তেলিকোম রিগুলেতরী ওথোরিতী ওব ইন্দিয়ানা জোইন্ত কম্মিতী ওব রিগুলেতর (জে.সি.ও.আর.)গী মীফম অমা ওগস্ত ২৭, ২০২৪দা নৈ দিল্লীদা লৈবা মসিগী ময়াই লোইশঙদা পাঙথোকখ্রে। IRDAI, PFRDA, RBI, SEBI, MoCA, MeitY, অমসুং TRAIদগী জে.সি.ও.আর.গী মেম্বরশিংনা মীফম অদুদা শরুক য়াখি। মসিগী মথক্তা, DoT অমসুং MHA গী মীহুৎশিংনা অখন্নবা মীথুংলেন ওইনা শরুক য়াখি। জে.সি.ও.আর.না দিজিতেল এজ অসিদা রিগুলেতরী ইমপ্লিকেসনশিং য়েংশিন্নবা মপুং ওইবা ফম্বাক অমা ওইনা মথৌ তৌরি অমসুং রিগুলেতরী ফ্রেমৱার্কশিংদা অপুনবা ওইনা থবক পায়খৎলি।

ত্রাইগী চীয়রমেন শ্রী অনিল কুমার লাহোতিনা মহাক্কী ৱারোলদা স্পাম মেসেজ অমসুং কোলগী সমশ্যাশিং থেংননবা অপুনবা থৌরাং অমগী তঙাইফদবা ফোংদোকখি। মহাক্না রিগুলেতরশিংদা (i) য়ু.আর.এল., এ.পি.কে. ও.তি.তি. লিঙ্ক অমসুং এস.এম.এস.তা থাগদবা কোল বেক নম্বরশিং ৱাইতলিস্ত তৌবা, (ii) দি.এল.তি. ফম্বাক্তা ১৪০ সেরিজদা প্রোমোসনেল কোল তৌনবা হৌজিক লৈরিবা তেলিমার্কেতরশিংগী মাইগ্রেসন অমসুং (iii) তেলিমার্কেতরশিংগী অপুনবা চেনবু পি.ই.-তি.এম. চেন বাইন্দিংদা শীজিন্ননবা লাউথোকপা, হায়রিবশিং অসি পায়খৎনবা খন্ননবা পুক্নিং চিংশিনখি।

মীফম অসিনা য়ু.সি.সি. অমসুং ফ্রোদপু তেলিকোম রিসোর্সশিং অসিগী খুত্থাংদা লোইশিন্নবা অপুনবগী থৌরাং লৌখৎপা য়াবগী মতাংদা খন্নখি। খন্নখিবা মরুওইবা হীরমশিংদি –

