Ka kynhun Myntri jong ka sorkar pdeng, ba la khlieh da u Myntri Rangbah duh, Narendra Modi mynta ka sngi ka la mynjur ia ka jingtyrwa ia ka ‘BioE3 (Biotechnology for Economy, Environment and Employment) Policy ban kyntiew ia ka Biomanufacturing’ kaba seisoh bha jong ka Tnat Biotechnology.

Ki bynta ba kongsan jong ka BioE3 policy ka kynthup ka jingkyrshan ia ka jingwad bniah bad ka jingseng kam lajong ha ki kam bapher bapher. Kane kan pynsted ia ka jingsaindur ia ka teknoloji bad ka jingpyniaid iew ia ka da kaba tei ia ki jaka pdeng ia ka Biomanufacturing & ki Bio-AI bad ruh ka Biofoundry. Ha ryngkat ka jingpeit bniah ia ki kam bioeconomy kiba khyllie im hi ialade na ka bynta ka roi ka par kaba khuid, kane ka polisi kan plie lad ia ka jingpyniar jong ki nongtrei kiba la tbit jong ka India bad kan kyntiew ia ka jingplie lad ioh kam.

Shuh shuh kane ka Policy kan pynkhlain ia ki sienjam jong ka Sorkar kum ka ‘Net Zero’ carbon economy & ‘Lifestyle for Environment’ bad kan ialam lynti na ka bynta ka roi ka par kaba khuid bad kaba sted da kaba kyntiew ia ka ‘Circular Bioeconomy’. Ka BioE3 Policy kan kyntiew bad wanrah ia ka lawei kaba kham iaineh, kaba saindur thymmai, bad kaba peit ia ki jingeh ha ka pyrthei bad ka buh ruh ia ka jingthmu Bio na ka bynta ka Viksit Bharat.

Kane ka juk mynta ka dei ka por kaba biang bha ban bei tyngka ha ka jingpyniar ia ki kam biology ban kyntiew ia ka jinglong jingman kaba iaineh ban pynbeit ia ki jingeh kiba kham heh ha ka imlang sahlang kum ka jingpynduna ia ka jingkylla ka suinbneng, ka jingshngain ha ka jingioh mar bam bad ka koit ka khiah jong ki briew. Ka long kaba donkam ban tei ia ka kam biomanufacturing kaba khlain ha ka ri jong ngi ban pynsted ia ki jingsaindur thymmai ban pynmih ia ki mar kiba don nongrim ha ka biology.

Ka biomanufacturing kaba seisoh bha ka dei ka bor ban pynmih ia ki mar kum ki dawai bad kiwei kiwei ki tiar, ka jingpynbeit ia ki jingeh kiba iadei bad ka kam rep bad ki mar bam, bad ka jingshna ia ki mar biology lyngba ka jingpyniasoh ia ki kam biotechnology. Ban pynbiang ia ki kam ba kongsan jong ka ri, ka BioE3 Policy kan peit ia ki kam kum: ki bio chemical ba rem dor, ki biopolymer & enzyme; ki smart protein & bad ki mar bam ba iahap; precision biotherapeutics; ka kam rep ka bym shah ktah palat ha ka mariang; ka jinglum ia ka carbon bad ka jingpyndonkam ia ka; ka jingwad bniah ha ki kam kiba iadei bad ki duriaw bad ka haw haw.

***