প্রধানমন্ত্রীগী লোইশঙ
প্রধান মন্ত্রীনা জপানগী স্পিকর অমসুং মহাক্কী মীহুৎ কাংবু উনখ্রে
মখোয়না ইন্দিয়া-জপান স্পিসিএল স্ত্রাতেজিক অমসুং মালেমগী ওইনা পুন্না থবক তৌমিন্নবগী মতেং পীন্নবা মরুওইবা হিরমশিং খন্নখি
মখোয়না মেনুফেকচরিং, সেমিকন্দক্তরশিং, ই.ভি, গ্রিন অমসুং ক্লিন ইনর্জিগুম্বা অনৌবা হিরমশিংদা মতেং পাংনবা হেনগৎহন্নবা লম্বীশিং খন্নখি
ভারতকী নহারোলশিং জপানগী লোলদা ত্রেনিং পীবা য়াওনা ত্রেনিং অমসুং কেপাসিতি বিল্দিংগী মরমদশু খন্নখি
Posted On:
01 AUG 2024 9:25PM by PIB Imphal
প্রধান মন্ত্রী শ্রী নরেন্দ্র মোদীনা জপানগী স্পিকর নকাগা ফুকুসিরো অমসুং জপানগী সংসদগী মেম্বরশিং অমসুং জপানগী মরুওইবা কম্পেনিশিংগী লুচিংবশিং য়াওবা মীহুৎ কাংবু তরাম্না ওকখ্রে। মীফম অদুদা ইন্দিয়া-জপান স্পিসিএল স্ত্রাতেজিক অমসুং মালেমগী ওইনা পুন্না থবক তৌমিন্নবগী মতেং পীন্নবা মরুওইবা হিরমশিং খন্নখি অমসুং মীগা মীগা মতেং পাংনবা, ভারত অমসুং জপানগী মরক্তা সংসদকী থবক-থৌরমশিংগী মতাংদা তাথোক-তাশিন তৌনবা য়াওনা লৈবাক অনিনা দরকার ওইবা হিরমশিংদা মতেং পীন্নবা মরুওইবা হিরমগী মতাংদা খন্নখি।
২০২২-২৭গী মরক্তা ভারত অমসুং জপানগী মরক্তা জপানগী য়েন ত্রিল্লিয়ন ৫ থাদনবা হৌজিক পান্দম থম্লিবা অসি খুমাংচাউশিনবদা মখোয়না অপেনবা ফোঙদোকখি অমসুং ২০২৭ গী মতুংদা মখা তানা ললোন-ইতিক অমসুং শেন-থুমগী মরীশিং লৈনবা লম্বীশিং খন্নখি। মখোয়না মেনুফেকচরিং, সেমিকন্দক্তরশিং, ই.ভি, গ্রিন অমসুং ক্লিন ইনর্জিগুম্বা অনৌবা হিরমশিংদা মতেং পাংনবা হেনগৎহন্নবা লম্বীশিং খন্নখি। মাইপাক্না অমসুং মতম চানা মুম্বাই অহমেদবাদ হায় স্পিৎ রেল প্রোজেক লোইশিনবগী মরুওইবা অদু মখোয়না খঙখি।
জপানগী লোল, নাত অমসুং থবক তৌবগী মওং য়াওনা ভারত অমসুং জপান্না তোঙান-তোঙানবা শীনফমশিংদা তুংগী মীরোলগী শিন্মীশিং শেমগৎনবা নুকাগানা পুখৎখি অমসুং হায়রিবা থবকশিং অসিদা লনাই কাংবু শরুক য়াবগী মরুওইবা থৌদাং অদু পনখি। মহাক্না হায়খি হায়রিবা ত্রেনিং ফংলবা মীওইশিং অসিনা তুংদা লৈবাক অনিগী মরক্তা থোং অমা ওইনা থবক তৌগনি।
প্রধান মন্ত্রীনা হায়খি জপানদগী শেন অমসুং তেক্নোলোজি হেন্না লাক্নবা ভারতনা ললোন-ইতিক্কী অফবা ফিবম পুরক্নবা অওনবা কয়া পুরক্লে অমসুং মখোয়গী থবকশিংদা ভারত সরকারনা মপুংফানা মতেং পাংগনি হায়না মীহুৎ কাংবু অদুদা থাজবা পীখি।
*****
(Release ID: 2040542)
Visitor Counter : 36
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam