কেন্দ্ৰীয় গৃহ আৰু সমবায় মন্ত্ৰী শ্ৰী অমিত শ্বাহৰ অধ্যক্ষতাত এখন উচ্চস্তৰীয় সমিতিয়ে বিভিন্ন ৰাজ্যৰ বাবে কেইবাটাও দুৰ্যোগ প্ৰশমন আৰু সামৰ্থ্য বিকাশ প্ৰকল্পত অনুমোদন জনাইছে। আজি নতুন দিল্লীত বিত্তমন্ত্ৰী, কৃষি মন্ত্ৰী আৰু নিটি আয়োগৰ উপাধ্যক্ষক সদস্য হিচাপে গঠিত উচ্চ পৰ্যায়ৰ সমিতিখনে ছখন চহৰৰ নগৰীয়া বানপানীৰ বিৰুদ্ধে যুঁজিবলৈ, ৪ পাহাৰীয়া ৰাজ্যৰ হিমবাহৰ বিস্ফোৰণ বানপানী (জিএলঅ’এফ) হ্ৰাস কৰিবলৈ ৰাষ্ট্ৰীয় দুৰ্যোগ প্ৰশমন পুঁজি (এনডিএমএফ) আৰু ৰাষ্ট্ৰীয় দুৰ্যোগ সঁহাৰি পুঁজি (এনডিআৰএফ)ৰ পুঁজি আৰু ৩খন ৰাজ্যত অগ্নিনিৰ্বাপক সেৱা শক্তিশালী কৰাৰ বাবে মুঠ ৯টা প্ৰস্তাৱ বিবেচনা কৰে। লগতে ২৮খন ৰাজ্যৰ আটাইকেইখনতে যুৱ আপদা মিত্ৰ আঁচনি ৰূপায়ণৰ প্ৰস্তাৱো বিবেচনা কৰে।

প্ৰধানমন্ত্ৰী শ্ৰী নৰেন্দ্ৰ মোদীৰ দুৰ্যোগ প্ৰতিৰোধী ভাৰতৰ দৃষ্টিভংগী সাকাৰ কৰাৰ বাবে গৃহ মন্ত্ৰালয়ে গৃহমন্ত্ৰী শ্ৰী অমিত শ্বাহেৰ নিৰ্দেশনাত দেশত দুৰ্যোগৰ ফলপ্ৰসূ ব্যৱস্থাপনা নিশ্চিত কৰাৰ বাবে কেইবাটাও পদক্ষেপ গ্ৰহণ কৰিছে। ভাৰতত দুৰ্যোগৰ ক্ষতিশংকা হ্ৰাস ব্যৱস্থা শক্তিশালী কৰি দুৰ্যোগৰ সময়ত জীৱন আৰু সম্পত্তিৰ কোনো ধৰণৰ ব্যাপক ক্ষতি ৰোধৰ বাবে কেইবাটাও পদক্ষেপ গ্ৰহণ কৰা হৈছে।

আজিৰ বৈঠকত উচ্চ পৰ্যায়ৰ সমিতিখনে তেলেংগানা, গুজৰাট, কৰ্ণাটক, পশ্চিমবংগ আৰু মহাৰাষ্ট্ৰ ৰাজ্যৰ ছটা প্ৰকল্পৰ বাবে ২৫১৪.৩৬ কোটি টকা অনুমোদন জনায়। এই টকাৰে ছয়খন মহানগৰ ক্ৰমে মুম্বাই, কলকাতা, বেংগালুৰু, হায়দৰাবাদ, আহমেদাবাদ আৰু পুনেত নগৰীয়া বান ব্যৱস্থাপনা কৰা হ’ব। ইয়াৰ পূৰ্বে উচ্চ পৰ্যায়ৰ সমিতিয়ে ২০২৩ চনৰ ২৭ নৱেম্বৰত চেন্নাই চহৰৰ তামিলনাডু ৰাজ্যৰ বাবে বান ব্যৱস্থাপনাৰ সংহত সমাধানৰ বাবে প্ৰকল্প প্ৰস্তাৱত অনুমোদন জনাইছিল, যাৰবাবে ৫৬১.২৯ কোটি টকা ব্যয় কৰা হৈছিল।

