কম্যুনিকেসন অমসুং ইনফোর্মেসন তেক্নোলোজী মন্ত্রালয়
ত্রাইনা রেজিস্তর তৌদ্রবা সেন্দরশিং নৎত্রগা তেলি-মার্কেতরশিংনা স্পাম কোল তৌবগীদমক্তা এক্সেস সর্বিস প্রোভাইদরশিংদা তেলিকোম রিসোর্স পুম্নমক দিসকনেক্ত তৌনবা হায়খ্রে
Posted On:
13 AUG 2024 3:42PM by PIB Imphal
স্পাম কোলশিংগী মশিং হেনগৎলকপা থিংনবা মরুওইবা খোংথাং অমা ওইনা, তেলিকোম রেগুলেতরী ওথোরিতী ওফ ইন্দিয়া (ত্রাই)না তেলিকোম কম্মর্সিএল কম্ম্যুনিকেসন কস্তমর প্রিফরেন্স রিগুলেসন, 2018 (তি.সি.সি.সি.সি.পি.আর.-2018)গী মখাদা এক্সেস সর্বিস প্রোবাইদর পুম্নমক্তা ভোইস প্রমোস্নেল কোলশিং, রেজিস্তর তৌদবা সেন্দর নত্ত্রগা তেলেমার্কেত্তর (য়ু.তি.এম.)শিংনা এস.আই.পি./পি.আর.আই. নত্ত্রগা অতোপ্পা তেলিকোম রিসোর্স শিজিন্নদুনা পাংথোকপা প্রি-রেকোর্দ তৌরবা নত্ত্রগা কম্প্যুতরনা শেম্বা, লেপহন্নবা খঙহনখ্রে।
এক্সেস সর্ভিস প্রোভাইদরশিংগী মফমদা মখাদা পীরিবা য়াথংশিং অসি খঙহনখ্রেঃ
- তেলিকোম রিসোর্স (এস.আই.পি./পি.আর.আই./অতোপ্পা তেলিকোম রিসোর্স) শীজিন্নরিবা রেজিস্তর তৌদবা সেন্দর/রেজিস্তর তৌদবা তেলিকোম মার্কেতিং (য়ু.তি.এম.শিং)দগী লাকপা প্রোমোস্নেল ভোইস কোল পুম্নমক অথুবা মতমদা থিংগদবনি;
- করিগুম্বা রেজিষ্টর তৌদ্রিবা সেন্দর/রেজিস্তর তৌদ্রিবা তেলিমার্কেতিং (য়ু.তি.এম.) অমনা রেজিস্তর তৌরবা সেন্দর অদুদা পীরিবা রিসোর্স ইন্দিকেতরশীংগী মশীং অমহেক্তগী মথক্তা কঞ্জ্যুমরনা কম্মর্সিএল ভোইস কোল তৌদুনা রেগুলেসনশীং থুগাইদুনা, মহাক্কী টেলিকোম রিসোর্সশীং (এস.আই.পি./পি.আর.আই./অতোপ্পা টেলিকোম রিসোর্স) অসিবু লান্না শীজিন্নরকপা থেংনরবদি -
i. অসিগুম্বা সেন্দর অদুগী তেলিকোম রিসোর্স পুম্নমক ওরিজিনেতিং এক্সেস প্রোভাইদর (ও.এ.পি.)না রিগুলেসনশিংগী রেগুলেসন 25গী প্রোভিজনশিংগী মতুং ইন্না চহি অনি ফাউবগী ওইনা দিসকনেক তৌগনি;
ii. অসিগুম্বা সেন্দর অদু ও.এ.পি.না রেগুলেসনশিংগী প্রোভিজনশিংগী মতুং ইন্না চহি অনি ফাউবগী ওইনা ব্লেকলিস্ত তৌগনি;
iii. সেন্দরবু ব্লেকলিস্ত তৌবগী মতাংদা ও.এ.পি.না অতোপ্পা দি.এল.তি. প্লেতফোর্মদা এক্সেস প্রোভাইদর পুম্নমক্তা পুং 24গী মনুংদা পাউ ফাওনগনি। মখোয়না মথংগী পুং 24গী মনুংদা সেন্দর অদুদা পীরিবা তেলিকোম রিসোর্স পুম্নমক দিসকনেক্ত তৌগনি।
iv. রেগুলেসনশিংদা পল্লিবা ব্লেক লিস্তকী মতমগী মনুংদা এসেস প্রোভাইদর অমত্তনা অসিগুম্বা সেন্দর অদুদা অনৌবা তেলিকোম রিসোর্স অমত্তা এলোকেৎ তৌরোইদবনি;
- নাগরিকশিংদা কম্মর্সিএল ভোইস কোল তৌনবগীদমক এস.আই.পি./পি.আর.আই./অতোপ্পা তেলিকোম রিসোর্সশিং শীজিন্নরিবা রেজিস্তর তৌদবা সেন্দর/রেজিস্তর তৌদবা তেলেমার্কেতর (য়ু.তি.এম.) পুম্নমক অসি য়াথং অসি থোকপা থা অমগী মনুংদা দি.এল.তি.দা মাইগ্রেত তৌগদবনি অমসুং মদুগী মতুংদা নুমিৎ তরেৎনিগী মনুংদা কমপ্লাইএন্স রিপোর্ত পীরক্কদবনি;
এক্সেস প্রোভাইদর পুম্নমকপু দাইরেক্তিবশিং অসি ঙাক্না চৎনবা অমসুং থা খুদিংগী 1 অমসুং 16দা লৌখৎখিবা থবকশিংগী মতাংদা চাং নাইনা অপদেৎশিং পীবা খঙহনখ্রে। ত্রাইনা লৌখৎলিবা ৱারেপ অসিনা স্পাম কোলশিং য়াম্না হন্থহল্লগনি অমসুং কঞ্জ্যুমরশিংদা কান্নবা ফংহল্লগনি হায়না পানরি।
***
(Release ID: 2045063)
Visitor Counter : 16