পুম্নমক কোনশিনবা হুমেন রিছোর্স দিবলপমেন্ত অমসুং খুন্নাইগী অচুম্বা পুরক্নবা ‘মীওই চাদা ১০০ কান্নবা ফংহনবা থৌরাং’ চৎনগদবনি। ৱাফম অসি ঙসি সংসদতা য়ুনিয়ন বজেত ২০২৪-২৫ পুথোকপদা ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নিরমলা সিতারমন্না ফোঙদোকখিবনি। থবক পীবা, স্কিল হেনগৎহনবা, এম.এস.এম.ইশিং অমসুং মিদল ক্লাসতা মীৎয়েং চঙবগী মথক্তা, মীওই কাংলুপ খুদিংমক কোনশিনবা অমসুং পুন্না চাউখৎমিন্নবগী মরুওইবা অদু য়ুনিয়ন মিনিস্তরনা পনখি।

য়ুনিয়ন ফাইনান্স মিনিস্তরনা হায়খি মদুদি মরক্কী বজেত্তা লাল্লোং য়াৎখিবগা লোয়ননা বিকসিত ভারতকী অকুপ্পা লম্বী অমা পুথোক্লে, মসিগা লোয়ননা য়ুনিয়ন বজেত ২০২৪-২৫ তা অপুনবা হুমেন রিছোর্স দিবলপমেন্ত অমসুং খুন্নাইগী অচুম্বা পুক্নবা পান্দম থম্বগা লোয়ননা মীওই খুদিংমক্তা মতিক চাবা খুদোংচাবশিং ফংহন্নবা মরুওইবা থবক ৯ থম্লি। মসিগী পান্দম অসি ফংনবা পায়খৎপা থোকপা থবকশিং পায়খৎলে।

য়ুনিয়ন বজেত ২০২৪-২৫ না মরুওইনা লৌরিবা পান্দম ৯ অদুনা অওনবশিং পুরকপা ঙমহনগনি। পান্দমশিং অদুদি লৌউ-শিংউগী পোৎথোক হেনগৎহনবা অমসুং অৱাবা মায়োক্নবা ঙম্বা লৌউ-শিংউগী থবক, থবক পীবা অমসুং স্কিল হেনগৎহনবা, পুম্নমক কোনশিনবা হুমেন রিছোর্স দিবলপমেন্ত অমসুং খুন্নাইগী অচুম্বা পুরকপা, মেনুফেকচরিং অমসুং সর্বিসেস, সহর চাউখৎহনবা, ইনর্জি সেকুরিতি, ইনফ্রাস্ত্রকচর, ইন্নোবেসন, রিছার্স অমসুং দিবলপমেন্ত অমসুং নেক্স জেনেরেসন রিফোর্মসনি।

য়ুনিয়ন মিনিস্তরনা হায়খি মীয়াম মরুওইনা লৌমীশিং, নহারোল, নুপীশিং অমসুং লায়রবশিং হিরম খুদিংমক্তা পুম্নমক চাউখৎনবা সরকারনা থবক পায়খৎলে। ‘মীওই চাদা ১০০ কান্নবা ফংহনবা থৌরাং’ অসিনা লাইরিক-লাইশু অমসুং হকশেলগীদমক খুন্নাইগী অচুম্বা পুরকপা য়াওনা তোঙান-তোঙানবা থৌরমশিংগী খুৎথাংদা খুদোংচাবা ফংবা য়ারবা মীওই খুদিংমক কোনশিন্নবা পান্দম থম্লি। মসিনা মখোয়গী তৌবা ঙম্বশিং হেনগৎহন্দুনা মখোয়গী ফিবম ফগৎহনগনি।

য়ুনিয়ন মিনিস্তরনা হায়খি মরুওইবা পান্দমশিং অসি ফংনবা থবক মপুংফানা পায়খৎপা অসি য়াম্না মরুওই। খুৎহৈবশিং, সেল্ফ হেল্প গ্রুপশিং, সেদুল কাস্তশিং, সেদুল ত্রাইব অমসুং নুপী ওন্ত্রেপ্রেনিউয়রশিং অমসুং নুপী কৈথেল ফম্বীশিংগী শেন্মিৎলোন্দা মতেং পাংনবা স্কিমশিং হায়বদি পি.এম বিশ্বকর্মা, পি.এম শ্বানিধি, নেসনেল লাইফলিহুদ মিসন অমসুং স্তেন্দ-অপ ইন্দিয়া মপাঙ্গল কনখৎহনগদবনি।

***