عالمی آڈیو ویژول اینڈ انٹرٹینمنٹ سمٹ (ڈبلیو  اے وی ای ایس) کے لیے 'کریٹ ان انڈیا چیلنج - سیزن 1' کے حصے کے طور پر 25 چیلنجز کی میزبانی معروف صنعتی انجمنوں اور تنظیموں کے ذریعے کی جائے گی، جس میں اینیمیشن، فلم سازی، گیمنگ، موسیقی، اور بصری فنون سمیت وسیع شعبوں کا احاطہ کیا جائے گا۔

ڈبلیو اے وی ای ایس میں فائنلسٹ کے لیے عالمی مواقع

اطلاعات و نشریات کی وزارت ان تمام 25 مقابلوں  میں فائنلسٹ کو موقع فراہم کرے گی، تاکہ وہ مین ویوز پلیٹ فارم پر اکٹھے ہوں اور اپنی بہترین کارکردگی کا مظاہرہ کریں۔ مختلف چیلنجوں میں سے حتمی منتخب لوگوں کو دنیا بھر میں کچھ بڑے متعلقہ پلیٹ فارمز میں شرکت کا موقع دیا جائے گا۔ مثال کے طور پر، اینی میشن فلم بنانے میں جیتنے والے کو کچھ بڑے پروڈکشن ہاؤسز کے ساتھ معاہدہ کرکے اپنے پروجیکٹ کو مکمل کرنے کے لیے  مدد کی  جائے گی۔ اس کے بعد ان کے حتمی پروجیکٹ کو آئی اینڈ بی کی وزارت کی طرف سے تعاون کیا جائے گا اور اسے اینیسی اینی میشن فلم فیسٹیول وغیرہ جیسے مشہور فیسٹیولز میں لے جایا جائے گا۔ اینائیم مقابلے کے فاتحین کو جاپان میں سب سے بڑے اینائیم تقریب  میں شرکت کے لیے تعاون کیا جائے گا۔

ان چیلنجوں کا اہتمام خاص تقریب سے پہلے کیا جا رہا ہے اور اس کا مقصد اگلے چند مہینوں میں پورے ملک میں تخلیق کار کی پوری کمیونٹی کو شامل کرنا ہے۔

1. پرسار بھارتی، بھارت کا پبلک براڈکاسٹر دی بیٹل آف دی بینڈز اور دی سمفنی آف انڈیا چیلنج کی میزبانی کر رہا ہے۔

بیٹل آف دی بینڈز، خاص طور پر، بینڈز کو جدید موسیقی اور روایتی لوک  موسیقی  کے امتزاج کے ساتھ تجربہ کرنے کے لیے ایک پلیٹ فارم فراہم کرتا ہے۔ یہ اختراعی نقطہ نظر وسیع تر سامعین کو راغب کرنے اور نئی نسلوں کو ہندوستان کی موسیقی کی روایات کی خوبصورتی اور تنوع سے متعارف کرانے کی صلاحیت رکھتا ہے۔ اپنی صلاحیتوں کو ظاہر کرنے اور صنعت کے پیشہ ور افراد کے ساتھ جڑ کر، شرکت کرنے والے بینڈ اپنی اہمیت کو بڑھا سکتے ہیں، اپنے پرستاروں کی بنیاد قائم کرسکتے ہیں، اور اشتراک اور ڈسٹری بیوشن کے مواقع کو محفوظ بنا سکتے ہیں۔

دوسری طرف، سمفنی آف انڈیا مقابلہ، روایتی ہندوستانی کلاسیکی موسیقی میں مہارت رکھنے والے  تنہا  کارکردگی کا مظاہرہ کرنے والے فنکاروں  اور جوڑیوں  میں فن کی خوبی کا جشن منانے کے لیے وقف ہے۔ ان باصلاحیت فنکاروں کو اپنی صلاحیتوں کا مظاہرہ کرنے کے لیے ایک پلیٹ فارم مہیا کرکے، پرسار بھارتی کا مقصد ہندوستان کی کلاسیکی موسیقی کی روایات کی تعریف اور تحفظ کو فروغ دینا ہے۔ یہ آج کی تیز رفتار دنیا میں خاص طور پر اہم ہے، جہاں روایتی فنون کو اکثر مقبول ثقافت کے حق میں نظر انداز کیا جاتا ہے۔

2. اینیمیشن فلم  سازوں  کے مقابلے کا مقصد فلم سازوں کو اپنی صلاحیتوں کا مظاہرہ کرنے، صنعت کے لیڈروں کے ساتھ جڑنے اور اپنی صلاحیتوں کو فروغ دینے کے لیے ایک انتہائی ضروری پلیٹ فارم فراہم کرکے ہندوستان کی اینیمیشن انڈسٹری میں انقلاب لانا ہے۔ ایک ایسے ملک میں جہاں اینیمیشن انڈسٹری تیزی سے ترقی کر رہی ہے، لیکن ہنر مندی کی نشوونما اور پہچان کے حوالے سے اسے چیلنجز کا سامنا ہے، یہ مقابلہ فلم سازوں کے لیے ایک انوکھا موقع فراہم کرتا ہے کہ وہ کامیاب ہو کر مثبت اثر ڈالیں۔ ڈانسنگ ایٹمز کے زیر اہتمام، ایک ایل اے پر مبنی اینیمیشن ڈویلپمنٹ اسٹوڈیو، جو اپنی مؤثر  داستان  گوئی کے لیے مشہور ہے، یہ مقابلہ شرکاء کو صنعت کے ماہرین، رہنمائی اور نیٹ ورکنگ کے مواقع تک رسائی فراہم کرتا ہے، جو ان کے کیریئر کو آگے بڑھا سکتے ہیں۔ ابھرتے ہوئے ٹیلنٹ کی پرورش اور حمایت کرتے ہوئے، یہ مقابلہ ہندوستانی اینیمیشن کے معیار اور تنوع کو بلند کرنے اور ملک کو اس میدان میں ایک عالمی رہنما کے طور پر قائم کرنے کی صلاحیت رکھتا ہے۔

اس عمل میں آن لائن انتخاب اور ماسٹرکلاسز شامل ہیں، جس کے بعد پچ ڈیک کو داخل کرنے اور بہتر بنانے  کا کام کیا جائے گا۔  ذاتی رہنمائی اور داخل کردہ  ویڈیو پچ میدان کو 15 فائنلسٹ تک محدود کرتی ہیں۔ اس مقابلے کے ذریعے، شرکاء کو عالمی سامعین کے سامنے اپنا کام دکھانے، اہم اسٹیک ہولڈرز کے ساتھ جڑنے، اپنی ساکھ قائم کرنے، اشتراک اور ڈسٹری بیوشن کے مواقع کو راغب کرنے اور اپنے خیالات کو عملی جامہ پہنانے کے لیے محفوظ فنڈنگ ​​کا موقع ملے گا۔  ا س کے علاوہ ، جیتنے والوں کو مشہور اسٹوڈیوز، پروڈیوسرز، ڈسٹری بیوٹرز، اور براڈکاسٹر جیسے ڈی ڈی کے ساتھ تعاون کرنے کا موقع ملے گا۔

3. اینائیم چیلنج کا مقصد تخلیق کاروں کو اپنی صلاحیتوں کو ظاہر کرنے، پہچان حاصل کرنے اور صنعت کے پیشہ ور افراد کے ساتھ جڑنے کے لیے ایک انتہائی ضروری پلیٹ فارم فراہم کرکے ہندوستانی اینائیم اور مانگا انڈسٹری میں انقلاب لانا ہے۔ ایک ایسے ملک میں جہاں آرٹ کی یہ شکلیں تیزی سے مقبولیت میں بڑھ رہی ہیں، لیکن پھر بھی انہیں مقبولیت اور مدد کے حوالے سے چیلنجز کا سامنا ہے، یہ مقابلہ تخلیق کاروں کے لیے ایک انوکھا موقع فراہم کرتا ہے کہ وہ اس میں کامیاب ہو کر مثبت اثر ڈالیں۔

میڈیا اینڈ انٹرٹینمنٹ ایسوسی ایشن آف انڈیا کے زیر اہتمام یہ مقابلہ 11 شہروں میں منعقد ہونے والے ریاستی اور قومی سطح سمیت متعدد مراحل پر مشتمل ہے۔ شرکت کے لیے مختلف زمروں کی پیشکش کر کے، اینائیم ، ویبٹون ، مانگا  سمیت دیگر چیلنج اس بات کو یقینی بناتے ہیں  کہ تمام پس منظر اور طرز کے تخلیق کاروں کو اپنی کارکردگی  کا مظاہرہ کرنے کا موقع ملے۔

رہنمائی، مقبولیت ، اور نیٹ ورکنگ کے مواقع کے ذریعے، 'اینائیم چیلنج' کا مقصد اینائیم صنعت میں ترقی کو فروغ دینا اور ایک متحرک فین بیس بنانا ہے۔ ابھرتے ہوئے ٹیلنٹ کی پرورش اور حمایت کرتے ہوئے، یہ مقابلہ ہندوستانی اینائیم  اور مانگا کے معیار اور تنوع کو بلند کرنے کی صلاحیت رکھتا ہے، جو ملک کو ان تخلیقی شعبوں میں ایک عالمی کھلاڑی کے طور پر قائم کرے گا۔

4. انڈیا گیم ڈیولپر کانفرنس (آئی  جی ڈی سی) کے زیر اہتمام گیم جام، ایک قومی سطح کا مقابلہ ہے، جس کا مقصد ہندوستان کی گیم ڈیولپمنٹ انڈسٹری میں تخلیقی صلاحیتوں اور اختراعات کو روشن کرنا ہے۔

مقابلہ دو راؤنڈز میں ترتیب دیا گیا ہے: ہندوستان کے چھ زونوں میں ایک ابتدائی ورچوئل گیم جام، جہاں شرکاء 48 گھنٹے سے زیادہ کا مقابلہ کرتے ہیں، اس کے بعد ہر زون سے سرفہرست 10 فائنلسٹ کے لیے فزیکل گیم جام ہوتا ہے۔ سرفہرست فاتح  ایس ٹی پی آئی کے  امیج  سی او  ای گروپ میں جگہ حاصل کریں گے، انہیں ترقی اور فروغ کے مزید مواقع فراہم کریں گے۔ گیم ڈویلپرز کے لیے، یہ مقابلہ انمول نمائش، رہنمائی کے مواقع، اور ہائی پروفائل پلیٹ فارمز اور صنعتی رابطوں کے ذریعے اپنے کیریئر کو آگے بڑھانے کا موقع فراہم کرتا ہے۔

5. انٹرنیٹ اور موبائل ایسوسی ایشن آف انڈیا کی طرف سے اےآئی  آرٹ انسٹالیشن چیلنج، ایک اہم مقابلہ ہے، جو آرٹ اور ٹیکنالوجی کے سنگم میں انقلاب لانے کے لیے تیار ہے۔ فنکاروں، ڈیزائنرز، اور اے آئی کے شایقین کو اے آئی کا استعمال کرتے ہوئے عمیق اور انٹرایکٹو تنصیبات بنانے کے لیے مدعو کر کے، چیلنج تجربات، اختراعات، اور نئے فنکارانہ سرحدوں کی تلاش کی حوصلہ افزائی کرتا ہے۔

اس کی فنکارانہ اہمیت کے علاوہ، مقابلہ صنعت کے لیے بہت زیادہ اہمیت رکھتا ہے۔ یہ فنون لطیفہ میں اے آئی کی اختراعی ایپلی کیشنز کو ظاہر کرنے کے لیے ایک پلیٹ فارم کے طور پر کام کرتا ہے، ممکنہ سرمایہ کاروں، تعاون کاروں اور صارفین میں بیداری اور دلچسپی کو فروغ دیتا ہے۔ یہ اے آئی  آرٹ انسٹالیشن چیلنج فنکارانہ جدت طرازی اور  اے آئی سے چلنے والے تخلیقی شعبے کی ترقی کے لیے ایک محرک ہے، جو ہندوستان کو اس دلچسپ اور تیزی سے ترقی پذیر میدان میں سب سے آگے لے جا رہا ہے۔

6. ویوز ہیکاتھون: ایڈورٹائزنگ ایجنسیز ایسوسی ایشن آف انڈیا کے ذریعہ ایڈسپنڈ آپٹیمائزر مقابلہ کا مقصد آر او آئی کو بہتر بنانا، کارکردگی کو بڑھانا، ڈیٹا پر مبنی فیصلہ سازی کو فروغ دینا، اختراع کو فروغ دینا، اور صارفین کے تجربے کو بڑھانا ہے۔ آج کے مسابقتی ڈیجیٹل منظر نامے میں، مشتہرین کو آر او آئی کو زیادہ سے زیادہ کرنے کے لیے اپنے اشتہاراتی اخراجات کو مؤثر طریقے سے مختص کرنے کے چیلنج کا سامنا ہے۔ ڈیٹا اوورلوڈ، چینل کی پیچیدگی، متحرک مارکیٹ کے حالات، اور انتساب کے چیلنجز فیصلہ سازی میں رکاوٹ ہیں۔ ان چیلنجوں سے نمٹنا مشتہرین اور صنعت کے لیے بہت ضروری ہے۔ غیر موثر اشتہاراتی اخراجات کی تخصیص ضائع ہونے والے وسائل، برانڈ کی ساکھ میں کمی، اور مواقع سے محروم ہونے کا باعث بن سکتی ہے۔

7. کمیونٹی ریڈیو ایسوسی ایشن کی طرف سے کمیونٹی ریڈیو کے مواد کا چیلنج،  ایک اہم چیلنج ہے، جو ہندوستان کے کمیونٹی ریڈیو کے منظر نامے میں تخلیقی صلاحیتوں اور عمدگی کو فروغ دینے کے لیے ڈیزائن کیا گیا ہے۔ ہندوستان بھر میں سی آر ایس اپنے بہترین پروگرام کسی بھی فارمیٹ یا صنف میں پیش کریں گے۔ مقابلے میں حصہ  لینے والے کے لئے آدھے گھنٹے کا پروگرام یا سیریز کی ایک قسط ہوگی، اس کے ساتھ معاون مواد بھی ہوگا۔ ماہرین کی ایک جیوری گذارشات کا جائزہ لے گی اور فائنل راؤنڈ کے لیے ٹاپ 5 اندراجات کو شارٹ لسٹ کرے گی۔

سی آر ایس کو اپنے جدید ترین اور اثر انگیز پروگرام پیش کرنے کی ترغیب دے کر، یہ چیلنج ایک طاقتور پلیٹ فارم کے طور پر کام کرتا ہے، تاکہ کمیونٹی ریڈیو اسٹیشنوں کے منفرد تعاون کو ان کی مقامی کمیونٹیز میں ظاہر کیا جا سکے۔ یہ اقدام جدت کو فروغ دے گا، متنوع آوازوں کو اجاگر کرے گا، عمدگی کی شناخت کرے  گا، اور کمیونٹی کی تعمیر کرے گا، بالآخر ہندوستان میں کمیونٹی ریڈیو کے مستقبل کو تشکیل دے گا۔

8. نیشنل فلم آرکائیو آف انڈیا – این ایف ڈی سی کے زیر اہتمام فلم پوسٹر بنانے کا مقابلہ، ایک منفرد پہل ہے، جو آرٹ اور سنیما کے سنگم کا جشن  مناتی ہے۔ قابل ذکر فلموں کے لیے بصری طور پر نمایاں، ہاتھ سے بنے پوسٹرز ڈیزائن کرنے کے لیے شرکاء کو چیلنج کرتے ہوئے، مقابلہ تخلیقی صلاحیتوں، اختراعات، اور فلم پوسٹر ڈیزائن کے ہنر کی گہری تعریف کی حوصلہ افزائی کرتا ہے۔

یہ مقابلہ فلمی صنعت کے لیے کئی وجوہات کی بنا پر بہت اہمیت رکھتا ہے۔ سب سے پہلے، یہ خواہشمند فنکاروں کو اپنی صلاحیت کا مظاہرہ کرنے  اور انڈسٹری میں پہچان حاصل کرنے کے  لیے ایک پلیٹ فارم کے طور پر کام کرتا ہے۔ دوسرا، یہ طاقتور مارکیٹنگ ٹولز کے طور پر فلمی پوسٹرز کی اہمیت کو اجاگر کرتا ہے، جو فلم کے جوہر کو حاصل کر سکتے ہیں اور سامعین کو اپنی طرف متوجہ کر سکتے ہیں۔ تیسرا، نیشنل فلم ایوارڈ یافتہ فلموں پر توجہ مرکوز کرتے ہوئے، یہ مقابلہ ہندوستان کے بھرپور سنیما ورثے کو خراج عقیدت پیش کرتا ہے اور فنکاروں کی نئی نسل کو کلاسیکی فلموں کے ساتھ مشغول ہونے کی ترغیب دیتا ہے۔

