প্রধানমন্ত্রীগী লোইশঙ
পি.এম.না ওগস্ত 3দা 32শুবা ইন্তর্নেস্নেল কনফরেন্স ওফ এগ্রিকলচরেল ইকনোমিস্তস হৌদোক্কনি
কনফরেন্সকী থিম: সস্তেনেবল এগ্রি-ফুদ সিস্তেমশিংগী মাইকৈদা অওনবা পুরকপা
মসিনা দিজিতেল এগ্রিকলচর অমসুং সস্তেনেবল এগ্রি-ফুদ সিস্তেমশিংদা খুমাং চাউশিনবা য়াওনা ভারতকী লৌউ-শিংউগী লমদা খুমাং চাউশিল্লিবা অসি উৎকনি
কনফেন্স অসিদা লৈবাক 75 রোমদগী দেলিগেৎশিংনা শরুক য়াবা উবা ফংগনি
Posted On:
02 AUG 2024 12:17PM by PIB Imphal
প্রধান মন্ত্রী শ্রী নরেন্দ্র মোদীনা নই দিল্লীগী নেস্নেল এগ্রিকলচরেল সাইন্স সেন্তর (NASC) কমপ্লেক্সতা ওগস্ত 3, 2024গী অয়ুক পুং 9:30 তাবা মতমদা 32শুবা ইন্তর্নেস্নেল কনফরেন্স ওফ এগ্রিকলচরেল ইকনোমিস্তস (ICAE) হৌদোক্কনি। প্রধান মন্ত্রী থৌরম অসিদা তিল্লিবা মীয়ামদসু ৱা ঙাংগনি।
ইন্তর্নেস্নেল এসোসিএসন ওফ এগ্রিকলচরেল ইকনোমিস্তসনা চহি অহুম খুদিংগী পাঙথোকপা কনফরেন্স অসি ওগস্ত 02-07, 2024 ফাওবা পাঙথোক্কনি। চহি 65গী মতুংদা ভারত্তা ICAE পাঙথোক্লি।
চহি অসিগী কনফরেন্সকী থিম অসি “সস্তেনেবল এগ্রি-ফুদ সিস্তেমশিংগী মাইকৈদা অওনবা পুরকপা” অসিনা ওইরি। মসিনা ক্লাইমেৎ চেঞ্জ, নেচরেল রিসোর্সশিং হন্থরকপা, পোৎ পুথোকপদা চংবা মমল অমদি কনফ্লিক্তশিং হেনগৎলকপা অসিগুম্বা মালেমগী ওইবা শীংনবশিং অসিদা সস্তেনেবল এগ্রিকলচরগী য়াম্না মথৌ তারিবা অদু থেংননবা পান্দম থম্মি। কনফরেন্স অসিনা মালেমগী ওইরিবা লৌউ-শিংউগী শীংনবশিং অসিদা পায়খৎলিবা ভারতকী প্রোএক্তিব এপ্রোচ অদু তাক্লি অমসুং লৌউ-শিংউগী রিসর্চ অমসুং পোলিসীদা লৈবাক অসিনা খুমাং চাউশিল্লিবশিং উৎকনি।
ICAE 2024না নহা ওইরিবা রিসর্চরশিং অমসুং মাংজিল থারিবা প্রোফেস্নেলশিংনা মখোয়গী থবক অমসুং গ্লোবেল পিয়রশিংগা লৈরিবা নেৎৱার্ক উৎনবা ফম্পাক অমা ওইরগনি। মসিনা রিসর্চ ইন্সতিত্যুতশিং অমসুং য়ুনিভর্সিতীশিংগী মরক্তা পার্তনরশিপ হেনগৎহন্নবা, জাতি অমসুং মালেমগী স্কেল অনিমক্তা পোলিসীমেকিংদা ইথিল পীনবা অমসুং দিজিতেল এগ্রিকলচর অমসুং সস্তেনেবল এগ্রি-ফুদ সিস্তেমশিং য়াওনা ভারতকী লৌউ-শিংউগী লমদা খুমাং চাউশিল্লিবা অসি উৎনবা পান্দম থম্মি। কনফরেন্স অসিদা লৈবাক 75 রোমদগী দেলিগেৎ 1,000 রোমনা শরুক য়াবা উবা ফংগনি।
***
(Release ID: 2040593)
Visitor Counter : 39
Read this release in:
English
,
Urdu
,
Marathi
,
Hindi
,
Hindi_MP
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam