وزیراعظم کا دفتر

وزیر اعظم 3 اگست کو زرعی ماہرین اقتصادیات کی 32 ویں بین الاقوامی کانفرنس کا افتتاح کریں گے


کانفرنس کا تھیم: پائیدار زرعی خوراک نظاموں کی  طرف  منتقلی

یہ ہندوستان کی زرعی ترقی،بشمول ڈیجیٹل زراعت اور پائیدار زرعی خوراک کے نظام میں ترقی،کو ظاہر کرے گی

کانفرنس میں تقریباً 75 ممالک کے مندوبین شرکت کریں گے

Posted On: 02 AUG 2024 12:17PM by PIB Delhi

وزیر اعظم جناب نریندر مودی 3 اگست 2024 کو نیشنل ایگریکلچرل سائنس سینٹر(این اے ایس سی) کمپلیکس، نئی دہلی میں صبح تقریباً 9.30 بجے زرعی ماہرین اقتصادیات (آئی سی اے ای) کی 32 ویں بین الاقوامی کانفرنس کا افتتاح کریں گے۔ اس موقع پر وزیراعظم جلسے سے خطاب بھی کریں گے۔

بین الاقوامی ایسوسی ایشن آف ایگریکلچرل اکانومسٹ کے زیر اہتمام سہ سالہ کانفرنس 02 سے 07 اگست 2024 تک منعقد ہوگی۔ آئی سی اے ای 65  سال بعد ہندوستان میں منعقد ہو رہی ہے۔

اس سال کی کانفرنس کا موضوع ہے، ‘‘پائیدار ایگری فوڈ سسٹمز کی طرف تبدیلی’’۔ اس کا مقصد ماحولیاتی تبدیلیوں، قدرتی وسائل کے انحطاط، بڑھتی ہوئی پیداواری لاگت اور تنازعات جیسے عالمی چیلنجوں کا سامنا کرتے ہوئے پائیدار زراعت کی اہم ضرورت سے نمٹنا ہے۔ یہ کانفرنس عالمی زرعی چیلنجوں کے لیے ہندوستان کے فعال نقطہ نظر کو اجاگر کرے گی اور زرعی تحقیق اور پالیسی میں ملک کی ترقی کو ظاہر کرے گی۔

  آئی سی اے ای2024نوجوان محققین اور سرکردہ پیشہ ور افراد کے لیے اپنے کام اور نیٹ ورک کو عالمی ساتھیوں کے ساتھ پیش کرنے کے لیے ایک پلیٹ فارم کے طور پر کام کرے گا۔ اس کا مقصد تحقیقی اداروں اور یونیورسٹیوں کے درمیان شراکت داری کو مضبوط کرنا، قومی اور عالمی پیمانے پر پالیسی سازی پر اثر انداز ہونا، اور ڈیجیٹل زراعت اور پائیدار زرعی خوراک کے نظام میں ترقی سمیت ہندوستان کی زرعی ترقی کو ظاہر کرنا ہے۔ کانفرنس میں تقریباً 75 ممالک سے تقریباً ایک ہزار مندوبین شرکت کریں گے۔

**********

ش ح۔س ب ۔ رض

U:9191



(Release ID: 2040590) Visitor Counter : 24


Read this release in: English , Marathi , Hindi , Hindi_MP , Manipuri , Assamese , Punjabi , Gujarati , Odia , Tamil , Telugu , Kannada , Malayalam