শেনবা চহি ২৪দা রিএল জি.দি.পি. চাদা ৮.২ য়ৌনা কাখি; ক্বার্তর মরিগী মনুংদা অহুমদা চাদা ৮ হেনখি

শেনবা চহি ২৪দা দেফ এদমিনিস্ত্রেতিব অমসুং মোনিতরী পোলিসীনা মরম ওইদুনা রিতেল ইনফ্লেসন্দা চাদা ৫.৪ হন্থরে

ইন্দস্ত্রিএল গ্রোথতা চাদা ৯.৫ লাকপনা একনোমিক গ্রোথতা চাদা ৮.২ লৈরে

রাজ্য অমসুং য়ুনিয়ন তেরিতোরী ২৯দা চাদা ৬ কী মখাদা ইনফ্লেসন রেত লৈবা উরে

ভারতকী বেঙ্কিং অমসুং ফাইনান্সিএল সেক্তরনা ফগৎপা উরে; আর.বি.আই.না চাং নাইবা পোলিসী রেত ঙাক্না চৎলি

বেঙ্ক ক্রেদিত্তা দবল দিজিত অমসুং ব্রোদ বেজ গ্রোথ

লৌউশিংউ অমসুং মরী লৈনবা থবকশিংদা ক্রেদিত্তা দবল দিজিত গ্রোথ লৈরে

শেনবা চহি ২৫দা ইনফ্লেসন চাদা ৪.৫ তাগনি হায়না আর.বি.আই.না পারি

২০২৩দা ভারতনা মালেমগী ওইনা য়ু.এস.দি. বিলিয়ন ১২০গা লোইননা মকোক থোংবা রিমিতেন্স রিসিপেন্ত ওইখি

অমৃত কালদা মরুওইবা মীৎয়েং চঙফম তরুক – প্রাইভেত ইনভেস্তমেন্ত হেনগৎপা, এম.এস.এম.ই.এস. পাকথোক চাউথোকপা, লৌউশিংউনা চাউখৎপগী ইঞ্জিন ওইবা

গ্রীন ত্রাঞ্জিসন্দা শেল থাদবা, এজুকেসন-ইমপ্লোইমেন্তকী মরক্তা লৈরিবা অহাংবা মেনশিনবা, অমসুং রাজ্যশিংগী কেপাসিতী শেমগৎপা

ভারতনা ক্লাইমেত এক্সন অমসুং এনর্জী ইফিসিএন্সীদা খুমাং চাউশিল্লে; নোন-ফোসিল ফ্যুল সোর্সশিংদগী চাদা ৪৫.৪গী ইন্সতোল্দ ইলেক্ত্রিসিতী শুংবা ঙম্লে

ভারতনা গ্রীনহাউজ গ্যাস ইমিসনদগী শেন্মিৎলোন চাউখৎপা থদৎনরে; ২০০৫-১৯ ফাওবগী মনুংদা ইমিসন্না ৪% লৈদুনা জি.দি.পি. ৭%দা লৈ

জিনি কোইফিসিএন্ত হন্থরে, মসিনা সোসিএল সেক্তর থৌরাংশিংদা মান্নদবা হন্থরে হায়বা তাক্লি

আয়ুশ্মন ভারত কার্দ করোর ৩৪.৭ হেন্না শাখ্রে, হোস্পিতাল এদমিসন করোর ৭.৩৭ কোনশিনখি

আয়ুশ্মন ভারতকী মখাদা মেন্তেল দিসওর্দর ২২ কোনশিনখি

আর&দিদা খোংজেল য়াঙনা খুমাং চাউশিনখি, শেনবা চহি ২০দা ২৫০০০ দগী তানা লৈখিবগা চাংদম্নবদা পেতেন্ত লাখ অমা শেনবা চহি ২৪দা অয়াবা পীখি

শেনবা চহি ১৯দা লাখ ৬১.১ লৈখিবদগী শেনবা চহি ২৪দা লাখ ১৩১.৫ লৈদুনা ই.পি.এফ.ও.দা অপুনবা ওইনা পেরোল হাপচিনবগী চাং শরুক অনি হেন্না হেনগৎখি

গীগ ৱার্কফোর্স ২০২৯-৩০দা করোর ২.৩৫ হেনগৎকনি

লৌউশিংউ অমসুং মরী লৈনবা সেক্তরশিংনা হৌখিবা চহি ৫ রোমদা চহিগী গ্রোথ রেত চাদা ৪.১৮ রেজিস্তর তৌখি

এলাইদ এগ্রি সেক্তরনা চাউখৎপগী শক্তি লৈরবা ময়োল অমা ওইনা থোক্লক্লি অমসুং ফার্মগী ইঙ্ক ফগৎনবগী সোর্স অমা ওইরি

লৌউশিংউ রিসর্চতা ইনভেস্তমেন্ত পীবনা ফুদ সেক্যুরিতীদা মতেং ওইরি; লুপা অমা ইনভেস্ত তৌবা খুদিংগী লুপা ১৩.৮৫কী পেওফ লাক্লি

ভারতকী ফার্মা মার্কেত ৱার্ল্দনা য়ু.এস.দি. ৫০ বিলিয়ন্দা লৈদুনা মালেমদা খ্বাইদগী চাউবা অহুমশুবা ওইরে

পি.এল.আই. স্কিম্না 'আত্মনির্ভর ভারত' ফংনবগী মরুওইবা মচাক অমা ওইরি, মসিনা ইনভেস্তমেন্ত করোর লাখ ১.২৮ চিংশিনখি

ভারতকী সর্ভিস এক্সপোর্তনা ২০২২দা মালেমগী কম্মর্সিএল এক্সপোর্তকী ৪.৪% শরুক তমখি

ভারতকী দিজিতেল ওইনা পীবা সর্ভিসেস এক্সপোর্ত্তা লৈবা শেয়র অসি ২০২৩দা ৬%দা লৈখি; ভারত্তা গ্লোবেল কেপেবিলিতী সেন্তর ১৫৮০ লৈরে

ভারত্তা ২০২৩দা ফোরেন তুরিস্ত লাখ ৯২ থুংলখি

ভারতকী ই-কম্মর্স ইন্দস্ত্রীনা ২০৩০ ফাওবদা য়ু.এস.দি. বিলিয়ন ৩৫০ লানগনি

নেসনেল হায়ৱে শেমগৎ শাগৎপগী থবক শেনবা চহি ১৪দা নোংমদা কিলোমিতর ১১.৭ ওইরম্বদগী শেনবা চহি ২৪ দা নোংমদা কিলোমিতর ৩৪ ওইদুনা শরুক অহুম হেনগৎখি

রেলৱে কেপেক্স হৌখিবা চহি ৫ রোমসিদা চাদা ৭৭ হেনগৎখি

এয়রপোর্ত ২১ অনৌবা তর্মিনেল বিল্দিংশিং মথৌ তৌরে

মিসন লাইফনা মীওইবা অমসুং মহৌশাগী মরক্তা নুংশি চাননা হিংমিন্নদুনা মাইন্দফুল কঞ্জুমসন হেনগৎহল্লি

একনোমিক সর্ভে ২০২৩-২৪গী শম্লপ্পা ৱারোল

একনোমিক সর্ভে ২০২৩-২৪ অসি পার্লিয়ামেন্ততা ঙসি কেন্দ্রগী শেলথুম অমসুং কোর্পোরেত এফিয়র্স মন্ত্রী শ্রীমতি নির্মলা সিতারমন্না থমখি। একনোমিক সর্ভেগী মরুওইবা ৱারোলশিং মখাদা থম্লি;

চেপ্তর ১: শেন্মিৎলোনগী ফিভম – চাং নাইনা চৎলি

• একনোমিক সর্ভেনা রিএল জি.দি.পি. গ্রোথ চাদা ৬.৫-৭ প্রোজেক্ত তৌরি, মসিদা লৈবা রিস্কশিং অসি মার্কেত এক্সপেক্তেসন ৱাংজরবসু খল চানা লৈরি।
• ভারতকী শেন্মিৎলোন্না এক্সতর্নেল চেলেঞ্জ কয়া লৈজরবসু শেনবা চহি ২৩দগী শেনবা চহি ২৪দা খোঙজেল মাংজিল থানা পুখৎলি। মেক্রোএকনোমিক স্তেবিলিতী থম্নবা মীৎয়েং চঙবনা এক্সতর্নেল চেলেঞ্জশিং অসি ভারতকী একনোমিদা চাউনা চৈথেং পীখিদে।
• শেনবা চহি ২৪দা রিএল জি.দি.পি. চাদা ৮.২ য়ৌনা কাখি; ক্বার্তর মরিগী মনুংদা অহুমদা চাদা ৮ হেনখি।
• সপ্লাইগী নাকন্দা, গ্রোস ভেল্যু এদেদ (জি.ভি.এ.) শেনবা চহি ২৪ (২০১১-১২কী মমলদা) চাদা ৭.২ য়ৌনা কাখি অমসুং লেঙদবা মমলদা লৈবা তেক্সসু শেনবা চহি ২৪দা ১৯.১ য়ৌখি।
• দেফ এদমিনিস্ত্রেতিব অমসুং মোনিতরী পোলিসীনা মরম ওইদুনা রিতেল ইনফ্লেসন্দা শেনবা চহি ২৩দা ৬.৭ লৈরম্বদগী শেনবা চহি ২৪দা চাদা ৫.৪ হন্থরে।
• করেন্ত একাউন্ত দিফিসিত (সি.এ.দি)না শেনবা চহি ২৪গী মনুংদা জি.দি.পি.গী চাদা ০.৭ দা লৈখি, মসি শেনবা চহি ২৩দা জি.দি.পি.গী চাদা ২.০ দা লৈখিবদুদগী হেন্না ফগৎলে।
• ভারতকী শেন্মিৎলোন অসি ফগৎলে অমসুং লাইচৎ মতুংদা ফিভম চানা পাকথোক চাউথোক্লে। শেনবা চহি ২৪দা লৈবা রিএল জি.দি.পি.গী চাং অসি শেনবা চহি ২০দগী চাদা ২০ হেন্না ৱাংলি, মসি অচৌবা শেন্মিৎলোনশিংনা তাঙনা ফংবা থবক অমনি।
• খোমগৎলবা তেক্সশিংগী ৫৫%না দাইরেক্ত তেক্সনি অমসুং লেমহৌরিবা ৪৫%না ইন্দাইরেক্ত তেক্সনি।
• লৈঙাক্না মীওই করোর ৮১.৪দা চানবা পোৎলম লেম্না পীখি। কেপিতেল স্পেন্দিংদা লৈবা অপুনবা এক্সপেন্দিচর অসি খুমাং চাউশিন্না হেনগৎলে।

চেপ্তর ২: মোনিতরী মেনেজমেন্ত অমসুং ফাইনান্সিএল ইন্তরমেদিয়রি-তংদু লৈতাবা হায়বসিনা ৱাৎচৱার্দ ওইরে

• শেনবা চহি ২৪দা ভারতকী বেঙ্কিং অমসুং ফাইনান্সিএল সেক্তরনা ফগৎপা উরে।
•  আর.বি.আই.না ইনফ্লেসন রেত ঙাক্না থম্বগা লোইননা চাং নাইবা পোলিসী রেত ঙাক্না চৎলি।
• মোনিতরী পোলিসী কম্মিতী (এম.পি.সি.)না পোলিসী রেপো রেত শেনবা চহি ২৪দা চাদা ৬.৫ কী চাংদা থম্লি। ইনফ্লেসনবু মসিগী পান্দম অসিগা চাং মান্ননা থম্লি অদুগা চাউখৎপদা মতেং পাংলি।
• সেদ্যুল্দ কম্মর্সিএল বেঙ্ক (এস.সি.বি.)না ক্রেদিত দিসবর্স তৌবগী চাং লুপা করোর লাখ ১৬৪.৩দা লৈদুনা মার্চ ২০২৪ লোইরকপা ফাওবদা চাদা ২০.২দা হেনগৎলে।
• ঐচ.দি.এফ.সি.বু ঐচ.দি.এফ.সি. বেঙ্কতা পুশিনবগী শাফু য়াওদনা ব্রোদ মনী (এম২)দা লৈবা গ্রোথকী চাং অসি চহি অমগী মমাংদা চাদা ৯ লৈরম্বগা চাংদম্নবদা মার্চ ২২, ২০২৪দা (YoY) দা চাদা ১১.২ দা লৈখি।
• বেঙ্ক ক্রেদিত্তা দবল দিজিত অমসুং ব্রোদ বেজ গ্রোথ লৈরে, গ্রোস অমসুং নেট নোন-পার্ফোরমিং এসেতশিংনা চহি কয়াদা নেম্না লৈরে অমসুং বেঙ্ককী এসেত ক্বালিতী ফগৎপনা লৈঙাক অসিনা বেঙ্কিং সেক্তরদা তংদু লৈতাবা পুরক্নবা হোৎনবদু তাক্লে।
• সর্ভিস অমসুং পার্সনেল লোনশিংদা থাদবনা ক্রেদিত গ্রোথনা মপাঙ্গল কন্না লৈরি।
• শেনবা চহি ২৪দা লৌউশিংউ অমসুং মরী লৈনবা থবকশিংদা ক্রেদিত্তা দবল দিজিত গ্রোথ লৈরে।
• ইন্দস্ত্রিএল ক্রেদিত গ্রোথকী চাংনা চহি অমগী মমাংদা চাদা ৫.২ লৈরম্বদগী চাদা ৮.৫ য়ৌরে।
• আই.বি.সি.বু ত্বিন বেলেন্স শিত প্রোব্লেমগী মতীক চাবা পাম্বৈ অমা ওইনা শকখঙলে, হৌখিবা চহি ৮লোম অসিদা লুপা করোর লাখ ১৩.৯ গী ভেল্যু লৈবা কোর্পোরেত দেবতর ৩১,৩৯৪ মার্চ ২০২৪ ফাওবদা দিস্পোস তৌখ্রে।
• প্রাইমরী কেপিতেল মার্কেতনা শেনবা চহি ২৪দা লুপা করোর লাখ ১০.৯ গী কেপিতেল ফোর্মেসন পীখ্রে (শেনবা চহি ২৩গী প্রাইভবেত অমসুং পব্লিক কোর্পোরেতকী গ্রোস ফিক্স কেপিতেল ফোর্মেসনগী চাউরাক্না চাদা ২৯)।
• ভারতকী স্তোক মার্কেতকী মার্কেত কেপিতেলাইজেসন্দা ৱাংখৎলকপা উরে, মসিদা জি.দি.পি.দা লৈবা মার্কেত কেপিতেলাইজেসনগী রেসিও অসি মালেমদা মঙাশুবা খ্বাইদগী চাউবা ওইরে।
• ফাইনান্সিএল ইনক্লুজন হায়বসি পান্দম অমখক্তা নত্ত্রে, মসি তুং কোইনা চৎপা য়াবা, মান্নদবা হন্থহনবা অমসুং লাইরবা কোকহনবা ঙম্লে। মথংগী অচৌবা শীংনবদি দিজিতেল ফাইনান্সিএল ইনক্লুজন (দি.এফ.আই.) ওইরে।
• ক্রেদিত্তা বেঙ্কিং সপ্পোর্ত পীবা চাং নাইনা হন্থরক্লি অমসুং কেপিতেল মার্কেতকী থৌদাং হেনগৎলক্লি। ভারতকী শেলথুমগী সেক্তর অসিনা অচৌবা অহোংবা অমদা লাকপা মতমদা মসিনা লাক্কদবা অৱাবশিংবুসু থেংননবা খোঙফম চেৎনা লৈগদবনি।
• লাক্কদবা চহি তরারোম অসিদা ভারতনা খ্বাইদগী য়াঙনা চাউখৎলিবা ইন্সুরেন্স মার্কেতশিংগী মরক্তা অমা ওইবা ঙম্লগনি।
• ভারকী মাইক্রোফাইনান্স সেক্তরনা চাইনাগী মতুংদা মালেমগী ওইনা খ্বাইদগী চাউবা অনিশুবা ওইরে।

চেপ্তর ৩: মমল অমসুং ইনফ্লেসন- লাকশিনবা

• কেন্দ্র সরকারনা মতম চানা লৌখৎপা পোলিসী ইন্তর্ভেন্সন্স অমসুং রিজর্ব বেঙ্ক ওব ইন্দিয়াগী মমল খল চানা থম্বনা রিতেল ইনফ্লেসন চাদা ৫.৪ থম্বদা মতেং পাংলে – লাইচৎকী হেক মতুংদা খ্বাইদগী নেম্বা ওইরি।
• কেন্দ্র সরকারনা এল.পি.জি., পেত্রোল অমসুং দিজল মমল হন্থহনখ্রে। মসিনা মরম ওইদুনা রিতেল ফ্যুল ইনফ্লেসন শেনবা চহি ২৪দা নেম্না লৈখি।
• ওগস্ত ২০২৩দা দোমেস্তিক এল.পি.জি. সিলিন্দরগী মমল অসি ভারতকী মার্কেত খুদিংমক্তা সিলিন্দর অমদা লুপা ২০০ হন্থখি। মসিগী মতুংদগী, এল.পি.জি. ইনফ্লেসনসু দিফ্লেসনরী জোন্দা লৈরে।
• মখা তানা, কেন্দ্রনা পেত্রোল অমসুং দিজলগী মমলসু লিতরদা লুপা ২দা হেনগৎখি। মসিগী মতুংদা, গারীশিংদা শীজিন্নবা পেত্রোল অমসুং দিজলদা লৈবা রিতেল ইনফ্লেসনসু দিফ্লেসনরী জোন্দা লৈরে।
• কোর সর্ভিস ইনফ্লেসনসু শেনবা চহি ২৪দা চহি মাপনলোম নেম্না লৈরে; অদুগা মতম অমুক্তদা, কোর গুদস ইনফ্লেসন্সু চহি মরিগী ওইনা নেম্না লৈরে।
• শেনবা চহি ২৪দা, কোর কঞ্জুমর দ্যুরেসন ইনফ্লেসন্সু ইন্দস্ত্রীশিংদা মরুওইবা মচাকশিং সপ্লাই তৌবা হেনগৎপদগী হন্থরে।
• কা হেনবা অইং অশাগী থৌদোকশিং, রিজর্বর হন্থবা, অমসুং মহৈ মরোং মাঙহন তাকহনখিবনা লৌউশিংউ সেক্তরনা খুদোংচাদবা মাইয়োক্নখি, মসিনা ফার্ম আউৎপুত অমসুং চীঞ্জাক্কী মমলদা শাফু পীখি। ফুদ ইনফ্লেসন্সু শেনবা চহি ২৩দা চাদা ৬.৬ তা লৈখি অমসুং শেনবা চহি ২৪দা চাদা ৭.৫ তা হেনগৎখি।
• লৈঙাক্না দাইনামিক স্তোক মেনেজমেন্ত, ওপন মার্কেত ওপরেসন, তঙাইফদবা চীঞ্জাক্কী পোৎলমশিংদা সবসিদাইজ প্রোভিজন পীবা অমসুং ত্রেদ পোলিসীগী খোঙথাংশিংনা লৌখৎতুনা ফুদ ইনফ্লেসন কোকহনবা ঙম্লে।
• শেনবা চহি ২৪দা রাজ্য অমসুং য়ুনিয়ন তেরিতোরী ২৯দা ইনফ্লেসন চাদা ৬ তগী তানা লৈখ্রে।
• মসিগী মথক্তা, মপুং ওইনা ইনফ্লেসন ৱাংবা রাজ্যশিংদা খুঙ্গং অমসুং শহরগী ইনফ্লেসন গেপ চাউনা লৈহল্লি, মসিদা খুঙ্গংগী ইনফ্লেসন্না অর্বানগী ইনফ্লেসন্দগী হেল্লি।
• মাংজিল থানা চৎলদুনা, মোন্সুন অমসুং এক্সতর্নেল নৎত্রগা পোলিসী শোক মহৌশাগুম ওইগনি হায়না লৌদুনা শেনবা চহি ২৫দা ইনফ্লেসন চাদা ৪.৫ অমসুং শেনবা চহি ২৬ তা চাদা ৪.১ তাগনি হায়না আর.বি.আই.না পারি।
• আই.এম.এফ.না ভারত্তা ২০২৪দা চাদা ৪.৬ অমসুং ২০২৫ তা চাদা ৪.২গী ইনফ্লেসন লৈগনি হায়না পারি।

চেপ্তর ৪: এক্সতর্নেল সেক্তর – মরাং কায়না লৈরিঙৈ চৈরক্তা তংদু লৈতাবা

• ভারতকী এক্সতর্নেল সেক্তরনা স্তিক্কী ইনফ্লেসনগা লোইননা জিওপোলিতিকেলগী ওইবা হেদৱিন্দ লৈদুনসু মপাঙ্গল কন্না লৈরি।
• ৱার্ল্দ বেঙ্ককী লোজিস্তিক্স পার্ফোরমেন্স ইন্দেক্সতা লৈবা ভারতকী রেঙ্ক অসি লৈবাক ১৩৯ গী মনুংদা ২০১৮ দা ৪৪শুবদা লৈরম্বদগী ২০২৩দা ৩৮শুবদা লাক্তুনা মফম তরুক হায়গৎখ্রে।
• মর্চেন্দাইজ ইম্পোর্ততা মোদরেসন লৈবা অমসুং সর্ভিস এক্সপোর্ত ৱাংখৎপনা ভারতকী হৌজিক লৈরিবা একাউন্ত দিফিসিত অসি শেনবা চহি ২৪দা চাদা ০.৭ দা হন্থরে।
• ভারতনা মালেমগী গুদস অমসুং সর্ভিসতা মার্কেত শেয়র হেনগৎলক্লি। মালেমগী গুদস এক্সপোর্ততা লৈবা শেয়র অসি শেনবা চহি ১৬-২০ দা চাদা ১.৭গী চাংচৎতা লৈরম্বদগী চাদা ১.৮ দা শেনবা চহি ২৪দা লাক্লে।
• ভারতকী সর্ভিস এক্সপোর্ত অসি আই.তি./সোফৱেয়র সর্ভিস অমসুং অতৈ বিজিনেস সর্ভিসশিংনা মরম ওইদুনা শেনবা চহি ২৪দা য়ু.এস.দি. ৩৪১.১ বিলিয়নদা লৈদুনা চাদা ৪.৯ কাখৎলে।
• ২০২৩দা ভারতনা মালেমগী ওইনা য়ু.এস.দি. বিলিয়ন ১২০গা লোইননা মকোক থোংবা রিমিতেন্স রিসিপেন্ত ওইখি।
• ভারতকী এক্সতর্নেল দেত অসি মার্চ ২০২৪গী অরোইবা ফাওবদা জি.দি.পি.দা লৈবা এক্সতর্নেল দেতকী রেসিওনা চাদা ১৮.৭দা লৈদুনা চহি কয়া অসিদা তুং কোইনা চৎপা য়াবা ওইদুনা লাক্লি।

চেপ্তর ৫: মীদিয়ম-তার্ম আউৎলুক- অনৌবা ভারতকী গ্রোথ স্ত্রেতেজী

• অতেনবদগীনা মীদিয়ম তার্ম ফাওবগী থবক অমসুং স্কিল শেম্বা, লৌউশিংউ সেক্তরগী মতীক চাবা শক্তি পুথোকপা, এম.এস.এম.ই. বোত্তলনেক কোকহনবা, ভারতকী গ্রীন ত্রাঞ্জিসন, চাইনিজ কোনন্দ্রম থেংনবা, কোর্পোরেত বোন্দ মার্কেত ফগৎহনবা, মান্নদবা কোকহনবা অমসুং ঐখোয়গী নহা কয়াগী হকশেল ফগৎহনবনা পোলিসী ফোকসকী মরুওইবা মফমশিংনি।
• অমৃত কালগী মরুওইবা মীৎয়েং চঙফম তরুক্তা য়ুম্ফম ওইবা চাউখৎপগী থৌরাং– প্রাইভেত ইনভেস্তমেন্ত হেনগৎপা, এম.এস.এম.ই.এস. পাকথোক চাউথোকপা, গ্রীন ত্র লৌউশিংউনা চাউখৎপগী ইঞ্জিন ওইবা, গ্রীন ত্রাঞ্জিসন্দা শেল থাদবা, এজুকেসন-ইমপ্লোইমেন্তকী মরক্তা লৈরিবা অহাংবা মেনশিনবা, অমসুং রাজ্যশিংগী কেপাসিতী শেমগৎপা।
• ভারতকী শেন্মিৎলোন্না চাদা ৭ হেনগৎনবা, কেন্দ্র সরকার, রাজ্য সরকার অমসুং প্রাইবেত সেক্তরগী মরক্তা ত্রাইপার্তিত কম্পেক্ত অমা তঙাইফদবা লৈ।

চেপ্তর ৬: ক্লাইমেত চেঞ্জ অমসুং এনর্জী ত্রাঞ্জিসনঃ ত্রেদ ওফশিং থেংনবা

• ইন্তর্নেসনেল ফাইনান্স কোর্পোরেসনগী রিপোর্তনা ভারতনা ক্লাইমেত এক্সনদা লৌরিবা থবকশিংদা লৈবা মায় পাকপশিংবু খঙবীরি, মসিনা জি২০ লৈবাকশিংদা ২-দিগ্রী সেন্তিগ্রেদ ৱার্মিংগা তুননা চৎপা অমত্তা ঙাইরবা লৈবাক ওইরি হায়রি।
• ভারতনা রিন্যুএবল এনর্জী কেপাসিতী অমসুং এনর্জী ইফিসিএন্সী হেনগৎহনদুনা ক্লাইমেত এক্সন্দা চাউনা খুমাং চাউশিনবা পুরকখ্রে।
• মে ৩১, ২০২৪ ফাওবদা, নোন-ফোসিল ফ্যুল সোর্সশিংদগী চাদা ৪৫.৪গী ইন্সতোল্দ ইলেক্ত্রিসিতী শুংবা ঙম্লে।
• মখা তানা, লৈবাক অসিনা মসিগী জি.দি.পি.গী ইমিসন ইন্তেন্সী অসি ২০০৫ কী থাক্তগী ২০১৯দা চাদা ৩৩ হন্থনবা ঙম্লে।
• ভারতকী ২০০৫ অমসুং ২০১৯ গী মরক্তা লৈবা জি.দি.পি. অসি চাদা ৭ লোমগী ওইবা কম্পাউন্দ এনুএল গ্রোথ রেত (সি.এ.জি.আর.)গা লোইননা চাউখৎপা ঙম্লে, অদুগা ইমিসন্না সি.এ.জি.আর.গী চাদা ৪ ফাওবা চাউখৎপা ঙম্লে।
• লৈঙাক্না কোল গেসিফিকেসন মিসনগা য়াওনা তোঙান তোঙানবা ক্লিন কোলগী থৌরাংশিং পায়খৎখ্রে।
• থাউ তন মিলিয়ন ৫১গী চহিগী ওইনা অপুনবা এনর্জী সেভিংনা অপুনবা ওইনা লুপা করোর ১,৯৪,৩২০গী চহিগী কোস্ত সেব তৌবা ঙম্লে ইওমসুং মিলিয়ন তন ৩০৬কী ইমিসন হন্থহনবা ঙম্লে।
• রিন্যুএবল এনর্জী অমসুং ক্লিন ফ্যুল পাকথোক চাউথোকহনবনা লম অমসুং ঈশিংগী দিমান্দ হেনগৎহল্লি।
• লৈঙাক্না জনুৱারী-ফেব্রুৱারী ২০২৩দা লুপা করোর ১৬,০০০ অমসুং মসিগী মতুংদা ওক্তোবর-দিসেম্বর ২০২৩দা লুপা করোর ২০,০০০গী সোভরিন গ্রীন বোন্দ ইস্যু তৌখ্রে।

চেপ্তর ৭: সোসিএল সেক্তর – শক্তি পীবা ঙম্বা কান্নবশিং

• অনৌবা য়াইফ থৌরাংনা লুপা অমা চাদিং তৌবদা লৈবা শাফু হেনগৎনবা মীৎয়েং থম্লি। হেল্থকেয়র, এজুকেসন অমসুং লৈঙাক্লোন দিজিতাইজ তৌবনা য়াইফ থৌরাংদা লুপা অমা চাদিং তৌবদা কান্নবা হেনগৎনবগী মচাক অমা ওরি।
• শেনবা চহি ১৮ অমসুং শেনবা চহি ২৪গী মরক্তা, নোমিনেল জি.দি.পি.না সি.এ.জি.আর.গী চাদা ৯.৫ রোম চাউখৎলম্মি অদুগা য়াইফ থৌরাংগী চাদিংনা সি.এ.জি.আর.গী চাদা ১২.৮ রোম চাউখৎখি।
• মান্নদবা তাক্নবগী ইন্দিকেতর অমা ওইরিবা জিনি কোইফিসিএন্তসু লৈবাক অসিগী খুঙ্গংগী সেক্তরদা ০.২৮৩ দগী ০.২৬৬তা হন্থরে অমসুং অর্বান সেক্তরগীনা ০.৩৬৩ দগী ০.৩১৪ দা হন্থরে।
• আয়ুশ্মন ভারত কার্দ করোর ৩৪.৭ হেন্না শাখ্রে, হোস্পিতাল এদমিসন করোর ৭.৩৭ কোনশিনখি
• মেন্তেল হেল্থতা থেংনরিবা খুদোংচাদবশিং অসি য়াম্না মরুওই। আয়ুশ্মন ভারত-পি.এম.এ.জে.ৱাই হেল্থ ইন্সুরেন্সকী মখাদা মেন্তেল দিসওর্দর ২২ কোনশিনখি।
• অঙনবা চহিদা এজুকেসন পীনবা 'পোশন ভি পরাই ভি' প্রোগ্রামনা মালেমদা খ্বাইদগী চাউবা, য়ুনিভর্সেল ওইবা, মগুন লৈবা প্রি স্কুল নেৎৱার্কশিং অঙ্গনৱাদি সেন্তরশিংদা শেমগৎনব পান্দম থম্লি।
•   ভিদ্যাঞ্জলি থৌরাংনা মহৈরোই করোর ১.৪৪বু খুনাইগা লোইনবা হেনগৎতুনা অমসুং ভোল্যুন্তীয়র কন্ত্রিব্যুসন হেনগৎতুনা এজুকেসনেল এক্সপিরিএন্স হেন্নবা মরুওইবা থৌদাং লৌরি।
• এস.সি., এস.তি., অমসুং ও.বি.সি.গুম্বা অন্দর্প্রিভিলেজ সেক্সননা নুপী মিং চনবগী চাং শেনবা চহি ১৫দগী হৌদুনা চাদা ৩১.৬ হেন্না লাকপনা হায়র এজুকেসন্দা মিং চনবগী চাং হেনগৎলে।
• ভারতনা আর&দিদা খোংজেল য়াঙনা খুমাং চাউশিনখি, শেনবা চহি ২০দা ২৫০০০ দগী তানা লৈখিবগা চাংদম্নবদা পেতেন্ত লাখ অমা শেনবা চহি ২৪দা অয়াবা পীখি
• লৈঙাক্না শেনবা চহি ২৫তা লুপা লাখ করোর ৩.১০ প্রোভিজন তৌখি; মসিনা শেনবা চহি ১৪ (বি.ই.)দগী চাদা ২১৮.৮ হেনগৎপা উরে।
• পি.এম.-আৱাজ-গ্রামিনগী মখাদা, হৌখিবা চহি মাপনলোম অসিদা লাইরবশিংগীদমক য়ুম করোর ২.৬৩ শাখি।
• গ্রাম সরক য়োজনাগী মখাদা ২০১৪-১৫ দা লম্বী কিলোমিতর লাখ ১৫.১৪ শেম্বা লোইশিনখি (জুলাই ১০, ২০২৪ ফাওবদা)।

চেপ্তর ৮: ইকপ্লোইমেন্ত অমসুং স্কিল দিবেলপমেন্তঃ ক্বালিতীগী মায়কৈদা

• ভারতকী লেবর মার্কেত ইন্দিকেতর হৌখিবা চহি তরুকলোম অসিদা ফগৎলে, থবক ফংদবগী চাংসু ২০২২-২৩ দা চাদা ৩.২দা হন্থরে।
• চহি ১৫ অমসুং মথক্তা লৈবা মীওইশিংগী ক্বাতর্লি অর্বান ইমপ্লোইমেন্ত রেত অসি মমাং চহিদা লৈখিবা চাংদগী মার্চ ২০২৪ লোইরকপা ক্বার্তরদা চাদা ৬.৭দা হন্থখি।
• পি.এল.এফ.এস.কী মতুং ইন্না, লৌউশিংউদা থবক পীবগী চাং চাদা ৪৫, মেন্যুফেকচরিংদা চাদা ১১.৪, সর্ভিসতা চাদা ২৮.৯, অমসুং কন্সত্রক্সন্দা চাদা ১৩.০ দা হেনগৎখি।
• পি.এল.এফ.এস.কী মতুং ইন্না, নহা (চহি ১৫-২৯ ফাওবা)গী থবক ফংদবগী চাংসু ২০১৮-১৮ দা ১৭.৮ তা লৈরম্বদগী ২০২২-২৩দা চাদা ১০দা হন্থখি।
• ই.পি.এফ.ও. পেরোলদা নৌনা সবস্ক্রাইব তৌরকপা শরুক অহুম থোকপগী অনিদি চহি ১৮-২৮ ফাওবদা লৈ।
• নুপী নুপাগী মীৎয়েংদগী য়েংবদা, নুপী লেবর ফোর্সনা শরুক য়াবগী চাং অসি (এফ.এল.এফ.পি.আর.) চহি তরুকসিদা হেনগৎলে।
• এ.এস.আই. ২০২১-২২ গী মতুং ইন্না, ওর্গানাইজ মেন্যুফেকচরিং সেক্তরদা লৈবা থবক্কী চাং অসি লাইচৎ মমাংগী চাংদা লাক্লে, ফেক্তরীদা অমদা লৈবা থবক্কী চাংসু লাইচৎ মমাংগী চাংদা লাক্লে।
• শেনবা চহি ১৫-শেনবা চহি ২২গী মনুংদা, খুঙ্গংদা লৈবা ৱার্কর অমগী খুৎশুমলসু সি.এ.জি.আর.গী চাদা ৬.৯ দা হেনগৎখি, অদুগা অর্বান্দনা চাদা ৬.১দা লৈখি।
• শিন্মী ১০০দগী হেন্না থবক পীবা ফেক্তরীশিংগী মশীংসু শেনবা চহি ১৮দগী শেনবা চহি ২২ ফাওবদা চাদা ১১.৮ তা হেনগৎখি।
• অচৌবা ফেক্তরীশিং (শিন্মী ১০০তগী হেন্না থবক পীবা)দা থবক পীবগী চাং হেনগৎলক্লি, মেন্যুফেকচরিং য়ুনিতশিং হেনগৎতুনা অপীকপশিংদগী হেল্লি।
• শেনবা চহি ১৯দা লাখ ৬১.১ লৈখিবদগী শেনবা চহি ২৪দা লাখ ১৩১.৫ লৈদুনা ই.পি.এফ.ও.দা অপুনবা ওইনা পেরোল হাপচিনবগী চাং শরুক অনি হেন্না হেনগৎখি।
• শেনবা চহি ১৫ অমসুং শেনবা চহি ২৪ দা লৈবা ই.পি.এফ.ও. মেম্বরশিপ মশীং অসি সি.এ.জি.আর.গী চাদা ৮.৪ দা হেনগৎখি।
• মেন্যুফেকচরিং সেক্তর অসি এ.আই. শীন্নবগী চাং য়াম্না নেম্লি মসিগী মরমদি ইন্দস্ত্রিএল রোবোতশিং অসি হ্যুমেন লেবরগুম্না শেল চঙদবা ওইদবগীনি।
• গীগ ৱার্কফোর্স ২০২৯-৩০দা করোর ২.৩৫ হেনগৎকনি।
• ভারতকী শেন্মিৎলোন্না ২০৩০ ফাওবদি নোন ফার্ম সেক্তরদা ৱার্কফোর্স হেনগৎনবগীদমক চহি খুদিংগী থবক লাখ ৭৮.৫ কী চাংদা পীবা তঙাইফদে।
• ২০২২দা মীওই করোর ৫০.৭ ওইবগা চাংদম্নবদা লৈবাক অসিনা ২০৫০দা মীওই করোর ৬৪.৭ ঙাকশেনবা তঙাইফদবা লাক্কনি।
• জি.দি.পি.গী চাদা ২ ওইবগা মান্নবা দাইরেক্ত পব্লিক ইনভেস্তমেন্তনা থবক মিলিয়ন ১১ পীনবগী শক্তি লৈ, মসিদা চাদা ৭০গী চাংদি নুপীদা চৎকনি।

চেপ্তর ৯: লৌউশিংউ অমসুং ফুদ মেনেজমেন্ত – ঐখোয়না চুমথোকপা তারবদি মায় পাকপা য়াবা কয়া লৈ

• লৌউশিংউ অমসুং মরী লৈনবা সেক্তরশিংনা হৌখিবা চহি ৫ রোমদা চহিগী গ্রোথ রেত চাদা ৪.১৮ রেজিস্তর তৌখি।
• এলাইদ এগ্রি সেক্তরনা চাউখৎপগী শক্তি লৈরবা ময়োল অমা ওইনা থোক্লক্লি অমসুং ফার্মগী ইঙ্ক ফগৎনবগী সোর্স অমা ওইরি।
• জনুৱারী ৩১, ২০২৪ ফাওবদা, লৌশিংউদা থাদখিবা ক্রেদিত অসি লুপা করোর লাখ ২২.৮৪ য়ৌখি।
•  জনুৱারী ৩১, ২০২৪ ফাওবদা, বেঙ্কশিংনা লুপা করোর লাখ ৯.৪ লিমিত ওইনা থমদুনা কিশান ক্রেদিত কার্দ (কে.সি.সি.) করোর ৭.৫ পীখি।
• লম হেক্তর ৯০.০ দি পর রোপ মোর ক্রোপ (পি.দি.এম.সি.)গী মখাদা ২০১৫-১৬দগীনা ২০২৩-২৪ ফাওবদা মাইক্রো ইরিগেসনগী মখাদা কোনশিনখি।
• লৌউশিংউ রিসর্চ (এজুকেসন য়াওনা)তা লুপা অমা ইনভেস্ত তৌবা খুদিংগী লুপা ১৩.৮৫কী পেওফ লাক্লি।

চেপ্তর ১০: ইন্দস্ত্রী-স্মোল অমসুং মীদিয়ম মথৌ তাই

• শেনবা চহি ২৪দা চাদা ৮.২গী শেন্মিৎলোন চাউখৎপা লাকখিবসি চাদা ৯.৫কী ইন্দস্ত্রিএল গ্রোথ লৈবননি।
• মচাক কয়া অমদা অকায়বা পীরবসু মেন্যুফেকচরিং সেক্তরনা হৌখিবা চহি তরারোম অসিদা কেমিকেল, উগী পোত্থোক অমসুং ফর্নিচর, ত্রান্সপোর্তকী খুৎলাইশিং, ফার্মাস্যুতিকেল, মেচিনরী অমসুং ইক্বিপমেন্তনা মরুওইবা গ্রোথ দ্রাইবর ওইদুনা চাংচৎতা চহিগী চাদা ৫.২গী গ্রোথ রেত লৈখি।
• এক্সলেরেত কোল প্রদক্সন্না হৌখিবা চহি মঙারোমদা ইম্পোর্ত দিপেন্দেন্স হন্থহনবদা মতেং পাংখি।
• ভারতকী ফার্মাস্যুতিকেল মার্কেত ৱার্ল্দনা য়ু.এস.দি. ৫০ বিলিয়ন্দা লৈদুনা মালেমদা খ্বাইদগী চাউবা অহুমশুবা ওইরে
• ভারতনা মালেমদা ফিরোল ফুরিত পুথোকপা অনিশুবা খ্বাইদগী চাউবা অমসুং এক্সপোর্ত তৌবদা মকোক থংবা লৈবাক মঙাগী মনুংদা অমনি।
• ভারতকী ইলেক্ত্রোনিক শাবগী সেক্তর অসিনা শেনবা চহি ২২দা মালেমগী মার্কেত্তা চাদা ৩.৭ গী চাংদা শরুক কল্লি।
• পি.এল.আই. স্কিম্না মে ২০২৪ ফাওবদা লুপা করোর লাখ ১.২৮কী ইনভেস্তমেন্ত চিংশিনখি, মসিনা লুপা করোর ১০.৮কী প্রদক্সন/সেল পুরকখ্রে অমসুং লুপা লাখ ৮.৫কী মথক্তা থবক পীখ্রে (দাইরেক্ত অমসুং ইন্দাইরেক্ত)।
• ইন্দস্ত্রীনা আর&দি অমসুং ইন্নোভেসন্দা ইনেন্তিভাই তৌনবা মকোক চিংগদবনি অমসুং একাদেমিয়াগা পুনশিন্দুনা ৱার্কফোর্সকী স্কিল লেভেল ৱাংখৎহন্নবা হোৎনগদবনি।

চেপ্তর ১১: সর্ভিসেস- চাউখৎপগী খুদোংচাশিং পীবা

• সর্ভিস সেক্তরনা গ্রোস ভেল্যু এদেদ (জি.ভি.এ.)দা পীরিবা মপুং ওইবা শরুক অসি হৌজিক্তি লাইচৎকী মমাংদা লৈরম্বা চাং অদু য়ৌরে হায়বদি ৫৫%।
• সর্ভিস সেক্তরদা এক্তিব কম্পেনী মশীং খ্বাইদগী য়াম্না লৈ (চাদা ৬৫)। মার্চ ৩১, ২০২৪ ফাওবদা ভারত্তা এক্তিব কম্পেনী ১৬,৯১,৪৯৫ লৈ।
• ২০২২দা মালেমগী ওইনা য়েংবদা, ভারতকী সর্ভিস এক্সপোর্তনা মালেমগী কম্মর্সিএল সর্ভিস এক্সপোর্তকী চাদা ৪.৪ কল্লি।
• কম্প্যুতর সর্ভিসেস অমসুং বিজিনেস সর্ভিসেস এক্সপোর্তনা ভারতকী সর্ভিসেস এক্সপোর্তকী চাদা ৭৩ কল্লি অমসুং শেনবা চহি ২৪ দা YoY দা চাদা ৯.৬ কী চাথোক লৈখি।
• ভারতকী দিজিতেল ওইনা পীবা সর্ভিসেস এক্সপোর্ত্তা লৈবা শেয়র অসি ২০২৩দা ৬%দা লৈখি; ভারত্তা গ্লোবেল কেপেবিলিতী সেন্তর ১৫৮০ লৈরে।
• ভারতকী এভিএসন সেক্তরনা মশক থোক্না চাউখৎলি, শেনবা চহি ২৪দা ভারতকী এয়রপোর্ততা অপুনবা এয়র পেসেঞ্জর YoY দা চাদা ১৫ লৈখি।
• ভারতকী এয়রপোর্ততা এয়র কার্গো হেন্দল তৌখিবগী চাং শেনবা চহি২৪দা তন লাখ ৩৩.৭ য়ৌদুনা YoY দা চাদা ৭ হেনগৎলে।
• শেনবা চহি ২৪দা মার্চ ২০২৪দা YoY দা চাদা ২২.৯ লৈবগা লোইননা লুপা করোর লাখ ৪৫.৯ গী সর্ভিস সেক্তর ক্রেদিত লৈখি।
• ইন্দিয়ন রেলৱেদগী ওরিজিন তৌবা পেসেঞ্জর ত্রাফিক অসি মমাং চহিগা চাংদম্নবদা শেনবা চহি ২৪দা চাদা ৫.২ হেনগৎখি।
• শেনবা চহি ২৪দা রেভিন্যু আর্নিং ফ্রৈত (কোঙ্কন রেলৱে কোর্পোরেসন লিমিতে য়াওদনা)তা  মমাং চহিগা চাংদম্নবদা শেনবা চহি ২৪দা চাদা ৫.৩ হেনগৎখি।
• ২০২৩দা ফোরেন তুরিস্ত লাখ ৯২ থুংলখিবগা লোইননা YoY দা চাদা ৪৩.৫ হেনগৎখি।
• ২০২৩দা, ভারতকী রেসিদেন্সিএল রিএল এস্তেত য়োনবগী চাং অসি ২০১৩দগী খ্বাইদগী ৱাংবা ওইদুনা YoY দা চাদা ৩৩ হেনগৎখি, মসিগা লোইনা অপুনবা ওইনা মকোক থোংবা শহর নিপান্দা য়ুনিত লাখ ৪.১ য়োনখি।
• ভারতকী গ্লোবেল কেপেবিলিতী সেন্তর (জি.সি.সি.)না মশক থোক্না খুমাং চাউশিল্লি, শেনবা চহি ১৫ দা সেন্তর ১০০০ লৈরম্বদগী শেনবা চহি ২৩ ফাওবদা সেন্তর ১৫৮০দা হেনগৎখ্রে।
• ইন্দিয়ন ই কম্মর্স ইন্দস্ত্রীনা ২০৩০ ফাওবদা য়ু.এস.দি. ৩৫০ লানগনি।
• মপুং ওইবা তেলি-দেন্সিতী (মীওই ১০০ লৈবদা লৈবা তেলিফোন মশীং) অসি ভারত্তা মার্চ ২০১৪দা চাদা ৭৫.২ লৈরম্বদগী মার্চ ২০২৪দা চাদা ৮৫.৭ দা হেনগৎখ্রে। ইন্তর্নেত দেন্সিতীনা মার্চ ২০২৪দা চাদা ৬৮.২ দা হেনগৎখি।
• মার্চ ৩১, ২০২৪ ফাওবদা, ওপ্তিকেল ফাইবর কেবল (ও.এফ.সি.) কিলোমিতর ৬,৮৩,১৭৫ তিংখ্রে, ভারত নেট ফেজ ১ অমসুং ২দা ও.এফ.সি.না গ্রাম পঞ্চায়ত (জি.পি.) ২,০৬,৭০৯দা শমখ্রে।
• মশক থোকপা অহোংবা অনিনা ভারতকী সর্ভিসকী ফিভমদা নৌনা মশক শেম্লিঃ রেপিদ তেক্নোলোজীনা পুবা দোমেস্তিক সর্ভিসকী অহোংবা অমসুং ভারতকী সর্ভিস এক্সপোর্তনা পুরকপা দাইভর্সিফিকেসন।

চেপ্তর ১২: ইনফ্রাস্ত্রকচর – পোতেন্সিএল গ্রোথ থাংগৎপা

• বৌয়েন্ত পব্লিক সেক্তর ইনভেস্তমেন্তনা অচৌবা ইনফ্রাস্ত্রকচর প্রোজেক্তশিংদা হৌখিবা চহি খরসিদা অচৌবা থৌদাং লৌরি।
• নেসনেল হায়ৱে শেমগৎ শাগৎপগী থবক শেনবা চহি ১৪দা নোংমদা কিলোমিতর ১১.৭ ওইরম্বদগী শেনবা চহি ২৪ দা নোংমদা কিলোমিতর ৩৪ ওইদুনা শরুক অহুম হেনগৎখি।
• হৌখবা চহি মঙারোমসিদা অনৌবা লাইন, গেজ কনভর্জন অমসুং দব্লিংদা ইনভেস্তমেন্ত তৌদুনা রেলৱেগী কেপিতেল এক্সপেন্দিচর চাদা ৭৭ হেনগৎখি। 
• ইন্দিয়ন রেলৱেনা বন্দে মেত্রো ত্রেন্সেত কোচ শেনবা চহি ২৫তা হৌদোক্কনি।
• শেনবা চহি ২৪দা, এয়রপোর্ত ২১ অনৌবা তর্মিনেল বিল্দিংশিং মথৌ তৌরে, মসিনা চহিদা পেসেঞ্জর মিলিয়ন ৬২ গী পেসেঞ্জর হেন্দলিং কেপাসিতী হেনগৎখ্রে।
• ইন্তর্নেসনেল শিপমেন্ত কংলুপতা মালেমগী বেঙ্ক লোজিস্তিক্স পার্ফোরমেন্স ইন্দেক্সতা ভারতকী থাক অসি ২০১৪ দা ৪৪ দা লৈরম্বদগী ২০২৩দা ২২ দা লৈখ্রে।
• ভারতকী ক্লিন এনর্জী সেক্তরদা ২০১৪ অমসুং ২০২৩ গী মরক্তা, লুপা করোর লাখ ৮.৫ (য়ু.এস.দি. বিলিয়ন ১০২.৪) গী অনৌবা ইনভেস্তমেন্ত লৈখি।

চেপ্তর ১৩: ক্লাইমেত চেঞ্জ অমসুং ভারতঃ ঐখোয়না করিগীদমক ঐখোয়গী লেন্সতগী য়েংগদৌরিবনো

• হৌজিক ক্লাইমেত চেঞ্জদা লৈরিবা মালেমগী লাল্লোং অসি অশোইবা লৈ অমসুং য়ুনিভর্সেল ওইনা পানবা য়ারোই।
• নোংচুপলোমগী খোঙথাং অসিনা সমশ্যা অসিগী হৌরকফম নৈনদে হায়বদি হেন্না শীজিন্নবা, অদুবু মখোয়না ওভরকঞ্জুমসন ফংনবগী পাম্বৈগী মহুৎ শিন্নবা হোৎনৈ।
• সাইজ অমনা পুম্নমক চাহনবগী থবক অসি চৎনরোই অমসুং চাউখৎলক্লিবা লৈবাকশিংনা মখোয়গী লম্বী অপাম্বা মওংদা খনবা য়াগনি।
• ভারতকী ইথোশিংনা চাউখৎলবা লৈবাকশিংগী শরুক খরদা ওভর কঞ্জুমসনগী নাৎকী ওন্নতৈনবদা মহৌশাগা নুংশিননা হিংমিন্ননবা হোৎনরি।
• 'মহৌশাগী মলতি জেনরেসনেল হাউসহোল্দ'দা মায় ওনশিনবনা তুং কোইনা চৎপা হাউশিংগী মায়কৈদা চঙশিনবগী লম্বী পীগনি।
• "মিসন লাইফ"না মালেমগী অইং অশা হোংলকপগী হৌরকফম ওইরিবা ওভর কঞ্জুমসন্দগী হেন্না মীওইবগী মহৌশাগা নুংশিনা হিংমিন্নবদা ৱাখল তানা শীজিন্নবাগী মায়কৈদা চঙশিল্লি।

***************