প্রধানমন্ত্রীগী লোইশঙ
প্রধান মন্ত্রীনা শক্নাইরবা পোলিস ইন্দোলোজিস্তশিং উনখ্রে
Posted On:
22 AUG 2024 9:18PM by PIB Imphal
ঙসি প্রধান মন্ত্রী শ্রী নরেন্দ্র মোদীনা শক্নাইরবা পোলিস ইন্দোলোজিস্ত কাংবু অমা উনখ্রে। কাংবু অদুদা য়াওখিবশিং অদুদি:
প্রোফেসার মেরিয়া খৃস্তোফর বাইরস্কি, ৱারসো য়ুনিভর্সিতিগী শক্নাইরবা পোলিস সংস্কৃত স্কোলার অমসুং প্রোফেসার ইমিরিতস অমনি। প্রোফেসার মেরিয়া খৃস্তোফর বাইরস্কি ১৯৯৩ দগী ১৯৯৬ ফাওবা ভারত্তা পোলেন্দগী এম্বেসেদর ওইনা থবক তৌরমখি অমসুং মহাক মার্চ ২০২২দা ভারতকী রাস্ত্রাপতিনা লেমজনিঙাই ওইরবা পদ্ম শ্রী মনা পীখি।
প্রোফেসার মোনিকা ব্রোৱারজাইক, শক্নাইরবা পোলিস হিন্দী স্কোলার অমনি অমসুং অদাম মিক্কিৱিজ য়ুনিভর্সিতি, পোজনানগী এসিয়ান স্তদিজ দিপার্তমেন্তগী হেদনি। ফেব্রুৱারি ২০২৩ দা ফিজিদা পাংথোকপা ১২শুবা বিশ্ব হিন্দী সম্মেলন্দা প্রোফেসার মোনিকা ব্রোৱারজাইকতা বিশ্ব হিন্দী সম্মান পীখি।
প্রোফেসার হালিনা মারলেৱিজ, ভারতকী ফিলোসোফিদা শক্নাইরবা পোলিস স্কোলার অমনি অমসুং জাগৈল্লোনিয়ান য়ুনিভর্সিতি, ক্রাকাউদা ইন্সতিতুৎ ওফ ওরিয়েন্তেল স্তদিজগী মকোক্নি।
প্রোফেসার দানুতা স্তাসিক, শক্নাইরবা পোলিস ইন্দোলোজিস্ত অমনি অমসুং ৱারসো য়ুনিভর্সিতিদা সাউথ এসিয়ান স্তদিজ দিপার্তমেন্তগী হান্নগী মকোক্নি।
প্রোফেসার জেমিসলো জুরেক, শক্নাইরবা পোলিস ইন্দোলোজিস্তনি অমসুং ৱ্রোক্লাউ য়ুনিভর্সিতিদা ইন্দিয়ান স্তদিজগী হেদনি।
স্কোলারশিংনা ভারতকী হিরমশিংদা থৱায় য়াওবদা প্রধান মন্ত্রীনা থাগৎপা ফোঙদোকখি। মহাক্না হায়খি মদুদি মখোয়গী থবক অমসুং একাদেমি রিছার্স অসিনা ভারত-পোলেন্দগী নাতকী মরীশিং মপাঙ্গল কনখৎহনবা অমসুং অমনা অমবু মশক খঙবা হেনগৎহনবদা মরুওইবা থৌদাং অমা লৌরে। ১৯শুবা চহিচাদগী হৌনা পোলেন্দদা মতম কয়াগী মমাঙদগী ইন্দোলোজিদা থৱায় য়াওদুনা লাক্লি।
***
(Release ID: 2047911)
Visitor Counter : 7
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam