য়োর হায়নেসশিং,

এক্সিলেন্সীশিং,

অদোমগী মমল য়াম্লবা ৱাখল্লোনশিং অমসুং সজেসনশিংগীদমক্তা ঐহাক্না পুম্নমক্কী মফমদা থাগৎপা ফোংদোকচরি। ময়াম্না ঐখোয়গী অপুনবা সমস্যাশিং অমসুং পান্দমশিং অদু ফোংদোকখ্রে। গ্লোবেল সাউথ অসি অমত্তা ওইনা লৈ হায়বা অসি অদোমগী ৱাখল্লোনশিংদগী ময়েক শেংলে।

অদোমগী সজেসনশিং অসিনা ঐখোয়না পাক চাউরবা শরুক য়াবা অদু উৎলি। ঙসি ঐখোয়গী খন্ন-নৈনবশিংনা অমনা অমবু খঙমিন্নদুনা মাংলোমদা চংশিনবগী লম্বী য়াৎলে। মসিনা ঐখোয়গী অপুনবা পান্দমশিং ফংনবা ইনোৎ হাপকনি হায়না ঐনা থাজবা থম্লি।

মরুপশিং,

ময়াম পুম্নমকপু তারবা মতুংদা, ঙসি ঐহাক্না ভারতকী মায়কৈদগী মপুং ফাবা "গ্লোবেল দিবেলপমেন্ত কম্পেক্ত" অমগী ৱাফম থমজগে। কমপেক্ত অসিগী য়ুম্ফম অসি ভারতকী চাউখৎ-থৌরাংগী খোঙচৎ অমসুং চাউখৎ-থৌরাংগী পার্তনরশিপকী এক্সপরিয়েন্সতা য়ুম্ফম ওইগনি। কমপেক্ত অসি গ্লোবেল সাউথকী লৈবাকশিংনা মশামক্না লেপখিবা চাউখৎ-থৌরাংগী মরুওইবশিংদগী ইথিল ফংলগনি।

মসি হ্যুমেন-সেন্ত্রিক, মল্তি-দিমেন্সনেল ওইগনি অমসুং দিবেলপমেন্তকী মল্তি-সেক্তোরেল এপ্রোচ প্রোমোৎ তৌগনি। মসিনা চাউখৎ-থৌরাংগী শেন থাদবগী মমিংদা লায়রবা লৈবাকশিংদা শেন্দোনগী অৱাব পোৎলুম পীহল্লোই। মসিনা পার্তনর লৈবাকশিংগী তংদু লৈতাবা অমসুং তুং কোইনা চাউখৎহনবদা মতেং পাংগনি।

মরুপশিং,

'দিবেলপমেন্ত কম্পেক্ত' অসিগী মখাদা ঐখোয়না চাউখৎ-থৌরাংগীদমক ললোন-ইতিক, সস্তেনেবল গ্রোথকীদমক কেপাসিতী বিল্দিং, তেক্নোলোজী শিয়র তৌবা, প্রোজেক্ত-স্পেসিফিক কন্সেস্নেল ফাইনান্সিং অমসুং গ্রান্তশিংদা মীৎয়েং থমগনি। ত্রেদ প্রমোসনগী থবক থৌরমশিং মপাঙ্গল কনখৎহন্নবা, ভারতনা দোল্লর মিলিয়ন 2.5গী অখন্নবা ফন্দ অমা হৌদোক্লগনি। কেপাসিতী বিল্দিংগীদমক ত্রেদ পোলিসী অমসুং ত্রেদ নেগোসিয়েসনদা ত্রেনিং পীগনি। মসিগীদমক দোল্লর মিলিয়ন অমগী ফন্দ পীগনি।

গ্লোবেল সাউথকী লৈবাকশিংদা শেল-থুমগী অৱাবা অমসুং চাউখৎ-থৌরাংগী শেল থাদনবগীদমক SDG স্তিম্যুলস লীদর্স গ্রুপতা ভারতনা শরুক তম্মি। গ্লোবেল সাউথতা মমল হোংবা অমসুং ইফেক্তিব জেনেরিক হিদাকশিং ফংহন্নবা ঐখোয়না থবক তৌগনি। ঐখোয়না দ্রগ রেগুলেতরশিং ত্রেনিং তৌবদা মতেং পাংগনি। ঐখোয়না লৌউ-শিংউগী সেক্তরদা ঐখোয়গী 'নেচরেল ফার্মিং'গী এক্সপরিয়েন্স অমসুং তেক্নোলোজী শিয়র তৌবদা নুংঙাইবা পোক্কনি।

মরুপশিং,

অদোমনা তেন্সন অমসুং লানশিনগী মতাংদা খন্ন-নৈনবগী মতাংদসু পনখি। মসি ঐখোয় পুম্নমক্কী য়াম্না মরু ওইবা ৱাফম অমনি। অসিগুম্বা খন্ননিংঙাই ওইবা ৱাফমশিং অসিগী ৱারোইশিন অসি অচুম্বা অমসুং ইনক্লুসিব ওইবা মালেমগী লৈঙাক্লোনগী মখা পোল্লি। গ্লোবেল সাউথনা মরুওইবা পীরিবা ইন্সতিত্যুসনশিং। চাউখৎলবা লৈবাকশিংনসু মখোয়গী থৌদাং অমসুং অচেৎপা ৱাফমশিং অদু মপুং ফাহনগদবনি।

গ্লোবেল নোর্থ অমসুং গ্লোবেল সাউথকী মরক্তা লৈরিবা খেন্নবা অদু হন্থহন্নবা খোংথাংশিং লৌখৎপা। লাক্কদৌরিবা থাদা, UN দা পাংথোক্কদৌরিবা ফ্যুচর সম্মিৎ পুম্নমক্কীদমক মরু ওইবা মাইলস্তোন অমা ওইবা য়াই।

য়োর হায়নেসশিং,

এক্সিলেন্সীশিং,

ময়ামনা মফম অসিদা লাকপীবা অমসুং অদোমগী মমল য়াম্লবা ৱাখল্লোন ফোংদোকপীবগীদমক ঐহাক্না অমুক্কা হন্না ময়ামবু থম্মোয়দগী নুংঙাইবা ফোংদোকচরি। গ্লোবেল সাউথকী শরুক্কী চাউখৎ-থৌরাংগীদমক ঐখোয়না ঐখোয়গী ভোইস হেনগৎহনগনি অমসুং ঐখোয়গী এক্সপরিয়েন্সশিং শিয়র তৌগনি হায়না ঐনা থাজবা থম্লি। ঙসি ঐখোয়গী তীমশিংনা নুমিৎ অসিমক্কী হীরম পুম্নমক্তা কুপ্না য়েংশিনগনি। অমসুং পুম্নমক্কী মতেংগা লোয়ননা লাক্কদৌরিবা মতমশিংদা ঐখোয়না ফোরম অসিবু মাংলোমদা মখা তানা পুখৎকনি।

 ময়ামবু হন্না-হন্না থাগৎচরি!

***