ভারতকী শেল-থুমগী পুৱারীদা খ্বাইদগী চাউনা অহোংবা পুরকপা খোঙথাং অমা ওইরিবা প্রধান মন্ত্রী জন ধন য়োজনা (PMJDY)না ঙসি চহি 10শুবা মপোক কুমওন পাংথোকখ্রে। প্রধান মন্ত্রী শ্রী নরেন্দ্র মোদীগী মীৎয়েং শানবা লুচিং মখাদা 2014দা হৌদোকখিবা স্কিম অসিনা লৈবাক অসিগী খ্বাইদগী অরাপ্পা মফমশিংদা লৈবা মীওইশিং য়াওনা ভারত মচা খুদিংমক্কী য়ুমদা বেঙ্কিং সর্ভিসশিং য়ৌহন্দুনা ফাইনান্সিএল ইনক্লুজনগীদমক মালেমগী বেঞ্চমার্ক অমা ওইরে।

IANS ন্যুজকা লোয়ননা পাউ ফাওনবদা, কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ), আর্থ সাইন্সকী রাজ্য মন্ত্রী (ইন্দিপেন্দেন্ত চার্জ), PMO, এতোমিক ইনর্জী দিপার্তমেন্ত, স্পেস, পর্সনেল, পব্লিক গ্রিভান্স অমসুং পেন্সনগী দিপার্তমেন্তগী  MoS দোক্তর. জিতেন্দ্র সিংহনা স্কিম অসিবু "প্রধান মন্ত্রীগী মীৎয়েং শানবা লুচিংবগী রোল মোদেল অমনি" হায়না থাগৎখি। ইনক্লুসিব গ্রোথকী মায়কৈদা সরকারগী অচেৎপা ফিরেপ অদু উৎতুনা প্রধান মন্ত্রী মোদীনা ওফিস পায়রকপা থা খরগী মনুংদা মসিগী রিভোলুস্নরী স্কিম অসি হৌদোক্নবা ৱারেপ লৌখি।

PMJDY গী মায় পাকপা অসি কোবিদ-19 গী লাইচৎ মনুংদা ময়েক শেংনা তাকপা ঙমখি হায়না জিতেন্দ্র সিংহনা ফোংদোকখি। মসিদা স্কিম অসিনা অপনবা লৈতনা দাইরেক্ত বেনিফিৎ ত্রান্সফর তৌদুনা ইমুং করোর 80 রোমদা সেচুরেসন ফংহনবদা মরুওইবা থৌদাং লৌখি।

“PMJDY না ফাইনান্সিএল ইনক্লুজন ফংহনবদা তশেংনা গেম-চেঞ্জর অমা ওইরে হায়না দা. জিতেন্দ্র সিংহনা ফোংদোকখি। স্কিম অসিগী ফীচরশিং নীংশিংলদুনা মহাক্না হায়খি মদুদি মসিদা জিরো বেলেন্স একাউন্ত, শেল লৌদবা রুপে কার্দ, রুপে দেবিৎ কার্দতা এক্সিদেন্তেল ইন্সুরেন্স লুপা লাখ 2 অমসুং ইলিজিবল ওইবা একাউন্ত হোল্দরশিংদা লুপা 10,000গী ওভরদ্রাফ্ত ফেসিলিতী পীরি”।

দোক্তর. জিতেন্দ্র সিংহনা স্কিম অসিগী সোসিও-ইকোনোমিক ইম্পেক্তকী মতাংদা পনখি। মহাক্না হায়খি, " PMJDYনা ইমুং খুদিংগী নুপীশিংদা শক্তি পীরি। মহাক্না হায়খি মদুদি জন ধন একাউন্ত হোল্দরশিংগী 55.6%গী মথক্তা নুপীশিংনি। মহাক্না প্রধান মন্ত্রী নরেন্দ্র মোদীবু থাগৎপা ফোংদোকখি অমসুং অসিগুম্বা ৱারেপ লৌবা য়াবা খোঙথাং অমগীদমক থাগৎপা ফোংদোকখি। মহাক্না হায়খি মদুদি মসিনা পি.এম.-কিসানগী ইন্সতোলমেন্ত মতম চানা পীবা ঙমহল্লে, অমসুং লিকেজ মুত্থৎলে, মসিনা ভারতকী পুৱারীদা খ্বাইদগী চাউবা ফাইনান্সিএল রিফোর্ম অমা ওইহল্লে।" মহাক্না মখা তারদুনা হায়খি মদুদি থৌরাং অসিনা ইমুং অমগী মীওই খুদিংমকপু বেঙ্কিংগা শম্নহল্লে। মসিনা ভারতপু ফাইনান্সিএল ইনক্লুজনগী লমদা মালেমগী থাক্তা পুখৎলি।

মন্ত্রীনা হায়খি মদুদি স্কিম অসিনা বেঙ্কিংবু নুংতিগী পুন্সিগী অরায়বা অমসুং এক্সেসিবল ওইবা শরুক অমা ওইহন্দুনা মীচম প্রজাগী আশাশিংবু মপাঙ্গল কনখৎহল্লি। " মতম অমদা, বেঙ্কশিং অসি মীওই কয়ানা খঙলমদে; ঙসিদি, কনাগুম্বা অমত্তনা খঙলমদে। PMJDYনা ভারত্তা বেঙ্কিংবু মালেমগী থাক্তা য়ৌহনবতা নত্তনা, মসিনা মীপুম খুদিংমক্কী আশাশিংবুসু পুক্নিং থৌগৎলি,” হায়না দা. জিতেন্দ্র সিংহনা মখা তাখি।

দা. জিতেন্দ্র সিংহনা হায়খি "জন ধন য়োজনা অসিনা চহি তরা মপুং ফারকপগা লোয়ননা, মসিনা ইকনোমিক এম্পাৱরমেন্তকী মায়কৈদা ভারতকী খোঙচৎতা মাইলস্তোন অমা ওইরি।" মহাক্না ইনক্লুসিব গ্রোথকী খোঙচৎ অসিবু মখা চত্থবদা সরকারগী অচেৎপা ফিরেপ অদু অমুক হন্না ফোংদোকখি।

*****