প্রধানমন্ত্রীগী লোইশঙ
ভোইস ওফ গ্লোবেল সাউথ সম্মিৎ 3.0গী হৌদোকপগী লুচিংবশিংগী সেসন্দা থমখিবা প্রধান মন্ত্রীগী হৌদোকপগী ৱারোলশিং
Posted On:
17 AUG 2024 11:03AM by PIB Imphal
য়োর হায়নেস,
এক্সিলেন্সীশিং,
খুরুমজরি!
ভারত মচা করোর 140গী মাইকৈদগী, অহুমশুবা ভোইস ওফ গ্লোবেল সাউথ সম্মিৎ অসিদা ময়াম পুম্নমকপু তরাম্না ওকচরি।
হৌখিবা সম্মিৎ অনিদা ঐহাক্না মরুপ কয়াগা লোয়ননা পুন্না থবক তৌমিন্নবগী খুদোংচাবা ফংখি।
চহি অসিদা, ভারতকী জেনরেল ইলেক্সন মতুংদা, ঐহাক্না অমুক হন্না ময়াম পুম্নমকপু থৌরম অসিদা উনবগী খুদোংচাবা ফংজবা অসিদা ঐহাক য়াম্না নুংঙাইবা ফাওই।
মরুপশিং,
2022দা, ভারতনা G-20গী প্রসিদেন্সী পায়বা মতমদা, ঐখোয়না G-20দা অনৌবা মওং অমা পীনবা ৱারেপ লৌখি।
ভোইস ওফ গ্লোবেল সাউথ সম্মিৎ অসি ঐখোয়না চাউখৎ-থৌরাংগা মরী লৈনবা সমস্যাশিং অমসুং মরুওইবশিং অদু ময়েক শেংনা খন্ন-নৈনবগী প্লেৎফোর্ম অমা ওইখি।
অমসুং ভারতনা গ্লোবেল সাউথকী আশা, এস্পিরেসন অমসুং প্রাইওরিতীশিংদা য়ুম্ফম ওইদুনা G-20 এজেন্দা শেমখি।
G-20 অসি ইনক্লুসিব অমসুং দিবেলপমেন্ততা মীৎয়েং থম্লিবা এপ্রোচ অমগা লোয়ননা মাংলোমদা চংশিনখি।
মসিগী খ্বাইদগী চাউবা খুদমদি আফ্রিকন য়ুনিয়ননা G-20দা পর্মিনেন্ত মেম্বর ওইরকখিবা পুৱারী ওইরবা তাঙ্কক অদুনি।
মরুপশিং,
ঙসি ঐখোয়না মীফম অসি পাংথোক্লিবা অসি অকোইবদা অকিবা লৈরবা তানফম অমদনি।
মালেম অসি কোবিদকী শাফু অসিদগী হৌজিক ফাওবা মপুং ফানা ফগৎলকপা ঙমদ্রি।
অমরোমদা, লানগী ফিভম অসিনা ঐখোয়গী চাউখৎপগী খোঙচৎতা শীংনবশিং থোকহল্লি।
ঐখোয়না ক্লাইমেৎ চেঞ্জগী শীংনবশিং মায়োক্নরি, অমসুং হৌজিক হেল্থ সেক্যুরিতী, ফুদ সেক্যুরিতী, অমসুং ইনর্জী সেক্যুরিতীগী অৱাবসু লৈরি।
তেরোরিজম, এক্সত্রিমিজম অমসুং সেপরেতিজম হায়বসি ঐখোয়গী খুন্নাইগীদমক য়াম্না চাউবা খুদোংথীবনি।
তেক্নোলোজী দিভাইদ অমসুং তেক্নোলোজীগা মরী লৈনবা অনৌবা শেন্মিৎলোন অমসুং খুন্নাইগী শীংনবশিংসু মায়োক্নরি।
মমাং চহিচাদা শেমখিবা গ্লোবেল গবর্নান্স অমসুং ফাইনান্সিএল ইন্সতিত্যুসনশিং অসিনা চহিচা অসিগী শীংনবশিং অসি থেংনবদা ঙমখিদে।
মরুপশিং,
গ্লোবেল সাউথকী লৈবাকশিং অসি অমত্তা ওইনা পুনশিনবা, অমত্তা ওইনা ৱা ঙাংনবা অমসুং অমনা অমগী শক্তি ওইরকপা অসি মতম অসিগী তঙাইফদবা অমনি।
ঐখোয় অমনা অমগী এক্সপরিয়েন্সশিংদগী তমশিনসি।
ঐখোয়না ঐখোয়গী তৌবা ঙম্বশিং শিয়র তৌসি।
ঐখোয় পুন্না ঐখোয়গী ৱারেপশিং অসি মপুং ফাহনসি।
ঐখোয় পুন্না মীওইবা খুন্নাইগী শরুক অহুম থোকপগী অনিবু মশক খঙগদবনি।
অমসুং ভারতনা গ্লোবেল সাউথক লৈবাক পুম্নমক্কা মাগী এক্সপিরিয়েন্স অমসুং কেপাসিতীশিং শিয়র তৌনবা ফিরেপ লৌখি।
ঐখোয়না ম্যুচেল ত্রেদ, ইনক্লুসিব গ্রোথ, সস্তেনেবল দিবেলপমেন্ত গোলশিংগী মায়কৈদা খুমাং চাউশিলহনবা অমসুং নুপীশিংনা লুচিংবা দিবেলপমেন্তদা মতেং পাংবা পাম্মি।
হৌখিবা চহি খরা অসিদা, ঐখোয়গী কোওপরেসন অসি ইনফ্রাস্ত্রকচর, দিজিতেল অমসুং ইনর্জী কনেক্তিবিতীনা হেনগৎহনখ্রে।
মিসন লাইফইগী মখাদা ঐখোয়না ভারত খক্তদা নত্তনা পার্তনর লৈবাকশিংদসু রুফ-তোপ সোলর অমসুং রিন্যুএবল পাৱর জেনরেসনদা অহেনবা মীৎয়েং থম্লি।
ঐখোয়না ফাইনান্সিএল ইনক্লুজন অমসুং লাস্ত মাইল দেলিভরীগী মতাংদা ঐখোয়গী এক্সপিরিয়েন্সশিং অদু শেয়র তৌখি।
ঐখোয়না গ্লোবেল সাউথকী তোঙান তোঙানবা লৈবাকশিংবু য়ুনিফাইদ পেমেন্ত ইন্তরফেস, হায়বদি UPIগা কন্নেক্ত তৌনবা থৌশিল পায়খৎখি।
ঐখোয়গী পার্তনরশিপ অসিনা এজুকেসন, কেপাসিতী বিল্দিং অমসুং স্কিলিংগী লমদা চাউনা খুমাং চাওশিল্লি।
হৌখিবা চহিদা গ্লোবেল সাউথ য়ং দিপ্লোমেৎ ফোরমসু হৌদোকখি।
অমসুং, গ্লোবেল সাউথ এক্সিলেন্স সেন্তরনা ঐখোয়গী মরক্তা কেপাসিতী বিল্দিং, স্কিলিং অমসুং নোলেজ শিয়র তৌনবা থবক পায়খৎলি।
মরুপশিং,
দিজিতেল পব্লিক ইনফ্রাস্ত্রকচর (DPI) না ইনক্লুসিব গ্রোথতা পীরিবা কন্ত্রিব্যুসন অসি রিভোলুসন অমদগী তাবা নত্তে।
ঐখোয়গী G-20 প্রসিদেন্সীগী মখাদা শেমখিবা গ্লোবেল DPI রিপোজিতরী অসি DPI গী মতাংদা অহানবা মল্তিলেতরেল কন্সেন্সসনি।
গ্লোবেল সাউথকী পার্তনর 12গা লোয়ননা “ইন্দিয়া স্তেক” শিয়র তৌনবা য়ানখিবা অসিদা ঐখোয়না নুংঙাইবা ফাওই।
গ্লোবেল সাউথতা DPIগী খোঙজেল য়াংশিন্নবা ঐখোয়না সোসিএল ইম্পেক্ত ফন্দ অমা শেম্লে।
ভারতনা মসিদা অহানবা ওইনা দোল্লর মিলিয়ন 25গী শেনফম অমা পীরগনি।
মরুপশিং,
হকশেলগী সেক্যুরিতীগীদমক ঐখোয়গী মিসনদি - ৱান ৱর্ল্দ-ৱান হেল্থনি।
অমসুং ঐখোয়গী ভিজনদি - "আরোগ্য মৈত্রী" হায়বদি "হকশেলগীদমক্তা মরুপ-মপাং ওইবা" হায়বা অসিনি।
ঐখোয়না অফ্রিকা অমসুং পেসিফিক ইথৎশিংগী লৈবাকশিংদা হোস্পিতালশিং, দাইলাইসিস মেছিনশিং, পুন্সি কন্নবা হিদাকশিং অমসুং জন ঔশধী কেন্দ্রশিং পীনদুনা মরুপ ওইবগী মরী অসি মপুং ফাহনখি।
হ্যুমেনিতরিয়ন ক্রাইসিসকী মতমদা, ভারতনা মরুপ ওইরিবা লৈবাকশিংদা অহানবা রেস্পোন্দর অমা ওইনা মতেং পাংলি।
পাপুয়া ন্যু গিনিদা মৈগী চীং পোকখাইবা, নত্রগা কেনিয়াদা ঈশিং-ঈচাউ থোকপা ওইরো।
ঐখোয়না গাজা অমসুং য়ুক্রেনগুম্বা লানগী মফমশিংদা মীওইবগী ওইবা মতেংসু পীরম্মি।
মরুপশিং,
ভোইস ওফ গ্লোবেল সাউথ সম্মিৎ অসি হৌজিক ফাওবদা খোঞ্জেল তাবীখিদ্রবা মীওইশিংগী মথৌ তাবশিং অমসুং অপাম্বশিং খঙহন্নবগী প্লেৎফোর্ম অমনি।
ঐহাক্না থাজৈ মদুদি ঐখোয়গী পাঙ্গল অসি ঐখোয়গী অমত্তা ওইবা অসিদা লৈ, অমসুং মসিগী অমত্তা ওইবগী শক্তিগা লোয়ননা ঐখোয়না অনৌবা মায়কৈ অমদা চংশিনগনি।
মথং থাদা য়ু.এন.দা ফ্যুচর সম্মিৎ পাংথোক্লগনি।
মসিদা য়ানচে অসিগী তুংলমচৎকী মতাংদা খন্ন-নৈনরি।
গ্লোবেল সাউথকী ওইবা ভোইস অসি য়ানা ৱারোল অসিদা য়াওহন্নবগীদমক ঐখোয় পুম্নমক্না পুন্না পোজিতিব ওইবা থৌওং লৌখৎপা ঙমগদ্রা?
ৱাখল্লোনশিং অসিগা লোয়ননা ঐহাক্না ঐহাক্কী ৱারোল লোইশিনজরি।
হৌজিক ঐহাক্না পুম্নমক্কী ৱাখল্লোনশিং অদু খঙনবা খৌরাংনা ঙাইরি।
হন্না-হন্না থাগৎচরি।
***
(Release ID: 2046236)
Visitor Counter : 13