ଆଜି ହେଉଛି ଶ୍ରାବଣର ପ୍ରଥମ ସୋମବାର, ଏହି ପବିତ୍ର ଦିନରେ ଏକ ଏକ ଗୁରୁତ୍ୱପୂର୍ଣ୍ଣ ଅଧିବେଶନ ଆରମ୍ଭ ହେଉଛି ଏବଂ ଏହି ଅବସରରେ ଏହି ପ୍ରଥମ ସୋମବାରରେ ମୁଁ ଦେଶବାସୀଙ୍କୁ ମୋର ଶୁଭେଚ୍ଛା ଜଣାଉଛି ।

ସଂସଦର ମୌସୁମୀ ଅଧିବେଶନ ମଧ୍ୟ ଆଜିଠାରୁ ଆରମ୍ଭ ହେଉଛି । ଦେଶ ବହୁତ ତୀକ୍ଷ୍ମ ଦୃଷ୍ଟି ରଖିଛି ଯେ ଏହି ଅଧିବେଶନ ସକାରାତ୍ମକ ହେଉ । ଗଠନମୂଳକ ହେବା ସହ ଲୋକଙ୍କ ସ୍ୱପ୍ନକୁ ସାକାର କରିବା ଦିଗରେ ଏକ ଦୃଢ଼ ଭିତ୍ତିଭୂମି ସ୍ଥାପନ କରିବା ଭଳି ହେଉ ।

ସାଥୀମାନେ,

ମୁଁ ଏହାକୁ ଭାରତର ଗଣତନ୍ତ୍ରର ଗୌରବମୟ ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ଭାବରେ ଦେଖୁଛି । ବ୍ୟକ୍ତିଗତ ଭାବେ ଏହା ମୋ ପାଇଁ, ଆମ ବନ୍ଧୁମାନଙ୍କ ପାଇଁ ଗର୍ବର ବିଷୟ ଯେ ପ୍ରାୟ ୬୦ ବର୍ଷ ପରେ ଏକ ସରକାର ତୃତୀୟ ଥର ପାଇଁ ଫେରିଛନ୍ତି ଏବଂ ତୃତୀୟ ପାଳିର ପ୍ରଥମ ବଜେଟ୍ ଜିତିବାର ସୌଭାଗ୍ୟ ପାଇଛନ୍ତି, ଦେଶ ଏହାକୁ ଭାରତର ଗଣତନ୍ତ୍ରର ଗୌରବର ଏକ ସମ୍ମାନଜନକ ଘଟଣା ଭାବରେ ଦେଖୁଛି । ଏହା ହେଉଛି ବଜେଟ୍ ଅଧିବେଶନ । ମୁଁ ଦେଶବାସୀଙ୍କୁ ଗ୍ୟାରେଣ୍ଟି ଦେଉଛି, ଧୀରେ ଧୀରେ ଆମେ ସେହି ଗ୍ୟାରେଣ୍ଟିଗୁଡ଼ିକୁ ସ୍ଥଳଭାଗରେ କାର୍ଯ୍ୟକାରୀ କରିବା ଲକ୍ଷ୍ୟ ନେଇ ଆଗକୁ ବଢ଼ୁଛୁ । ଏହି ବଜେଟ୍ ଅମୃତକାଳର ଏକ ଗୁରୁତ୍ୱପୂର୍ଣ୍ଣ ବଜେଟ୍ । ୫ ବର୍ଷ ପାଇଁ ଆମକୁ ଯେଉଁ ସୁଯୋଗ ମିଳିଛି, ଆଜିର ବଜେଟ୍ ସେହି ୫ ବର୍ଷ ପାଇଁ ଆମକାମର ଦିଗ ନିର୍ଦ୍ଧାରଣ କରିବ ଏବଂ ଏହି ବଜେଟ୍ ୨୦୪୭ ସ୍ୱାଧୀନତାର ୧୦୦ବର୍ଷ ପୂର୍ତ୍ତି ଅବସରରେ ବିକଶିତ ଭାରତର ସ୍ୱପ୍ନକୁ ସାକାର କରିବା ପାଇଁ ଏକ ଦୃଢ ଭିତ୍ତିଭୂମି ସହିତ ଆସନ୍ତାକାଲି ବଜେଟ୍ ଦେଶ ସମ୍ମୁଖରେ ଆସିବା । ଏହା ପ୍ରତ୍ୟେକ ଦେଶବାସୀଙ୍କ ପାଇଁ ଗର୍ବର ବିଷୟ ଯେ ବୃହତ ଅର୍ଥନୀତି ଥିବା ଦେଶମାନଙ୍କ ମଧ୍ୟରେ ଭାରତ ଦ୍ରୁତ ଅଭିବୃଦ୍ଧିଶୀଳ ଦେଶ । ଗତ ୩ ବର୍ଷ ମଧ୍ୟରେ ଆମେ କ୍ରମାଗତ ଭାବେ ଶତକଡା ୮ ପ୍ରତିଶତ ଅଭିବୃଦ୍ଧି ସହ ଆଗେଇ ଚାଲିଛି । ଆଜି ଭାରତରେ ସକାରାତ୍ମକ ଦୃଷ୍ଟିକୋଣ, ପୁଞ୍ଜିନିବେଶ ଓ ପ୍ରଦର୍ଶନ ଏହିଭଳି ଭାବରେ ସୁଯୋଗର ଶୀର୍ଷରେ ରହିଛି । ଏହା ନିଜେ ଭାରତର ବିକାଶ ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ।