9. انڈین ڈیجیٹل گیمنگ سوسائٹی (آئی ڈی جی ایس) کی طرف سے ہینڈ ہیلڈ ایجوکیشنل ویڈیو گیم ڈیولپمنٹ مقابلہ اختراعی، ہینڈ ہیلڈ تعلیمی ویڈیو گیمز کی ترقی کی حوصلہ افزائی کرتا ہے۔ اس کا مقصد ایسے پرکشش آلات بنانا ہے، جو صارفین، بالخصوص بچوں کو ریاضی سیکھنے، پہیلیاں حل کرنے اور ان کی علمی صلاحیتوں کو بڑھانے میں مدد فراہم کریں۔ مقابلہ ہارڈ ویئر کے انتخاب میں لاگت کی کارکردگی اور تخلیقی صلاحیتوں پر زور دیتا ہے۔ شرکاء کو  اپنے تصور سے متعلق ثبوت جمع کرنے ہوں گے ، جس کے بعد پروٹو ٹائپ مظاہرہ ہوگا۔ یہ مقابلہ صنعت کے لیے بہت اہم ہے کیونکہ یہ تعلیمی ٹیکنالوجی کی ترقی کو فروغ دیتا ہے، جدت کو فروغ دیتا ہے، اور آموزش کے لیے گیمنگ کی صلاحیت کو اجاگر کرتا ہے۔

10. انڈین کامکس ایسوسی ایشن کی طرف سے کامکس کریٹر چیمپئن شپ ایک مقابلہ ہے، جس کا مقصد ہندوستان میں مزاحیہ کتب کی تخلیق اور ثقافت کو فروغ دینا ہے۔ آرٹسٹ، شوقیہ اور پیشہ ور دونوں، اپنے پسندیدہ آرٹ اسٹائل کا استعمال کرتے ہوئے،  دیے گئے موضوعات  پر مزاحیہ تخلیق کرکے مقابلہ کریں گے۔ مقابلہ تین مراحل پر مشتمل ہے، جس کا اختتام ایک عظیم الشان فائنل میں ہوتا ہے، جہاں جیتنے والے  اندراجات شائع کئے جاتے  ہیں اور انہیں نوازا جاتا ہے۔ یہ ایونٹ کامکس انڈسٹری کے لیے بہت اہم ہے، کیونکہ یہ تخلیق کاروں کو اپنی صلاحیتوں کا مظاہرہ کرنے، پبلشرز کے ساتھ نیٹ ورک بنانے اور ہندوستان میں کامکس ایکو سسٹم کی ترقی میں تعاون کرنے کے لیے ایک پلیٹ فارم مہیا کرتا ہے۔

یہ مقابلے تخلیق کاروں کو نہ صرف پہچان حاصل کرنے کا موقع فراہم کرتے ہیں، بلکہ متحرک اور بڑھتی ہوئی تخلیق کاروں کی معیشت میں اپنا تعاون کرنے کا ایک قیمتی موقع بھی فراہم کرتے ہیں۔ ہندوستانی فنکاروں کو اپنے منفرد تصورات کو ظاہر کرنے کے لیے ایک پلیٹ فارم فراہم کرکے، یہ مقابلے عالمی اینیمیشن انڈسٹری میں ایک سرکردہ کھلاڑی کے طور پر ہندوستان کی پوزیشن کو مستحکم کرنے میں مدد کریں گے۔ مجموعی طور پر مختلف زمروں میں مقابلہ کرنے والے مجوزہ نیشنل سینٹر آف ایکسیلنس فار اینی میشن، ویژول ایفیکٹس اینڈ گیمنگ، کامکس -  اور توسیعی حقیقت کے لیے ڈیٹا بیس بن جائیں گے۔

وزارت اطلاعات و نشریات  اے وی جی سی -  ایکس آر  کے مختلف متعلقہ حصوں میں انکیوبیشن سہولیات اور مختلف ایکسلریٹر پروگرام فراہم کرنے کی منتظر ہے۔

************

U.No:10157

ش ح۔وا۔ق ر