নেসনেল হেল্থ একাউন্তস(এন ঐচ এ)না পীবগী মতুংইন্না হৌখিবা চহি খরদা অনা-লায়য়েং হেন্না মমল হোংদোক্লে অমসুং ইরাই লাইনা ফংলে হায়না ঙসি ফাইনান্স অমসুং কোর্পোরেত এফেয়ার্সগী য়ুনিয়ন মিনিস্তর শ্রীমতি নিরমালা সিতারমন্না সংসদতা ইকোনোমি সর্ভে ২০২৩-২৪ পুথোকখ্রে।

শেনবা চহি ২০গী খ্বাইদগী নৌবা নেসনেল হেল্থ একাউন্তস(এন ঐচ এ)না পীবগী মতুংইন্না অপুনবা জি.দি.পিদা গভর্নমেন্ত হেল্থ এক্সপেন্দিজর(জি ঐচ ই)গী চাকথুং হেনগৎপা অমসুং তুতেল হেল্থ এক্সপেন্দিচর(তি ঐচ ই)দা জি.ঐচ.ইগী চাকথুং হেনগৎলকপা অদু সর্ভেদা উৎলে।

মখা তানা, চহি খর অসিদা, প্রাইমারি হেল্থ কিয়ার এক্সপেন্দিচর অসি শেনবা চহি ১৫দা জি.ঐচ.ইগী চাদা ৫১.৩ ওইরম্বদগী শেনবদা চহি ২০দা জি.ঐচ.ইগী চাদা ৫৫.৯ দা হেনগৎলকপা অদু সর্ভেদা উৎলে। প্রাইমারি অমসুং সেকেন্দরি কিয়ারগী চাকথুং অসি শেনবা চহি ১৫দা জি.ঐচ.ইগী চাদা ৭৩.২ ওইরম্বদগী শেনবা চহি ২০দা চাদা ৮৫.৫ তা হেনগৎলে। অতোপ্পা অমদা, লনাইগী হকশেলগী চাদিংদা প্রাইমারি অমসুং সেকেন্দিরগী কিয়ারগী চাকথুং অসি চাদা ৮৩.০ দগী চাদা ৭৩.৭ দা হন্থরে, মসিনা অরুবা অনাবশিংগী পোৎলুম হেনগৎলকপা অমসুং প্রাইমারি হেল্থকিয়ারগীদমক সরকারগী হোস্পিতালশিং শীজিন্নবা হেনগৎলকপা অদু সর্ভে অসিদা উৎলে।

হকশেলদা মীয়ামগী য়াইফনবা শেন চাদিং তৌবা হেনগৎলকপা অদু সর্ভে অসিদা উৎতুনা, শেনবা চহি ১৫দা চাদা ৫.৭ ওইরম্বদগী শেনবা চহি ২০দা চাদা ৯.৩ দা হেনগৎলে। শেনবা চহি ১৫ অমসুং শেনবা চহি ২০গী মরক্তা তুতেল হেল্থ এক্সপেন্দিচরগী চাদা ওইনা আউত-ওফ-পোক্কেত এক্সপেন্দিচর(ও ও পি ই)শু হন্থরক্লে।

ফিবম ফগৎলক্লিবা অসিগী মখা তারকপা ওইনা, মরুওইবা হকশেলগী ইন্দিকেতরশিং ফগৎলকপা সর্ভেদা উৎলি, ২০১৩ দা ইনফেন্ত মোর্তালিতি রেত(আই এম আর) ৩৯ ওইরম্বদগী ২০২০ দা ২৮ দা হন্থরে। মেতরনেল মোর্তালিতি রেত( এম এম আর) ২০১৪ দা লাইভ বার্থস লাখ অমদা ১৬৭ ওইরম্বা অদু ২০২০ দা ৯৭ দা হন্থরক্লে।  

লৈবাক অসিদা তুংদা হকশেল অমসুং লায়নাগী মতাংদা ওইরকপা য়াবা লম্বী অনি সর্ভে অসিদা উৎলে। অহানবদা, অফবা চীঞ্জাক চানবা অমসুং পুক্নিং-ৱাখলগী হকশেলগী ফিবম ফনা থম্নবা সর্ভে অসিনা সরকার অমসুং মীয়ামদা পাউতাক পীরে। অনিশুবদা, মীয়ামগী হকশেলগী থবক অসি লৈবাক্কী থবক অমা ওইবনা, জাতি থাক্কী থৌরমশিং খ্বাইদগী থাপ্পা মফমশিং ফাওবা য়ৌহন্নবা রাজ্য অমসুং লোকেল থাক্কী সরকারগী মরুওইবা থৌদাং অদু সর্ভে অসিদা উৎথোক্লি।

***