• কন্তেন্ত তেমপ্লেত্তা য়ু.আর.এল., এ.পি.কে. ও.তি.তি. লিঙ্কশিং অমসুং কোল বেক নম্বর ৱাইতলিস্ত তৌবগী এন্তাইতীশিংগী থৌদাং অমসুং সেন্দরদগী রিসিপিএন্ত ফাওবগী মেসেজ খুদিংমক ত্রেস তৌবা য়াহনবা – হেদর অমসুং তেমপ্লেতশিং লান্না শীজিন্নবগী থৌদোক কয়া থেংনরে। ফ্রোদশিং অসি মেসেজগী ভেয়াইএবল ওইবা শরুকশিং শীজিন্নদুনা শাশিন্নবা লিঙ্কশিংগী থাদুনা পাঙথোক্লি। করিগুম্বা হেদর অমসুং কন্তেন্ত তেমপ্লেত লান্না শীজিন্নবগী মতাংদদি, ত্রাফিক পুস তৌরিবা এন্তাইতী অদু ফংবা ৱাই। মরম অসিনা, য়ু.আর.এল., এ.পি.কে., ও.তি.তি. লিঙ্ক নৎত্রগা কোল বেক নম্বর ৱাইতলিস্ত তৌবা হায়বসি তঙাইফদবা ওইরকই অমসুং মখোয়না শীজিন্নরিবা অপুনবা তেলিমার্কেতরগী চেন অদুবু পি.ই.-তি.এম. চেন বাইন্দিংদা ত্রাইনা খ্বাইদগী নৌনা লেপ্পা পাউতাক্তা শীজিন্ননবা লাউথোকপা তঙাইফদে।
• পি.আর.আই./এস.আই.পি. চেনেলশিং পামদবা কোল তৌনবা শীজিন্নবগী ইস্যু থেংননবা – বিজিনেস এন্তাইতী কয়ানা ত্রাইগী নিয়ম থুগাইদুনা ইন্দিকেতর চাম্মরোমগা লোইননা এস.আই.পি./পি.আর.আই. লাইনশিং শীজিন্নদুনা কম্মর্সিএল ভোইস কোল তৌরি। হায়রিবা এন্তাইতীশিং অসি প্রোমোসনেল কোল তৌনবগীদমক ১৪০ সেরিজতা মাইগ্রেত তৌগদবনি। মসিগী মথক্তা, থীন্থবা তৌদনা, পি.আর.আই/এস.আই.পি./বল্ক কন্নেক্সন শীজিন্নদুনা প্রোমোসনেল ভোইস কোল/রোবো কোল/প্রি রেকোর্দেদ কোল তৌরিবা স্পাম্মরশিংগী মথক্তা অকনবা থবক লৌখৎপগী তঙাইফদবা লৈরে।
• তেলিকোম সর্ভিস প্রোভাইদরশিংনা কস্তমরশিংদগী দিজিতেল কন্সেন্ত লৌনবা লিংখৎপা দি.সি.এ. সিস্তেম কনখৎহনবা – দি.সি.এ. সিস্তেম অসি এন্তাইতীশিংদা য়াম্না মরুওইবা অমা ওইগনি, মসি মেসেজিং খক্তগী নত্তনা ভোইস কোলদসু কান্নগনি। মসিনা মেসেজ অমসুং কোলশিং রিসিপেন্তশিংদা মখোয়গী দি.এন.দি. প্রিফরেন্স লৈজরবসু য়ৌহনবা য়াই। দি.সি.এ.গী তেক্নিকেল ইনফ্রাস্ত্রকচরশিং হৌজিক্তি লৈরে। রিগুলেতরশিংদা মখোয়গী জুরিসদিক্সনদা লৈবা এন্তাইতীশিংবু হায়রিবা ফেসিলিতী অসি মতম চানা শীজিন্ননবা খঙহনখ্রে।
• কঞ্জুমরশিংনা লায়না খঙদোকপা য়ানবগীদমক এন্তাইতীশিংনা সর্ভিস অমসুং ত্রাঞ্জেক্সনেল কোলশিং তৌবদা ১৬০ সেরিজ শীজিন্নবা – সর্ভিস অমসুং ত্রাঞ্জেক্সনেল কোলগীদমক ১৬০ সেরিজ অসি অখন্ননা শীজিন্নরি। পাইলত স্তদী অমা ত্রাই অমসুং আর.বি.আই.না তোঙান তোঙানবা মখলশিংগী শীজিন্নফম য়েংনবা কম্মিসন তৌখি অমসুং মসিগী ফলশিং খন্নখি।
• রিগুলেতরশিংগী মরক্তা তেলিকোম রিসোর্স শীজিন্নদুনা ফ্রোদ তৌবা লাকশিন্নবা ইনফোর্মেসন এক্সচেঞ্জ তৌনবা – তোঙান তোঙানবা রিগুলেতরশিংনা মখোয়গী প্লেৎফোর্মশিংদা লৈরিবা ঈ পাউশিং লান্ননবা অমসুং মসিবু ফ্রোদ লাকশিনবদা মতীক চানা শীজিন্ননবা মরুওইবা মীৎয়েং থম্লি।

হায়রিবা হীরমশিং অসি অপুনবা ওইনা য়েংশিন্দুনা, জে.সি.ও.আর.না কঞ্জুমরশিংবু স্পাম অমসুং ফ্রোদকী অমাং অতাদগী ঙাকথোক্নবা অমসুং হেন্না সেক্যুর ওইবা অমসুং কান্নবা তেলিকোম ইকোসিস্তেম অমা শেমগৎনবা পান্দম থম্লি।

***