Urdu
,
Marathi
,
Hindi
,
Punjabi
,
Gujarati
,
Telugu