এক্সিলেন্সী, প্রধান মন্ত্রী ফাম মিঙ্গ চিং,

লৈবাক অনিগী দেলিগেৎশিং,

মেদিয়াগী ঐখোয়গী মরুপ,

খুরুমজরি!

সিন চাও!

ঐহাক্না প্রধান মন্ত্রী ফাম মিঙ্গ চিং অমসুং মহাক্কী দেলিগেসনবু ভারত্তা তরাম্না ওকচরি।

অহানবমক্তদা ভারত মচাশিংগী মাইকৈদগী জনরেল সেক্রেতরী, ন্যুয়েন ফু চোংনা লৈখিদবদা অৱাবা ফোঙদোকচরি।

মহাক অসি ভারতকী অফবা মরুপ অমা ওইরমখি। অমসুং মহাক্কী লুচিং মখাদা ভারত-ভিএতনামগী মরীশিং অসি স্ত্রেতেজিক ওইবা মাইকৈদা লাকহনখি।

মরুপশিং,

হৌখিবা দিকেদ অসিদা ঐখোয়গী মরীশিং অসি দাইমেন্সন অমসুং দেপ অনিমক্তা হেনগৎলকখি।

হৌখিবা চহি 10দা ঐখোয়গী মরী অসি কমপ্রিহেন্সিব স্ত্রেতেজিক পার্তনরশিপ অমদা ওন্থোকখি।

ঐখোয়গী বাইলেতরেল ত্রেদ অসি চাদা 85 হেন্না হেনগৎলকখি।

ইনর্জী, তেক্নোলোজী অমসুং দিবেলপমেন্ত পার্তনরশিপতা ম্যুচুএল কোওপরেসন অসিদা অনৌবা শাহৌ অমা ফংখি।

হৌখিবা দিকেদতা কন্নেক্তিবিতী হেনগৎলকখি।

অমসুং ঙসি ঐখোয়গী মরক্তা দাইরেক্ত ফ্লাইৎ 50 হেন্না লৈরে।

মসিগা লোয়ননা তুরিজম অসি লেপ্তনা হেনগৎলক্লি অমসুং মীয়ামদা ই-ভিজাগী খুদোংচাবসু ফংহনখি।

‘মি সোন’দা অরিবা মন্দিরশিং শেমজিনবগী থবক অসি মায়পাক্না লোইশিনখ্রে।

মরুপশিং,

হৌখিবা দিকেদতা ফংলকপা ময়াম অসি য়েংলগা, ঙসি ঐখোয়গী ৱারী শানবদা ঐখোয়না লম পুম্নমক্তা  ম্যুচেল কোওপরেসন পীননবগী মতাংদা কুপ্না খন্নখি।

অমসুং তুংলমচৎকীদমক খোঙথাং কয়া অমা লৌখৎখি।

ঐখোয়না থাজৈ মদুদি 'দিবেলপ ইন্দিয়া 2047' অমসুং ভিএতনামগী 'ভিজন 2045'না মরম ওইদুনা লৈবাক অনিমক্তা চাউখৎপগী খোঙজেল য়াংখৎলে।

মসিনা ম্যুচেল কোওপরেসনগী অনৌবা লম কয়া অমা হাংদোক্লি।

অমসুং মরম অসিনা, ঐখোয়গী কমপ্রিহেন্সিব স্ত্রেতেজিক পার্তনরশিপ অসি মখা তানা মপাঙ্গল কনখৎহন্নবা, ঙসি ঐখোয়না অনৌবা প্লান ওফ এক্সন অমা এদোপ্ত তৌখ্রে।

ঙাকশেল অমসুং সেক্যুরিতীগী লমদা তেংবাং পীননবা অনৌবা খোঙথাংশিং লৌখৎলি।

‘নয়া-চাং’দা শাখিবা আর্মী সোফৱেয়র পার্ক ঙসি শঙ্গাখ্রে।

 দোল্লর মিলিয়ন 300গী ক্রেদিৎ লাইনদা য়ানখিবা অসিনা ভিএতনামগী মেরিতাইম সেক্যুরিতী মপাঙ্গল কনখৎহল্লগনি।

তেরোরিজম অমসুং সাইবর সেক্যুরিতীগী হিরমশিংদা তেংবাং পীনবদা মরুওইবা পীরগনি হায়না ঐখোয়না ৱারেপ লৌখি।

ঐখোয়না য়ানখি মদুদি ম্যুচেল ত্রেদকী পোতেন্সিএল ফংনবগীদমক এসিয়ান-ইন্দিয়াগী গুদস ত্রেদ ইন এগ্রীমেন্তকী রিভিয়ু অসি অথুবা মতমদা লোইশিনগদবনি।

ঐখোয়গী সেন্ত্রেল বেঙ্কশিংগী মরক্তা দিজিতেল পেমেন্ত কন্নেক্তিবিতীগীদমক য়ানবা অমা পুরকখ্রে।

গ্রীন ইকনোমী অমসুং অনৌবা অনৌবা তেক্নোলোজীগী লমশিংদা মীৎয়েং থমগনি হায়না ঐখোয়না ৱারেপ লৌরে।

 ইনর্জী অমসুং পোর্ত দিবেলপমেন্তকী লমদা অমনা অমগী কেপাসিতীশিং অসি নাকল অনিগী কান্ননবগীদমক শিজিন্নগনি।

লৈবাক অনিগী প্রাইবেৎ সেক্তর, স্মোল অমসুং মেদিয়ম ইন্তর্প্রাইজশিং অমসুং স্তার্ত-অপশিং অসি অমগা অমগা শম্নহন্নবা থবক পায়খৎকনি।

লৌউ-শিংউ অমসুং ফীশরিজ অসি লৈবাক অনিমক্কী শেন্মিৎলোনগী মরুওইবা শরুক অমনি।

সেক্তরশিং অসি মীয়ামগী পুন্সি মহিং অমসুং চিঞ্জাক্কী সেক্যুরিতীগা মরী লৈনৈ।

ঐখোয়না জর্মপ্লাজমা এক্সচেঞ্জ অমসুং হিরমশিং অসিদা পুন্না রিসর্চ তৌনবা ৱারেপ লৌরে।

ঐখোয়গী শেয়র কলচরেল হেরিতেজ অসি ঙাক-শেন্দুনা থম্নবগীদমক, ভারতনা ৱর্ল্দ হেরিতেজ সাইৎ "মি সোন"গী "ব্লোক এফ"গী লাইশঙশিং ঙাক-শেন্দুনা থম্নবগীদমক মতেং পাংগনি।

ঐখোয় পুম্নমক্না খঙনরবা মতুং ইন্না, বদ্ধ ধর্ম অসি লৈবাক অনিগী মীয়াম্বু স্পিরিচুএল লেভেলদা শম্নহল্লিবা ঐখোয়গী শেয়র হেরিতেজনি।

ঐখোয়না ভিএতনামগী মীয়াম্বু ভারত্তা লৈরিবা বুদ্ধ সর্কিৎতা লাক্নবা কৌরি। অমসুং ভিয়েতনামগী নহারোলশিংনসু নালন্দা য়ুনিভর্সিতীদগী কান্নবা লৌবা পাম্মি।

মরুপশিং,

ঐখোয়গী এক্ত ইস্ত পোলিসী অমসুং ঐখোয়গী ইন্দো-পেসিফিক ভিজনদা ভিএতনাম অসি ঐখোয়গী মরু ওইবা পার্তনর অমনি।

 ইন্দো-পেসিফিক্কী মতাংদা ঐখোয়গী মীৎয়েং য়াম্না মান্নৈ।

ঐখোয়না চাউখৎ-থৌরাংবু শৌগৎলি, পাকথোক চাউথোকপা পামদে।

ঐখোয়না ইন্দো-পেসিফিক লমদম অসি নীংতম্বা, হাংদোকপা, কাঙলোনশিংদা য়ুম্ফম ওইবা অমসুং চাউখৎপা অমা ওইহন্নবগীদমক ঐখোয়গী তেংবাং পীনবা মখা চত্থখিগনি।

CDRIদা ভিএতনামনা শরুক য়াবগী ৱারেপ অদু ঐখোয়না তরাম্না ওক্লি।

মরুপশিং,

অমুক হন্না ঐহাক্না প্রধান মন্ত্রী ফাম মিন চিংবু তরাম্না ওকচরি।

অদোমগী খোঙচৎ অসিনা ঐখোয়গী মরীদা অনৌবা অমদি অখন্নবা মরী অমা ওইহল্লি।

হন্না-হন্না থাগৎচরি।

***