কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা সিতিজেনশিপ অমেন্দমেন্ত এক্ত(CAA)গী মখাদা ঙসি গুজরাতকী অহমদাবাদতা রিফ্যুজী ইচিল-ইনাও 188দা সিতিজেন সর্তিফিকেৎশিং য়েন্থোকখ্রে। গুজরাতকী মুখ্য মন্ত্রী, শ্রী ভুপেন্দ্র পতেল য়াওনা থৌরম অসিদা মশক নাইবা মীওই কয়ানা শরুক য়াখি।

শ্রী অমিত শাহনা মহাক্কী ৱারোলদা হায়খি মদুদি CAAনা লৈবাক অসিদা লৈরিবা মীওই মিলিয়ন কয়াদা সিতিজেনশিপ পীবখক্তমক নত্তে, অদুবু রিফ্যুজী মিলিয়ন কয়াদা অচুম্বা ৱায়েল অমসুং হকশিং পীবনি। মহাক্না হায়খি মদুদি মমাংগী সরকারশিংগী এপীজমেন্ত পোলিসীনা মরম ওইদুনা, ইং 1947দগী 2014 ফাওবদা লৈবাক অসিদা রিফ্যুজী ওইদুনা লৈরম্বা মীওইশিংনা মখোয়গী হকশিং অমসুং ৱায়েল-পথাপ ফংখিদে। মহাক্না হায়খি মদুদি হায়রিবা মীওইশিং অসি য়ুম্লোন্নরিবা লৈবাকশিংদা নত্তনা মফম অসিদসু অৱা-অনা কয়া মায়োক্নখি। শ্রী শাহনা হায়খি মদুদি মীওই মিলিয়ন কয়ানা মীরোল অহুম অচুম্বা ৱায়েল ফংনবা হোৎনখি অদুবু ওপোজিসনগী এপীজমেন্ত পোলিসীনা মরম ওইদুনা মখোয়না অচুম্বা ৱায়েল ফংখিদে। মহাক্না হায়খি মদুদি প্রধান মন্ত্রী শ্রী নরেন্দ্র মোদীনা মীওই লাখ কয়া অমসুং করোর কয়াগীদমক অচুম্বা ৱায়েল ফংহনখ্রে।

কেন্দ্রগী গৃহ মন্ত্রীনা হায়খি মদুদি নীংতম্বা ফংলবা মতমদা, ভারত অসি ধর্মগী ওইবা য়ুম্ফমদা খায়দোকখি অমসুং মতম অদুদা অৱাবা কয়া অমা থোকখি। মহাক্না হায়খি মদুদি পাকিস্তান, অফঘনিস্তান অমসুং বাংলাদেশতা লৈরিবা হিন্দু, বদ্ধ, শিখ, জেন অমসুং খৃস্তিয়ন করোর কয়া অমনা মখোয়গী অৱা-অনাশিং অদু কাওথোকপা ঙম্লোই। মহাক্না হায়খি মদুদি ইমুং কয়া অমা অৱাবা কয়া মায়োক্নখি। অদুগা হৌজিক ওপোজিসন্দা লৈরিবা মীওইশিংনা মতম অদুদা য়ুম্লোন্নরিবা লৈবাকশিংদগী লাকপা হিন্দু, বদ্ধ, শিখ, জেন অমসুং খৃস্তিয়ন কম্ম্যুনিতীগী মীওইশিংদা ভারতকী নাগরিক ওইহনগনি হায়না থাজবা পীখি। শ্রী শাহনা হায়খি মদুদি মীখল লাকপদা, মতমদুগী সরকারগী লুচিংবশিংনা মখোয়গী ৱাশকশিং অদু থুংহনখিদ অমসুং 1947, 1948 অমসুং 1950দা পীখিবা থাজবা অদু কাওথোকখি। মহাক্না হায়খি মদুদি মতমদুগী সরকারনা হায়রিবা মীওইশিং অসি মখোয়গী ভোৎ বেঙ্কপু শাওহন্দনা নাগরিক ওইহনখিদে। মহাক্না হায়খি মদুদি মখোয়গী এপীজমেন্ত পোলিসীগী মতুং ইন্না মীওই মিলিয়ন কয়া অমা নাগরিক ওইবা ফংহনখিদে অমসুং মসিদগী হেন্না চাউবা পাপ অমত্তা লৈতে।

শ্রী অমিৎ শাহনা হায়খি মদুদি মীওই করোর কয়া অমা চেনখি অমসুং অৱা-অনা কয়া মায়োক্নখি। কয়া অমনা মখোয়গী ইমুং-মনুং অমসুং লন-থুম মাংখি। অদুবু ভারত্তা মখোয়না সিতিজেনশিপ ফাওবা ফংখিদে। মহাক্না হায়খি মদুদি 1947দগী 2019 ফাওবা অমসুং 2019দগী 2024 ফাওবগী খোঙচৎ অসি লৈবাক অসিগী পুৱারীদা মতম পুম্নমক্তা নীংশিংদুনা লৈহৌরগনি। মহাক্না হংখি মদুদি করিগীদমক্তা য়ুমলোন্নরিবা লৈবাকশিংদগী ভারত্তা মশাগী ইকাই খুম্নবা ফংনবা লাকপা মীওইশিংদা নাগরিক ওইবগী অয়াবা পীবা ঙম্লোইদৌরিবনো? শ্রী শাহনা হায়খি মদুদি নাকল অমরোমদা, ওপোজিসন্না মীওই করোর কয়াবু ঙমখৈগী ৱাংমদগী চঙহল্লগা ভারতকী নাগরিক ওইহনখি অমসুং অতোপ্পা নাকল অমরোমদা, লো অদু ঙাক্না চৎলিবা মীওইশিংদা মখোয়গী নাগরিক ওইনবগীদমক আইনগী ওইবা প্রোভিজন অমত্তা  লৈতে হায়না হায়খি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি আইন অসি মীয়ামগীনি অমসুং মীয়ামনা আইনগীদমক লৈবা নত্তে। মহাক্না হায়খি মদুদি ঐখোয়না 2014দা CAA পুরক্কনি হায়না ৱাশকখি অমসুং 2019দা মোদী সরকারনা মসিগী আইন অসি পুরকখি। মহাক্না হায়খি মদুদি আইন অসিগী খুত্থাংদা, হিন্দু, জেন, বুদ্ধিসত, শিখ করোর কয়াগী ৱায়েল ফংদ্রিবা মীওইশিংনা ৱায়েল ফংনবা হৌরে। শ্রী শাহনা হায়খি মদুদি হায়রিবা আইন অসি 2019দা পাস তৌখি অদুবু মদুগী মতুংদসু মীওইশিংবু পুক্নিং থৌগৎখি অমসুং মসিনা মুস্লিমশিংগী নাগরিক ওইবগী হক লৌথোক্লগনি হায়খি। কেন্দ্রগী গৃহ মন্ত্রীনা হায়খি মদুদি আইন অসিদা কনাগুম্বা অমগী সিতিজেনশিপ লৌথোকপগী প্রোভিজন অমত্তা লৈতে অমসুং মসি সিতিজেনশিপ পীবগী আইন অমনি। মহাক্না হায়খি মদুদি ঐখোয়গী লৈবাক অসিগী মীয়াম্না ঐখোয়গী লৈবাক অসিদা লাইরবশিং ওইনা হিংলি। মসিদগী হেন্না লাইবক থীবা অমদি নুংঙাইতবা করি লৈবগে? শ্রী শাহনা হায়খি মদুদি চহি কয়াগী মমাংদগী এপীজমেন্ত পোলিসীনা মরম ওইদুনা পাংথোকপা ঙমখিদে, প্রধান মন্ত্রী মোদীনা মসি পাংথোকখি অমসুং 2019দা আইন অসি পুরকখি।

