للت کلا اکیڈمی (ایل کے اے)، نئی دہلی میں آج ‘‘تقسیم  ہند کی ہولناکی  کے یادگاری دن’’ کے موقع پر، اطلاعات و نشریات کی وزارت کے سنٹرل  بیورو آف کمیونیکیشن کے زیر اہتمام ایک نمائش کا افتتاح کیا گیا۔ یہ نمائش 14 اگست 2024 سے 17 اگست 2024 تک ایل کے اے (گراؤنڈ فلور گیلری)، کوپرنیکس مارگ، نئی دہلی میں منعقد ہوگی۔

افتتاحی تقریب میں دیگر لوگوں کے ساتھ اسکول کے طلباء کی بڑی تعداد موجود تھی۔

اس نمائش  میں ذاتی کہانیوں، بے پناہ درد اور 1947 کے تقسیم ہند کے لاتعداد زندگیوں پر پڑنے والے دیرپا اثرات کو سامنے لانے کی کوشش کی گئی ہے۔ اس نمائش کا مقصد ان لوگوں کی یادوں کا احترام کرنا ہے جنہوں نے مصائب برداشت کیے اور اس تاریخی واقعے کی پیچیدگیوں اور انسانی قیمت کے بارے میں گہرائی سے سمجھا۔ اس میں  تاریخی تصویروں، ویڈیوز اور انٹرایکٹو ڈسپلے کی نمائش کی گئی ہے اور موضوع کے بارے میں بصیرت فراہم کی گئی ہے۔

یہ نمائش نہ صرف ماضی کی عکاسی کرتی ہے بلکہ آنے والی نسلوں، خاص طور پر طلباء اور نوجوانوں کے لیے بامعنی گفتگو میں شامل ہونے کا ایک موقع بھی فراہم کرتی ہے تاکہ ہم ہمدردی، مفاہمت اور اتحاد پر مبنی مستقبل کی تعمیر کریں۔ یہ اسکول کے نصاب اور اقدار کے ساتھ منسلک ایک قابل قدر تعلیمی تجربہ فراہم کرتی ہے۔ افتتاح کے دوران، سی بی سی کے فنکاروں نے مختلف حب الوطنی کے گیت پیش کرکے سامعین کو مسحور کر دیا۔

۔۔۔۔۔۔۔۔۔۔۔

ش ح۔ا گ ۔ن ا۔

U- 9824