উচ্চ পৰ্যায়ৰ সমিতিয়ে অসম, কৰ্ণাটক আৰু তামিলনাডুৰ বাবে “ৰাজ্যসমূহত অগ্নিনিৰ্বাপক সেৱাৰ সম্প্ৰসাৰণ আৰু আধুনিকীকৰণ” আঁচনিৰ অধীনত মুঠ ৮১০.৬৪ কোটি টকা ব্যয় সাপেক্ষে তিনিটা প্ৰকল্পৰ প্ৰস্তাৱত অনুমোদন জনায়। এই আঁচনিৰ বাবে ৰাষ্ট্ৰীয় দুৰ্যোগ সঁহাৰি পুঁজি (এনডিআৰএফ)ৰ অধীনত ৫০০০ কোটি টকা আগবঢ়াইছিল আৰু ইতিমধ্যে ১১খন ৰাজ্যৰ প্ৰস্তাৱত মুঠ ১৬৯১.৪৩ কোটি টকা ব্যয়ত অনুমোদন জনাইছিল।

তদুপৰি, উচ্চস্তৰীয় সমিতিয়ে হিমাচল প্ৰদেশ, উত্তৰাখণ্ড, ছিকিম আৰু অৰুণাচল প্ৰদেশ ৰাজ্যৰ বাবে জিএলঅ’এফ দুৰ্যোগ প্ৰশমনৰ প্ৰকল্প প্ৰস্তাৱত মুঠ ১৫০ কোটি টকা ব্যয়ত অনুমোদন জনায়। জিএলঅ’এফৰ দুৰ্যোগ প্ৰশমন প্ৰকল্পই এই চাৰিখন ৰাজ্যক জিএলঅ’এফৰ দুৰ্যোগহ মোকাবিলা কৰিবলৈ প্ৰয়োজনীয় ব্যৱস্থা গ্ৰহণৰ ক্ষেত্ৰত সহায় কৰিব।

উচ্চ পৰ্যায়ৰ সমিতিয়ে এন ডি আৰ এফৰ ৪৭০.৫০ কোটি টকা ব্যয় সাপেক্ষে যুৱ আপদা মিত্ৰ আঁচনিৰ প্ৰস্তাৱত অনুমোদন জনায়। ইয়াৰ অধীনত দেশৰ ৩১৫খন অতি দুৰ্যোগপ্ৰৱণ জিলাত ১৩০০ প্ৰশিক্ষিত আপদা মিত্ৰ স্বেচ্ছাসেৱকক মাষ্টাৰ ট্ৰেইনাৰ্ছ আৰু দুৰ্যোগৰ প্ৰস্তুতি আৰু সঁহাৰিৰ ক্ষেত্ৰত এনচিচি, এনএছএছ, এনৱাইকেএছ আৰু বি এছ এণ্ড জি (ভাৰত স্কাউটছ এণ্ডগাইড)ৰ পৰা একান্তভাৱে স্বেচ্ছাসেৱককে ধৰি ২.৩৭ লাখক প্ৰশিক্ষণ প্ৰদান কৰা হ’ব। ইয়াৰ পূৰ্বে চৰকাৰে “ আপদা মিত্ৰ” আঁচনি ৰূপায়ণ কৰিছে যাৰ অধীনত দেশৰ ৩৫০ খন অতি দুৰ্যোগপ্ৰৱণ জিলাত দুৰ্যোগ সঁহাৰিৰ বাবে প্ৰায় ১ লাখ সামূহিক স্বেচ্ছাসেৱকক প্ৰশিক্ষণ দিয়া হৈছে। এই দক্ষ আৰু প্ৰশিক্ষিত ‘আপদা মিত্ৰ’ আৰু ‘আপদা সখী’সকলে যিকোনো দুৰ্যোগৰ প্ৰতি সঁহাৰি জনোৱাৰ ক্ষেত্ৰত স্থানীয় প্ৰশাসনক সহায় কৰাৰ ক্ষেত্ৰত গুৰুত্বপূৰ্ণ ভূমিকা পালন কৰি আছে।

চলিত বিত্তীয় বৰ্ষত কেন্দ্ৰীয় চৰকাৰে ৰাজ্যিক দুৰ্যোগ প্ৰশমন পুঁজিৰ অধীনত ১৪খন ৰাজ্যক ৬,৩৪৮ কোটি টকা আৰু ৰাজ্যিক দুৰ্যোগ প্ৰশমন পুঁজি (এছডিএমএফ)ৰ অধীনত ৬খন ৰাজ্যলৈ ৬৭২ কোটি টকা মুকলি কৰি দিছে। তদুপৰি ৰাষ্ট্ৰীয় দুৰ্যোগ সঁহাৰি পুঁজিৰ অধীনত ১০খন ৰাজ্যলৈ ৪,২৬৫ কোটি টকা মুকলি কৰি দিয়া হৈছে।

*****

RK/VV/ASH/PS/DB