শ্রী অমিত শাহনা হায়খি মদুদি 2019দা আইন অসি পাস তৌখ্রবসু, লৈবাক অসিদা লানহৌবা অমসুং মাইনোরিতিশিংবু পুক্নিং থৌগৎপদগী ইমুংশিং অসিনা 2024 ফাওবদা নাগরিক ওইখিদে। CAAগী মতাংদা লৈবাক অসিদা ৱাথোক কয়া শন্দোরক্লি হায়না মহাক্না হায়খি। মসিগী আইন অসিনা কনাগুম্বা অমদগীসু সিতিজেনশিপ লৌথোক্তে অমসুং মসি হিন্দু, জেন, শিখ, বদ্ধ রিফ্যুজীশিংদা সিতিজেনশিপ পীবগী আইন অমনি। শ্রী শাহনা হায়খি মদুদি ঙসিসু রাজ্য সরকার খরনা মীয়াম্বু লান্না লমজিংলি। লৈবাক শিনবা থুংনা লৈরিবা রিফ্যুজীশিংদা নাগরিক ওইবগীদমক এপ্লাই তৌনবা আপিল তৌখি অমসুং মসিনা মখোয়গী থবক, য়ুম, অসিনচিংবশিং হান্নগুম লেংদনা লৈহল্লগনি হায়না গৃহ মন্ত্রীনা হায়খি।

কেন্দ্রগী গৃহ মন্ত্রীনা হায়খি মদুদি আইন অসিদা ক্রিমিনেল প্রোসিক্যুসনগী প্রোভিজন অমত্তা লৈতে অমসুং মীপুম খুদিংমক্তা এম্নেস্তী পীখ্রে। মহাক্না হায়খি মদুদি মসিনা মরম ওইদুনা নাগরিক ওইহনবদা অৱাবা ওইরিবসি মীয়ামগী নত্তে, লৈঙাক্না মরম ওইরগনি। মহাক্না লৈবাক শিনবা থুংনা লৈরিবা রিফ্যুজীশিংদা হায়খি মদুদি আইন অসিনা অচুম্বা ৱায়েল অমসুং ইকাই খুম্নবা ফংহন্নবা থবক তৌগনি অমসুং মসিনা রিফ্যুজীগী মীয়ামদা থোকখিবা অৱা-অনাগীদমক চৈরাক পীগনি।

শ্রী অমিৎ শাহনা হায়খি মদুদি লৈবাক অনিগী খায়দোকপা মতমদা, বাংলাদেশতা হিন্দু 27% লৈরম্মি, ঙসিদি 9% খক্তমক লৈরি। মহাক্না হংখি মদুদি হিন্দুশিং কদায়দা লৈখি? মহাক্না হায়খি মদুদি মখোয়শিং অসি নমথাক্না ওন্থোকখি। শ্রী অমিৎ শাহনা হায়খি মদুদি ঐখোয়গী শেলতরদা লাকপা মীওইশিং অসি মশাগী ইকায়খুম্নবা অমসুং মখোয়গী অপাম্বগী মতুং ইন্না মখোয়গী ধর্মগী চৎনবীশিং মখা তানা চৎনহনবগী ইথিল লৈরিবরা? মহাক্না হায়খি, করিগুম্বা য়ুম্লোন্নবশিংনা মখোয়গী লৈবাক অসিদা ইকাই খুম্নবা লৈতনা হিংবা ঙমদ্রবদি অমসুং ঐখোয়গী য়ুম্লোন্নবশিংদা লাকপা ঙমদ্রবদি, ঐখোয়না তুমিন্না য়েংদুনা লৈরোইদবনি। মহাক্না হায়খি মদুদি মসি নরেন্দ্র মোদী সরকারনি অমসুং হায়রিবা মীওইশিং অসিনা সরকার অসিদা অচুম্বা ৱায়েল ফংলগনি

কেন্দ্রগী গৃহ অমসুং কোওপরেসন মিনিস্তরনা হায়খি মদুদি রিফ্যুজীশিংনা মতম শাংনা হায়রিবা আইন অসি পুরক্নবা দিমান্দ তৌদুনা লাক্লি অমসুং প্রধান মন্ত্রী মোদীনা 2019দা অকনবা ৱারেপ লৌদুনা আইন অসি পাস তৌহনখি। মহাক্না হায়খি মদুদি আইন অসি পাস তৌরবা মতুংদা, মফম খরদা হিংসাগী থৌদোকশিং থোকখি। অদুবু অরোইবদা, 2024গী লোক সভা মীখলগী মমাংদা, ঐখোয়না এপ্লিকান্তশিংদা সর্তিফিকেৎ অমগা লোয়ননা নাগরিক ওইবগী হক পীনবগী তঙাই ফদবা কাংলোনশিং পুথোকপা ঙমখি।

