রিপব্লিক দে, 2025দা লাউথোক্কদবা পদ্ম এৱার্দ 2025কী নোমিনেসনশিং/রিকম্মেন্দেসনশিং অসি মে 01, 2024দগী হৌখি। পদ্ম এৱার্দশিংগীদমক নোমিনেসন তৌবগী অরোইবা তাং অসি সপেম্বর 15, 2024নি। পদ্ম এৱার্দশিংগী নোমিনেসনশিং/রিকম্মেন্দেসনশিং অসি রাস্ত্রীয় পুরক্ষর পোর্তেল (https://awards.gov.in).দা ওনলাইন ওইনা থাজিনগনি।

পদ্ম এৱার্দশিং হায়বদি পদ্ম বিভূশন, পদ্ম ভূশন অমসুং পদ্ম শ্রী অসি লৈবাক অসিগী খ্বাইদগী ৱাংবা সিবিলিয়ন এৱার্দশিংগী মনুংদা অমনি। 1954দা হৌদোকখিবা এৱার্দশিং অসি চহি খুদিংগী রিপব্লিক দেগী থৌরমদা লাউথোকই। এৱার্দ অসিনা "ৱার্ক ওফ দিস্তিঙ্কসন"বু মশক খঙনবা হোৎনৈ অমসুং মসি কলা. সহিত্যা অমসুং মহৈ-মশিং, স্পোর্তস, মেদিসিন, সোসিএল ৱার্ক, সাইন্স অমসুং ইঞ্জিনীয়রিং, পব্লিক এফিয়র্স, সিবিল সর্ভিস, ত্রেদ অমসুং ইন্দস্ত্রী অসিনচিংবা হিরম/দিসিপ্লিন পুম্নমক্তা মশক থোকপা অমসুং অখন্নবা এচিবমেন্ত/সর্ভিসকীদমক পীরি। ফুরুপ, শিনফম, থাক নত্ত্রগা নুপা-নুপী খায়দনা মীপুম খুদিংমক্না এৱার্দশিং অসি ফংনবগী ইলিজিবল ওই। দোক্তরশিং অমসুং সাইন্তিস্তশিং নত্তনা, PSUশিংগা থবক তৌমিন্নরিবা সরকারগী সর্ভেন্তশিং অসি পদ্ম এৱার্দ ফংনবগীদমক ইলিজিবল ওইদে।

সরকারনা পদ্ম এৱার্দশিংবু 'পিপলস পদ্ম'দা ওন্থোক্নবা হোৎনরি। মরম অদুনা, নাগরিক পুম্নমকপু মশা-মশানা নোমিনেসন তৌবা য়াবা য়াওনা নোমিনেসন/রেকম্মেনদেসন তৌনবা হায়জরি। নুপীশিং, খুন্নাইগী শোত্থরবা কাংলুপশিং, SCশিং অমসুং STশিং, দিব্যাঙ্গ ওইবা মীওইশিং অমসুং খুন্নাইগীদমক্তা কত্থোক্তুনা থবক তৌরিবা মীওইশিংগী মরক্তগী তশেংনা ফংফম থোকপা এক্সিলেন্স অমসুং এচিবমেন্তশিংগীদমক তেলেন্ত লৈবা মীওইশিংবু মশক খঙদোক্নবা কন্না হোৎনগনি।

মসিদা রেকম্মেন্দ তৌরিবা মীওই অদুগী মহাক্কী মশাগী লম/দিসিপ্লিনদা মশক থোকপা অমসুং অখন্নবা এচিবমেন্ত/সর্ভিস অদু ময়েক শেংনা উৎলিবা নেরেতিব ফোর্মদা (য়াম্লবদা ৱাহৈ 800) সাইতেসন অমা য়াওনা নোমিনেসন/রেকম্মেন্দেসনশিংদা মথক্তা পনখ্রিবা পোর্তেল অসিদা পীরিবা ফোর্মেত্তা পল্লিবা মরী লৈনবা অকুপ্পা মরোল পুম্নমক য়াওগদবনি।

হীরম অসিগী মতাংদা অকুপ্পা ৱারোলশিং অদু গৃহ মন্ত্রালয়গী ৱেবসাইৎ (https://mha.gov.in) তা ‘এৱার্দস এন্দ মেদলস’ হায়বা হেদিং মখাদা অমসুং পদ্ম এৱার্দস পোর্তেল (https://padmaawards.gov.in )দা ফংগনি। এৱার্দশিংগা মরী লৈনবা স্তেত্যুতশিং অমসুং কাংলোনশিং অসি লিঙ্ক অসিদা https://padmaawards.gov.in/AboutAwards.aspx ৱেবসাইৎতা ফংগনি।

*****