থবক শুবা, মীয়ামগী ৱাকৎ অমসুং পেন্সন মন্ত্রালয়
নই দিল্লীগী বিজ্ঞান ভবনদা হয়েং কেন্দ্রগী মন্ত্রী দা. জিতেন্দ্র সিংহনা অনুভব এৱার্দস 2024 পীগনি
দা. জিতেন্দ্র সিংহ MOS, PMO, PPG&P না কেন্দ্র সরকারগী কর্মচারীশিংগীদমক প্রি-রিতায়রমেন্ত কাউন্সেলিং ৱার্কশোপ অমসু হৌদোক্কনি
দা. জিতেন্দ্র সিংহনা ওগস্ত 28, 2024দা য়ুনিয়ন বেঙ্ক ওফ ইন্দিয়াগা লোয়ননা ইন্তিগ্রেতেদ পেন্সনর্স পোর্তেল লোঞ্চ তৌগনি
দা. জিতেন্দ্র সিংহনা সুপর সিনিয়র পেন্সনর্সতা অখন্নবা মীৎয়েং থম্বগা লোয়ননা পন্দুনং লৈরিবা পেন্দন কেসকী ওল ইন্দিয়ন পেন্সন এদালৎতা ময়াই তাংবল লৌগনি
Posted On:
27 AUG 2024 3:13PM by PIB Imphal
ভারতকী প্রধান মন্ত্রীগী পাউতাক মতুং ইন্না, দিপার্তমেন্ত ওফ পেন্সন এন্দ পেন্সনর্স ৱেলফেয়র (DOPPW) না মার্চ 2015দা 'অনুভব' হায়না মিংথোনবা ওনলাইন প্লেৎফোর্ম অমা হৌদোকখি। মসি মখোয়গী সর্ভিস পেরিওদ মনুংদা ফংলকপা মরুওইবা এচিবমেন্তশিং উৎনবা রিতায়র তৌরিবা/রিতায়র তৌরবা এমপ্লোয়িশিংগী পাম্বৈ অমনি।
2024গী ওগস্ত 28দা, DOPPWনা 2016দা হৌদোকখিবদগী 7শুবা অনুভব এৱার্দকী থৌরম পাংথোক্কনি। ঙসি ফাওবদা, থৌরম 6দা অনুভব এৱার্দ 54 অমসুং জুরীগী সর্তিফিকেৎ 9 পীখ্রে।
চহি অসিদা, মন্ত্রালয়/দিপার্তমেন্ত 22গী রাইৎ-অপশিং ফোঙখ্রে। মসিগী মনুংদা অনুভব এৱার্দ 5 অমসুং জুরীগী সর্তিফিকেৎ 10 পর্সনেল, পব্লিক গ্রীভেন্স অমসুং পেন্সনগী মন্ত্রালয়গী কেন্দ্রগী রাজ্য মন্ত্রী, দা. জিতেন্দ্র সিংহনা পীগনি। অৱাংবা থাক্কী রাইৎ-অপশিংগীদমক থাগৎপা ফোংদোকখ্রে। এৱার্দ পীবগী থৌরম অসি অখন্নবা অমনি মরমদি এৱার্দ ফংলবা অপুনবা মীওই 15গী মনুংদা 33%দি নুপী কর্মচারীশিংনি। মসি 'অনুভব'গী পুৱারীদা খ্বাইদগী ৱাংবা ওইরি। মসিনা গবর্নান্সতা মখোয়গী হেনগৎলক্লিবা থৌদাং অমসুং কন্ত্রিব্যুসন অদু তাক্লি। এৱার্দ ফংলবা মীওই 15গী প্রোফেস্নেল এচিবমেন্তশিং সেলেব্রেৎ তৌনবা অমসুং ময়েক শেংহন্নবা, DOPPWনা অতেনবা ফিল্ম অমসুং সিতেসন বুকলেৎ অমসু রিলিজ তৌগনি।
দিপার্তমেন্ত ওফ পেন্সন এন্দ পেন্সনর্স ৱেলফেয়রনা 55শুবা প্রি-রিতায়রমেন্ত কাউন্সেলিং (PRC) ৱার্কশোপ অসি 2024গী ওগস্ত 28দা বিজ্ঞান ভবনগী প্লেনরী হোলদা পর্সনেল, PG অমসুং পেন্সন মন্ত্রালয়গী রাজ্য মন্ত্রী জিতেন্দ্র সিংহনা ৱা ঙাংখি।
দিপার্তমেন্ত ওফ পেন্সন এন্দ পেন্সনর্স ৱেলফেয়রনা অফবা লৈঙাক্কী শরুক অমা ওইনা লৈবাক শীনবা থুংনা প্রি-রিতায়রমেন্ত কাউন্সেলিং (PRC) ৱার্কশোপশিং পাংথোক্লি। ভারত সরকারগী রিতায়র তৌরবা এমপ্লোয়ীশিংগী কান্ননবগীদমক পাংথোক্লিবা ৱার্কশোপ অসি রিতায়র তৌরবা মীওইশিংগী 'ইজ ওফ লিভিং'গী মায়কৈদা অহোংবা পুরকপা খোংথাং অমনি। ৱার্কশোপ অসিদা, রিতায়র তৌগদৌরিবা এমপ্লোয়িশিংদা রিতায়রমেন্ত বেনিফিৎশিং অমসুং রিতায়রমেন্ত সেঙ্কসন প্রোসেসকা মরী লৈনবা ই-পাউশিং পীগনি।
রিতায়র তৌরিবা এমপ্লোয়ীশিংগীদমক্তা ত্রাঞ্জিসন অসি লাইনা পাংথোক্নবগীদমক, ভাৱিশ্য পোর্তেল, ইন্তিগ্রেতেদ পেন্সনরস পোর্তেল, রিতায়রমেন্ত বেনিফিৎশিং, ফেমিলী পেন্সন, CGHS রুলশিং, ইনকম তেক্স রুলশিং, অনুভব, দিজিতেল লাইফ সর্তিফিকেৎ, ইনভেস্তমেন্ত খুদোংচাবশিং অসিনচিংবা কয়াগী সেসনশিং পাংথোক্কনি। হায়রিবা সেসন পুম্নমক অসি রিতায়র তৌরবা মীওইশিংনা মখা তাগদবা থৌওংশিং অমসুং রিতায়র তৌদ্রিঙৈদা মেনশিনগদবা ফোর্মশিং অমসুং রিতায়র তৌরবা মতুংদা ফংলিবা কান্নবশিংগী মতাংদা ইনফোর্মেসন পীনবগীদমক্তা শেমখিবনি।
রিতায়র তৌরবা মীওইশিংনা মখোয়গী রিতায়রমেন্ত ফন্দশিং মতম চানা ইনভেস্ত তৌবা ঙম্নবা তোঙান তোঙানবা ইনভেস্তমেন্ত মোদশিং, মখোয়গী কান্নবশিং অমসুং প্লানিংগী মতাংদা অকুপ্পা সেসন অমা পাংথোক্কনি। CGHS সিস্তেম, CGHS পোর্তেল, পীরিবা ফেসিলিতীশিং অমসুং CGHSগী কান্নবশিং ফংনবগীদমক চৎনগদবা প্রোসিজরশিংগী মতাংদা অকুপ্পা সেসন অমা পাংথোক্কনি।
PRC ৱার্কশোপ মনুংদা "বেঙ্কস" একজিবিসন পাংথোক্নবা ৱারেপ লৌখ্রে। মসিদা পেন্সন দিস্বর্সিং বেঙ্ক 18না শরুক য়াগনি। পেন্সনরশিংগা মরী লৈনবা বেঙ্কিং সর্ভিস পুম্নমক শরুক য়ারিবশিংদা ফংহনগনি। বেঙ্কশিংনা রিতায়রররশিংদা পেন্সন একাউন্ত হাংদোকপা অমসুং মখোয়দা চান্নবা তোঙান তোঙানবা স্কিমশিংদা পেন্সন কোর্পস ইনভেস্ত তৌবদা লমজিং-লমতাকপসু তৌগনি।
31/03/2025 ফাওবদা রিতায়র তৌগদৌরিবা ওফিসিএল 1,200 রোম্না প্রি-রিতায়রমেন্ত কাউন্সেলিং (PRC) ৱার্কশোপ অসিদগী কান্নবা ফংলগনি হায়না পানরি। দিপার্তমেন্তনা গুদ গবর্নান্সকী শরুক অমা ওইনা অসিগুম্বা ৱার্কশোপশিং অসি মখা তানা পাংথোক্কনি। মসিনা সেন্ত্রেল গবর্নমেন্তকী রিতায়র তৌরবা মীওইশিংগীদমক খুদোংচাবা অমসুং নুংঙাইবা মওংদা ত্রান্সিসন অমা লৈহল্লগনি। দিপার্তমেন্তনা মখোয়বু সরকারনা লৌখৎলিবা থৌরাংশিংগী মতাংদা পাউ ফাওনহন্নবা হোৎনরি। মসিনা মখোয়না রিতায়রমেন্তকী মতুংদসু কান্নবা পুম্নমক ফংলগনি।
দিপার্তমেন্ত ওফ পেন্সন এন্দ পেন্সনর্স ৱেলফেয়রনা 11শুবা নেসন ৱাইদ পেন্সন এদালত অসি পর্সনেল, পব্লিক গ্রিবানন্সেস অমসুং পেন্সন্স মন্ত্রালয়গী রাজ্য মন্ত্রী, দা. জিতেন্দ্র সিংহগী লুচিং মখাদা নই দিল্লীদা 28.8.2024দা পাংথোক্কনি।
পেন্সনরশিংগী অৱাবশিং কোকহনবা অসি সরকারগী অখন্নবা মরুওইবা লম অমনি। পেন্সনরশিংগী অৱাবা অথুবা মতমদা কোকহন্নবগীদমক, DOPPW না পেন্সন এদালত অমা শীনখ্রে। মসিদা স্তেকহোল্দর কয়া অমা মফম অদুদা রিদ্রেসেলগীদমক্তা প্লেৎফোর্ম অমদা পুশিল্লে। লৈবাক শিনবা থুংনা লৈরিবা পেন্সন এদালত পুম্নমক্তা, কেস 17,760 (রিদ্রেসেল রেৎ চাদা 74) লোইশিনখি।
11শুবা পেন্সন এদালত অসিনা সুপর সেনিয়র্স পেন্সনগী মতম শাংনা লৈরক্লবা কেসশিং ৱারোইশিন পুরকপদা মীৎয়েং থমগনি। পেন্সন এদালত অসিদা গৃহ মন্ত্রালয়, ঙাকশেল, শেল-থুম মন্ত্রালয়, কম্মর্স মন্ত্রালয়, এক্স-সর্বিসমেন ৱেলফেয়র মন্ত্রালয়, হাউজিং এন্দ অর্বান এফিয়র্স মন্ত্রালয়, রেলৱে মন্ত্রালয় অসিনচিংবা মন্ত্রালয়/দিপার্তমেন্ত 22 শরুক য়াগনি। মন্ত্রালয়শিংগা মরী লৈনবা কেস 298 খন্ন-নৈনগনি।
দিপার্তমেন্ত ওফ পেন্সন এন্দ পেন্সনর্স ৱেলফেয়রনা পেন্সনরশিং অমসুং অহল ওইরবা নাগরিকশিংগীদমক কম্মন সিঙ্গল ৱিন্দো পোর্তেল অমা পীনবা ভাবিশ্যা প্লেৎফোর্মবু য়ুম্ফম ওইনা শিজিন্নদুনা 'ইন্তিগ্রেতেদ পেন্সনরশিংগী পোর্তেল' অমা শেমখ্রে। স্তেৎ বেঙ্ক ওফ ইন্দিয়া, কনরা বেঙ্ক, পঞ্জাব নেস্নেল বেঙ্ক, বেঙ্ক ওফ বরোদা অমসুং বেঙ্ক ওফ ইন্দিয়ানা মখোয়গী পেন্সন পোর্তেলশিং ইন্তিগ্রেতেদ পেন্সনরস পোর্তেলগা ইন্তিগ্রেতেদ তৌখ্রে। য়ুনিয়ন বেঙ্ক ওফ ইন্দিয়ানা হয়েং লীগ অসিদা য়াওরগনি। হৌজিক্কী ওইনা, ফেসিলিতী 4 হায়বদি থাগী ওইবা পেন্সন স্লিপ, স্তেতস ওফ লাইফ সর্তিফিকেৎ, পেন্সনরগী সবমিসন ফোর্ম 16 অমসুং পীখ্রবা পেন্সনগী এরিয়রগী দ্যু এন্দ দ্রোন স্তেৎমেন্ত অসি বেঙ্কশিং অসিনা পীরি। পান্দমদি অপুনবা য়ুজর এক্সপরিয়েন্স অমগীদমক পেন্সন দিস্বর্সিং বেঙ্ক পুম্নমকপু পোর্তেল অসিদা পুনশিন্নবনি।
*****
(Release ID: 2049207)
Visitor Counter : 25