শ্রী অমিৎ শাহনা হায়খি মদুদি 2014দা শ্রী নরেন্দ্র মোদীনা হায়খি মদুদি লৈবাক অসিগী দেমোক্রেসী অসি নেপোতিজম, কাস্তিজম, এপীজমেন্ত অমসুং করপসন হায়রিবা ফত্তবা মরি অসিনা শোকহল্লি। মহাক্না হায়খি মদুদি হৌখিবা চহি 10 অসিদা, মোদী জীনা মসিগী ফত্তবা মরি অসি মুত্থৎনবা কন্না হোৎনখি। শ্রী শাহনা হায়খি মদুদি চহী অসিগী ওগস্ত 15দা প্রধান মন্ত্রী মোদীনা দাইনেস্তিক পোলিতিকেলগী মায়োক্তা আপিল তৌদুনা মখোয়গী ইমুং মনুংগী মীওইশিং রাজনিতীদা য়াওদবা নহা লাখ 1বু রাজনিতীদা য়াওনবা হায়খি। মহাক্না হায়খি মদুদি মোদী জীনা শেঞ্জা-থুমজাগী মায়োক্তা লান্থেংনখি। মহাক্না হায়খি মদুদি মোদী জীনা কাংলুপ খায়বগী অৱাবা অসি লোইশিন্নবা কাংলুপ মরি - লাইরবশিং, নুপীশিং, নহারোলশিং অমসুং লৌমীশিংবু লাউথোকখি। শ্রী শাহনা হায়খি মদুদি প্রধান মন্ত্রী মোদীনা অনৌবা মখলগী রাজনিতীগী ফিলোসোফী অমা লৈবাক অসিগী মাংদা থমখি অমসুং এপীজমেন্তগী পোলিসীসু লোইশিনখি।

কেন্দ্রগী গৃহ মন্ত্রীনা হায়খি মদুদি লৈবাক অসিগী ইসু কয়া অমা দিকেদ কয়াদগী পন্দুনা লৈরকখি। খুদম ওইনা হায়রবদা, অয়োধ্যাদা চহি 550গী মতুংদা রাম মন্দির অমা শানবা থবক অসি মোদী জীনা তৌখি। মতৌ অসুম্না, ঔরঙ্গজেবনা মাংহনখিবা কাশী বিশ্বনাথ লাইশঙ অসি অমুক হন্না শাগৎখ্রে, মোহমদ বেগদানা মাংহনখিবা পাৱগধকী শক্তিপীথ অসিসু অমুক হন্না শেমগৎখ্রে। মহাক্না হায়খি মদুদি নরেন্দ্র মোদী জীনা ভারত্তা ত্রিপল তলাক লোইশিন্নবগী থবকসু তৌখি। শ্রী শাহনা হায়খি মদুদি আর্তিকল 370, তেরোরিস্ত ফেক্তরীশিং শেমগৎলকপা অমসুং মখোয়শিং অসি মথৌ তৌহন্নবগী মরুওইবা মরম ওইরিবা ৱাখল্লোন অদু প্রধান মন্ত্রী মোদীনা লৌথোকখি। অসিগুম্বা মওংদা, সিতিজেনশিপকী আইনগী অহোংবা অসি শ্রী নরেন্দ্র মোদীজীনা পুরকখি অমসুং মখোয়গী হকশিংদগী কনবা হিন্দু, শিখ, বদ্ধ, জেনগী মীওই করোর কয়াদা অচুম্বা ৱায়েল ফংহনখি।

শ্রী অমিৎ শাহনা লৈবাক শিনবা থুংনা লৈরিবা রিফ্যুজীশিংদা আপিল তৌখি মদুদি ওপোজিসন পার্তীশিংনা মখোয়বু লান্না লমজিংনবা হোৎনগনি, অদুবু মখোয়না থাজবা থমগদবনি। মহাক্না হায়খি মদুদি মাইনোরিতীশিংবু লান্না লমজিংলিবা মীওইশিং অদুনা মখোয়দা অরানবা তৌরি হায়বা খঙগদবনি। ওপোজিসনগী মতাংদা পল্লদুনা শ্রী শাহনা হায়খি মদুদি মখোয়দা হায়রিবা আইন অসি পুরক্নবা থৌনা লৈখিদে, অদুবু হৌজিক্তি মখোয়না মসি চৎনহনবদা মোদী সরকারবু মতেং পাংবীগদবনি।

*****