پردھان منتری جن دھن یوجنا (پی ایم جے ڈی وائی)، جو ہندوستان کی مالیاتی تاریخ میں سب سے زیادہ تبدیلی لانے والے اقدامات میں سے ایک ہے، آج اپنی 10ویں سالگرہ منا رہی ہے۔ وزیر اعظم نریندر مودی کی بابصیرت قیادت میں 2014 میں شروع کی گئی، یہ اسکیم مالی شمولیت کے لیے ایک عالمی معیار بن گئی ہے، جس نے بینکنگ خدمات کو ہر ہندوستانی بشمول ملک کے دور دراز کونے میں رہنے والے افرادکی دہلیز تک پہنچا دیا ہے۔

آئی اے این ایس نیوز کے ساتھ  ایک میڈیا بات چیت میں، سائنس اور ٹیکنالوجی کے مرکزی وزیر مملکت (آزادانہ چارج)، ارضیاتی سائنسز کے وزیر مملکت (آزادانہ چارج)، پی ایم او، محکمہ جوہری توانائی، محکمہ خلاء، عملہ، عوامی شکایات اور پنشن کے وزیر مملکت  ڈاکٹر جتیندر سنگھ نے اس اسکیم کو "وزیراعظم کی دور اندیش قیادت کا رول ماڈل" قرار دیا۔ اس انقلابی اسکیم کو شروع کرنے کا فیصلہ پی ایم مودی کے عہدہ سنبھالنے کے مہینوں کے اندر کیا گیا تھا، جو حکومت کی شمولیتی ترقی کے عزم کی عکاسی کرتا ہے۔

ڈاکٹر جتیندر سنگھ نے روشنی ڈالی کہ پی ایم جے ڈی وائی کی کامیابی کو کووڈ-19 کی وبا کے دوران سچ  ثابت کیا گیا، جہاں اس اسکیم نے بغیر کسی رکاوٹ کے براہ راست فائدے کی منتقلی کی سہولت فراہم کرتے ہوئے تقریباً 80 کروڑ گھرانوں میں فاقہ کشی کو روکنے میں اہم کردار ادا کیا۔

ڈاکٹر جتیندر سنگھ کہتے ہیں  کہ "پی ایم جے ڈی وائی واقعی مالی شمولیت کو یقینی بنانے میں ایک گیم چینجر رہا ہے۔اسکیم کی خصوصیات کو یاد کرتے ہوئے انہوں نے کہا کہ اس میں صفر بیلنس اکاؤنٹ، مفت روپے کارڈ ، ڈیبٹ کارڈ پر 2 لاکھ روپے کا حادثاتی بیمہ  اور اہل کھاتہ داروں کو 10 ہزار روپے کی اوور ڈرافٹ سہولت پیش کی گئی۔

ڈاکٹر جتیندر سنگھ نے اسکیم کے سماجی و اقتصادی اثرات پر زور دیتے ہوئے کہا کہ "پی ایم جے ڈی وائی  نے ہر گھر انےمیں خواتین کو بااختیار بنایا ہے، انہوں نے بتایا کہ جن دھن کھاتہ داروں میں 55.6 فیصد سے زیادہ خواتین ہیں۔ انہوں نے اس کا سہرا  وزیر اعظم نریندر مودی کے سر باندھا اور اس طرح کے ایک فیصلہ کن قدم کے لیے ان کا شکریہ ادا کیا۔ انہوں نے کہا کہ اس نے پی ایم-کسان قسطوں کی بروقت ادائیگی کو یقینی بنایا، اور اسے ہندوستان کی تاریخ کی سب سے بڑی مالی اصلاحات میں سے ایک قرار دیتے ہوئے بدعنوانی  اور چوری کو ختم کیا۔" انہوں نے مزید کہا کہ اس پہل نے خاندان کے ہر فرد کو رسمی بینکنگ سے جوڑ دیا ہے، اس طرح ہندوستان کو مالی شمولیت کے عالمی معیارات کے برابر لا کھڑا کیا ہے۔

وزیر  موصوف نے یہ بھی نشاندہی کی کہ اس اسکیم نے عام شہریوں کی امنگوں کے لیے ایندھن  فراہم کی ہے، جس سے بینکنگ روزمرہ کی زندگی کا ایک مانوس اور قابل رسائی حصہ بن گیا  ہے۔ ڈاکٹر جتیندر سنگھ نے مزید کہا، "ایک زمانے میں، بینک بہت سے لوگوں کے لیے نامانوس تھے؛ آج، کوئی بھی اچھوتا نہیں ہے۔ پی ایم جے ڈی وائی نے ہندوستان میں بینکنگ کو نہ صرف عالم  گیر بنا دیا ہے، بلکہ اس نے عام شہری کی امنگوں کو بھی پیدا کیا  ہے۔"

ڈاکٹر جتیندر سنگھ نے کہا "جیسا کہ جن دھن یوجنا ایک دہائی مکمل کر رہی ہے، یہ اقتصادی بااختیار بنانے کی طرف ہندوستان کے سفر میں ایک سنگ میل ہے۔" انہوں نے افق پر اس طرح کی بہت سی اور اصلاحات کے ساتھ، جامع ترقی کے اس راستے کو جاری رکھنے کے لیے حکومت کے عزم پر بھی اصرار کیا۔

*****

ش ح۔ا ک ۔ رب

U:10276