হায়র এজুকেশন সেক্তর, মসিদা য়াওরিবা য়ুনিভর্সিতীশিং অমসুং অতোপ্পা ইনস্তিত্যুশনশিংদা তর্সরী অমসুং পোস্ত-স্কুল লর্নিং য়াওনা হৌখিবা চহি নিপাল অসিদা ‘এনরোলমেন্ত ইক্বিতী’ হেনগৎলকপগা লোইননা এনরোলমেন্ত তৌবগী অপুনবা মশিং অদু য়াম্না য়াংনা হেনগৎলকপা থেংনখি। ওল ইন্দিয়া সর্ভে ওন হায়র এজুকেশন (AISHE) 2021-22গী মতুং ইন্না হায়র এজুকেশনদা এনরোলমেন্ত তৌবগী মশিং অদু FY21দা করোর 4.14 ওইরম্বদগী FY22দা চাউরাক্না করোর 4.33দা হেনগৎলকখি (FY15দগী চাদা 26.5 হেনগৎলকপা) হায়না কেন্দ্রগী ফাইনান্স অমসুং কোর্পোরেত এফিয়র্সকী মন্ত্রী, নির্মালা সিতারামন্না ঙসি পার্লিয়ামেন্ততা পুখৎলকখিবা ইকোনোমিক সর্ভে 2023-24না হায়রি।

হায়র এজুকেশনদা ৱাংখৎলক্লিবা ইক্বিতী

সর্ভে অদুনা পল্লি মদুদি হায়র এজুকেশনদা এনরোলমেন্ত তৌবা হেনগৎলক্লিবা অসি ময়ামদগী শোত্থনা লৈহৌরবা সেক্সনশিং খুদম ওইনা SC, ST অমসুং OBC অসিনা মরম ওইরগনি, মসিদা সেক্সনশিং অসিগী মরক্তা নুপীশিং য়াম্না য়াংনা হেনগৎলক্লি। হায়র এজুকেশনদা নুপীশিং এনরোলমেন্ত অসি FY15দা করোর 1.57 ওইরম্বদগী FY22দা করোর 2.07দা হেনগৎলকখি, হায়বদি চাদা 31.6 হেনগৎখি। হায়র এজুকেশনদা ইক্বিতী চাউখৎলক্লিবা অসিনা তাকপদি শোত্থদুনা লৈরবা সেক্সনশিংগীদমক্তা থবক ফংনবগী খুদোংচাবা হেনগৎলক্লি তাকপনি।

দিজিতেল প্রিজমগী খুত্থাংদা পুনশি লিশাং শিৎনা তম্নবগী অমুক হন্না মঙলান শাগৎপা

সর্ভে অদুনা পল্লি মদুদি ভারত্তা স্কুলদা মহৈরোই করোর 26.52, হায়র এজুকেশনদা করোর 4.33 অমসুং সকিললিং ইনস্তিত্যুশনশিং দা লর্নর করোর 11 হেন্না লৈ।  য়াম্না পাক শন্না লৈরিবা এজুকেস্নেল লেন্দস্কেপ অসিদা স্কুল লাখ 14.89, সেকেনদরী স্কুল 1.50, হায়র সেকেনদরী স্কুল লাখ 1.42, য়ুনিভর্সিতী 1,168, কোলেজ 45,473, মশানা চলাইজবা ইনসতিত্যুশন 12,002, স্কুল এজুকেশনদা ওজা লাখ 94.8 অমসুং হায়র এজুকেশনদা ওজা লাখ 15.98 লৈ।

