ভারতকী রিএল GDP অসি 2024-25দা চাদা 6.57দা হেনগৎলক্কনি প্রোজেক্ত তৌখি। ভারতকী ইকনোমী অসি FY24দা মাগী রিএল GDP চাদা 20 ওইদুনা লাইচৎ মমাংগী FY20গী থাকশিংদগী হেন্না ৱাংবগা লোয়ননা লাইচৎতগী নীংথিনা রিকভর তৌখি। ৱাফম অসি কেন্দ্রগী শেল-থুম অমসুং কোর্পোরেৎ এফিয়র্স মন্ত্রী, শ্রীমতি নির্মালা সিতারামন্না ঙসি পার্লিয়ামেন্তদা ইকনোমনিক সর্ভে 2023-24 পুথোকপদা ফোঙদোকখিবনি।

সর্ভে অসিনা হায়রি মদুদি গ্লোবেল ইকনোমিক পর্ফোমেন্সকী শীংনবা লৈরবসু দোমেস্তিক গ্রোথ দ্রাইভরশিংনা FY24দা ইকনোমিক গ্রোথপু সপ্পোর্ত তৌরি। FY20না লোইশিনবা দিকেদ অসিদা ভারত অসি চহিগী চাংচৎতা চাদা 6.6গী চাংদা চাউখৎখি, মসিনা শেন্মিৎলোনগী লোং-রন গ্রোথ প্রসপেক্তিবশিং অদু হেন্না নত্ত্রগা হন্থনা উৎলি।

অদুম ওইনমক, সর্ভে অসিনা 2024দা জিওপোলিতিকেল কন্ফ্লিক্তশিং হেনগৎলকপনা সপ্লাই দিসলোকেসন, পোৎকী মমল হেনগৎলকপা, ইনফ্লেস্নরী প্রেসর রিভাইব তৌবা অমসুং কেপিতেল ফ্লোদা ওইথোকপা য়াবা শাফুগা লোয়ননা মোনিতরী পোলিসী কোমথোকপা লেপহল্লকপা য়াই হায়না চেকশিন্নবা হায়রি। মসিনা RBIগী মোনিতরী পোলিসীগী খোঙথাংদা ইথিল পীবসু য়াই। 2024 ফাওবগী গ্লোবেল ত্রেদ আউৎলুক অসি পোজিতিব ওইদুনা লৈরি। 2023দা ভোল্যুম হন্থরক্লবা মতুংদা মর্চেন্দাইজ ত্রেদ তৌবগী চাং হেনগৎলগনি হায়না পানরি।

সর্ভে অসিনা ময়েক শেংনা তাক্লি মদুদি সরকারনা লৌখৎলিবা খোঙথাংশিং অদু শীজিন্নদুনা অমসুং ইমর্জিং মার্কেৎশিংদা লৈরিবা শীজিন্নদ্রিবা পোতেন্সিএল অদু লৌশিন্দুনা বিজিনেস, কন্সল্তেন্সি অমসুং IT-ইনেবল সর্ভিসেস পাকথোক-চাউথোকহনগনি। কোর ইনফ্লেসনগী চাং অসি চাদা 3গী অদুৱাইদা লৈরবসু, RBIনা, একোমোদেসন ৱিদ্রো তৌবা অমসুং অমরোমদা য়ু.এস. ফেদতা মীৎয়েং থমদুনা, মতম খরগী মমাংদগী শেন্দোইগী চাং হোংহন্দনা থম্লি, অমসুং পানরম্বা কোমথোকপা অসি থিন্থহনখ্রে।

ইকনোমিক সর্ভেনা হায়রি মদুদি ভারতকী শেন্মিৎলোন অসি মালেমগী অমসুং মপানগী ওইবা শীংনবশিংগী মায়োক্তা ঙাকথোকপা ঙম্বগী মতিক অদু উৎলি মরমদি রিএল GDP অসি স্তেবল কঞ্জুম্পসন দিমান্দ অমসুং লেপ্তনা ইনভেস্তমেন্ত দিমান্দ ফগৎলকপনা শাহৌ পীদুনা FY24দা চাদা 8.2দা হেনগৎলক্তুনা FY24গী ক্বাতর মরিগী মনুংদা অহুমদা চাদা 8 হেনখি।

সর্ভে অসিনা ফোঙদোক্লি মদুদি FY24দা এগ্রিকলচর, ইন্দস্ত্রী অমসুং সর্ভিস সেক্তরশিংনা করেন্ত প্রাইসশিংদা অপুনবা GVAদা মথংশিৎনা চাদা 17.7, চাদা 27.6 অমসুং চাদা 54.7 ওইরি। চহি অসিদা ৱেদরগী ফীভম ফত্তবনা মরম ওইদুনা অমসুং 2023দা মোন্সুনগী অনইভন ওইবা স্পাসিএল দিস্ত্রিব্যুসন অসিনা অপুনবা পোত্থোক্তা শাফু পীবদগী লৌউ-শিংউগী সেক্তরদা GVA অসি খোঙজেল তপলবসু লেপ্তনা হেনগৎলক্লি।

ইন্দস্ত্রীএল সেক্তরগী মনুংদা, মেন্যুফেকচরিং GVAনা FY23দা নুংঙাইতবা ফীভম অমা লৈখি অমসুং FY24দা চাদা 9.9 হেনগৎখি, মরমদি মেন্যুফেকচরিং এক্তিবিতীশিংনা স্তেবল ওইবা দোমেস্তিক দিমান্দ ফংহন্দুনা ইনপুত প্রাইস হন্থরকপদগী কান্নবা ফংখি। মতৌ অসুম্না, কন্সত্রক্সনগী থবকশিংসু হেনগৎলক্লি অমসুং ইনফ্রাস্ত্রকচর শেমগৎলকপা অমসুং কম্মর্সিএল অমসুং রেসিদেন্সিএল রিএল ইস্তেৎকী দিমান্দ হেনগৎলকপনা মরম ওইদুনা FY 24দা চাদা 9.9গী গ্রোথ রেজিস্তর তৌখি।

তোঙান তোঙানবা অৱাংবা ফ্রিক্বেন্সী ইন্দিকেতরশিংনা সর্ভিস সেক্তরদা হেনগৎলক্লিবা অসিবু উৎলি। গুদস এন্দ সর্ভিসেস তেক্স (GST) কালেক্সন অমসুং ই-ৱে বিলশিং ইসু তৌবা অনিমক্না হোলসেল অমসুং রিতেল ত্রেদ উৎলি,মসিনা FY24দা দবল-দিজিৎ গ্রোথ লৈ উৎখি। ফাইনান্সিএল অমসুং প্রোফেস্নেল সর্ভিসশিং অসি লাইচৎ মতুংদা চাউখৎপগী মরুওইবা দ্রাইভর অমা ওইরি হায়না সর্ভে অসিনা মখা তাখি।

গ্রোস ফিক্স কেপিতেল ফোর্মেসন (GFCF) অসি গ্রোথকী মরুওইবা দ্রাইভর অমা ওইনা লেপ্তনা থোরক্লি। প্রাইবেৎ নন-ফাইনান্সিএল কোর্পোরেসনশিংনা পীবা GFCF অসি FY23দা চাদা 19.8 হেনগৎলকখি। FY24দা প্রাইবেৎ কেপিতেল ফোর্মেসনদা মোমেন্তম লৈগনি হায়বগী অঙনবা খুদমশিং লৈরি। এক্সিস বেঙ্ক রিসর্চনা পীরকপা দেতাগী মতুং ইন্না  লিস্ত তৌরবা অমসুং লিস্ত তৌদবা নএ-ফাইনান্সিএল ফার্ম 3200 হেনবগী কনসিস্তেন্ত সেত অমদা প্রাইবেত ইনভেস্তমেন্ত অসি FY24দা চাদা 19.8 হেনগৎখ্রে।

প্রাইবেৎ কোর্পোরেসনশিংগী মথক্তা, য়ুমথোংশিং অসিসু কেপিতেল ফোর্মেসনগী থৌওং অসিদা মাংজিল থারি। 2023দা, ভারতকী রেসিদেন্সিএল রিএল ইস্তেৎ সেল্স অসি 2013দগী খ্বাইদগী ৱাংবা ওইখি। মসিদা চহিদা চাদা 33গী গ্রোথ অমা উবা ফংখি। মকোক থোংবা সহর 8দা অপুনবা য়ুনিৎ লাখ 4.1 য়োনখি।

বেঙ্কিং অমসুং ফাইনান্সিএল সেক্তরদা ক্লিনর বেলেন্স শীৎশিং অমসুং মতিক চাবা কেপিতেল বফরশিং লৈবনা ইনভেস্তমেন্ত দিমান্দগী হেনগৎলক্লিবা ফাইনান্সিংগৌ মথৌ তাবশিং ফংহন্নবা অফবা পোজিসন অমদা লৈরে। ইন্দস্ত্রীএল মাইক্রো, স্মোল অমসুং মেদিয়ম এন্তর্প্রাইজেস (MSME) অমসুং সর্ভিসশিংদা সেদ্যুল্দ কম্মর্সিএল বেঙ্কশিংনা পীবা ক্রেদিৎ অসি বেজ ৱাংখৎলবসু দিজিৎ অনিগী চাংদা হেনগৎলক্লি। চপ মান্ননা পর্সনেল লোনশিংসু হেনগৎলক্লি, মসিনা য়ুমগী দিমান্দ হেনগৎলকপগা চান্নরি।

সর্ভে অসিনা হায়রি মদুদি গ্লোবেল সপ্লাই চেনগী অপনবা অমসুং খুদোংচাদবা ৱেদরগী ফীভম লৈরবসু, FY24দা দোমেস্তিক ইনফ্লেস্নরী প্রেসর অসি হন্থখি। FY23দা চাংচত্তা চাদা 6.7 ওইরম্লবা মতুংদা FY24দা রিতেল ইনফ্লেসন অসি চাদা 5.4দা হন্থখি। মসি সরকার অমসুং RBI না পায়খৎলিবা থৌরাংশিংগী পুনশিন্নবদগী ওইরকপনি। কেন্দ্র সরকারনা ওপন মার্কেৎ সেল, অকক্নবা আউৎলেৎশিংদা য়োনবা, মতম চানা ইম্পোর্ত তৌবা, লিক্বিফাইদ পেত্রোলিয়ম গ্যাস (LPG) সিলিন্দরগী মমল হন্থহনবা অমসুং পেত্রোল অমসুং দিজলগী মমল হন্থহনবা অসিনচিংবা খুদক্কী ওইবা খোঙথাংশিং লৌখৎখি। RBIনা পোলিসী রেৎ অসি মে 2022 অমসুং ফেব্রুৱারী 2023গী মরক্তা অপুনবা bps 250 হেনগৎহনখি।

সর্ভে অসিনা হায়রি মদুদি মালেমগী ওইনা ফিস্কল দেফিসিৎ হেনগৎলকপা অমসুং শেনদোনগী অৱাবা হেনগৎলকপগী মায়োক্তা, ভারতনা ফিস্কল কন্সোলিদেসনগী মায়কৈদা লেপ্তনা চংশিল্লি। ওফিস ওফ কন্ত্রোল্লর জেনরেল ওফ একাউন্তস (CGA) না থাদোরকপা প্রোভিজনেল এচুএলস (PA) গী দেতাগী মতুং ইন্না কেন্দ্র সরকারগী ফিস্কল দেফিসিৎ অসি FY23দা GDPগী 6.4%দগী FY24দা GDPগী 5.6%দা হন্থখ্রে।

গ্রোস তেক্স রেভেন্যু (GTR) গী গ্রোথ অসি FY24দা চাদা 13.4দা এস্তিমেৎ তৌখি, মসিনা তেক্স বৌয়েন্সী 1.4দা লৈ তাক্লি। FY23দা দাইরেক্ত তেক্সতা চাদা 15.8 হেনগৎলকপা অমসুং ইন্দাইরেক্ত তেক্সতা চাদা 10.6 হেনগৎলকপা অসিনা ওইখি।

সর্ভে অসিনা মখা তারদুনা হায়রি মদুদি GTRগী 55%দি দাইরেক্ত তেক্সতগী অমসুং লেমহৌরিবা 45%দি ইন্দাইরেক্ত তেক্সতগী লাকপনি। FY24দা ইন্দাইরেক্ত তেক্সকী হেনগৎলকপা অসি মরুওইনা GST কল্লেক্সনদা চাদা 12.7গী গ্রোথ লৈবনা মপুং ওইনা শাহৌ পীখি। GST কল্লেক্সনদা হেনগৎলকপা অমসুং ই-ৱে বিল পুথোকপা হেনগৎলকপা অসিনা মতমগী মতুং ইন্না কমপ্লাইএন্স হেনগৎলক্লি উৎলি।

FY 24গী কেপিতেল এক্সপেন্দিচর অসি YoY বেসিস্তা চাদা 28.2 হেনগৎতুনা লুপা করোর লাখ 9.5 ওইখি অমসুং FY20গী লেবেলগী শরুক 2.8 ওইখি। কেপেক্সতা সরকারনা পুক্নিং চংবা অসিনা তম্বা ঙমদবা অমসুং শীংনবনা থল্লিবা মালেমগী ওইরিবা ফীভম মরক্তা শেন্মিৎলোন চাউখৎপগী মরু ওইবা মচাক অমা ওইরি। রোদ ত্রান্সপোর্ত অমসুং হাইৱেজ, রেলৱেজ, দিফেন্স সর্ভিসশিং, অমসুং তেলিকম্ম্যুনিকেসনগুম্বা সেক্তরশিংদা শেল থাদবনা লোজিতিক্কী অৱাবা কোকহন্দুনা অমসুং প্রদক্সন কেপাসিতীশিং পাকথোক চাউথোকহন্দুনা গ্রোথতা হেন্না ৱাংবা অমসুং তুং কোইগদবা শাহৌ পীরি।

সর্ভে অসিনা হায়রি, প্রাইবেৎ সেক্তরনা মশাগী অমসুং সরকারগা খুৎশম্নদুনা কেপিতেল ফোর্মেসনগী খোঙজেল অসি মাংলোমদা পুখৎপা অসিসু মথৌ তাই। মেছিনরী অমসুং ইক্বিপমেন্তকী মওংদা কেপিতেল স্তোক্তা হাপচিনখিবা মখোয়গী শিয়র অসি FY22দগী খক্তা মপাঙ্গল কনখৎলকপা হৌখি, মখোয়গী ফগৎলক্লিবা বোত্তম-লাইন অমসুং বেলেন্স শীৎশিংগী মপাঙ্গলনা ক্বালিতী লৈবা থবকশিং জেনরেৎ তৌনবগীদমক ত্রেন্দ অসি মথৌ তাই।

সর্ভে অসিনা FY24দা রাজ্য সরকারশিংনা মখোয়গী ফাইনান্সশিং মখা তানা ফগৎহল্লকখি হায়না পনখি। কম্পন্ত্রোলর অমসুং ওদিতর জেনরেল ওফ ইন্দিয়ানা ফোঙখিবা রাজ্য 23গী ফাইনান্সকী প্রিলিমিনরী ওদিতেদ এস্তিমেৎশিংনা তাক্লি মদুদি রাজ্য 23 অসিগী গ্রোস ফিস্কল দেফিসিৎ অসি বজেৎ তৌখিবা লুপা করোর লাখ 9.1দগী চাদা 8.6 হেন্না নেমখি। মসিনা তাক্লিবদি রাজ্যশিং অসিগী GDPগী চাদা অমগী ফিস্কল এফিসিৎ অসি বজেৎ তৌখিবা চাদা 3.1গী মাইয়োক্তা চাদা 2.8দা লৈরে। রাজ্য সরকারশিংনা কেপেক্সতা মীৎয়েং থমদুনা রাজ্য সরকারশিংনা শেল থাদবগী ক্বালিতীসু ফগৎলকখি।

গ্রোস স্তেৎ দোমেস্তিক প্রদক্ত (GSDP) পর কেপিতা তাবা রাজ্যশিংনা মখোয়গী GSDPগী মরী লৈননা ত্রান্সফরশিং ৱাংনা ফংবগা লোয়ননা কেন্দ্র সরকারগী রাজ্যশিংদা তৌখিবা ত্রান্সফর অসি ‌চাউনা প্রোগ্রেসিব ওইরি।

সর্ভে অসিনা বেঙ্কিং অমসুং ফাইনান্সিএল সিস্তেমদা RBIনা চেকশিন্না য়েংশিনবা অমসুং মদুগী অথুবা মতমগী রেগ্যুলেতরী এক্সনশিং অসিনা সিস্তেম অসিনা মেক্রোইকোনোমিক নৎত্রগা সিস্তেমিক শোক অমহেক্তদা ঙাকথোকপা ঙমহনগনি হায়বগী মতাংদা পনখি। জুন 2024গী RBIগী ফাইনান্সিএল স্তেবিলিতী রিপোর্তকী দেতাশিংনা তাক্লি মদুদি সেদ্যুল্দ কম্মর্সিএল বেঙ্কশিংগী এসেত ক্বালিতী ফগৎলক্লি। মার্চ 2024দা গ্রোস নন-পরফোর্মিং এসেত (GNPA) রেসিও অসি চহি 12গী মনুংদা খ্বাইদগী নেম্বা 2.8%দা হন্থরে।

ইক্বিতী অমসুং এসেতশিংদগী ফংলিবা শেন্দোংগী চাং অসি 2024গী মার্চ ফাওবদা মথংশিৎনা চাদা 13.8 অমসুং চাদা 1.3 ওইবগা লোয়ননা SCBশিংগী শেন্দোং লৈবগী চাং অসি লেংদনা লৈরি। মেক্রো স্ত্রেস তেস্তশিং অসিনা উৎলি মদুদি SCBশিং অসি য়াম্না শাথীবা স্ত্রেস সিনেরিয়োদা ফাওবা মিনিমম কেপিতেল রিক্বার্মেন্তশিং ঙাকপা ঙম্মি।

সর্ভে অসিনা ফোঙদোক্লি মদুদি এক্সতর্নেল ফ্রন্ততা, মরুওইনা মালেমগী দিমান্দ হন্থরকপা অমসুং জিওপোলিতিকেল তেন্সন লেপ্তনা লৈরকপনা মরম ওইদুনা FY24 মনুংদা মর্চেন্দাইজ এক্সপোর্তশিংদা মোদরেসন লাকখি। অদুম ওইনমক ভারতকী সর্ভিস এক্সপোর্ত অসি ফগৎলক্লি। FY24দা অনৌবা অৱাংবা থাক অমা ওইরিবা দোল্লর বিল্লিয়ন 341.1 য়ৌরে। FY 24দা এক্সপোর্ত (মার্চেন্দাইজ অমসুং সর্ভিসশিং) অসি চাদা 0.15 হেনগৎখি, অদুগা অপুনবা ইম্পোর্তনা চাদা 4.9 হন্থখি হায়না সর্ভে অদুদা পনখি।

মপান্দা লৈবা মফমশিংদগী শেল থাদরকপশিং য়াওবা নেৎ প্রাইবেৎ ত্রান্সফরশিং অসি FY24দা দোল্লর বিল্লিয়ন 106.6দা হেনগৎখি। মসিনা মরম ওইদুনা, চহি অসিগী মনুংদা কারেন্ত একাইন্ত দিফিসিৎ (CAD) অসি GDPগী 0.7% ওইখি, মসি FY23দা GDPগী 2.0%গী দিফিসিৎ অদুদগী ফগৎলকপনি। FPIগী নেৎ ইনফ্লো অসি মমাংগী চহি অনিগী নেৎ আউৎফ্লোগা চাংদম্নবদা FY24দা দোল্লর বিলিয়ন 44.1 ওইখি।

অপুনবা ওইনা, ভারতকী মপান লমগী সেক্তর অসি ফোরেন এক্সচেঞ্জ রিজর্ব অমসুং স্তেবল ওইবা এক্সচেঞ্জ রেৎকী খুত্থাংদা ফজনা মেনেজ তৌরি। 2024গী মার্চকী অরোইবা ফাওবদা ফোরেক্স রিজর্বশিং অসি থা 11গী প্রোজেক্ত তৌরিবা ইম্পোর্তশিং কুপশিনবা ঙম্নবা মতিক চানা লৈরম্মি।

সর্ভে অসিনা FY24দা ইন্দিয়ন রুপি অসি ইমর্জিং মার্কেৎ পিয়রশিংগী মরক্তা খ্বাইদগী হন্থবা ভোলেতাইল করেন্সীশিংগী মরক্তগী অমা ওইখি হায়না ফোঙদোক্লি। ভারতকী এক্সতর্নল দেত ভলনরেবিলিতী ইন্দিকেতরশিংসু অফবা ওইদুনা লৈরি। মার্চ 2024গী অরোইবা ফাওবদা GDPদা চাংদম্নবদা এক্সতর্নেল দেত অসি য়াম্না নেম্বা থাক্তা লৈরম্মি, মসি চাদা 18.7 ওইরি। 2023-24গী ইকনোমিক সর্ভেগী মতুং ইন্না ফোরেন এক্সচেঞ্জ রিজর্ব অমসুং অপুনবা দেতকী রেসিও অসি মার্চ 2024 ফাওবদা 97.4% ওইখি।

ভারতকী সোসিএল ৱেলফেয়র এপ্রোচ অসি ইনপুত-বেজ এপ্রোচ অমদগী আউতকম-বেজ এম্পাৱরমেন্তদা অহোংবা লাক্লে হায়না সর্ভে অসিনা পনখি। পি.এম. উজ্জ্বলা য়োজনাগী মখাদা লেম্না গ্যাস কনেক্সন পীনবা, স্বচ্ছ ভারত মিসনগী মখাদা তোইলেৎ শানবা, জন ধন য়োজনাগী মখাদা বেঙ্ক একাউন্ত হাংদোকপা, পি.এম.-আৱাস য়োজনাগী মখাদা পুক্কা য়ুম শানবা অসিগুম্বা সরকারগী থৌরাংশিং অসিনা কান্নবা ফংদ্রিবা মীওইশিংগী তৌবা ঙম্বশিং অমসুং খুদোংচাবশিং হেনগৎহল্লে। এপ্রোচ অসিদা "নো পর্সন লেফ বিহাইন্দ" হায়বা মেক্সিম অসি তশেংবা তার্গেৎনা ফংহন্নবগীদমক অরোইবা মাইলগী সর্ভিস দেলিভরীগীদমক রিফোর্মশিং পান্দম থমদুনা ইমপ্লিমেন্ত তৌবা য়াওরি হায়না সর্ভে অসিনা মখা তাখি।

দাইরেক্ত বেনিফিৎ ত্রান্সফর (DBT) স্কিম অমসুং জন ধন য়োজনা-আধার-মোবাইল ত্রিনিতী অসিনা ফিস্কল ইফিসিএন্সী অমসুং লিকেজশিং হন্থহনবদা মতেং পাংলি। 2013দা মসি হৌদোকখিবদগী হৌদুনা DBTগী থোংদা লুপা করোর লাখ 36.9 ত্রান্সফর তৌখ্রে।

সর্ভে অদুদা হায়রি, ভারত পুম্বদা চহিগী ওইবা থবক্কী ফংদবগী চাং (মহৌশানা চহি 15গী মথক্তা লৈবা মীওইশিং) অসি লাইচৎ অসিদগী হন্থরক্লি অমসুং মসিগা লোয়ননা লেবর ফোর্স শরুক য়াবগী চাং অমসুং ৱার্কর-তু-পোপুলেসনগী চাং হেনগৎলক্লি। জেন্দরগী মীৎয়েংদগী, নুপীশিংগী লেবর ফোর্স শরুক য়াবগী চাং অসি চহি তরুক অসিদা হেনগৎলক্লি, হায়বদি 2017-18দা চাদা 23.3দগী 2022-23দা চাদা 37দা হেনগৎলক্লি। মসি মরুওইনা খুঙ্গংগী নুপীশিংগী শরুক য়াবগী চাং হেনগৎলকপদগীনি।

মালেমগী শেন্মিৎলোনগী ফিভমগী মতাংদা সর্ভে অসিনা হায়রি মদুদি মালেমগী ওইবা শীংনবশিং অমসুং ভোলেতিলিতীশিংনা মশক তাকপা চহি অমগী মতুংদা, শেন্মিৎলোন অসি 2023দা হেন্না মপাঙ্গল কনখৎহনখি। মায়োক্নরিবা জিওপোলিতিকেল দিবেলপমেন্তশিংদগী থোক্লকপা খুদোংচাদবশিংনা হেনগৎলক্লবসু মালেমগী ইকনোমিক গ্রোথ অসি মপাঙ্গল কনখি।

ইন্তর্নেস্নেল মোনিতরী ফন্দ (IMF)গী ৱর্ল্দ ইকনোমিক আউৎলুক (WEO) এপ্রিল 2024গী মতুং ইন্না মালেমগী শেন্মিৎলোন অসি 2023দা চাদা 3.2গী গ্রোথ রেজিস্তর তৌখি হায়না সর্ভে অসিনা হায়রি।

*****