ৱর্ল্দ ওদিও ভিজুএল এন্দ এন্তর্তেনমেন্ত সম্মিৎ  (WAVES) কী ‘ক্রিএৎ ইন ইন্দিয়া চেলেঞ্জ – সিজন 1’গী শরুক ওইনা চেলেঞ্জ 25 এনিমেসন, ফিল্মমেকিং, গেমিং, ম্যুজিক অমসুং ভিজুএল আর্তস য়াওনা লম কয়ামরুম কোনশিন্দুনা মমিং লৈরবা ইন্দস্ত্রী এসোসিএসনশিং অমদি ওর্গনাইজেসনশিংনা পাংথোক্কদৌরি।

WAVESতা ফাইনেলিস্তশিংগীদমক মালেমগী ওইবা খুদোংচাবশিং

ইনফোর্মেসন অমসুং ব্রোদকাস্তিং মন্ত্রালয়না ফাইনেলিস্ত পুম্নমকপু মেন WAVES প্লেৎফোর্মদা পুন্না লাক্নবা অমসুং মখোয়গী খ্বাইদগী ফবা অদু উৎনবা খুদোংচাবা পীগনি। তোঙান তোঙানবা চেলেঞ্জ কয়াদগী ফাইনেল ওইনা খনগৎলবা মীওইশিংদা মালেমগী খ্বাইদগী চাউবা মরী লৈনবা প্লেৎফোর্মশিংদা শরুক য়াবগী খুদোংচাবা পীগনি। খুদম ওইনা হায়রবদা, এনিমেসন ফিল্ম শেম্বদা মায় পাক্লিবা মীওই অদু অচৌবা প্রদক্সন হাউস খরগা খুৎশম্নদুনা মখোয়গী প্রোজেক্ত অদু মপুং ফাহনবগীদমক মতেং পাংগনি। মখোয়গী অরোইবা প্রোজেক্ত অসি আই এন্দ বি মন্ত্রালয়না মতেং পাংগনি অমসুং এন্নেসী এনিমেসন ফিল্ম ফেস্তিবেল অসিনচিংবা মমিং লৈরবা ফেস্তিবেলশিংদা পুথোক্কনি। এনিমে কন্তেস্ততা মায় পাক্লবশিংবু জাপানগী খ্বাইদগী চাউবা এনিমে ইভেন্ততা শরুক য়ানবা তেংবাংগনি।

হায়রিবা চেলেঞ্জশিং অসি মপুং ওইবা থৌরম অদুগী মমাংদা শীন-লাংদুনা লাক্লি অমসুং লাক্কদৌরিবা থা খরদা লৈবাক শিনবা থুংনা লৈরিবা ক্রিয়েতরশিংগী কম্ম্যুনিতী পুম্নমক শরুক য়াহন্নবা পান্দম থম্লি।

1. প্রসার ভারতী, ভারতকী পব্লিক ব্রোদকাস্তরনা দি বেত্তল ওফ দি বেন্দস অমসুং দি সিম্ফোনী ওফ ইন্দিয়া চেলেঞ্জ পাংথোক্কনি।

দি বেত্তল ওফ দি বেন্দসনা মরু ওইনা, মোদর্ন ম্যুজিক অমসুং ত্রেদিস্নেল ফোল্ক্ পীচশিং পুনশিন্নবগী চাংয়েং তৌনবা প্লেৎফোর্ম অমা পীরি। অনৌবা থৌওং অসিনা মীচম মীয়াম্বু হেন্না পুক্নিং চিংশিনবা ঙম্মি অমসুং অনৌবা মীরোনশিংবু ভারতকী ঈশৈগী চৎনবীগী ফজবা অমসুং মখল-মখা কয়া খঙহনবা ঙম্মি। মখোয়গী হৈ-শিংবা উৎতুনা অমসুং ইন্দস্ত্রীগী প্রোফেস্নেলশিংগা শম্নদুনা, শরুক য়ারিবা বেন্দশিংনা মখোয়গী মশক খঙবা হেনগৎহনবা, মখোয়গী ফেন বেজ শেমগৎপা, অমসুং কোলাবোরেসন অমসুং দিস্ত্রিব্যুসনগী খুদোংচাবা ফংহনবা ঙম্মি।

