ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ରେକର୍ଡ ଗ୍ୟାସ ଉତ୍ପାଦନ ପାଇଁ ଦେଶବାସୀଙ୍କୁ ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ
Posted On:
04 AUG 2024 9:27PM by PIB Bhubaneshwar
ଗ୍ୟାସ ଉତ୍ପାଦନ କ୍ଷେତ୍ରରେ ଆତ୍ମନିର୍ଭରତାରେ ରେକର୍ଡ ଯୋଗୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି । ଶ୍ରୀ ମୋଦୀ କହିଛନ୍ତି, ବିକଶିତ ଭାରତ ଲକ୍ଷ୍ୟ ହାସଲ କରିବା ପାଇଁ ଶକ୍ତି କ୍ଷେତ୍ରରେ ଆତ୍ମନିର୍ଭରତା ଜରୁରୀ ।
କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଶ୍ରୀ ହରଦୀପ ସିଂ ପୁରୀ ଏକ ଏକ୍ସ ପୋଷ୍ଟରେ କହିଛନ୍ତି, ଗ୍ୟାସ ଉତ୍ପାଦନ କ୍ଷେତ୍ରରେ ଦେଶ ଏକ ନୂଆ ରେକର୍ଡ ହାସଲ କରିଛି । ୨୦୨୦-୨୧ରେ ଗ୍ୟାସ ଉତ୍ପାଦନ ୨୮.୭ ବିସିଏମ୍ ଥିଲା । ୨୦୨୩-୨୪ରେ ଏହା ୩୬.୪୩ ବିସିଏମକୁ ବୃଦ୍ଧି ପାଇଛି । କେନ୍ଦ୍ରମନ୍ତ୍ରୀଙ୍କ ଦ୍ୱାରା ପ୍ରଦତ୍ତ ଏହି ତଥ୍ୟରୁ ଅନୁମାନ କରାଯାଉଛି ୨୦୨୬ ବେଳକୁ ଗ୍ୟାସ ଉତ୍ପାଦନ ୪୫.୩ ବିସିଏମରେ ପହଞ୍ଚିଥିବ ।
କେନ୍ଦ୍ରମନ୍ତ୍ରୀଙ୍କ ଏକ୍ସ ପୋଷ୍ଟର ଉତ୍ତରରେ ପ୍ରଧାନମନ୍ତ୍ରୀ କହିଛନ୍ତି;
“ଏହି ଉପଲବ୍ଧି ପାଇଁ ଦେଶବାସୀଙ୍କୁ ବହୁତ ବହୁତ ଅଭିନନ୍ଦନ । ବିକଶିତ ଭାରତ ସଂକଳ୍ପକୁ ହାସଲ କରିବା ପାଇଁ ଶକ୍ତି କ୍ଷେତ୍ରରେ ଆମର ଆତ୍ମନିର୍ଭରତା ବହୁତ ମହତ୍ୱପୂର୍ଣ୍ଣ । ଗ୍ୟାସ ଉତ୍ପାଦନରେ ଏହି ରେକର୍ଡ ଏହି ଦିଗରେ ଆମର ପ୍ରତିବଦ୍ଧତାର ପ୍ରତ୍ୟକ୍ଷ ପ୍ରମାଣ ଅଟେ ।”
SR
(Release ID: 2041387)
Visitor Counter : 13
Read this release in:
English
,
Urdu
,
Marathi
,
Hindi
,
Hindi_MP
,
Assamese
,
Manipuri
,
Bengali
,
Punjabi
,
Gujarati
,
Telugu
,
Kannada
,
Malayalam