কেন্দ্রগী হোম অমসুং কোওপরেশনগী মন্ত্রী, শ্রী অমিত শাহনা ঙসি পার্লিয়ামেন্তকী হাউস অনিমক্তা, কেরলাগী ৱায়ানাদতা লেন্দস্লাইদশিং থোকপদগী ওইরক্লিবা ফিভম অদুগী মতাংদা তৌখিবা খন্ন-নৈনবশিং অদুদা শরুক য়াখি।

ৱায়ানাদকী লাইবক থিবা থৌদোক অদুগী মতাংদা হাউস অনিমক্তা ৱা ঙাংলদুনা, শ্রী অমিত শাহনা নেচরেল কেলামিতী অদুদা লৈখিদবশিং অদুগী অৱাবা ফোংদোকখি অমসুং অসোক-অপন নংলবশিং অদুবু য়াম্না থুনা ফগৎলকপা ওইরসনু হায়না হায়খি। মহাক্না হায়খি মদুদি অসিগুম্বা মহৌশাগী অমাং-অতা অসিদা নরেন্দ্র মোদী সরকারনা কেরলাগী মীশিং অমসুং সরকারগীদমক্তা খোংফম চেৎনা লেপ্লি। শ্রী শাহনা হায়খি মদুদি মোদী সরকার অসিনা রেস্ক্যু রিলীফ অমসুং রিহেবিলিতেশনগীদমক্তা হোৎনবা য়াবা পুম্নমক হোৎনরি।

কেন্দ্রগী হোম মিনিস্তরনা হায়খি মদুদি ২০১৪গী মমাংদা, ভারতনা মহৌশানা থোকহনবা অমাং-অতাশিংদা রেস্ক্যু-সেন্ত্রিক এপ্রোচতা লৈরম্মি, অদুবু মোদী সরকারদি অসোক-অপন অমত্তা লৈহনদবা হায়বা এপ্রোচ অসিদা চংশিল্লি। মআক্না হায়খি মদুদি সেন্তরনা পীখিবা ই-পাউগী মতুং ইন্না মীশিংবু অসোই-অঙাম লৈতবা মফমদা পুথোকপা হায়বসি রাজ্য সরকারগী মথৌদাংনি। শ্রী শাহনা হায়খি মদুদি ভারত সরকারনা মহৌশাগী ওইবা অমাং-অতা অসিদা রেস্ক্যু ওপরেশন থবকশিংদা তৌবা য়াবা পুম্নমক অমত্তা চিত্থদনা পাংথোক্লি অমসুং প্রধান মন্ত্রী, শ্রী নরেন্দ্র মোদী মশামক্না ৱায়ানাদতা চত্থরিবা রিলীফ অমসুং রেস্ক্যু ওপরেশনশিংগী মতাংদা লৈরিবা প্রোগ্রেস অদুবু লেপ্তনা মোনিতর তৌরি অমসুং অপদেৎশিং লেপ্তনা লৌরি।

মমাদা, রাজ্য সভাদা হিরম অসিমক্কী মতাংদা খন্ন-নৈনখিবা অদুদা শরুক য়ারদুনা, কেন্দ্রগী হোম অমসুং কোওপরেশন মন্ত্রী, শ্রী অমিত শাহনা হায়খি মদুদি জুলাই ২৩দা, দিজাস্তর অদুগী নুমিৎ ৭নি ]আংৎলিঙৈদা, সেন্তরনা কেরলা সরকারদা মাংজৌননা ৱার্নিং পীখ্রবনি অমসুং মসিগই মতুংদা ২০২৪গী ২৪ অমসুং ২৫দশু মাংজৌননা ৱার্নিং পীখ্রবনি। মআক্না হায়খি মদুদি জুলাই ২৬তা, কেরলা সরকারদা ২০ সেন্তিমিতরদগী হেন্না নোং য়াম্না কন্না চুগনি অমসুং পুনশি নত্রগা লন-থুম মাংবা য়ানা লেন্দস্লাইদশিং থোকপগী ওইথোকপা লৈ। মহাক্না হায়খি মদুদি করিগুম্বা মরাল শিরিবশিং অদুনা অর্লী ৱার্নিংশিং অদু ইল্লম্লবদি, অসিগী ফিভম অসি থোক্লমদবা য়াই।

কেন্দ্রগী হোম মিনিস্তরনা হায়খি মদুদি রাজ্য সরকার ময়াম অমনা অর্লী ৱার্নিং সিস্তেম শিজিন্নবদগী অসোক-অপন ইয়াও য়াওদবা নত্রগা অমত্তা য়াওদবা দিজাস্তর মেনেজমেন্তকী মতাংদা রিপোর্ত তৌরকখি। খুদম পীরদুনা মহাক্না ওরিশা অমসুং গুজরাতকী থৌদোকশিংগী মতাংদা পনখি। নুমিৎ তরেতনিগী মমাংদা ওরিশা সরকারদ সাইক্লোন এলর্ত থাখি  অমসুং কেজুৱেলতী অমখক্তমক লৈখি হায়না মহাক্না হায়খি। গুজরাত্তা নুমিৎ হুম্নিগী মমাংদা এলর্ত তৌখি, অমসুং শা অমত্তফাওবা শোকখিদে।

শ্রী অমিত শাহনা হায়খি মদুদি ২০১৪দগী, ভারত সরকারনা মীশিংগী সাফতী অমসুং সেক্যুরিতীগীদমক্তা অর্লি ৱার্নিং সিস্তেমশিংদা লুপা করোর ২,৩২৩ থাদখি অমসুং স্তেকহোল্দরশিং এলর্তশিং অদু শিয়র তৌখি।ই-পাউশিং অদু রাজ্যশিং অমসুং য়ু.তি. পুম্নমক্তা চয়োল অমগী মমাংদা থাই অমসুং মসিগী ই-পাউ অসি ৱেবসাইত্তা মীপুম খুদিংমক্না য়েংবা ফংগনি।

কেন্দ্রগী হোম অমসুং কোওপরেশন মন্ত্রী, শ্রী অমিত শাহনা হায়খি মদুদি ২০১৪দা শ্রী নরেন্দ্র মোদীনা প্রধান মন্ত্রী ওইরবা মতুংদা, ভারত্তা মালেম অসিগী খ্বাইদগী নৌবা অর্লি ৱার্নিং সিস্তেম থম্নবা থবক তৌখি। মহাক্না হায়খি মদুদি ভারত অসি নুমিৎ তরেতনি মাংজৌননা দিজাস্তরশিং ফোরকাস্ত তৌবগী মতিক লৈবাক মকোক থোংবা লৈবাক মরি-মঙাগী মনুংদা অমনি। মহাক্না মখা তারকখি মদুদি লৈবাক অনম্বনা অসিগুম্বা ফোরকাস্ত অসি নুমিৎ হুম্নি মমাংদা খক্তমক তৌবগী মতিক লৈ।

কেন্দ্রগী হোম মিনিস্তরনা হায়খি মদুদি অর্লি ]আর্নিং সিস্তেম অসি রেনফোল, স্তোর্মশিং, সাইক্লোনশিং, হিতৱেবশিং, কোল্দৱেবশিং, সুনামিশিং, অর্থক্বেক, লেন্দস্লাইদশিং অমসুং লাইতনিং ফাওবা রিপোর্ত তৌনবা থম্লিবনি। মহাক্না হায়খি মদুদি করিগুম্বা ওপোজিশন্না অর্লি ৱার্নিং সিস্তেমগী মতাংদা খঙদ্রবদি, মদু ফত্তে, অদুবু খঙলবা ফাওবদা মখোয়না রাজনিতি খক্তমক শানরবদি, মদু লাইবক থিবনি। মহাক্না হায়খি মদুদি রাজ্য ময়াম অমনা শিজিন্নখ্রে অমসুং অফবা ফল ফংখি।

শ্রী অমিত শাহনা হায়খি মদুদি, নহাক্কী অয়াবগা লোইননা দিজাস্তর থোক্লকপা য়াই খন্দুনা জুলাই ২৩দা ভারত সরকারনা NDRFকী তীম ৯ কেরলাদা এয়রলিফ্ত তৌখি। মহাক্না কেরলা সরকারদা খুদোংথিনিংঙাই ওইরবা জোনশিংদা লৈরিবা মীশিংবু করিগী অতোপ্পা মফম অমদা হোদোকপা ঙমদ্রিবনো হায়না হংখি। কেরলা সরকারনআ মতম চানা থবক পাইখৎলম্লবদি মীওই কয়া অমগী পুনশি কনবা ঙম্লমগদবনি হায়না মহাক্না য়াম্না নুঙঙাইতনা ফোংদোরকখি।

শ্রী অমিত শাহনা হায়খি মদুদি রাজ্যশিংনা SDRFতগী ফন্দ চাদা ১০ মশানা অদুম থাদোকপা য়াই অমসুং কেন্দ্রগী অয়াবা য়াওদনা পীরিবা গাইদলাইনশিং অদু ঙাক্না চত্তুনা শেনফম অদুগী চাদা ১০০ শিজিন্নবা য়াই। মহাক্না হায়খি মদুদি ২০১৪দগী ২০২৪ ফাওবদা ৱেস্ত বেঙ্গলগীদমক্তা লুপা করোর ৬,২৪৪ সেঙ্কশন তৌখি। মসিগী মনুংদা লুপা করোর ৪,৬১৯দী হান্নদগী থাদোকখ্রে।

কেন্দ্রগী হোম মিনিস্তরনা হায়খি মদুদি ২০২৪গী জুলাই ২৩দা থাখিবা NDRFকী বতালিয়ন ৯দুদা নত্তনা বাতালিয়ন অহুম অমসু ঙরাং থাদোকখ্রে। মআক্না হায়খি মদুদি মতম অসি কেরলাগী সরকার অমসুং মীশিংগা লেপমিন্নগদবা মতম্নি। শ্রী শাহনা অমুক্কশু হন্না হায়রকখি মদুদি নরেন্দ্র মোদী সরকারনা অসিগুম্বা অৱাবা পুংফম অসিদা কেরলাগী মীশিং অমসুং সরকারগীদমক্তা খোংফম চেৎনা লেপ্লি।

*****