অমরোমদা, দি সিম্ফোনী ওফ ইন্দিয়া কম্পিতিসন অসি ত্রেদিস্নেল ইন্দিয়ন ক্লাসিকেল ম্যুজিকতা স্পেসিয়েলাইজ তৌরবা সোলিয়িস্ত অমসুং এন্সম্বলশিংগী ভর্চুওসিতীবু সেলেব্রেৎ তৌবদা শেমখি। অসিগুম্বা হৈথোই-শিংথোইরবা আর্তিস্তশিংনা মখোয়গী হৈ-শিংবা উৎনবা প্লেৎফোর্ম অমা পীদুনা, প্রসার ভারতীনা ভারতকী ক্লাসিকেল ম্যুজিক ত্রেদিসনশিংবু থাগৎপা অমসুং ঙাক-শেন্দুনা থম্বদা মতেং পাংনবা পান্দম থম্লি। মসি চৎনবীগী ওইবা আর্তশিং অসি মীয়াম্না পোপুলর কলচর হেন্না পামখিবনা নাথৈদুনা থম্মিবা ঙসিগী য়াম্না থুনা খোংজেল য়াঙনা চৎপা মালেম অসিদা হেন্না মরুওইরি।

2. দি এনিমেসন ফিল্মমেকরশিংগী কম্পিতিসন অসিনা ভারতকী এনিমেসন ইন্দস্ত্রীবু মখোয়গী হৈশিংবা উৎনবা, ইন্দস্ত্রীগী লুচিংবশিংগা পাউ ফাওননবা অমসুং মখোয়গী হৈশিংবা হেনগৎহন্নবগীদমক্তা হৌগৎলক্লিবা ফিল্মমেকরশিংগীদমক্তা য়াম্না মথৌ তাবা প্লেৎফোর্ম অমা পীদুনা অহোংবা পুরক্নবা পান্দম থম্লি। এনিমেসন ইন্দস্ত্রী অসি খোংজেল য়াংনা চাউখৎলক্লিবা অদুবু তেলেন্ত চাউখৎহনবা অমসুং শকখঙনবগী মতাংদা শীংনবশিং মায়োক্নরিবা লৈবাক অমদা, মসিগী কম্পিতিতিব অসিনা ফিল্মমেকরশিংগীদমক্তা অখন্নবা খুদোংচাবা অমা পীরি। মখোয়গী শক্তি লৈরবা স্তোরী তেল্লীংগীদমক মমিং চৎপা এল.এ.দা য়ুম্ফম ওইবা এনিমেসন দিবেলপমেন্ত স্তুদিও, দান্সিং এতোম্সনা শীন-লাঙদুনা পাঙথোকপা, কম্পিতিসন অসিনা শরুক য়ারিবশিংদা মখোয়গী কেরিয়রবু মাংলোমদা পুখৎনবা ইন্দস্ত্রী এক্সপর্তশিং, মেন্তরশিপ, অমসুং নেৎৱার্ক্কিংগী খুদোংচাবশিং ফংহল্লি। অনৌবা হৈশিংবশিং শেমগৎতুনা অমসুং মতেং পাংদুনা, কম্পিতিসন অসিনা ভারতকী এনিমেসনগী ক্বালিতী অমসুং দাইভর্সিতী হেনগৎহন্নবা অমসুং লম অসিদা মালেমগী লুচিংবা অমা ওইনা লৈবাক অসিবু শেমগৎনবা পোতেন্সিএল লৈ।

থৌওং অসিদা ওনলাইন সেলেক্সন অমসুং মাস্তর ক্লাসশিং য়াওরি, মসিগী মতুংদা পিৎচ দেক সবমিসন অমসুং রিফাইনমেন্ত তৌগনি। পর্সনেল মেন্তরশিপ অমসুং ভিদিও পিৎচ সবমিসনশিংনা ফাইনেলিস্ত 15দা হন্থহল্লি। মসিগী কম্পিতিসন অসিগী খুত্থাংদা, শরুক য়ারিবশিংনা মালেমগী মীয়ামদা মখোয়গী থবক উৎনবা, মরুওইবা স্তেকহোল্দরশিংগা মরী লৈনবা, মখোয়গী মিংচৎ শেম্নবা, কোলাবোরেসন অমসুং দিস্ত্রিব্যুসনগী খুদোংচাবা ফংনবা অমসুং মখোয়গী ৱাখল্লোনশিং অদু মপুং ফাহন্নবগীদমক্তা ফন্দিং ফংনবগী খুদোংচাবা ফংগনি। মসিগী মথক্তা, ৱিন্নরশিংনা দি.দি.গুম্বা মমিং লৈরবা স্তুদিওশিং, প্রদ্যুসরশিং, দিস্ত্রিব্যুতরশিং অমসুং ব্রোদকাস্তরশিংগা থবক তৌমিন্নবগী খুদোংচাবা ফংলগনি।

3. এনিমে চেলেঞ্জনা ভারতকী এনিমে অমসুং মঙ্গা ইন্দস্ত্রীদা অহোংবা পুরক্নবা পান্দম থম্লি। মসিগী পান্দমদি ক্রিএতরশিংনা মখোয়গী হৈশিংবা উৎনবা, শকখঙবা ফংনবা অমসুং ইন্দস্ত্রীগী প্রোফেস্নেলশিংগা শম্ননবা য়াম্না মথৌ তাবা প্লেৎফোর্ম অমা পীবনি। অসিগুম্বা কলাগী মওং-মতৌশিং অসি য়াম্না থুনা মীয়াম্না পাম্নরক্লিবা লৈবাক অসিদা মসি উবা ফংহনবা অমসুং শৌগৎপদা অৱাবা কয়া মায়োক্নরি। মসিগী কম্পিতিসন অসিনা ক্রিএতরশিংদা অখন্নবা খুদোংচাবা অমা পীরি।

মীদিয়া এন্দ এন্তর্তেনমেন্ত এসোসিএসন ওফ ইন্দিয়ানা শীন-লাঙদুনা পাংথোকপা, কম্পিতিসন অসিদা স্তেত অমসুং নেস্নেলগী থাক য়াওনা স্তেজ কয়া অমা য়াওরি অমসুং সহর 11দা পাংথোক্লি। মঙ্গা, ৱেবতুন, অমসুং এনিমে য়াওনা শরুক য়াবগী কেতেগোরী কয়া অমা পীদুনা, চেলেঞ্জ অসিনা বেকগ্রাউন্দ অমসুং স্তাইল পুম্নমক্কী ক্রিএতরশিংনা মখোয়গী থবকশিং উৎনবা খুদোংচাবা ফংহনখি।

মেন্তরশিপ, ভিজিবিলিতী অমসুং নেৎৱার্ক্কিংগী খুদোংচাবশিংগী খুত্থাংদা, 'এনিমে চেলেঞ্জ' অসিনা এনিমে ইন্দস্ত্রীদা চাউখৎপা পুরক্নবা অমসুং মপাঙ্গল কনবা ফেনবেজ অমা শেমগৎনবা পান্দম থম্লি। অনৌবা হৈশিংবশিং শেমগৎতুনা অমসুং মতেং পাংদুনা, মসিগী কম্পিতিসন অসিনা ভারতকী এনিমে অমসুং মঙ্গাগী মগুন অমসুং দাইভর্সিতী হেনগৎহন্নবা, লৈবাক অসিবু ক্রিএতিব ফিল্দশিংদা গ্লোবেল প্লেয়র অমা ওইনা শেমগৎনবা পোতেন্সিএল লৈ।

4. ইন্দিয়া গেম দিবেলপর কনফরেন্স (IGDC) না শিন্দুনা পাংথোকপা গেম জাম অসি জাতিগী থাক্কী কম্পিতিসন অমনি। মসিগী পান্দমদি ভারতকী চাউখৎলক্লিবা গেম দিবেলপমেন্ত ইন্দস্ত্রীদা ক্রিএতিবিতী অমসুং ইন্নোভেসন পুক্নিং থৌগৎপনি।

কম্পিতিসন অসি রাউন্দ অনি থোক্না শেম্মি: ভারতকী জোন তরুক্কী ওইনা অহানবা ভর্চুএল গেম জাম অমা, মফম অসিদা শরুক য়ারিবশিংনা পুং 48 চুপ্না কম্পিতিসন তৌগনি, মসিগী মতুংদা জোন খুদিংমক্কী ফাইনেলদা খ্বাইদগী ফবা 10 ওইরকপা মীওইশিংগীদমক্তা ফিজিকেল গেম জাম অমা পাংথোক্কনি। মকোক থোংবা ৱিন্নরশিংনা STPIগী IMAGE COE কোহোর্ৎতা মফম অমা ফংলগনি, মসিনা মখোয়দা গ্রোথ অমসুং দিবেলপমেন্তগী অহেনবা খুদোংচাবশিং ফংহল্লগনি। গেম দিবেলপরশিংগীদমক্তা, মসিগী কম্পিতিসন অসিনা মমল য়াম্লবা এক্সপোজর, মেন্তরশিপকী খুদোংচাবা অমসুং মকোক থোংবা প্লেৎফোর্মশিং অমসুং ইন্দস্ত্রীগী কনেক্তিবিতীশিংগী খুত্থাংদা মখোয়গী কেরিয়রদা খুমাং চাউশিনহন্নবা খুদোংচাবা পীরি।

5.  ইন্তর্নেত ‌এন্দ মোবাইল এসোসিএসন ওফ ইন্দিয়ানা শিনবা AI আর্ত ইন্সতোলেসন চেলেঞ্জ অসি আর্ত অমসুং তেক্নোলোজীগী ইন্তরসেক্সনদা অহোংবা পুরক্নবা শেম-শারিবা অনৌবা কম্পিতিসন অমনি। আর্তিস্তশিং, দিজাইনরশিং, অমসুং AI পামজবশিংবু AI শীজিন্নদুনা ইম্মর্সিব অমসুং ইন্তরেক্তিব ইন্সতোলেসনশিং শেম্নবা কৌদুনা, চেলেঞ্জ অসিনা এক্সপেরিমেন্ত, ইন্নোবেসন, অমসুং অনৌবা আর্তিস্তিক ফ্রন্তিয়রশিং থিজিনবদা পুক্নিং থৌগৎলি।

মসিগী আর্তিস্তিক ওইবা মরুওইবদুগী মথক্তা, কম্পিতিসন অসি ইন্দস্ত্রী অসিগীদমক্তা য়াম্না মরু ওই। মসিনা আর্ততা AI  গী অনৌবা এপ্লিকেসনশিং উৎনবা প্লেৎফোর্ম অমা ওইনা মথৌ তৌরি। মসিনা পোতেন্সিএল ইনভেস্তরশিং, কোলাবোরেতরশিং অমসুং কঞ্জুমরশিংগী মরক্তা এৱেরনেস অমসুং ইন্তরেস্ত হেনগৎহল্লি। মসিগী AI আর্ত ইন্সতোলেসন চেলেঞ্জ অসি আর্তিস্তিক ইন্নোবেসন অমসুং AI না লমজিংবা ক্রিএতিব সেক্তরগী চাউখৎপগী পুক্নিং থৌগৎনিঙাই ওইরি। মসিনা ভারতপু মসিগী নুংঙাইবা অমসুং খোঙজেল য়াংনা চাউখৎলক্লিবা লম অসিদা মাংজিল থানা চংশিনহনগনি।

6. WAVES হেকাথোন: এদভর্তাইসিং এজেন্সীস এসোসিয়েএসন ওফ ইন্দিয়াগী এদস্পেন্দ ওপতিমাইজর কম্পিতিসনগী পান্দমদি ROI  ফগৎহনবা, ইফিসিএন্সী হেনগৎহনবা, দেতা-দ্রিভন দিসিজন মেকিং য়োকখৎপা, ইন্নোবেসন থৌগৎপা অমসুং কঞ্জুমর এক্সপরিয়েন্স হেনগৎহনবনি। ঙসিগী কম্পিতিতিব দিজিতেল লেন্দস্কেপ্তা, এদভর্তাইজরশিংনা ROI হেনগৎহন্নবগীদমক মখোয়গী এদস্পেন্দবু ইফেক্তিব ওইনা এলোকেৎ তৌবগী চেলেঞ্জ থেংনরি। দেতা মরাং কায়না লৈহনবা, চেনেল কমপ্লেক্সিতী, দাইনামিক মার্কেত কন্দিসনশিং, অমসুং এত্রিব্যুসনগী শীংনবশিংনা ৱারেপ লৌবদা অপনবা ওইরি। হায়রিবা শীংনবশিং অসি থেংনবা হায়বসি এদভর্তাইজরশিং অমসুং ইন্দস্ত্রীগীদমক্তা য়াম্না মরু ওই। ইফিসেন্তিব ওইদবা এদ স্পেন্দ এলোকেসন তৌবনা রিসোর্স মাঙহল্লকপা, ব্রান্দ রুপেত্যুসন হন্থহনবা অমসুং খুদোংচাবশিং মাংহল্লকপা য়াই। শরুক য়াদুনা, তীমশিংনা হেন্না মগুন লৈবা, ইফেক্তিব ওইবা অমসুং কঞ্জুমর-সেন্ত্রিক দিজিতেল এদভর্তাইজিং ইকোসিস্তেম অমদা মতেং পাংবা ঙম্মি।

7. কম্ম্যুনিতী রেদিও এসোসিএসন্না শিনবা কম্ম্যুনিতী রেদিও কন্তেন্ত চেলেঞ্জ অসি ভারতকী কম্ম্যুনিতী রেদিওগী লমদা ক্রিএতিবিতি অমসুং এক্সিলেন্স পুক্নিং থৌগৎনবা পান্দম থম্লিবা মরু ওইবা চেলেঞ্জ অমনি। ভারত শিনবা থুংনা লৈরিবা CRSশিংনা ফোর্মেৎ নৎত্রগা জেনর অমহেক্তদা মখোয়গী খ্বাইদগী ফবা প্রোগ্রামশিং পুথোক্কনি। সবমিসন অমমম অসি পুং অমা মখাইগী প্রোগ্রাম নত্ত্রগা সিরিজ অমদগী ইপিসোদ অমখক্তমক ওইগদবনি, মসিদা সপোর্তিং মেতরিএলশিং য়াওগদবনি। এক্সপর্তশিংগী জুরি অমনা সবমিসনশিং অদু য়েংশিনগনি অমসুং অরোইবা রাউন্দগীদমক খ্বাইদগী ফবা এন্ত্রি 5 খনগনি।

CRSশিংবু মখোয়গী খ্বাইদগী ইন্নোবেতিব অমসুং ইম্পেক্ত লৈবা প্রোগ্রামশিং সবমিৎ তৌনবা পুক্নিং থৌগৎতুনা, চেলেঞ্জ অসিনা মখোয়গী লোকেল কম্ম্যুনিতীশিংদা কম্ম্যুনিতি রেদিও স্তেসনশিংগী তোপ তোপ্পা কন্ত্রিব্যুসনশিং উৎনবা শক্তি লৈরবা প্লেৎফোর্ম অমা ওইনা মথৌ তৌরি। মসিগী খোঙথাং অসিনা অনৌবা পুথোকপদা পুক্নিং থৌগৎকনি, তোঙান-তোঙানবা ভোইসশিং পুথোক্কনি, মগুন লৈবশিংবু শকখঙগনি অমসুং কম্ম্যুনিতী শেমগৎকনি। মসিনা ভারতকী কম্ম্যুনিতী রেদিওগী তুংলমচৎ শেমগৎকনি।

8. নেস্নেল ফিল্ম আর্কাইব ওফ ইন্দিয়া- NFDC না শীনবা ফিল্ম পোস্তর মেকিং কম্পিতিসন অসি আর্ত অমসুং সিনেমা পুনশিল্লিবা লম অদুবু পালন তৌরিবা থৌরম অমনি। শরুক য়ারিবশিংবু মশক থোকপা ফিল্মশিংগীদমক ভিজুএল্লি ময়েক লারবা, খুৎনা শাবা পোস্তরশিং দিজাইন তৌনবা চেলেঞ্জ তৌদুনা, কম্পিতিসন অসিনা ক্রিএতিবিতী, ইন্নোবেসন, অমসুং ফিল্ম পোস্তর দিজাইন তৌবগী ক্রাফ্তকীদমক হেন্না চাউনা পুক্নিং থৌগৎলি।

মসিগী কম্পিতিসন অসি ফিল্ম ইন্দস্ত্রীগীদমক মরম কয়াগীদমক মরু ওই। অহানবদা, মসিনা হৌগৎলক্লিবা আর্তিস্তশিংদা মখোয়গী হৈশিংবা উৎনবা অমসুং ইন্দস্ত্রীগী মনুংদগী শকখঙনবগী প্লেৎফোর্ম অমা ওইনা মথৌ তৌই। অনিশুবদা, মসিনা ফিল্মগী পোস্তরশিং অসি ফিল্ম অমগী মগুন অদু ফোংদোকপা ঙম্বা অমসুং মীয়ামবু পুক্নিং চিংশিনবা ঙম্বা মপাঙ্গল লৈবা মার্কেতিং খুৎলাই অমা ওইনা মরুওইরিবা অদু খঙহল্লি। অহুমশুবদা, নেস্নেল ফিল্ম এৱার্দ ফংলবা ফিল্মশিংদা মীৎয়েং থমদুনা, কম্পিতিসন অসিনা ভারতকী ইনাক খুল্লবা সিনেমাতিক হেরিতেজবু ইকায় খুম্নবা উৎলি অমসুং অনৌবা মীরোলগী আর্তিস্তশিংবু ক্লাসিকেল ফিল্মশিংগা এঙ্গেজ তৌনবা পুক্নিং থৌগৎলি।

9. ইন্দিয়ন দিজিতেল গেমিং সোসাইতী (IDGS) না শিনবা হেন্দহেল্দ এজুকেস্নেল ভিদিও গেম দিবেলপমেন্ত কম্পিতিসন অসিনা ইন্নোবেতিব, হেন্দহেল্দ এজুকেস্নেল ভিদিও গেমশিং দিবেলপ তৌবদা পুক্নিং থৌগৎলি। পান্দমদি শীজিন্নরিবা মীওইশিং, মরুওইনা অঙাংশিংবু মেথমেতিক্স তম্বদা, পাজলশিং সোল্ব তৌবদা অমসুং মখোয়গী কোগ্নিতিব স্কিলশিং হেনগৎহনবদা মতেং পাংনবা পুক্নিং চিংশিনগদবা দিভাইসশিং শেমগৎপনি। কম্পিতিসন অসিনা হার্দৱায়র খনবদা মমল হোংবা অমসুং ক্রিএতিবিতীদা মীৎয়েং থম্লি। শরুক য়ারিবশিংনা প্রোতোতাইপ দেমোশিংগা লোয়ননা ৱাখল্লোনগী প্রুফশিং সবমিৎ তৌগনি। হায়রিবা কম্পিতিসন অসি ইন্দস্ত্রী অসিগীদমক্তা য়াম্না মরু ওই মরমদি মসিনা এজুকেস্নেল তেক্নোলোজী চাউখৎহনবা, ইন্নোবেসন পুক্নিং থৌগৎপা, অমসুং লর্নিংগীদমক গেমিংগী পোতেন্সিএলবু ময়েক শেংহল্লি।

10. ইন্দিয়ন কোমিক্স এসোসিএসনগী কোমিক্স ক্রিএতর চেম্পিয়নশিপ অসি ভারত্তা কোমিক্স লাইরিক পুথোকপা অমসুং কলচর য়োকখৎনবা পান্দম থম্লিবা কম্পিতিসন অমনি। এমেচর অমসুং প্রোফেস্নেল আর্তিস্ত অনিমক্না মখোয়না পামজবা আর্ত স্তাইল শীজিন্নদুনা পীরকপা থীমশিংদা কমিক্স শেমদুনা কম্পিতিসন তৌই। কম্পিতিসন অসিদা ফেজ অহুম লৈ, মসিদা মায় পাক্লবা এন্ত্রিশিং অদু লাউথোক্তুনা এৱার্দ পীবা গ্রান্দ ফাইনেল অমদা লোইশিনগনি। মসিগী থৌরম অসি কোমিক্স ইন্দস্ত্রীগীদমক য়াম্না মরু ওই মরমদি মসিনা ক্রিএতরশিংদা মখোয়গী হৈশিংবা উৎনবা, পব্লিশরশিংগা নেৎৱার্ক তৌনবা অমসুং ভারত্তা কোমিক্স ইকোসিস্তেম চাউখৎহনবদা মতেং পাংনবা প্লেৎফোর্ম অমা পীরি।

অসিগুম্বা কম্পিতিসনশিং অসিনা ক্রিএতরশিংদা মশক খঙনবগী খুদোংচাবা পীবতা নত্তনা ক্রিএতরশিংগী তুং কোইবা অমসুং চাউখৎলক্লিবা শেন্মিৎলোনদা মতেং পাংনবা মমল য়াম্লবা খুদোংচাবা অমসু পীরি। ভারতকী আর্তিস্তশিংদা মখোয়গী অখন্নবা ৱাখল্লোনশিং উৎনবা প্লেৎফোর্ম অমা পীদুনা, হায়রিবা কম্পিতিসনশিং অসিনা মালেমগী এনিমেসন ইন্দস্ত্রীদা ভারতকী মকোক থোংবা শক্তম অমা মপাঙ্গল কনখৎহনবদা মতেং পাংগনি। অপুনবা ওইনা, তোঙান তোঙানবা কাংলুপশিংদা শরুক য়ারিবা মীওইশিং অসি এনিমেসন, ভিজুএল ইফেক্স অমসুং গেমিং, কোমিক্স অমসুং এক্সতেন্দ তৌরবা রিএলিতিগীদমক্তা প্রপোজ তৌখিবা নেস্নেল সেন্তর ওফ এক্সিলেন্সকী দেতা বেজ অমা ওইগনি।

AVGC-XRগী মরী লৈনবা তোঙান তোঙানবা ভর্তিকেলশিংদা ইনক্যুবেসন ফেসিলিতীশিং অমসুং তোঙান তোঙানবা এসেলরেতর প্রোগ্রামশিং পীনবা I&B মন্ত্রালয়না থাজবা থম্লি।

*****