প্রধানমন্ত্রীগী লোইশঙ
প্রধান মন্ত্রীদা বাংলাদেশকী ইন্তেরিম গভর্নমেন্তকী চীফ এদভাইজরনা তেলিফোন তৌরকখ্রে
প্রধান মন্ত্রীনা দেমোক্রেতিক ওইবা, তংদু লৈতাবা, শান্তি লৈবা অমসুং চাউখৎপা বাংলাদেশ অমা ওইহন্নবা ভারতনা মতেং পাংগনি হায়না অমুক হন্না ফোংদোকখ্র
প্রধান মন্ত্রীনা ইন্তেরিম গভর্নমেন্তনা হিন্দু অমসুং অতৈ মীশিং য়ামজদবা কাংলুপ পুম্নমক শাফনা লৈহনবা অমসুং ঙাকপী-শেনবীবগী মথৌ তাই হায়না ফোংদোকখ্রে
প্রোফেসর য়ুনুশনা বাংলাদেশতা লৈরিবা হিন্দু অমসুং মীশিং য়ামজদবা পুম্নমক ঙাকপী-শেনবীগনি, শাফনা থমগনি হায়না থাজবা পীরকখ্রে
Posted On:
16 AUG 2024 4:31PM by PIB Imphal
প্রধান মন্ত্রী শ্রী নরেন্দ্র মোদীনা ঙসি বাংলাদেশকী ইন্তেরিম গভর্নমেন্তগী চীফ এদভাইজর, প্রোফেসর মোহম্মদ য়ুনুশকা লোয়ননা তেলিফোনদা ৱারী শাখ্রে।
ৱারী শাবা অদুদা প্রধান মন্ত্রীনা দেমোক্রেতিক ওইবা, তংদু লৈতাবা, শান্তি লৈবা অমসুং চাউখৎপা বাংলাদেশ অমা ওইহন্নবা ভারতনা মতেং পাংগনি হায়না অমুক হন্না ফোংদোকখ্র। মহাক্না তোঙান-তোঙানবা চাউখৎ-থৌরাংগী থৌশিলশিংগী খুত্থাংদা বাংলাদেশকী মীয়ামদা মতেং পীনবা ভারতকী ফিরেপ অদু ফোংদোকখি। প্রধান মন্ত্রীনা হিন্দু অমসুং অতৈ মীশিং য়ামজদবা কাংলুপ পুম্নমক শাফনা লৈহনবা অমসুং ঙাকপী-শেনবীবগী মথৌ তাই হায়না ফোংদোকখ্রে।
হীরম অসিদা প্রোফেসর য়ুনুশনা বাংলাদেশতা লৈরিবা হিন্দু অমসুং মীশিং য়ামজদবা কাংলুপ পুম্নমক ইন্তেরিম গভর্নমেন্তনা ঙাকপী-শেনবীগনি, শাফনা থমগনি হায়না থাজবা পীরকখ্রে।
লুচিংবা অনিনা লৈবাক অনিমক্কী মরুওইবশিংগী পরিং মখাদা বাইলেতরেলগী মরী মাংদা পুখৎনবা লম্বীশিংগী মতাংদসু খন্নখি।
***
(Release ID: 2045978)
Visitor Counter : 60
Read this release in:
Odia
,
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam