“পার্তিসন হোরর রিমেম্ব্রেন্স দে” পাঙথোকপা ওইনা সেন্ত্রেল ব্যুরো ওফ কম্ম্যুনিকেসন, ইনফোর্মেসন অমসুং ব্রোদকাস্তিং মন্ত্রালয়না পাঙথোকপা একজিবিসন অমা ঙসি ললিত কলা একাদমী (এল.কে.এ.), নই দিল্লীদা ঙসি হৌদোকখ্রে‍। একজিবিসন অসি এল.কে.এ. (গ্রাউন্দ ফ্লোর গেল্লরী), কোপরনিকস মার্গ, নই দিল্লীদা ওগস্ত ১৪, ২০২৪দগী ওগস্ত ১৭, ২০২৪ ফাওবা চত্থগনি‍।

হৌদোকপগী থৌরম অদু অতৈ লাকপা মীওইশিংগা লোয়ননা মশিং য়াম্লবা মহৈরোয়শিংনা মীৎয়েঙ তাখি‍।

একজিবিসন অসিনা ১৯৪৭গী পার্তিসনগী লনাই ওইবা ৱারীশিং, অকন্বা অৱা-অনাশিং, অমসুং মশিং থিঙমদ্রবা মীওইশিংগী পুন্সিদা মতম শাংনা লৈরিবা শাফুশিং মীয়ামদা উহন্নবা পান্দম থম্লি‍। একজিবিসন অসিনা অৱা-অনা তাখ্রবশিংগী কাউঙমদ্রবা থৌদোকশিং ইকায় খুম্ননবা অমসুং পুৱারীগী ওইবা থৌদোক্তুগী মরুমদা লৈরিবা ফীভমশিং অমসুং মীওই কয়া লৈখিদববু মুন্না ৱাখল তামিন্ননবা পান্দম থম্লি‍। মসিনা পুৱারীগী ওইবা ফোতোগ্রাফশিং, ভিদিওশিং অমসুং ইন্তরেক্তিব দিস্প্লেশিং উত্তুনা থীম অদুগী নুংগী ওইবা শক্তমশিং উৎখি‍।

একজিবিসন অসি হৌখ্রবশিংগী মমিখক্তা নত্তনা তুংগী মীরোলশিং, অখন্ননা মহৈরোয়শিং অমসুং নহাশিংনা মীনুংশি, য়াশিন্নবা, অমসুং অমত্তা ওইবা ৱাখল্লোন্দা শেমগৎপা তুংলমচৎ অমা ঐখোয়না কমদৌনা শেমগৎকনি হায়বগী মরমদা ৱাহন্থোক লৈবা ৱারী-ৱাতায়শিং শাননবগী তাঞ্জা অমসুনি‍। মসিনা মহৈশঙগী করিকুলম অমসুং মমলশিংগী পরিংদা মমল নাইদ্রবা মহৈ মশিংগী এক্সপিরিএন্স অমা পীরি‍। হৌদোকপগী থৌরমদা, সি.বি.সি. আর্তিস্তশিংনা তোঙান তোঙানবা লৈবাক নিংবগী ঈশৈশিং শক্তুনা মীৎয়েঙ তারিবশিংগী পুক্নিং চিংশিনখি‍।

***