ସାଥୀମାନେ,

ମୁଁ ଦେଶର ସମସ୍ତ ସାଂସଦଙ୍କର, ଯେ କୌଣସି ଦଳ ହେଉ ନା କାହିଁକି । ମୁଁ ଆଜି ଉତ୍ସାହର ସହ କହିବାକୁ ଚାହୁଁଛି ଯେ ଆମେ ଗତ ଜାନୁଆରୀରେ ମାସରୁ ଆମ ପାଖରେ ଯାହା ସାମର୍ଥ୍ୟ ଥିଲା, ସେହି ସାମର୍ଥ୍ୟକୁ ନେଇ ଯେତେ ଲଢ଼େଇ କରିବାକୁ ପଡିଥିଲା, ତାହା କଲୁ, ଆମେ ଲୋକଙ୍କୁ ଯେଉଁ କଥା କହିବାକୁ ପଡିଥିଲା ତାହା କରିଛୁ । କେହି ବାଟ ଦେଖାଇବାକୁ ଚେଷ୍ଟା କରିଥିଲେ ତ ଆଉ କିଏ ବିଭ୍ରାନ୍ତ କରିବାକୁ ଚେଷ୍ଟା କରିଥିଲେ । କିନ୍ତୁ ଏବେ ଯୁଦ୍ଧ ଶେଷ ହେବା ପରେ ଦେଶବାସୀ ନିଜର ରାୟ ଦେଇଛନ୍ତି । ତେଣୁ ଏବେ ଏହା ସମସ୍ତ ନିର୍ବାଚିତ ସାଂସଦଙ୍କ କର୍ତ୍ତବ୍ୟ, ଏହା ସମସ୍ତ ରାଜନୈତିକ ଦଳର ବିଶେଷ ଦାୟିତ୍ୱ ଯେ ଆମକୁ ଦଳ ପାଇଁ ଯେତିକି ଲଢ଼ିବାକୁ ପଡ଼ିଥିଲା, ଏବେ ଆଗାମୀ ୫ ବର୍ଷ ପାଇଁ ଆମକୁ ଦେଶ ପାଇଁ ଲଢ଼ିବାକୁ ପଡ଼ିବ, ଦେଶ ପାଇଁ ଲଢ଼େଇ କରିବାକୁ ପଡ଼ିବ ଏବଂ ଆଉ ଜଣେ ଭଲ ଲୋକ ହୋଇ ଲଢ଼ିବାକୁ ପଡ଼ିବ । ମୁଁ ସମସ୍ତ ରାଜନୈତିକ ଦଳଙ୍କୁ ମଧ୍ୟ କହିବାକୁ ଚାହୁଁଛି ଯେ ଆସନ୍ତୁ ଆଗାମୀ ସାଢେ ୪ ବର୍ଷ ପାଇଁ ଦଳଠାରୁ ଉପରକୁ ଯାଇ ଏବଂକେବଳ ଦେଶପାଇଁ ସମର୍ପିତ ହୋଇ ସଂସଦର ଏହି ଗୌରବମୟ ମଞ୍ଚକୁ ଆମେ ବ୍ୟବହାର କରିବା ଉଚିତ ।

ଜାନୁଆରୀ ୨୦୨୯, ଯେତେବେଳେ ନିର୍ବାଚନ ବର୍ଷ ହେବ, ଏହା ପରେ ଆପଣ କ୍ଷେତ୍ରକୁ ଯାଆନ୍ତୁ, ଆପଣଙ୍କୁ ଗୃହକୁ ମଧ୍ୟ ବ୍ୟବହାର କରିବାକୁ ପଡିବ, କରନ୍ତୁ । ସେହି ୬ ମାସ ଯେଉ ଖେଳ ଖେଳିବାକୁ ଅଛି, ଖେଳନ୍ତୁ । କିନ୍ତୁ ସେପର୍ଯ୍ୟନ୍ତ ଆମେ କେବଳ ନିଜର ସାମର୍ଥ୍ୟ ପାଇଁ ଏବଂ ସେମାନଙ୍କୁ ସଶକ୍ତ କରିବା ପାଇଁ ଜନଭାଗିଦାରୀର ଏକ ଜନ ଆନ୍ଦୋଳନ ସୃଷ୍ଟି କରି ୨୦୪୭ର ସ୍ୱପ୍ନ କୁ ସାକାର କରିବା ପାଇଁ ଆମେ ଆମର ଶକ୍ତି ଲଗାଇବା ଉଚିତ । ମୁଁ ଆଜି ଅତ୍ୟନ୍ତ ଦୁଃଖର ସହ କହିବାକୁ ଯାଉଛି ୨୦୧୪ ପରେ କିଛି ସାଂସଦ ୫ ବର୍ଷ ପାଇଁ ଆସିଥିଲେ ଏବଂ କିଛି ସାଂସଦଙ୍କୁ ୧୦ ବର୍ଷ ପାଇଁ ସୁଯୋଗ ମିଳିଥିଲା । କିନ୍ତୁ ଏମିତି ଅନେକ ସାଂସଦ ଅଛନ୍ତି ଯେଉଁମାନେ ନିଜ ଅଞ୍ଚଳ ବିଷୟରେ କହିବାର ସୁଯୋଗ ପାଇନଥିଲେ, ନିଜ ବିଚାରବିମର୍ଶ ମାଧ୍ୟମରେ ସଂସଦକୁ ସମୃଦ୍ଧ କରିବାର ସୁଯୋଗ ପାଇ ନ ଥିଲେ, କାରଣ କେତେକ ଦଳର ନକାରାତ୍ମକ ରାଜନୀତି ସେମାନଙ୍କ ରାଜନୈତିକ ବିଫଳତାକୁ ଲୁଚାଇବା ପାଇଁ ଦେଶର ସଂସଦର ଗୁରୁତ୍ୱପୂର୍ଣ୍ଣ ସମୟର ଅପବ୍ୟବହାର କରିଛି ।

ସଂସଦର ସଭ୍ୟ ଓ ସମସ୍ତ ଦଳରେ ଥିବା ସମସ୍ତ ସଦସ୍ୟଙ୍କୁ ସୁଯୋଗ ଦିଅନ୍ତୁ, ସେମାନଙ୍କୁ ଆଲୋଚନାରେ ନିଜ ମତ ରଖିବାର ସୁଯୋଗ ଦିଅନ୍ତୁ, ଅଧିକ ଲୋକଙ୍କୁ ଆଗକୁ ଆସିବାର ସୁଯୋଗ ଦିଅନ୍ତୁ । ଏବଂ ଆପଣ ଦେଖିଥିବେ ଯେ ନୂଆ ସଂସଦ ଗଠନ ପରେ ଯେଉଁ ପ୍ରଥମ ଅଧିବେଶନ ଥିଲା ୧୪୦ କୋଟି ଦେଶବାସୀଙ୍କ ସଂଖ୍ୟା ଗରିଷ୍ଠତା ସହିତ ସରକାରଙ୍କୁ ସେବା ସେବା କରିବାକୁ ବାଧ୍ୟ କରିଥିଲେ । ଦେଶବାସୀମାନେ ତାଙ୍କ ସ୍ୱରକୁ ଦମନ କରିବା ପାଇଁ ଏକ ଅଗଣତାନ୍ତ୍ରିକ ପ୍ରୟାସ କରାଯାଇଥିଲା । ଗଣତାନ୍ତ୍ରିକ ପରମ୍ପରାରେ ଦେଶର ପ୍ରଧାନମନ୍ତ୍ରୀଙ୍କୁ ଅଢ଼େଇ ଘଣ୍ଟା ଧରି ଦମନ କରିବା, ତାଙ୍କ ଗଳା ଚିପିବା, ତାଙ୍କ ସ୍ୱରକୁ ଦମନ କରିବା ପାଇଁ କୌଣସି ସ୍ଥାନ ନାହିଁ । ଆଉ ଏସବୁର ଅନୁତାପ ମଧ୍ୟ ନାହିଁ, ହୃଦୟରେ ଯନ୍ତ୍ରଣା ମଧ୍ୟ ନାହିଁ ।

ମୁଁ ଆଜି ଆଗ୍ରହର ସହ ସହ କହିବାକୁ ଚାହୁଁଛି ଯେ ଦେଶବାସୀ ଆମକୁ ଦଳ ପାଇଁ ନୁହେଁ ବରଂ ଦେଶ ପାଇଁ ଏଠାକୁ ପଠାଇଛନ୍ତି । ଏହି ଗୃହ ଦଳଗୁଡିକ ପାଇଁ ନୁହେଁ, ବରଂ ଗୃହ ପାଇଁ ଅଟେ । ଏହି ଗୃହ କେବଳ ସାଂସଦଙ୍କ ସୀମା ମଧ୍ୟରେ ସୀମିତ ନୁହେଁ, ଏହା ୧୪୦ କୋଟି ଦେଶବାସୀଙ୍କ ସୀମା ମଧ୍ୟରେ ସୀମିତ ରହିଛି । ସଂସଦର ସଦସ୍ୟମାନେ ଆଲୋଚନାକୁ ସମ୍ପୂର୍ଣ୍ଣ ପ୍ରସ୍ତୁତିରେ ସମୃଦ୍ଧ କରିବେ, ଯେତେ ବିପରୀତ ଚିନ୍ତାଧାରା ହେଉ ନା କାହିଁକି, ବିପରୀତ ଚିନ୍ତାଧାରା ଖରାପ ନୁହେଁ, ନକାରାତ୍ମକ ଚିନ୍ତାଧାରା ଖରାପ ନୁହେଁ । ଯେଉଁଠି ଚିନ୍ତାଧାରାର ସୀମା ଶେଷ ହୋଇଯାଇଥାଏ, ଦେଶକୁ ନକାରାତ୍ମକତାର ଆବଶ୍ୟକତା ନାହିଁ, ଦେଶ ଗୋଟିଏ ଆଦର୍ଶ, ପ୍ରଗତିର ବିଚାରଧାରା, ବିକାଶର ବିଚାରଧାରା, ଦେଶକୁ ନୂଆ ଶିଖରକୁ ନେଇ ଯାଉଥିବାର ଆଦର୍ଶ ସହିତ ଆଗକୁ ବଢ଼ିବାକୁ ପଡ଼ିବ । ମୁଁ ଆନ୍ତରିକତାର ସହ ଆଶା କରୁଛି ଯେ ଆମେ  ଗଣତନ୍ତ୍ରର ଏହି ମନ୍ଦିରକୁ ଭାରତର ସାଧାରଣ ଲୋକଙ୍କ ଆକାଂକ୍ଷା ପୂରଣ କରିବା ପାଇଁ ସକାରାତ୍ମକ ଭାବରେ ବ୍ୟବହାର କରିବୁ ।

ବହୁତ-ବହୁତ ଧନ୍ୟବାଦ ସାଥିମାନେ ।

*****

NS/SLP