2023গী এপ্রিলদা নেস্নেল এজুকেশন পোলিসী 2020গী মখাদা লাওথোকখিবা নেস্নেল ক্রেদিৎ ফ্রেমৱার্ক (NCrF)না পুনশি লিশাং শিৎনা মহৈ-মশিং তম্ববু সপোর্ত তৌনবা রেগুলেতরী আর্কিতেকচরগী শক্তম অমা শেম্লি। রেগুলেতরী আর্কিতেকচর অসিবু য়াম্লবা দিজিতেল সোল্যুশনশিং খুদম ওইনা দিজিতেল পব্লিক ইনফ্রাস্ত্রকচর (DPI)না মপাঙ্গল কনখৎহল্লি। ভারতকী এজুকেস্নেল DPIশিংগী মনুং খ্বাইদগী মরু ওইবা অসি APAAR, হায়বদি ওতোমেতেদ পার্মনেন্ত একাদেমিক একাউন্ত রেজিস্ত্রী নি, মসিনা এজুকেশন স্পেসতা স্তেকহোল্দর খুদিংমক্কী তোপ-তোপ্পা ইদেন্তিতীশিং অমসুং পুনশি চুপ্পগী ওইবা একাদেমিক ক্রিদেন্সিয়েলশিং শেমদুনা ইনস্তিত্যুশনশিং, মহৈরোইশিং, অমসুং ওজাশিংগীদমক্তা ইলেক্ত্রোনিক রেজিস্ত্রী অমা ওইনা থবক তৌই। APAAR অসি ক্রেদিৎ রিকোগ্নিশন, এক্যুমুলেশন, ত্রান্সফর অমসুং রিদেমপশনগী ফোর্মেল প্রোসেস অমগী খুত্থাংদা হায়র এজুকেশন ইনস্তিত্যুশনশিং (HEIশিং)দা মহৈরোইশিং মোবিলিতী ফেসিলিতেত তৌবা একাদেমিক ক্রেদিৎশিংগী ওনলাইন রিপোজিতরী অমনি। APAAR ID অমুকপু শেম্লবদি HEIশিংনা মহৈরোইশিং তানশিঞ্জখিবা ক্রেদিৎশিং অদুবু মখোয়গী IDদা মেপ তৌই, হায়রিবা ক্রেদিৎশিং অসি ABCদা দিমেত ফোর্মদা স্তোর তৌ্।

APAAR অমসুং ABC হায়রিবা সোল্যুশন অনি অসিনা ইদেন্তিতী অমসুং একাদেমিক ক্রিদেন্সিয়েলশিং অদুগী রিয়ল ভেরিফিকেশন য়াহন্দুনা শিজিন্নবা কেস য়াম্না নুংঙাইবা কয়া অমগী লম্বি শেম্লি। মসিদা মহৈরোইশিংনা একাদেমিক প্রোফাইল শিজিন্নদুনা অকক্নবা ক্বালিফিকেশন অমগীদমক্তা তোঙান-তোঙানবা ইনস্তিত্যশনশিংদগী ক্রেদিৎ কোর্সশিং তৌবা পাম্লিবা (হৌজিক্তি ওইথোক্লে) নত্রগা স্কোলারশিপ/ইনতর্নশিপ/এজুকেস্নেল লোনশিংকীদমক্তা তার্গেত তৌবগী ওইথোকপা লৈরে। 2024গী জুলাইদগী HEI 2037না ABCদা য়াওখ্রে অমসুং হায়র এজুকেশন, স্কুল এজুকেশন অমসুং স্কিল ইনস্তিত্যুতশিংগী মহৈরোইশিংগীদমক্তা APAAR ID করোর 30.13 শেমখ্রে।

এজুকেশনগী লমদা মাংলোমদা কাখৎনবগী লম্বি

সর্ভে অদুনা ভারতকী চাউখৎ-থৌরাংগীদমক্তা খ্বাইদগী মরু ওইবা হিরমশিংগী মনুং অমনি হায়না পনখি, নিংথিনা দিজাইন তৌরবা অমসুং অফবা পান্দমগা লোইননা শেম্বা প্রোগ্রামশিংবু মিসন-মোদ অমসুং কোস্ত-ইফেক্তিব ওইবা মওংদা ইমপ্লিমেন্ত তৌবা হায়বসি এজুকেশনগী ক্বালিতী, মরু ওইনা প্রাইমরী এজুকেশনগী ক্বালিতী ফগৎহনবদা য়াম্না মরু ওই, মরমদি মসি য়াওদনা মখাতানা মহৈ-মশিং তমথবদা য়াম্না কান্নবা ওইদে। মসিবু ওইথোকহন্নবা সেন্তর, স্তেত অমসুং লোকেল গোবর্নমেন্তশিংগী মরক্তা পান্দমশিং অদুবু পুনশিনবা অমসুং পুন্না হোৎনমিন্নবা অমা চংঙি, মরমদি ‘পব্লিক এজুকেশন’ অসি কনকরেন্ত লিস্ত সবজেক অমা ওই।

এজুকেশনদা মীয়ামগীদমক্তা শেল থাধবা অদু কোস্ত-ইফেক্তিব ওইবা হেনগৎহনবা হায়বসি পেদগোজী অমসুং গোবর্নেন্সতা শেল থাধবা মথৌ তাই। মসিদা তীচিং ক্বালিতী য়েংশিন্নবা সুপেরভিজরী পোজিশনশিং মেনশিনবা, অফবা অমসুং ফত্তবা ওজাশিংগী পর্ফোর্মেন্স মশক খঙবা, ‘মতিক চাবা লেভেল তাকপা’ অসিবু ওইথোকহন্নবা লোকেল ভোলন্তিয়রশিং নেকপা, মরমদি তেক্সবুক লোইশিনবা হায়বসি অঙাংশিং অদুনা মরি লৈনবা স্তেন্দার্দশিং অদুগী থাক্তা কা হেন্না হন্থদুনা লৈরবদি করিমত্তা কানদে।

ভারতনা R&Dদা খুমাং চাউশিনবা

সর্ভে অদুনা উৎখি মদুদি ভারতনা FY20দা পতেন্ত 25,000দগী তানা ফংখিবা অদুগা চাংদম্নবদা FY24দা পেতেন্ত 1,00,000 রোম ফংখিবগা লোইননা R&D য়াম্না খোংজেল য়াংনা খুমাং চাউশিল্লক্লি।

WIPOগী মতুং ইন্না, ভারতনা 2022 পেতেন্ত ফাইলিংদা শাহৌ খ্বাইদগী য়াম্না (31.6 %) লাকপা থেংনখি। ভারতনা 2015দা 81শুবা পোজিশনদা লৈরম্বদগী GII (2023)গী মতুং ইন্না 2023দা 40শুবা পোজিশনদা কাখৎলক্তুনা গ্লোবল ইনোভেশন ইন্দেক্স (GII) দা মশাগী রেঙ্ক লেপ্তনা হেনগৎলক্লি।

হ্যুমেন রিসোর্সকী মাইকৈদা, ভারত্তা Ph.D. এনরোলমেন্ত তৌখিবগী অপুনবা মশিং অদু FY15 (1.17 লাখ)দগী FY22 (2.13 লাখ) হেনগৎলক্তুনা চাদা 81.2 হেনগৎলকখি। লৈবাক অসিদা R&D (GERD)দা তৌবা অপুনবা চাদিংগী চাং অদু চহি কয়া অসিদা লেপ্তনা হেনগৎলকখি অমসুং FY11দা ₹60,196.8 করোর ওইরম্বদগী FY21দা ₹ 127,381 করোরদা হেনগৎলকখি। ভারতনা অৱাংবা থাক্কী রিসর্চতা কাখৎলকপগী খুদম ওইনা লৈবাক অসিনা নচর্স ইন্দেক্স 2023দা রেঙ্ক 9দা কাখৎলক্তুনা ওস্ত্রেলিয়া অমসুং স্বিতজর্লেন্দ হেনগৎলকখি। ভারতকী হাই-ক্বালিতী রিসর্চ আর্তিকলশিং (চাদা নত্তবিদা মশিংদা)হৌখিবা চহি মরি অসিদা হায়বদি 2019দা 1039.7 ওইরম্বদগী 2023দা 1494.7দা হেনগৎলকখি।

সরকার অসিনা হন্দক্তা PhD তৌরিবা অমসুং পোস্ত-দোক্তোরেল রিসর্চ তৌরিবা মহৈরোইশিংগীদমক্তা স্কোলারশিপ হেনগৎনবা ফিরেপ লৌখ্রে। মখাতারকপদা, ভারতনা দিপার্তমেন্ত ওফ সাইন্স এন্দ তেক্নোলজীনা (অনুসন্ধন নেস্নেল রিসর্চ ফাউন্দেশন এক্ত, 2023 এক্তকী মখাদা) ‘অনুসন্ধন’ কৌবা মশামক্কী ওইবা নেস্নেল রিসর্চ ফাউন্দেশন হৌদোকখি। মসিগী ফাউন্দেশন অসিনা R&D ইকোসীস্তেমবু হেন্না মপাঙ্গল কনখৎহন্নবা অমসুং প্রোমোত তৌনবগী পান্দম থম্লিবা অদুগুম্বা খ্বাইদগী অৱাংবা থাক্কী বোদী অমা ওইনা থবক তৌগনি। FY25গী ইন্তেরিম বজেত্তা, সরকারনা “জয় জৱান, জয় কিসান, জয় বিগ্যান, জয় অনুসন্ধন” হায়রিবা খোল্লাও অসি শিজিন্নদুনা লৈবাক অসিদা রিসর্চ অমসুং ইনোভেশনগীদমক্তা লুপা করোর লাখ 1গী শেনফম অমা লাউথোকখ্রে।

*****